رواية حب مشبوه الفصل الثالث عشر 13 بقلم دودو محمد
رواية حب مشبوه الجزء الثالث عشر
رواية حب مشبوه البارت الثالث عشر
رواية حب مشبوه الحلقة الثالثة عشر
وصلت ريم إلى مكتب العمل الخاص بها ووجدت حركه غريبه بالمكان تحركت ببطئ شديد ونظرت إلى عمر وقالت بأستغراب
ريم :- هو فيه ايه فى المكتب النهارده
نظر لها وقال بعدم فهم
عمر :- مش عارف من شويه دخل راجل كده واضح أنه هيبه وشكله حلو شويتين مكتب المدير ومن ساعتها البنات هيموتوا عليه وسايبه شغلها ومنتظره خروجه
تعالت ضحكاتها وقالت
ريم :- شكله حلو شويتين ايه يا اخ عمر حتى انت بتشكر فى راجل زيك
ابتسم لها وقال
عمر :- انا بقولك اللى البنات يا اختى شيفينه فيه
حركت رأسها يمينا ويسارا وقالت بعدم رضا
ريم :- بنات خفيفه وبدأت تتابع العمل
وفى ذلك الوقت سمعت صوت البنات تهمس بسعاده ويزداد الصوت ويقترب من غرفة المكتب خاص بها تنهدت بضيق وقالت
ريم :- شكلى كده هطلع اقتل البنات اللى بره دى مش عارفه اركز فى شغلى منهم
تنحنح عمر وقال
عمر :- احم احم
زفرت بضيق وقالت بغضب وهى تنظر بالملف المتواجد على سطح المكتب
ريم :- والله العظيم بنات فاضيه اللى يدور على البنى ادم ده يلاقيه لسه بياخد مصروفه من أمه
ركضت إليها ووضعت يدها على فمها وقالت بصدمه
ساره :- كفاااااايه لسانك ده ايه مبيرحمش بصى لفوق كده
نظرت إلى الأعلى وجحظت عينيها ووقفت بصدمه ابتلعت ريقها بتوتر وقالت
ريم :- ا ا انت !!
اقترب إليها وقال بأبتسامه
سيف :- واضح جدا أن الكل بيشتكى من طولة لسانك
تكلمت بتوتر وقالت
ريم :- ا ا انت بتعمل ايه هنا
اقترب منها عصام وقال بغضب
عصام :- ريم اتكلمى بأسلوب كويس مع سيف باشا ده اهم عميل عندنا
نظرت له بغضب وقالت
ريم :- يعنى اعمله ايه يعنى اضرب ليه تعظيم سلام
هدر بها بغضب وقال
عصام :- لاااااا اسلوبك ده ميتسكتش عليه ابدا انا لازم اكلم ابوكى يشوف صرفه معاكى
نظر له بضيق وقال بغضب
سيف :- هى مغلطتش علشان تكلمها كده
نظر له بأسف وقال
عصام :- ا ا انا اسف يا سيف باشا مقصدش اضايقك والله بس البنت دى بالذات مسحوبه من لسانها على طول ومش بتعمل احترام لحد
حدق به بغضب وقال
سيف :- انت اللى بتقول عليها كده اومال لو مكانش ابوها صحبك كنت قولت عليها ايه ولا عملت ايه فيها ياريت بعد كده تحترمها اكتر من كده فاهم
ابتلع ريقه بتوتر وقال
عصام :- ف ف فاهم يا سيف باشا
اقتربت منها وقالت بهمس
ساره :- خير يا مزه الراجل ده شكله واقع فيكى اوى
إجابتها بصوت هامس وقالت
ريم :- ده اللى انا حكتلك قبل كده عنه
نظرت لها بصدمه وقالت بصوت مرتفع
عصام :- ده المز اللى قولتى عليه احلى من القمر اه يا بنت المحظوظه هو فعلا مززززز
نظر لهم سيف بأستغراب
وضعت يدها على فمها سريعا ونظرت إلى سيف وقالت بتوتر
ريم :- موز قصدها موز الاصفر اللى بيتقشر ده عرفه
ارتسمت بسمه على شفتيه واومأ رأسه لها ونظر إلى عصام وقال
سيف :- من الصبح أن شاءالله الانسه تكون فى الشركه ونظر إلى ريم وابتسم لها مره أخرى
نظرت لهم بعدم فهم وقالت بتساؤل
ريم :-مين دى اللى هتبقى عندكم فى الشركه ؟!
