رواية ايسل الفصل الثالث 3 بقلم شيماء ناصر
رواية ايسل الجزء الثالث
رواية ايسل البارت الثالث
رواية ايسل الحلقة الثالثة
نزلت علي السلم بنت في منتهى الجمال بشعر مموج وبشره صافيه بيضاء وعيون عسلي ترتدي ملابس علي الموضة و تحمل طفل رضيع في يديها وتنده علي الخدم
=اي زفتة تسيب الي في اديها وتيجي
نعم يامدام نور
=خدية سكتيه عشان اتخنقت
حاضر بس ده شكله جعان رضعيه
نور باشمئزاز: نعم!!!
ارضعه لي ان شاءلله عاوزه جسمي يبوظ خدي اعمليله الرضعه بتاعته ولا اسمها اي دي بعيد عني
حاضر….. حملته بين يديها وذهبت بيه الي المطبخ
#بقلم_شيماء_ناصر
نور: هوووف واخيرا خلصت من الصداع مش عارفه اي البلوه دي
الحجه سماح واقفه وبتتفرج من بعيد علي الي بيحصل قربت منها ووقفتها قبل ما تخرج من الفلة
=علي فين ان شاءلله ومتشيكه كده لي؟
نور:معزومه عند صحابي
سماح بحده: وهما صحابك اهم من ابنك
نور بجدية: طبعاً مهمين دول البست فرند بتوعي مقدرش استغنا عنهم
سماح: ومش عاوزه ترضعي ابنك لي زي الحريم ما بتعمل
نور بتافف: ارضع اي وبتاع اي احنا دلوقتي في ٢٠٢٤ الدنيا اتطورت بق في لبن معلب للاطفال وبق في داده لكن ارضع واحمي واغيرله هدومه سوري يعني انا بقرف ومش عاوزه اعمل ده وعن اذنك ياماما عشان متاخرش باي….
سماح بعصبية: استني عندك انا مخلصتش كلامي اتعلمي لما ابق اخلص كلامي واقولك تروحي ابقي روحي
نور بابتسامه مزيفه: خير ياحماتي اي تاني
سماح: ابنك ترضعيه زيك زي اي واحده بتعمل كده دي مسؤليتك
نور: انا هجبله داده
سماح: والداده الي هتجبيها دي مش هتديله حنية الام يافهمانه
نور وهي تحاول ان تتمالك اعصابها:حماتي الداده هتخلي بالها منه وتاكله وتحمية انا معرفش اعمل كل ده وبقرف منه
سماح: اتعلمي هو كده اول عيل الست بتتعلم فيه لحد ما تبق ام ولما ياسنيوره مش قد المسؤلية جبتي عيل لي ولا انتي جيباه علشان ترميه
نور: مش انتوا عاوزين عيل عاوزين حفيد اهو جبتلكو حفيد خدوه انتو واهتمو بيه بق وعن اذنك عشان بجد اتاخرت….. ومشيت
سماح: لما نشوف كلام مين الي هيمشي في البيت ده يابنت الدمنهوري
نزلت فرح علي السلم وهي بتصرخ وبتنده علي سماح: مااأماااا ماااامااااا
سماح بخضة: في اي مالك!!!
فرح وهي بتحضن سماح وبتلف بيها: انا نجحت
سماح بابتسامة: الف مبروك ياحبيبتي
فرح: هروح اتصل علي بابا واقوله
سماح: استنا لما يجي
فرح: لا هقوله دلوقتي….
