رواية همس القلوب الفصل التاسع 9 بقلم يارا عبدالسلام
رواية همس القلوب الجزء التاسع
رواية همس القلوب البارت التاسع
رواية همس القلوب الحلقة التاسعة
كان مالك خارج من الكليه وواقف مع أصحابه كان في عربيه ماشيه قدامه واتخيل انو شاف حد بص لقاها براء راكبه جنب حد هوا ميعرفهوش وشكلو كبير في السن
اتعصب وركب عربيته ومشي وراها وهوا متعصب وباقصى سرعه ليه !
واتصل بيها
_الو انتى فين يا براء
_انا مروحه
_منين
_من المدرسه
_طيب اصل انا كنتى جيتى على بالي قولت لما اسال
_اه الحمد لله يا مالك عن اذنك علشان انا في الطريق
_طيب خدي بالك من نفسك
قفل معاها وفضل ماشي وراهم
_كنتي بتكلمى مين
_مالك ابن خالي
_وعاوز منك اي
_كان بيسأل عليا
_طيب تحبي نروح فين الشقه ولا مطعم
_لا دا ولا دا انا عندى امتحانات بعد شهر ومذاكرتش حاجه طول السنه ومفكرين انى هطلع دكتورة زي اختى
_مانتى دكتوره برضو دكتورة قلبي انا بصي هنقسم البلد نصين نجيب الاكل ونطلع عالشقه ناكل وتمشي على طول
_ماشي موافقه بس بسرعه
عند مالك لسه ماشي وراهم ولاقاهم وقفوا عند مطعم وطلبوا تيك اواي ومشيوا
وقفوا قدام عمارة ونزلو واطلعوا
هوا وقف ونزل من العربيه
*طيب انا هعمل اي دلوقتى اكلم مين مجاش في باله غير ياسين!
اتصل بيه
_الو يا ياسين انت فين
_في الشغل يا ابنى
_طيب كنت عاوزك في حاجه هبعتلك الابليكيشن ومتتأخريش
_طيب انا جايلك
نزل ياسين وراح لمالك حسب الابليكيشن
وصل ونزل قابل مالك
_في اي يا مالك
_تعالى معايا
قرب على البواب
_لو سمحت صاحب العربيه دى في الدور الكام
_مخبرش
_ارجوك قولي
_برضو مخبرش
مالك بص الياسين
ياسين طلع المسدس
_هتقول صاحب الزفت في الدور الكام ولا افراكلك دماغك
_هقول في الدور التامن
_اتزفت افتح لنا الاسانسير
_حاضر
طلعوا
_في اي يا مالك
_هتعرف دلوقتي
في الداخل
الجرس رن
براء:مين جاى يا عماد!
_متقلقيش هتلاقيه البواب
قام راح ناحية الباب وفتح لقي مالك وياسين
_مين حضراتكوا
_حضراتنا اخوات الهانم اللي جوا
_مين انا معنديش حد
مالك:طيب وسع علشان انا متاكد انها جوا
ياسين:متوسع يا حاج انت قد والدي!
_مفيش حد
ياسين:طيب
وزقه ودخل هوا ومالك
براء بصدمه:مالك!؟
مالك:ايوا يا بنت عمتى ممكن اتفضلي ولا عوزا فضائح اكتر من كدا
قامت براء وخرجت ومالك متعصب وياسين متسغرب ومش عارف اي اللي بيحصل
ياسين:انت عارف لولا أنك قد ابويا كنت فرتحتك يا والدي ولو معايا إذن نيابه كنت خدتك تحري وبترتبط بقا*صرات يشيخ.روح شوفلك تربه!
ومشي
عماد*ههههههههه ولا وبقى عندكوا عيال وبيحاربوا وجماد وظباط والعيشه فل رجعت من السجن يا سلمى انتى ويارا واحمد ويحيي ونور كمان وحشتوني اوووي هههههههههه…..
تذكر الطريقه اللي اتعرف عليها على براء
Back
بعد مخرج من السجن بعد حبس ٢٥سنه برضو كان مصمم عالانتقام ووجمع معلومات عنهم وعن والادهم وشاف أن الطريق هوا براء
فجمع عنها شويه معلومات وعرف انها مش محبوبه وسط اصحابها وكمان أهلها مش بيهتموا بيها زي همس!فعلشان كدا كان سهل يسطادها وتكون فريسه للعبته وأخيرا كلمها ولعب عالوتر الحساس الشئ اللي ناقصها حاول يلعب من ناحيته وبدأ يهتم بيها وباكلها وشربها ويحسسها انها جميله لحد محببها فيه مفرقتش معاها وقتها انو اكبر منها ولا قد والدها لا اللي كان قدامها انها شايفه حد مهتم بيها وبس!
*ودي حاجه بتحصل مع بنات كتير جدا لما بيفتقدوا الحب والحنيه وبيبقوا منبوذين من صحابهم أو منتقضين وكلامهم غير مقبول بيحسوا نفسهم وحشين جدا ولما بيجي شخص يحسسهم بشويه اهتمام مع شويه حنيه خلاص بيقعوا في فخ اي مصيده جايه من الجنس الآخر اللي هوا عدو المراه دا في حال مكنش في بينهم حاجه حلال تحسم الموقف ودا اللي بيحول العداوه لحب حاولوا يجماعه متحسسوش ولادكم باي نقص في حياتهم لان دا بيأثر على نفسيتهم وحياتهم عموما…
نرجع لموضوعنا…..
