رواية احببتها في ابتلائي الفصل الثلاثون 30 بقلم هنا مصطفى
رواية احببتها في ابتلائي الجزء الثلاثون
رواية احببتها في ابتلائي البارت الثلاثون
رواية احببتها في ابتلائي الحلقة الثلاثون
بعد مرور سنتين ..
في فيلا عمر الشافعي
ف القاهرة
ف اوضه عمر و فيروز
عمر ب عصبيه : برضو يا فيروز ماسمعتيش الكلام و عملتي اللي ف دماغك !!
فيروز : عمر انا كان لازم اروح ازورهم ف السج`ن هما طلبوا يقابلوني اصلا !!
عمر : و انا جوزك و كنت قايل لا !! عشان خايف عليكي !!
فيروز : و انا مايتخافش عليا يا عمر انت عارف كدا كويس
عمر : لا كان ممكن يحصلك حاجه ليه بتكسري كلامي !!
فيروز حاولت تهديه هيا فعلا غلطانه بس دا كان لازم يحصل بس تصرفها طبعا غلط ، قعدت جمبه و همست بحب : خلاص بقى يا عموري ماتزعلش هسمع كلامك بعد كدا و مش هاعمل حاجه تاني تضايقك .
عمر كان لسه متعصب و دا حقه قام وقف خرج البلكونه
فيروز خدت الطرحه حطتها على شعرها و خرجت وراه : خلاص بقى يا عمر انا اسفة والله مش قاصدي اضايقك
عمر بضيق : سيبيني لوحدي طيب شوية
فيروز حطت ايدها على كتفه و قالت ب مرح : علفكرا بقا انت قلبك قاسي اوي اوي و انت مش بتحس كدا و كدا 😂
انتظرت انه يضحك بس ماضحكش
عمر : اخرجي يا فيروز !!
فيروز مشيت و هي بتبرطم : طيب انت غلطانه اصلااا !!
عمر اول اما فيروز خرجت ضحك ب شدة و قال : مجنونة و على نياتك ، بس لازملك قرصة ودن علشان تاخدي بالك
فيروز كانت عماله تفكر ازاي تصالحه لحد ما جالها فكرة مجنونة زيها قامت و نزلت المطبخ جابت قوالب تلج و طلعت اوضتها و بصت لقت عمر لسه ف البلكونه و ف لحظه حطت التلج ف ضهرة و طلعت تجري
عمر طلع يجري وراها : و ديني لأوريكي يا فيروز !!
فيروز : الجري نص الجدعنه و ف الحالات اللي زيي دي بيبقى الجدعنه كلهاااا 😂😂😂
عمر : هتروحي مني فين يعني ما مسيري همسكك😂
فيروز : انت اللي مارضتش تصالحني !! 😂
عمر :تقومي جايبة تلج و حطاه ف ضهري !!😂
عمر وصل ل فيروز و مسكها من قفاها و لفها ليه : ايه بقاااا 😂
فيروز حست ب دوار شديد بس مسكت نفسها و طنشته و ضحكت بتوتر : ههه مالك يا باشا ف اييه 😂
عمر : دانا هانفخك 😂
فيروز : اخر مرة والله طب اعتبرني مراتك طيب 😂
عمر : لااا ، ماعنديش الكلام دا 😂
و شالها و طلع بيها الجنينة وسط صراخ فيروز : سيبني يا عمر يا عم حقك عليا نزلني طيييب والله ما هاعمل حاااجة تاني !!