اقترب منها وقال بنبره جديه
سيف :- انتى يا انسه ريم
جحظت عيناها بصدمه وقالت
ريم :- يا حلولى وانا أن شاءالله كده هاجى اعمل ايه فى شركتكم ؟!
حاول يكبح ضحكاته وقال
سيف :- استاذ عصام هيفهمك وتحرك بأتجاه الباب ثم نظر إلى عصام وقال بأمر
-الكلام يكون بأحترام معاها مش عايزك تزعلها فاهم
أومأ رأسه بالطاعه وقال
عصام :- ف ف فاهم نورت المكتب يا سيف باشا
نظر إلى ريم نظره اخيره وابتسم لها وتركهم وخرج
نظرت له سريعا وقالت بتساؤل
ريم :- ممكن افهم ايه اللى بيحصل بالظبط!!
تكلم بنبره هادئه وقال بتوضيح
عصام :- شركة معتز السيوف محتاجه محامى خاص بشؤون العاملين وجه طلبك انتى بالاسم وانا وافقت علشان دى فرصه كبيره و حرام تضيع منك كتير شباب نفسها تاخد فرصه فى شركة معتز السيوف ومش عارفه وبصفتى صديق ابوكى وافقت علشان عايز مصلحتك
نظرت بضيق إلى ساره وقالت
ريم :- اشمعنا انا بالذات ما عندك ساره أكفاء منى وملتزمه بمواعيدها اكتر منى
ركضت بأتجاه عمر وقالت برفض
ساره :- ساره مين !! لا يا اختى انا مش همشى من هنا انا هفضل جنب حبيب قلبى
نظرت لها بغضب وقالت
ريم :- يلعن ابو شكلك ونظرت إلى عصام وقالت بضيق
-لازم يعنى اروح انا ،شوف اى حد تانى فى المكتب
حرك رأسه بالرفض وقال
عصام :- لا مش هينفع لازم انتى اللى تروحى هو طلبك انتى بالاسم وبعدين جربى الشغل هناك لو مش عجبك بلغينى وانا هرجعك تانى المكتب اتفقنا
اومأت رأسها بالموافقه وقالت
ريم :- ماشى
خرج عصام من المكتب وجلست ريم على المقعد الخاص بها أمام المكتب بضيق
نظر لها عمر وقال بنبره هادئه
عمر :-واحده غيرك تبقى فرحانه وهطير من الفرحه كمان
نظرت له بضيق وقالت
ريم :- ليه بقى أن شاءالله ؟؟
أجابها بأبتسامه وقال
عمر :- علشان دى شركة معتز السيوف فرصه لاى حد أن يشتغل فيها علشان المرتب بتاعها الخيالى والخبره اللى بيكتسبها من هناك وشهادة العمل الموثقه فى اى شركه تانيه لو حبيتى تشتغل بعد كده فى اى مكان تانى يعنى فرصه لا تعوض بالنسبالك
زفرت بضيق وقالت
ريم :- بس انا بحب شغل المحاكم بحس بكيانى وانا واقفه قصاد القاضى وبدافع على المتهم
أطاحت بيدها وقالت بعدم اهتمام
ساره :- يا شيخه اتنيلى وقوف ايه اللى قصاد القاضى ده انتى مره كنتى هتعيطى للقاضى علشان تحننى قلبه على وكيلك خلينى ساكته دى المحاكم هتترحم منك والله