عماد بشرر:انا وانتو والزمن طويل بحق رميتى في السجن لازم اقهركوا علي عيالكوا
_انتى تعرفي الراجل دا منين يا براء انتى لولا انى شوفتك وجيت عارفه كان اي ممكن يحصل
_براء انتو مالكوا سيبونى في حياتى من امتى وانا مهمه عندكوا من امتى وانتو مهتمين بوجودى
مالك:احنا لو مش مهتمين بوجودك مكنتش جيت وراكى دلوقتى
براء:لا انت خايف عالعيله وكرامتها عيله الباز اللي انت شخص منها وكلكوا منها لكن انا مش عوزا ابقى معاكوا انا هامش بالنسبه ليكوا حياتى ولا ليها اي لازمه كل واحد هموا نفسو وبس براء مش موجوده حتى بابا وماما مفيش الا همس في حياتهم هوا انا مش بنتهم!
مالك:دى اوهام في دماغك هم بيحبوكي لكن انتى اللي مريضه للاسف ودا مش مبرر انك تعرفى واحد قد ابوكى
ياسين:خلاص يا مالك تعالى يا براء توصلك
مالك:ماشي بس ليا كلام تانى مع عمى حسن الراجل الطيب اللي انتى بتستغفليه دا
براء:ماشي بس مش هيصدق حد لانوا بيثق فيا
مالك:ههه ياريتك قد الثقه دى
ياسين:يلا يا مالك
مشوا ووصلوها البيت
وطلعت
ياسين:انا مش متخيل اللي بيحصل دا ولى الراجل العجوز دا
_مالك اهو النوع دا يستاهل إعدام اللي بيح*رض القا*صرات دا
_اصبر بس عليا وانا هظبته
…….
بعد مرور عدة أيام
_نورت البيت يا يحيي يا اخويا
_بنورك
يارا_نورتى البيت يا نور والله كان البيت وحش
نور بتعب:كفايه انتى موجوده يا حبيبتى انتى ام الاولاد كلهم
كريم:نتجوز بقى
مليكه:لا طبعا انا مش هتجوز الا مع سهيله دا اتفقنا
كريم:نعم يا اختى
مليكه:دا اللي عندى
احمد:مش قولتلك هتتعب اشرب بقى يا حلو دور لسهيله على عريس
كريم:بسيطه وجوزها لمالك
مالك:كحكحكح الصراحه انا معنديش مانع
احمد:البت داخله دماغك بقى
_اه والصراحة كدا بحبها
احمد:ماشي وانا موافق بس تخلص الامتياز الاول علشان تشتغل
مالك:انت كدا يتعطل على كريم يا بابا
احمد:دا اللى عندي
مليكه:شكرا يا احسن اب في الدنيا
كريم:ومالك مبسوطه كدا
يرضيك يا عمى اقضيها مع بنتك قطاعى كدا
احمد:ازاي
مليكه:مش قصده حاجه يبابا كريم بيهزر
تعالى معايا ياللي فاضحنى
وخدته ومشيت
يوم الرؤيه الشرعيه بتاعت همس
كانت حاسه براحه وزعلانه في نفسي الوقت يا تري مين الشخص اللي بيحبها اوووي دا…
دخلت وهي حاطه راسها في الأرض وبتقرا المعوذتين وقربت وقعدت مكان ما حسن قالها
قعدت ومازالت باصه في الأرض
حسن:طيب نسيبكوا بقى
:ازيك يا همس
:انت!
_اه انا ياسين اللي بحبك طول عمري من اول ما شوفتك
_وانا كمان!
_وانتى كمان اي
_بحبك منذ نعومه اظافري
_يااه دانتى شاعره بقى
_كاتبه فيك قصائد واشعار لا تعد ولا تحصى
“كلما مسكتُ قلمى لم ياتى في بالي سواك اتحدث عنه لرفيقي كتابي ولقلبي الذي يدق بهواك فكلما يراك يخرج من مأواه ويذهب اليك لكي يراك ويتشبع بملامحك الرجوليه ويسأل قلبك .هل تحبني فلا يعرف بماذا يتحدث لكنه كان يطمئنه بعينيك التى كانت تحمل كثيرا من المعانى فكلما اراك يزيد حبي وتتراكم زكراك لذا لا يجف قلمى عن الحديث لهواك….
في منزل سهيله
جاءت إليها رساله
*قريبا ستكونين زوجتى يا حرمى العزيز بحبك❤️
ابتسمت وقالت
*مجنون!؟
في منزل يحيي
كان يجلس يحيي يراجع بعض الأعمال فهوا تحسنت صحته بعض ما
_الو
_اي ومالك وياسين راحولها وعرفوا وانت كنت فين
تمام أخفى دلوقتي وميغبش عن عينك لحظه
*يا تري راجع وعاوز اي مننا يا عماد الك*لب
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية همس القلوب)