جت منة: مدام
سماح: اي
منة:انا مش عارفه اسكته وعملتله الببرونه ومش عايزها
سماح: هاتيه وروحي علي شغلك
خدته سماح وحاولت تهدي فيه
=اي القمر الي في حضن تيته ده اي رايك نقعد في الجنينه انا وانت لا ياروحي متعيطش
سماح قعدة بي عاصم في الجنينة وبترن علي ابنها
في احدي فروع شركات الجارحي
=ظبطي المواعيد وشوفي شغلك وده اخر تحذير ليك
-حاضر يافندم وبعتذر مره تانيه عن اذنك
=اتفضلي
مسك تلفونه عشان يرد علي مكالمة ولدته=الووو
سماح:عامل اي ياحبيبي
اسد: الحمدلله ياماما اي الدوشه الي عندك دي مين بيعيط كده
سماح: ده عاصم مش عاوز يهدا
اسد: وهي فين نور
سماح: والله يابني كل الي اعرفه انها معزومه بره وسابت عاصم ومشيت الولد جعان والهانم مش حابه ترضعه
اسد:طيب انا هشوفها كده وهخليها ترجع البيت سلام
سماح: سلام…. الحق ياعاصم القطه خلاص ياحبيبي بطل تعيط هوووش عيونك تعبو من العياط… ياااجنة
جنة: نعم ياهانم
سماح: فين الببرونه
جنة: حاضر ثواني هجبها
راحت بسرعه علي المطبخ وجت=اهي
سماح خدتها وبتحاول تخلي عاصم ياكل ويبطل عياط=مفيش حاجه نافعه جنة اطلعي هاتي اي لعب من اوضته
جنة: حاضر
سماح قامت تتمشي شويه بيه: ياروحي انت…. شوفت عايز تنام ازاي… وبتطبطب عليه وفضلت راحه جايه في الجنينه وهو نام في حضنها
جنة: في لعب كتير معرفتش اجيب اي واحده منهم ف جبت الشخشيخه دي
سماح بعصبية وصوت واطي: يالهوي خلاص هو بينام امشي انا ما صدقت
جنة: اسفه…. ومشيت
نور بقت بتتجاهل مكالمات اسد وكانها مش شيفاها
يارا: عرفين يابنات دي احلي شنطه وشوز انا جبتهم من برند بجد هتعجبكو
سحر:كفايه شنط انا عندي كمية شنط ممكن افتح بيها مول
حور: بنات احنا مش هنا عشان نتكلم علي الشنط ركزو معايا شويه في مفجاء
نور سابت كاسة العصير وبصتلها: اي هي
حور بفرحه: انا ويوسف هنتخطب بعد اسبووووع
سحر: مبروك ياروحي
يارا بحب وحضنت حور: مبروك ياقلبي
نور: مبروك ياحور عن اذنكو شويه يبنات…
راحت ترن علي اسد.. هاي حبيبي
اسد بعصبية: انتي فيننن؟
نور: بيبي انا مع صحابي
اسد بحده وصوت عالي:وبطنشي مكالماتي لي؟ ارجعي البيت دلوقتي فاهمه وشوفي ابنك عشان بيعيط
نور باستغراب: وهي لحقت تقولك
اسد: لمي نفسك انتي فاهمه واعرفي بتتكلمي عن مين وحسابنا في البيت سلام
نور: بنات سوري بجد بس لزم امشي ضروري هبق اكلمكو باي
حور: اوك باي
دخلت احدي الغرف وهي تحمل في يديها كاسة ماء مثلج…. وقفت قدام السرير ودلقت الماية فاقت بنت من الخضة وجسمها بيرتجف من الماية بنت في بداية العشرينات من عمرها يبدو عليها التعب والارهاق
بفزعه=ااععع اي اي في اي!!!
نرمين:ناوية تنامي لحد العصر ولا اي ياهانم
قعدت علي السرير تاخد نفسها وتبعد مكعبات التلج عنها =لا انا صحيت اهوو
نرمين: فزي قومي عشان وراكي شغل وجاي ضيوف بليل
قامت وقفت قدامها: حاضر يامرات ابويا
نرمين قالت وهي تتجه للخارج: بنات اخر زمن
ايسل دخلت غسلت وشها وبدلت هدومها وخرجت للصالون
نرمين قاعده بتتكلم في التلفون وبتضحك بصوت مرتفع ايسل وقفت قدامها
ايسل: ممكن اسالك علي حاجه يامرات ابويا
نرمين اتجاهلتها واكملت حديث في الهاتف
ايسل بتفرك في اديها بتوتر:انا عارفه ان عمار هيكون من ضمن الضيوف ممكن م متخليش عمار يجي هنا تاني
نرمين انتبهت لكلمها ونهت المكالمه بسرعه وبزعيق: وانتي مالك
ايسل بتوتر: اصل ااا عمار شخص مش كويس و وهو ضايقني قبل كده وا واتح رش بيا وانا حولت اقول لي بابا وو قبل ما تكمل نزل قلم علي وشها
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ايسل)