عمر: ليه قلبتي قطة سيامي كدا ، مش انا قلبي قاسي اوي اوي 😂
فيروز كملت كلامه : و مش بتحس كدا و كدا 😂😂
عمر استحلفلها : طيييب 😂
و حدفها ف البسين
عمر : عقابك هااا 😂
فيروز : طب هات ايدك و شدني
عمر ب غلاسه : لا
فيروز : مش عارفه اطلع ، يرضيك مراتك حبيبتك تفضل منقوعه كدا
عمر : خلاص هشدك
عمر مد ل فيروز ايده قامت فيروز شدته و وقع معاها ف البسين
عمر : اه يا خبيثههه 😂
فيروز : عيب عليك 😂
ف الوقت دا وصل فارس مع ريم و ابنهم
فارس شافهم ف البسين : لا إله الا الله مجانين اقول ايه 😂
ريم : اطلعوا يا مجانين 😂
عمر طلع و شد فيروز
فيروز و هي مليانه مايه :كانت خناقه بقى و انتقمت 😂😂
بعد فترة وصلوا مريم و قاسم و بنتهم
مريم : اهلا عاملين ايه
و سلموا على بعض
فارس : ماشفتوش انتو لما كانوا بيتخانقوا ف البسين 😂
قاسم : لا دا العادي بتاعهم ماشفتش انت لما فيروز كانت بتعالج عمر
فارس : خناقة السيراميك كانت اجمد ، اسود ولا رمادي و ف الآخر عملوه ابيض ف اسود و انا قولتلهم يعملوه بمبي مسخسخ بس ماسمعوش كلامي ماعرفش ليه😂😂
عمر و هو عامل فيها الحمل الوديع : فيروز السبب اصلا
فيروز رفعت حواجبها: والله 😂
عمر : ايواا اومال ايه
و ضحكوا كلهم
و وصل بعدها علا و الينور و كارم و رهف و حازم مع ابنهم و ياسر مع نيرة اللي كانت حامل ف ال سادس
و قعدوا مع بعض و اتغدوا و بعدها
فيروز كانت بتشيل الأطباق مع رهف و نيرة و مريم و ريم بس حست بدوار اكتر و سندت على الرخامه و لحظتها علا و الينور
علا : مالك يا فيروز
فيروز : مش عارفه يا ماما تعبانه كدا مش فاهمه ف ايه
الينور : لاتكوني حامل !
مريم : ممكن ، عشان الأعراض دي حصلتلي و انا حامل ف أمير
فيروز ب حيرة : مش عارفه
رهف : خلاص تروحي على المعمل تعملي تحاليل و تشوفي
علا : دلوقتي
فيروز : ازاي !
الينور : هانقولهم إننا رايحين نجيب حاجه رهف عاوزاها و نطلع نحللك
فيروز : بس عمر لسه مطين عيشتي عشان خبيت عليه موضوع هند و نشوى
علا : عشان ما تعشمهوش و يزعل
فيروز اتنهدت : طيب
علا و الينور و رهف خرجوا مع فيروز و راحت حللت و رجعت تاني و هيا كلها قلق
بعد فترة النتيجه طلعت و راحت تجيبها و فتحت التحليل و لقته ايجابي كانت طايرة من الفرحه و عرفت مامتها و الينور و عدت على محل بيبيع هدوم بيبي و جابت سيلوبيت و شوز بيبي لونهم ابيض و حطتهم مع التحليل ف بوكس و راحت على الفيلا
فيروز فتحت باب الفيلا و ندهت : يا عموري أنت فين ؟؟
عمر كام قاعد قدام اللاب : تعالي يا فيروزتي انا هِنا
فيروز دخلت قعدت جمبه و قالت : جيبالك هدية
عمر استغرب و قلع النضارة و حط اللاب على الترابيزة: هدية ايه ؟؟
فيروز ب مرح : افتح و انت تشوف
عمر ابتسم و فتح و مسك السيلوبيت و الشوز و هو مبرق و ببيبصلها و هي بتدمع و بيقول : دا بجد !! ، و فتح التحليل و ضحك جدا و قال : بجد انتي حامل !! مبروك يا حبيبتي مبروك
فيروز : الله يبارك فيك
عمر ضحك اكتر : ان شاء الله حياة يا ام حياة 😂😂
فيروز ضحكت : يارب تبقى ابو حياة😂
…………
بعد مرور شهرين
الساعة ٤ الفجر
فيروز صحيت من النوم و هيا بتصحي عمر : عمر يا عمر
عمر بنعاس : ايه يا فيروز ف ايه
فيروز : شامه ريحة بطيخ و نفسي فيه
عمر اتعدل و هو بيضحك : نعم ياختي بطيخ ايه ، اجيبه منين احنا ف الشتا !