نظرت لها بغضب وقالت بتهديد
ريم :- هتتلمى ولا اقوم اقطعلك لسانك ده
وقفت خلف ظهر عمر وقالت
ساره :- متقدريش حبيبى هيحمينى منك
رفعت حاجبها إلى الأعلى وقالت بتهكم
ريم:- بت انتى دمك تقيل اوى وانتى بتقولى حبيبى ونظرت إلى عمر وقالت
-انا غلطانه يا ابنى بتأسفلك والله إن كنت سبب اسود فى العلاقه الزفت دى اللى ما بينكم
امسك يد ساره وقال بأبتسامة حب
عمر :- متقوليش كده دى ساره دى احلى واجمل حاجه حصلت فى حياتى
نظرت لهم بأشمئزاز وقالت
ريم :- يلعن ابو دمكم انتو الاتنين هتخلوا الواحد يرجع من ام دى علاقه، اخلصوا وشوفوا شغلكم بكره تقولوا ولا يوم من ايامك يا ريم وبدأت تتابع العمل
نظروا الاثنين إلى بعض وتعالت ضحكاتهم على كلام ريم وجلسوا على المقاعد الخاصه بهم وبدأوا يتابعوا عملهم
………………………………………………………
بالمقابر
دخل معتز بحزن شديد إلى المقبره الخاصه بوالدته ووالده وتنهد بضيق وحرك يده على الرخام المتواجد عليه اسمائهم وقال بنبره مختنقه
معتز :- واحشتونى اوى انتو الاتنين كان نفسى تبقوا جنبى فى يوم زى ده كل سنه بتزيد من عمرى قلبى بيوجعنى اوى لما يجى يوم زى ده واكبر سنه وانتوا مش جنبى بيزيد وجع والم جوايا اكيد كنتوا هتفرحوا لما تشوفوا ابنكم كبر بالشكل ده كان نفسى اشوف اختى عروسه وافرح بيها وهى بتكبر قصاد عيني وتروح بيت جوزها انا وحيد اوى من غيركم ياريت كنت روحت معاكم الفيلا وموت معاكم ومكنتش عيشت الدنيا دى لوحدى اه بابا سعد قام بواجبه معايا ونفذ وعده ليكم واخدنى ربانى بس وجودكم معايا كان هيفرق معايا كتير كنت هقدر اعيش بنى ادم عادى مكنتش همشى طريق انا مليش فيه موتكم خلق جوايا شخص تانى عايش من غير روح لعبه بتحركها رغبه الانتقام، بس وحياة اشتياقى ليكم ووجع قلبى على فراقكم لادفعهم التمن غالى وانتقم من كل واحد كان ليه يد فى قتلكم
وفى ذلك الوقت سمع صوت رجولى يقول له
سعد :- انت كده بتريحهم بكلامك ده!! لما يحسوا أن ابنهم بيعرض نفسه للخطر هيرتاحوا لما يسمعوا أن ابنهم بيتحول لمجرم رسمى هيرتاحوا لما يسمعوا أن ابنهم حزين ومكسور هيرتاحوا لما يتأكدوا أن ابنهم عاش عمره اسير لأفكاره الشرانيه ومعاش حياته زى اى شاب فى سنه هيرتاحوا لو فاكر انك كده بتريحهم تبقى عبيط ومغفل
نظر إلى الأرض بأحترام وقال
معتز :- بابا!! انت هنا من أمته ؟!
