رواية ملاكي الأخرس الفصل السادس 6 بقلم إيمان المهدي

رواية ملاكي الأخرس الجزء السادس

رواية ملاكي الأخرس البارت السادس

رواية ملاكي الأخرس الحلقة السادسة

“صلوا على المختار. رسول الله
صلى الله عليه وعلى آله وصحبه وسلم”
زين. ممكن افهم ايه معنى الكلام ال سمعته ازاى يعنى أسيل بنت عمى
حسين. بارتباك هاااا اصل
زين. اخلص ياحسين ويلتقط النوته من يده ويقرأ كلام أسيل
فوراً أسيل أخذت النوته حتى لا يرى باقى الكلام المكتوب فيها ويعلم بحقيقة كل شئ
زين. يعنى انتى فعلا بنت عمى ، طيب ليه انا معرفش وليه زياد ومراته وعمك قالوا عليكى انك بتخدمى هنا
وازاي انتى تقبل يتقال عليكى كدا
أسيل تبكى دون رد
زين. طيب انت بتعيطى ليه دلوقتى ، حسين بابا وزياد يعرفوا ان أسيل بنت عمى
حسين ايوه يا دكتور زين يعرفوا
زين. بغضب. طيب ازاي يعملوا كدا
حسين. فيه حاجة كمان عايز أقولك عليها
زين. امممم
حسين. أسيل هانم تمتلك ملايين ف البنوك واراضى ومزارع ومصانع اعلاف ورثتها عن أبوها وكل دا محدش مهتم بيهم من وقت موت عمك صالح وأظن ان زياد بيه حاطط عينه عليهم وانت ادرى بيه ، ياريت تهتم انت بأملاك بنت عمك
زين أنا مش مستوعب ال بتقوله أنا عارف ان زياد متهور فى تصرفاته بس توصل ان يظلم بنت عمه ال هيا تعتبر ف مقام أخته لاااا كدا كتير تعالى معايا يا أسيل
وقف زين ف وسط الفيلا ينادى على اهله.
باباااا ، زيااااد. مريم.
يخرج كل منهم من غرفته بفزع
صلاح فى ايه يا بنى مالك بتزعق ليه كدا يازين
مريم. اهو كدا من ساعة ما شرفنا
زياد. فيه ايه تانى يازين
زين. سؤال واحد هسأله وتجاوب عليه بصدق أحسنلك يا زياد
زياد خيرررر
زين انت تعرف ان أسيل تبقى بنت عمك صالح
زياد برجفه ف صوته. ااسيل اااه، لااا ،أصل
مريم. فيه ايه يا دكتور زين أسيل مين دى كمان ال تبقى بنت عمكم ، دىأكيد هبله عشان المقرفة دى تتلزق ف عيله المنياوى
زين بعصبيه وغضب. لما تتكلمى عن بنت عيله المنياوى تتكلم بأدب ال مش عجباكى دى هيا سيدة قصر المنياوى ، وبصوت مرتفع زيااااد هتنطق وتقول كنت تعرف ولا لأن
زياد. ااااه اعرف وابوك كمان يعرف
(مقلكوش نظرة صلاح كانت ازاي لزياد ال بيقلب عليه الترابيزة ، ماهو مينفعش يتعلق لوحده )
زين. اهلااا كملت ياحاج صلاح يالى بتعرف الأصول دا بدل ما تراجع ابنك عن تفكيره انت عارف مين دى ويشاور على أسيل دى تبقى بنت أخوك يعنى بنتك المفترض أنك تبقى حاميها من غدر الزمن مش تذلها وتغدر بيها طيب كنتم راعتم عضم التربه ياشيخ أنا بخجل منكم وان ابنك واخوه الباشا المحترم
صلاح. زييين احترم نفسك انت ناسى ان أبوك
زين بهدوء أنا آسف يابابا بس للأسف انت ال نسيت ان فيه رب شايف ومطلع على ال بتعمله ونسيت انها بنت أخوك “ومن أعمالكم سلط عليكم” أكيد هيجى اليوم ال تذوقه فيه معنى الذل والظلم ال ذاقه الناس بسببكم
وانت يازياد حسابك معايا ما انتهاش أنا عارف انت كنت ناوي على ايه، أصبر عليا
زين بصوت مرتفع. حسين.