فيروز بببكاء لان هرمونات الحمل طافحه عليها : يرضيك حياة يطلعلها بطيخه ف وشها !!
عمر باس راسها : لا طبعا مايرضينيش ، بس احنا ف الشتا هجيبه منين !!
فيروز : اتصرف يا عمر بنتك هيا اللي عاوزاه و قرفاني انا !!!
عمر : هنزل اشوفلك يا آخرة صبري ، استغفر الله العظيم يارب😂
فيروز وقفته : هو انت حاطط بطيخ ف جيبك !
عمر : ازاي يعني اكيد لا
فيروز : ريحتك بطيخ اوي
عمر جز على سنانه : استهدي بالله و نامي يا فيروز عقبال ما شوف بقا هجيب البطيخ دا منين !!
عمر كلم والده: بابا
كارم : نعم
عمر : تعرف اجيب منين بطيخ
كارم : بطيخ ايه يابني ف الشتا و الساعه ٤ الفجر !
عمر : فيروز بتتوحم على بطيخ
كارم ضحك : فكرتني لما امك كانت بتتوحم فيك على مانجا المهم ممكن تشوف بطيخ معلب ف السوبر ماركت
عمر : دلوقتي !!
الينور : اومال عاوز البنت يطلع لها بطيخة ف وشها !!
عمر : نفس كلام فيروز
و قفل مع كارم
و طلع يجيب المحفظه لقى فيروز نامت اتنهد و قال : خلاص بقى ابقى اجيب البطيخ الصبح عشان مافيش حد فاتح دلوقتي اصلا
و ضحك : مجنونة والله ربنا يستر على البت
_____________
بعد مرور سبع شهور
كانوا قاعدين كلهم مع بعض فجأه فيروز بدأت تصوت : اه الحقوني بولد !!!
عمر : ايه لسه فاضل اسبوعين !!
فيروز صوتت ب الم : يا عمر بقولك بووولد !! أنجز بقا بم.وت !!!
علا : يلا يا عمر خدها على المستشفى
عمر خد فيروز اللي كانت عماله تصوت و هي ب تعض ف ايده : اه مش قااادرة .. !!
عمر اتوتر من صويتها و كان خايف عليها : اهدي قربنا نوصل .. اهدي يا فيروز .
وصلوا المستشفى اللي هيا شغاله فيها و خدوها و دخلت العمليات وسط صراختها
عمر قعد و حط وشه بين ايده و هو بيدعيلهم يقوموا بالسلامه .
الينور : ماتخافش خير يا عمر
عمر : ان شاء الله
بعد وقت سمعوا صوت بيبي بيعيط و عمر ابتسم و خرجت الممرضه : مبروك بنوتة زي القمر ما شاء الله
عمر : الحمدالله طب مراتي ، كويسه ؟؟
الممرضه : دكتورة فيروز زي الفل الحمدالله
عمر شال بنته و هو بيأذن ف ودنها و خلص و قال ب ابتسامه : حياة عمر كارم الشافعي
و دخل ل فيروز الأوضة بعد ما فاقت
عمر : حمدالله على السلامه يا فيروزتي
فيروز ب تعب : الله يسلمك يا حبيبي
فيروز : خليني اشوفها
عمر أداها حياة و فيروز قالت : حياة جاتلك اهيه يا ابو حياة ، كنت من و إحنا مخطوبين و بتقولي يا ام حياة 😂
عمر : احلى فيروز و حياة
كارم : بقيتي جدة للمرة التانيه يا الينور و عجزتي😂
الينور : بس يا كارم انا لسه شباب !!😂
و كلهم باركولهم
ريم : انا اللي هربي البت حياة دي حبيبت خالتها
مريم : لا أنا
نيرة : لا انا ، انا عمتها
رهف : انا عمتها و اكبر منك لازم انا اللي اربيها
عمر : باااااس ، انا و فيروز اللي هنربيها اهمدوا بقااا😂😂
و كلهم ضحكوا
بعد اربع سنين
فيروز كانت قاعدة بتلاعب حياة و لقت عمر داخل عليهم
فيروز : روحي يا حياة العبي يا حبيبتي
فيروز بصت ل عمر : مالك في ايه؟؟
عمر : سيرين و فريدة ما.توا ف السج.ن فريدة قت.لت سيرين بعد ما اتخانقوا و بعدها انتحر.ت
فيروز : لا حول ولا قوة الا بالله ربنا يسامحهم بقا ، طب و صبا راحت فين ؟؟
عمر : سافرت و مانعرفش حاجه عنها .