اجابه بنبره غاضبه وقال
سعد :- من ساعة ما كنت بتتعهد ليهم انك هتنتقم من كل واحد كان ليه يد فى قتلهم لو عايز ترد ليا الجميل أن ربيتك وكبرتك وخليتك شاب طول بعرض بجد ابعد الفكره دى من دماغك يا معتز احنا مش قدهم ولا عمرنا هنبقى زيهم فكر فى نفسك وحياتك شوف بنت حلال واتجوزها وهات ليا حفيد افرح بي قبل ما اموت انسى اللى فات وعيش حياتك من جديد انت مبقتش صغير يا معتز انت اللى فى سنك دلوقتى فاتحين بيت ومعاهم اولاد طولك اسمع كلامى وريح قلبى فى اليومين اللى متبقين فى حياتى
امسك يده بحزن شديد وقال
معتز :- انا اسف يا بابا مش قصدى اقلقك عليا ولا اتعبك معايا بالشكل ده بس انا فعلا مش هقدر اعيش حياتى زى اى شاب فى سنى غير لما ارجع حق ابويا وامى واختى لازم ادفعهم التمن وانتقم منهم متقلقش عليا انا هبقى كويس ومافيش حد هيقدر يأذينى لو بتحب ابويا وامى بجد خلينى اجيب حقهم
نظر له نظره مطوله وقال
سعد :- هساعدك يا معتز تجيب حقهم بس مش بالدم هخليك تنتقم منهم بالقانون
نظر له بعدم فهم وقال بتساؤل
معتز :- بالقانون !! مش فاهم
نظر حوله بالمكان وقال سريعا
سعد :- مش هينفع الكلام هنا تعالى معايا نروح البيت وانا هناك هفهمك كل حاجه
أومأ رأسه بالموافقه وقال
معتز :- ماشى يلا بينا
وتحركوا بأتجاه السياره صعد بها معتز وسعد من الخلف واعطى معتز امر للسائق أنه يتحرك وأدار السائق السياره وتحرك بها إلى القصر
………………………………………………………….
عند ريم
أنهت ريم عملها وأخذت الاشياء الخاصه بها من المكتب حتى تنتقل غدا إلى مقر عملها الجديد بشركة معتز السيوف ونزلت إلى الأسفل وهى تكاد ترى من خلف الاشياء التى تحملها شعرت بأحد اصتدمت به نظرت من الخلف وقالت
ريم :- انا اسفه أن خبطك الحاجه كتير ومش شايفه قصادى وتحركت إلى الأمام لكنها تفاجئت بأحد يحمل منها الأشياء نظرت له وقالت
-ا ا انت !!
ابتسم لها وقال بسعاده
سيف :- اول مره تعترفى انك غلطانه
حاولت تأخذ من يده الاشياء الخاصه بها وقالت بضيق
ريم :- هات الحاجه بتاعتى لو سمحت
تحرك بأتجاه السياره الخاصه به ووضع بها ما بيده واغلق الباب مره اخرى ونظر لها بتحدى وقال
سيف :- لو عايزاهم اركبى اوصلك
تحركت بأتجاه السياره وحاولت تأخذ الاشياء الخاصه بها لكنه وقف أمام الباب ومنعها من الوصول إليها
نظرت له بغضب وقالت
ريم :- وسع كده خلينى اخد الحاجه بتاعتى
عقد ذراعيه على صدره وابتسم لها وحرك رأسها بالرفض
زفرت بضيق وقالت بغضب
ريم :- بقولك هات الحاجه بتاعتى بدل ما اصوت وألم عليك الناس
نظر لها بعدم اهتمام وقال
سيف :- صوتى محدش ليه عندى حاجه ولا يقدر يعملوا ليا حاجه
نظرت له بتذمر وقالت بغضب طفولى
ريم :- مليش دعوه بقى انا عايزه الحاجه بتاعتى
تعالت ضحكاته على طريقتها بالكلام وقال
سيف :- طفله اوى فى نفسك
تكلمت بغضب وقالت
ريم :- انا مش طفله على فكره انا عندى سته وعشرين سنه، وبعدين انت عايز منى ايه بالظبط وليه طلبتنى انا بالاسم علشان اجى اشتغل عندكم فى الشركه
اقترب منها قليلا ومال بجسده إليها ونظر بعينيها وقال
سيف :- انا مش كذا مره قولتلك انك دخلتى دماغى وعجبتنى لمضك ولسانك الطويل ومن هنا ورايح مش هسيبك