حسين. نعم يا دكتور زين
زين. أكبر غرفة فى قصر المنياوى تتحضر لسيدة القصر بنت أسيل المنياوى
حسين. تحت أمرك حالاً
زين. أظن الغرفة ال جنب اوضتى أفضل حاجة نظفها فورا
حسين. طبعا دى أجمل غرف القصر بس دى كانت غرفة
ست ناهد والدة حضرتك وان مانع حد يدخلها
زين. وأسيل مش أي حد ياحسين
مريم. تنفر بغصب لااا دا كدا اوفر اووووى
زياد يتجه لباب القصر يريد الخروج
زين زيااااد استنى ف حاجة لازم تعرفها ،. أنا من بكرة هستلم أملاك أسيل واديرها ودا طبعا هيكون تحت إشرافها
زيااااد لااا كله ال كدا أنا اتفقت معاها ان اديريلها املاكها مش كدا يا ست أسيل
زين مالكش دعوة بأسيل ولا تبصلها وأظن أنا معايا توكيل عام منها وانا بس ال ليا الحق ف كدا ، يالا يا أسيل تعالى اوريكى قوضتك عشان ترتاحى
مريم. أنا طالعه قوضتى بدأ حرقة الدم دى
الخدامة بقت سيدة القصر
زياد. عجبك كدا يابابا عمايل ابنك جه قلب علينا الترابزة
صلاح. زياد سيبنى ف حالى أخوك عنده حق ف كل ال قاله
زياد. يعنى إيه يابابا انت بتتخلى عنى، أنا كدا ف مصيبه وعدت عاصم باشا ان أكتب لمريم نص املاك أسيل اول ما أحصل عليها
صلاح. وانت ازاي تعمل كدا ، ومتقليش ،عشان كدا اخدته تتكلم معاه على انفراد
زياد كان لازم أعمل كدا عشان يوافق على جوازى من مريم ، انت ناسى مريم ابوها بيمتلك المليارات
صلاح. شوف بقا هتخرج من الورطة ال دبست نفسك فيها مع عاصم الخضيرى ، صدقت يازين
” من أعمالكم سلط عليكم ”
زياد. بعصبيه زين زين زين أنا ماشى عشان مفقدش عقلى ف البيت دا
حسين قوضه أسيل هانم جاهزة
زين. شكراً ياحسين اتفضل انتا ، أسيل أنا آسف عن ال قولتله لتحت بخصوص املاكك وكدا أنا حبيت بس افهم ان مش هيقدر يحصل على حاجة مش من حقه
وان هقف ايه بالمرصاد
تكتب. أسيل (بالعكس أنا مبسوطة وشكرا جدا ليك ، وبكرة الصبح هعملك توكيل عام لسهوله التصرف ف كل حاجة)
زين. بس دى ثقه كبيرة فيا
أسيل (أنا عارفة انك قد ثقتى )
زين. طيب اسيبك دلوقتى ترتاحى لو احتاجتى اى حاجة أنا قوضتى جمبك تصبحى على خير
يخرج زين من غرفة أسيل
تبتسم أسيل وتنظر لهذة الغرفة الأكثر من رائعة
معقول دى بقت أوضتى بعد القوضه ال كنت فيها وبعد الذل ال اتعرضت ليه الحمد لله
تبكى أسيل فرحا وتسجد شاكرة الرحمن على عوضه وجبره لها بعد صبرها
“فقط لو نتقن الصبر ، لما مات التمنى فينا”
“صبرك يبدأ بدمعة عين ، وينتهى برضا قلب وابتسامه وجه”
عند زين لنفسه يكتب داخل مذكراته
“ما هذه البراءة ، ما هذا الرضا الذى اراه ف عينيها ،
كيف لى أن أجد الجمال والصفاء فى شخص دون رؤيت وجهه ولا سماع صوته ، قنوعة بما قسم لها من قدرها ، نعم إنها أسيل الملاك الأخرس 🕊️ كيف لى وصفها فأنا يصعب علي شرحها”
أسيل تستيقظ مبكرا لتصلى فرضها وتقرأ وردها اليومى ” فإذا نظرت الى الوجه الملائكى الذى خلق ف أحسن صورة ويزيد الجمال والحسن بأخلاقها عندما تجد آيات الرحمه فى وجهها البشوش
يطرق باب أسيل ، تقوم مسرعة لتغطى وجهها وتفتح
زين صباح الخير يا أسيل أنا كنت جاى من صلاة الفجر وشوفت نور قوضتك والع عرفت أنك صاحيه
افرح أسيل ف داخلها بهذا الزين فهو يصلى ويخاف الله بعكس زيااااد الذى لا يركع أربع ولا يخافه
زين. ايه روحتى فين وايه مصحيكى بدرى كدا
أسيل تشاور بيدها على سجادة الصلاة