فيروز اتنهدت : ماتزعلش يا عمر عارف برضو ريم قالتلي انه مامتها و باباها اخيرا رجعوا من السفر و راضوها
عمر : أنا مش زعلان خالص اصلا ، طب كويس ربنا يهديهم
و نده على حياة : يا حياة يا يا يويو
حياة حضنته : بابي
عمر : حبيبتي
حياة : بابي هو انت ليه سامتني حياة
عمر بص ل فيروز و قال : عشان مامي هي اللي خليتني احس ان فيه حياة حلوة في حاجه الواحد يستحق انه يعافر عشانها عشان ب اختصار مامي هي اللي رجعتني تاني للحياة ، ف من ساعتها و انا قررت بنتنا نسميها حياة بس ياستي
حياة حضنت عمر و فيروز مسكت ايدة و بعدها ب شوية العيله اتجمعت ف يوم عائلي و بعدها اخدوا سيلفي بمناسبة إتمام جواز عمر و فيروز ست سنين
كان عمر ماسك الموبيل و جمبه فيروز شايله حياة و جمبهم مريم و قاسم و ابنهم و جمبهم نيرة و ياسر مع بنتهم و رهف و حازم مع ابنهم و أمنية مع معتصم و بنتهم و ابنهم مع دكتور معتز و فارس و ريم مع ابنهم و علا و ساندرا و اخيرا الينور و كارم اللي علاقتهم مثال للحب الصادق اللي مش بيخلص او يقل مع مرور الزمن ، لأ دا يزيد اكتر و اكتر
في الصورة دي مايفرقش مين ابن مين او مين صاحب الحسب و النسب ، مين معاه فلوس و مين لا ، اللي جمعهم كلهم الحب و الترابط و الالفه اللي بينهم لانهم كلهم ف الاخر بشر و كلهم سواسيه ♡♡ .
بعد ما خدوا الصورة عمر بص ل فيروز بحب : بحبك يا فيروزتي اوي شكرا انك كنتي دايما معايا ف عز احتياجي و شدتى ليكي
فيروز : و انا كمان بحبك يا عموري ، ربنا يخليك ليا يا عوضي عن كل حاجه حصلتلي في حياتى
عمر : و يخليكي ليا يا حبيبتي
__________
” كَيف لا أحُبك ، و أنتَ اللذي جِئت مُختلفًا عن بَقية البشر ، سَتظل دائمًا سرًا بين قلبي و الورق ، يقرءونك سطرًا واحداً ، و انت في قلبي روايةً لا تنتهي ، أنتَ لست صديقًا و لا حبيبًا ، لكِنك بالنسبة لي حياة ♡ . ”
• By : Hana Mostafa ✨️.
و الي هُنا تنتهي روايتي ، رواية : [ أحببتُها في ابتلائي ] 🌸🕊.
تم بحمدالله كتابة روايتي : [ أحببتُها في ابتلائي ] .
لقراءة الرواية كاملة اضغط على : (رواية احببتها في ابتلائي)
