رواية امبراطورية ميم الفصل الأول 1 بقلم إيمان صالح
رواية امبراطورية ميم الجزء الأول
رواية امبراطورية ميم البارت الأول
رواية امبراطورية ميم الحلقة الأولى
كانت قاعده على المكتب وماسكه ورق في أيدها وبتتكلم بهدوء أو بتبين انها هادئة
_ بقول لحضرتك الورق ده مرفوض المدير بنفسه رافضه
اتكلم بغيظ _ وانا بقولك عايز اقابل المدير الورق ده لازم الشركه توافق عليه احنا شركتنا هتقف انتي ليه مش اد المسؤولية
_ وانا بقولك انا عرضت الورق على المدير وانت مش مصدق دي مشكلتك مش مشكلتي !
_ يا استاذه الكلام ده مينفعش اديني فرصه ادخله
هزت راسها بنفي _ وانا قولتلك لا انت بتفهم منين ؟
اتكلم بعصبيه _ وانا هدخل ومش هيهمني حد
” حاول يدخل وهي اتعصبت ومنعته وفجاه الباب اتفتح وطلع منه شاب واقف بثبات وسألها
_ فيه ايه يا مريم وايه الدوشه دي كلها
_ الاستاذ يا مستر أحمد بقوله ورقك مرفوض زي ما حضرتك قولتلي هو مش مصدق وعايز يدخل بالعافيه
” بصلها بغيظ وبعدها اتكلم
_ والله يا مستر احمد الورق ده مهم جدا لشركتنا وشركتك كمان اديني فرصه بس افهمك
مستر احمد بصله بهدوء وقال _ وانا يا انت اسمك ايه
رد عليه وقال _ يحي اسمي يحي يا مستر أحمد
رد عليه احمد وقاله _ انا يا يحي رفضت الورق ده الشركه بتاعتكم معندهاش نظام ف احنا مستحيل يكون في شراكه بينا وكمان المشروع ده مش مفيد لينا ف اسف مينفعش
” كان بيتكلم ببرود ف يحي رد بسرعه
_ لا والله يا مستر أحمد مين قالك الموضوع ده احنا عندنا نظام
رد عليه احمد وقاله _ لو عندكم نظام مش هيكون فيه طريقتك دي لو كنت عايز توصلي يبقى توصل بهدوء وتفاهم بس واضح عليك انك لسه متعين جديد
يحي بصله وقاله _ انا اسف من طريقتي بس انا بقنع الاستاذه من بدري وهي مش مقتنعه اسمع مني بس وبعدها قرر
احمد بصله وقاله _ خلاص تعالى ورايا المكتب ووقتها اسمع منك
” دخل المكتب وراه وهي قعدت بملل لما هو هيسمعه ليه قالي ارفضي أو أنه رفض كان يقولي خليه يدخل ،بعد مده خرج يحي وهو على وشه ابتسامه انتصار وبصلها وقالها
_ بعد كده لما اقولك حاجه تصدقيني خلاص الشغل بقى بينا وهشوفك كتير سلام يا قطه
” كان بيضحك باستفزاز ايه المستفز ده ،دخلت المكتب عند مستر احمد بصتله وقولتله
_يا مستر أحمد طالما هتقبل عرضه من البدايه كنت خليته يدخل عندك
_ فيه حاجات يا مريم في الشغل مش هتعرفيها دلوقتي كل حاجه في وقتها
_ بس انا عايزه اعرف يا مستر احمد انت مش كلمتين منه هتقتنع بسهوله كده انت اكيد كان عجبك المشروع عشان كده قابلته
بصلي وابتسم بهدوء _ احلى حاجه فيكي يا مريم انك ذكيه وانا بحب الناس الاذكية دي
ابتسمت بهدوء _ مش اوي يا مستر احمد المهم يعني انت برضوا عملت كده ليه