زين. كنت بتصلى ، ماشاء الله ربنا يبارك فيكى ، طيب هسيبك دلوقتى وساعة وننزل عشان نفضر على ما حسين يوصل
بعد مرور ساعتين الحمد لله تسلم ايدك على الفطار ياحسين
حسين. الدكتورة أسيل هيا ال حضرت الفطار أنا جيت لانها محضراه
زين. أولا تسلم ايدك وياريت بلاش تعملى حاجة تانيه عشان جامعتك قربت تفتح وتهتمى بمذكرتك وانا هجيب مساعدة ليكى تعملك كل ال تحتاجيه وتساعد كمان حسين وباقى الموظفين ف الفيلا
أسيل أنا حبيت احضره بنفسى لما احس ان هقصر ف مذاكرتى مش هعمل
زين تمام ال تشوفيه تعرفى ان أول مرة افطر مع حد فى البيت دا من وقت ما ماما سبته ومشيت من سنين ،
وبضحكه انكسار. أصل بعيد عنك الناس ال هنا مش بيصحوا بدرى ولو صحيوا آخر حاجة يفكروا فيها الفطار مع بعض على سفرة واحدة
أسيل. تكتب. خلاص من النهاردة مش هتفطر لوحدك ويالا نمشى عشان نلحق نخلص اوراق التوكيل ف الشهر العقارى
زين. تمام. واه صح بقولك هسافر بكرة انقل اوراقك واروح كمان اشوف الشغل هناك ف المصنع ايه اخباره
أسيل. تتنهد واخاف ان يكشف زين امرها بخصوص زواجها من زياد لا تريد مشاحنات أكثر بينهم
يخرج زياد من غرفته ليتجه لغرفة مريم فيسمع ضحكتها وكلامها مع شخص بطريقة مبالغ فيها
(دمك خفيف أوووى ،طيب ما تتأخرش أنا مستنياك)
يفتح زياد باب الغرفة مين دا ال مستنياه ياست مريم
مريم بعصبيه. ايه دا فيه ايه ياحيوان انت ازاي تفتح عليا قوضتى بالشكل دا
زياد بغضب يمسك مريم من ذراعها ويشد عليها مين دا ال حيوان يابت انتى ومين ال …. بتكلميه
مريم. ااااه ايدى سيب ايدى وجعتنى ودايبقى الراجل ال بيجى يعملى مساج وتدليك لجسمى
زياد انتى بتهزرى ياهانم ازاى يعنى تجيبى راجل غريب يشوف جسمك
مريم والله ما يخصكش وأنا ف بيت بابا كان بيجى يعملى مساچ وبابى عمره ما اعترض
زياد. ايه ال بتقوليه دا ازاي يوافق على كدا
مريم ايه الفكر ال انت عايش فيه دا اياك تنسى أنا عشت برا اكتر ما عشت هنا واصولك الشرقيه دى ما تمشيش عليا وياريت تظبط معايا وإلا قسمالأخلى بابا يتصرف معاك ويقلعك بدلتك دى ، المرادى هعدهالك يازياد ، ويالا اخرج عايزة احضر نفسى لجلسه المساچ
زياد يخرج من الغرفة بدون كلمه لنفسه. معقول ال بيحصلى دا ازاي أنا أقبل بكدا على كرامتى ورجولتى كل دا عشان فلوس ووظيفة ااااه ما أنا مينفعش أخسر وظيفتي ولا اطلق الزفته مريم أنا مش معايا مؤخرها ولو معايا عاصم الخضيرى مش هيسيبنى ف حالى لو طلقت بنته اااااه دماغى هتنفجر
بعد إنهاء زين وأسيل من اعمالهم فى السيارة
زين أسيل تعرفى ان عندى فضول اعرف مين أسيل وكانت عايشه ازاى واعرف عن عمى صالح
تكتب أسيل. (عندى مذكراتى من وقت ما ماما توفت وانا بكتب تفاصيل يوم وحياتى وكتبت عن طفولتي وانا لما ماما كانت عايشه كتبت لحد يوم وفاة بابا لما توصل الفيلا هديك المذكرات ومنها هتعرف أسيل وعمك صالح بس ياريت بلاش تضحك على طفولتي عشان كنت شقيه حبيتين)
يقرأ زين وهو مبتسم لا متقلقيش مش هضحك خالص
ويالا احنا وصلنا اتفضلى
عند دخول زين وأسيل الفيلا صدم زين فى ذلك الرجل
زين انت مين
الرجل. أنا بعمل جلسات مساچ لمريم هانم
زين. نعممممم !!!! مس .. ايه يا اخويا .. زيااااد
(وقعتك مهببه يازياد مع زين )🤣🤣
راضين كدا عل الإنتصار ال حققه زين لأسيل ولا ايه شويه