تراجعت للخلف بتوتر وقالت بتلعثم
ريم :- ي ي يعنى برضه عايز منى ايه انا مش من البنات اياهم انا متربيه كويس اوى ومش بتاعة لف ودوران لو دماغك مصوره ليك أنك ممكن تتسلى بيا ولا تعمل معايا حاجه كده ولا كده يبقى بتحلم وفؤق قبل ما اضربك بحاجه على دماغك تفوقك وتعرفك انا ابقى مين
نظر لها بأبتسامه وقال
سيف :- ودى اكتر حاجه عجبانى فيكى انك مش من البنات اياهم وانا عمرى ما جريت وراه بنت ولا عمرى فكرت اعمل مع حد اللى انا بعمله معاكى ده بس معرفش ايه حصل ليا من اول مره شوفتك فيها على طول فى بالى وبفكر فيكى واول ما تيجى فى دماغى الضحكه بتترسم على وشى على طول ودقات قلبى بتزيد احساس غريب عمرى ما حسيته بس حبيته عيونى شيفاكى مختلفه عن كل البنات شايفه فيكى كل مواصفات البنت اللى عيشت احلم بيها عمرى كله وعلشان كده انا قررت مش هحلك وهفضل وراكى لحد ما تبقى بتاعتى انا وبس
نظرت له بتوتر وابتلعت ريقها بصعوبه ولكنها كانت تشعر بسعاده عارمه عندما سمعت كلام سيف لها رفف قلبها بسعاده وشعرت دقات قلبها تزداد
ترقب ردت فعلها بأهتمام شديد وتهللت اساريره عندما رآه تأثير كلماته عليها اقترب منها مره اخرى ومال بجسده ونظر لها بعينيها وقال بتساؤل
سيف :- ها روحتى فين مش بتردى عليا يعنى
ابتلعت ريقها بصعوبه وقالت بتوتر
ريم :- ل ل لو سمحت هات الحاجه بتاعتى عايزه امشى
ابتسم بسعاده على توترها وقال
سيف :- بما انك مردتيش على كلامى اللى قولته ليكى من شويه يبقى انتى موافقه عليه وكمان قلبك دق وده كفايه بالنسبه ليا والباقى عليا هخليكى متقدريش تعيشى من غيرى وتيجى تعترفى بحقيقة مشاعرك ليا من غير اى ضغط ولا مضايقه
زفرت بضيق وقالت
ريم :- على فكره بقى انت واحد مغرور وعلشان عارف نفسك وسيم وكل البنات هتموت عليك بتعمل معايا كل ده بس احب افكرك أن قولتلك قبل كده انك مش نوعى المفضل وان انا مش زى البنات ولا بجرى وراه المظهر فبلاش تتعب نفسك معايا على الفاضى
تعالت ضحكاته وقال بتهكم
سيف :- بأمارة انك حكيتى لصحبتك فى المكتب عليا وقولتى باين أن انا اجمل من القمر
تكلمت بهمس وقالت
ريم :- تنشكى فى معاميعك يا سارة الكلب ثم نظرت له وقالت بنفى
-م م محصلش انت اللى سمعت غلط ا ا انا كنت بحكى ليها عن غلاستك وان لما بشوفك اعصابى بتتعب، خلصنى بقى هات الحاجه بتاعتى
حرك رأسها بالرفض التام قائلا
سيف :- لاء مش هتاخدى الحاجه غير لما تركبى العربيه اوصلك
نظرت له نظره مطوله وقالت بتحدى
ريم :- احسن برضه خليهم معاك انا كده كده كنت هخدهم بكره الشركه ابقى هاتهم معاك بقى وركضت من امامه أوقفت سياره اجره وصعدت بها سريعا وقالت لسائق يتحرك
ركض خلفها حتى يمنعها لكنه فشل نظر إليها بضيق وقال بعدم تصديق
سيف :- المجنونه سابت الحاجه بتاعتها معايا بجد ونظر إلى السياره حتى اختفت وصعد سيارته نظر إلى الاشياء الخاصه بريم وابتسم بسعاده وقال
-هتروحى منى فين من بكره هتبقى معايا طول النهار هخليكى متقدريش تعيشى من غيرى ولا ثانيه واحده وأدار السياره وتحرك بها سريعا إلى منزله.
……………………………………………………………
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حب مشبوه)