خد نفس عميق واتكلم _ ببساطه المشروع عجبني وانا بعد ما سألت عرفت أن يحي هو صاحب فكرة المشروع ده وواضح اوي أنه إنسان مجتهد وكويس بس انا كنت عايز اعرف هو هيقدر يوصلي ويحارب عشان هدفه ولا هيستسلم بسهوله فهمتي
ابتسمت بإعجاب حقيقي دايما بكون مبهوره بيه وبأفكاره بصتله وقولتله
_ وبتقول عليا ذكية امال حضرتك ايه حضرتك ماشاء الله اللهم بارك شعلة ذكاء
ضحك وقالي _ كل يوم الحياه هتعلمك حاجه يا مريم يلا شوفي شغلك بقى
_ ماشي يا مستر تحب اجيب لحضرتك القهوه
_ لا خدي الورق ده خلصيه انا طلبت قهوتي وشوية وجايه يلا شوفي قولتلك ايه
” اتحركت ل برا وقعدت على المكتب وخلصت شغلي حقيقي انا من وقت التخرج من تلات سنين وانا شغاله هنا مشوفتش زي مستر أحمد وتعامله معانا هو اها احيانا بيكون عصبي شوية بس هو كويس جدا وبستفاد منه كتير
“كنت خارجه برا الشركه ولقيت يحي وقف قدامي حاولت اتحرك بس هو وقف بصتله بدهشه
_ نعم خير حضرتك
هز راسه_ لا عشان كنت خارج من الشركه فلقيتك ماشيه لوحدك تحبي اوصلك ؟
_ لا شكرا انا همشي لوحدي
_ طيب هو انا ممكن اتعرف عليكي
بصتله بذهول _ نعم تتعرف عليا ازاي يعني
_ بصراحه كده رغم انك عصبتيني بس عجبني ثباتك الانفعالي ف ممكن اتعرف عليكي ونتعامل ك اصدقاء
بصتله باستنكار _ انا جوا الشركه اتكلمت معاك بحكم شغلي بس سوري مش بصاحب حد سلام
” مشيت وهو وقف مكانه عبيط ده ولا ايه ،وصلت البيت وفتحت الشقه
_ ماما انا جييييييت
_ تعالي يا مريم
” دخلت عندها لقيتها واقفه في المطبخ
_ بتعملي ايه يا ماما
_ بعمل محشي تعالي اعملي معايا
_ طيب يا ماما هدخل انام لما تخلصي صحيني عشان جعانه
” مشيت وهي رمت الشبشب عليا
_ طول عمرك كده خليكي مش هتنفعي ابدا
بصتلها وضحكت _ شكرا يا امومه
” دخلت اوضتي غيرت هدومي ونمت بعد فتره لقيت حد بيخبط على دماغي
_ ابله مريم ابله مريم يلا قومي عشان ناكل ماما حضرتك الاكل
#ايمان_صالح
” فتحت عيوني كانت مها اختي الصغيره بصتلها وبصيت في للموبايل
_ يالهوي مصلتش المغرب
” قومت بسرعه اتوضيت وصليت وبعدها قعدت على السفره معاهم ،منى اختي اتكلمت
_ اخيرا الهانم صحيت هو انتي اول ما تيجي من الشغل تنامي
بصتلها وقولتلها _ خليكي في حالك احسنلك
_ هتعملي ايه بقى يعني انا اللي عندي امتحانات واقفه مع ماما طول اليوم وانتي جايه تنامي
رديت عليها ببرود_ امتحانات ايه يا ام امتحانات بكره تخلصي الجامعه وتتنفخي زي انا واقفه على رجلي طول النهار وبعدين سيبنالك العمايل يا اختي
ردت عليا بغيظ _ هو خدوهم بالصوت ولا ايه يستي مريم
_ بقولك ايه عايزه اكل ينفع
ردت ماما وقالت _ ما خلاص يا مريم انتي ومنى وبعدين اختك جايه من الشغل تعبانه نامت شوية وانتي كلي ونامي مقولتلكيش اعملي معايا
منى بصتلها بزعل _ هو ده اللي ربنا قدرك عليه يا ماما يعني انا عايزه اساعدك وهي كمان وانتي تقولي كده
_ يا بنتي بتقول ايه والله اليوم بالنسبالي كان طويل وانتي شكراً انك ساعدتي ماما بعد ما تخلصي ادخلي نامي انا بجد مش حمل مناهده وفرهده يا منى
ردت بنرفزه _ خلاص انا غلطانه
بصتلها وضحكت _ انتي ستين غلطانه بلاش نكد واسكتي بقى
” خلصنا اكل وشلت الاطباق ودخلتها المطبخ شطبت المطبخ وعملت عصير وطلعت قعدنا مع بعض عطيت ل منى و ماما ومها بصتلي
_ وانا فين العصير بتاعي يا ابله مريم
_ احلى كوباية عصير ل احلى مها روح قلبي
” بوستها وضحكت وخدت كوباية العصير ،الحقيقه اخواتي في حته تانيه خالص بالنسبالي ،منى في اخر سنه في الجامعه و مها في رابعه ابتدائي زي ما بيقوله كده جت غلطه بس كانت احلى غلطه واحنا معانا نونو في وسطنا وبعدها بابا اتوفى يعتبر مها اختي دي بنتنا لان جنب المذاكره كنا بنشيلها وماما كانت بتنزل شغل وبعد ما اتخرجت من الجامعه نزلت اشتغل عشان اساعد ماما
” قعدنا مع بعض شوية وبعدها دخلت انام قومت الصبح على صوت رسائل الواتس اب كان مستر أحمد
_ متنسيش يا مريم الورق بتاع امبارح تجيبيه وانتي جايه
رديت وقولتله _ حاضر يا مستر أحمد
” لبست بسرعه وخدت الورق وطلعت
_ ماما انا ماشيه على الشغل
_ خلي بالك من نفسك يا مريم
_ حاضر يا ماما
#ايمان_صالح
” جيت اطلع من الباب لقيت مها قربت مني
_ ابله مريم عايزه شيكولاته وانتي جايه
_ طيب ما تاخدي تجيبي انتي عشان لو نسيت
_ لا انتي هاتي اللي جبتيها قبل كده
” هزيت راسي وطلعت فلوس
_ خدي هاتي حاجه وانا جايه إن شاء الله تبقى اجبلك
” روحت الشغل واول حاجه دخلت عند مستر أحمد
_ مستر أحمد الورق أهو
” خلصت كلامي ولقيت يحي واقف بصلي بجمود فقربت من مستر أحمد فقالي
_ اديه ل استاذ يحي عشان مستني من بدري
” يحي خد الورق وبص فيه وبعدها وجه كلامه ل مستر أحمد
_ شكرا يا مستر أحمد وإن شاء الله نكون عند حسن ظنك
بصله وابتسم _. وانا متأكد من ده يا يحي اتفضل
” خد الورق وخرج وانا بصيت ل مستر أحمد
_ حضرتك هتحتاج حاجه مني
_ لا يا مريم روحي على مكتبك
” هزيت راسي وخرجت وروحت عند المكتب لقيت يحي واقف بص في الورق وبصلي
_ شغلك حلو عجبني
_ ميرسي اوي
” قعدت على المكتب وهو بصلي
_ انتي بتشتغلي هنا من امتى ؟
_ وده يفرق معاك في حاجه ؟
_ عادي شغلك عجباني فتحسي انك مش لسه مبتدئه يعني
كنت بطلع ورق من المكتب وبعدها قولتله_ لا مش مبتدئه فيه حاجه تاني
ابتسم بهدوء_ لا مفيش
اتكلمت بجديه وانا بشاور بإيدي _ طيب روح شوف شغلك بقى
ابتسم وقرب مني وقال _ انتي دايما كده مستعجله
_ افندم فيه حاجه
مسك القلم اللي على المكتب وابتسم وقال _ يعني مش بتدي فرصه لحد
بصتله بجديه وقولتله _ حضرتك مفيش شغل بينا يبقى مفيش كلام ممكن تتفضل
_ يا ساتر يارب وانتي شبه مديرين المدرسة كده !
” طلع وانا مردتش عليه وبدأت اشوف شغلي واكمله اليوم خلص ودخلت سوبر ماركت جبت منه الشيكولاته بتاعت مها اللي عايزاها وكنت طالعه من السوبر ماركت لقيت يحي واقف بعدت وكنت ماشيه لقيته وقف قدامي وقال
_ حلوه الشيكولاته دي بتحبيها
نفخت بضيق ورفعت ايدي بتحذير _ بص انا جبت اخري منك لو لقيتك واقف قدامي تاني هتزعل تمام ؟ إن شاء الله يكون تمام
Eman saleh
” مشيت وانا متضايقه بني ادم سمج بجد ،روحت البيت ومها قابلتني
_ جبتيلي الشيكولاته يا ابله
_ اهي يا روح قلبي
ابتسمت بفرحه وباستني _ شكراً يا ابله بجد
حطيت ايدي على راسها وطبطبت عليها _ ولا يهمك يا حبيبتي روحي بقى شوفي هتعملي ايه
” دخلت الاوضه بتعب كالعاده وبعدها لقيت منى دخلت الاوضه
_ الاكل جاهز غيري هدومك بسرعه وتعالي
_ ماشي استني لما اغير وبعدها اجهز معاكي السفره
_ لا انا هجهزها
رديت وانا بضحك _ عشان متشتكيش بعد كده
_ لا مش هشتكي ما انتي هتشيلي الاكل بعد ما نخلص
” هي طلعت وانا ضحكت وبدلت هدومي وبعدها خرجت برا وقعدنا ناكل وخلصنا وشلت الاكل وبعدها منى عملت عصير وطلعت ،بصتلها وضحكت
_ منى عملت العصير ده ايه الهنا ده كله فيه ايه يا منى
ضحكت بهدوء وقالت _ اخص عليكي ايه يعني ما انا بعمل عصير دايما
رديت بهدوء_ ماشي قولي بقى اللي عندك
ابتسمت بهدوء وقالت _بصراحه كده المعيد بتاعي في الجامعه جه النهارده وقالي
بصتلها بانتباه _ قالك ايه
ردت بخجل _ طالب ايدي وعايز يتجوزني عايز يقابلكم
بصتلها وابتسمت _ وهو شخص كويس ؟
ردت بسرعه _ اوي اوي يا مريم
ضحكت _ يبقى على البركه هكلم عمك وخالك نشوف ميعاد ونقوله على الميعاد يجي يخطبك
ماما اتكلمت بحده_ازاي يعني تتخطب وانتي لا انتي الكبيره يا مريم
قولتلها بدهشه_ وايه يعني يا ماما طالما هو انسان كويس يبقى خلاص انتي ايه مشكلتك
ردت عليا بضيق _ بقولك انتي الكبيره مينفعش هي تتجوز وانتي لا
بصتلها برفض_ ده مش كلام يا ماما الجواز ده رزق ونصيب في الدنيا ازاي انتي بقى تمنعي ده وبعدين مفيش حاجه في الدين تقول الكبيره تتجوز الاول طالما جه نصيبها يبقى خلاص بت يا منى هكلمك خالك وعمك ونحدد ميعاد معاهم وتبقى تقوليله هو احنا نلاقي زي حضرت المعيد ده
” غمزتلها وضحكت وعي قربت مني وحضنتني بحب ،حقيقي منى دي اكتر من اخت وصاحبتي تقريبا كده معنديش صحاب غيرها
” كلمت عمي وخالي وحددنا ميعاد وقالوا يجي بعد يومين ومنى قالتله وكانت طايرة من الفرحه
“بعد يومين كنت قاعده في المكتب بخلص ورق و منى رنت عليا
_ ايه يا عروسه بتكلميني دلوقتي ليه مش بتخلصي البيت يعني
ردت عليا بزعل _ عروسة ايه بقى يا مريم ماما مش راضيه وعايزه تقول ل خالي يرفض
_ايه ليه الكلام ده
_ مش عارفه عماله تقول كده عشانك وبصراحة هي عندها حق
ابتسمت بهدوء _ لا يا حبيبتي ملكيش دعوه بيا انا نصيبي لسه مجاش ما انا رفضت كذا حد قبل كده عشان مش مناسب ليا اما انتي لقيتي المناسب يبقى ليه لا متحطيش في دماغك كلام ماما خلصي بس البيت واعملي حاجه حلوه عشان اللي جايين وانا هخلص شغل بدري وهاجي
_ ماشي يا مريم سلام يا حبيبتي
_ سلام
” خلصت شغل بسرعه ودخلت ل مستر أحمد
_ بعد اذنك ممكن امشي النهارده بدري
_ ليه فيه حاجه يا مريم
_ لا عشان فيه ضيوف مهمين جايين عندنا
بصلي وابتسم_ اوعي تكوني هتتخطبي من غير ما تقوليلي
ابتسمت _ لا يا مستر أحمد دي اختي
بصلي باستفهام _ اختك اللي في الجامعه دي !
_ اها هي يا مستر أحمد
_ طيب ربنا يكملها على خير عقبالك يا منى
_ ميرسي وعقبال حضرتك
ضحك وقالي _ هانت اهو هعمل الخطوبه في اقرب وقت
ابتسمت _ متنساش تعزمني ها
_ لا طبعاً هو انا اقدر انتي اول المعزومين يا منى
_ تسلم يا مستر يبقى بلغ سلامي ل استاذه نهى بعد اذنك
” استأذنت و روحت البيت دخلت الشقه كانت ماما قاعده قربت منها
_ ازيك يا ست الكل
_الحمدلله يا مريم عجبك عمايلك دي
_مالها عمايلي يا ماما بس
_يعني اختك اللي لسه مخلصتش الجامعه تتجوز وانتي لا
_ وايه يعني يا ماما طالما انسان محترم وشاريها
_تاني بتقولي كده تاني انا مالي انتي لسه متجوزتيش
_لما يجي الشخص المناسب هتجوز حاضر
_يبقى مفيش خطوبه ل منى الا ما يجيلك الشخص المناسب
رديت عليها بصدمه _ ايه الكلام ده يا ماما
_ هو ده كلامي وبعدين مش انتي روحتي كلمتي عمك وخالك براحتك
_يا ماما مينفعش يرضيكي تكسري بخاطرها هي بتحبه يا ماما ومقتنعه بيه يا حبيبتي والله الجواز ده قسمه ونصيب هو انا اللي هقولك يعني يا ماما ؟
” قعدت اتكلم ومعاها واخيرا اقنعتها ،الوقت عدى بسرعه وخالي وعمي وصلوا وقعدوا معانا واخيرا العريس وصل كان لحد ما طويل ووسيم كان جي هو و باباه دخلوا واتكلموا مع بعض وقراوا فاتحه واتفقوا أن الفرح بعد ما منى تخلص سنه رابعه ،بعدها خالي و عمي و باباه طلعوا ومنى دخلت قعدت معاه كانت مكسوفه بس كان كسوفها محليها لا هي حلوه دايما كان العريس باين عليه مكسوف بس واضح اوي أنه فرحان بيها
Eman saleh
” وقفت عملت عصير وطلعت عند عمي وخالي وباباه وخدت عصير تاني ودخلت عند العريس والعروسة ابتسمت وقدمتلهم وحطيت فاكهه بصتلهم وابتسمت
_نورتنا يا دكتور الف مبروك
_ده نورك تسلمي الله يبارك فيكي يا
“سكت ومنى ضحكت _ وقالت مريم اختى الكبيرة
_ اها هي دي الاستاذه مريم عقبالك يا استاذه
_ تسلم يا دكتور
” كنت هطلع و منى مسكت فيا وقالتلي _اقعدي معايا
“بصتلها باستنكار فقالتلي _عشان خاطري
“قعدت ومها دخلت وسلمت عليهم ف منى قالت
_ دي مها اختي الصغيره
“سلم عليها وهي طلعت شيكولاته وعطتله منها ف منى قالتلها
_ وانا واحده
ردت مها بطفوله وفالتلها_ لا مش هديكي
“ضحكنا عليها وبعدها خدتها وطلعت واليوم خلص بعد ما حددوا الشبكه بعد شهر تكون منى خلصت امتحانات الفاينل”نهائي نص السنه ”
” كنت طالعه من الشركه عشان اصور ورق والدنيا كانت زحمه جدا ف وقفت شوية عشان الدور لقيت يحي قرب مني
_هاتي الورق اللي معاكي اصوره
_ لا شكرا ليك انا هصوره
_ انتي عنيده ليه شايفه الطابور عامل ازاي
_ اها عادي هقف برضوا
“وقفت شوية كان كل فتره الناس تقل وانا كنت واقفه ب ملل فجاه لقيت شخص قرب مني ولمس دراعي بصتله بصدمه
_ انت حيوان
“ولسه همد ايدي عليه لقيت يحي قرب وضربه واتخانقوا مع بعض وقفت وقولتله
_ خلاص سيبوه يا يحي
بصلي بحده_ اخرسي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية امبراطورية ميم)
