رواية خيانة حقيقية الفصل الثاني 2 بقلم شيرين أحمد

رواية خيانة حقيقية الجزء الثاني

رواية خيانة حقيقية البارت الثاني

رواية خيانة حقيقية الحلقة الثانية

كنت بتفرج عالصور وانا ببتسم كانت حلوة اوي كأنها حد تاني وهي فرحانه؟!
عرفت الى محتاجه من والدتها عن حياتها قبل الصدمه عملت شوية مشاوير على كام تليفون على حجز اوردرات اون لاين و رجعت البيت
_________________________
” صلي على النبي “🩷🦋
– ليلي..
= خير
– عندي سفريه شغل بكره الصبح
= طيب
– كنت بفكر اخدك معا
قاطعتني: مش هخرج مش عايزه
= انا عارف انك مش بتحبي تخرجي انا بس عاوزك معايا لأني محتاجك في شغل منتي عارفه الشراكه الى بينا
– يا حول الله يارب انا يبني متجوزاك عشان ارتاح عايز تشقيني ليه
= فوقي يا ليلي انا هخدك سفريه في شرم مش هتجاهدي في سبيل الله ثم ده شغل ابوكي
– ابوك انت
= يابت هو انا بشتمك ابويا اية؟
– ابوك انت و ابويا هما الى متشاركين مليش فيه
” اها يابنتالعنيده ”
= خليها عليكي
– انت بترغي كتير وانا خلقي ضيق الخلاصه كده هقولها تاني انت قعدت تزن على ابويا و امي فا هما قعدوا يزنوا عليا وعشان اثبتلهم اني كويسة ومش معقده من البغل الاول رضيت اتجوزك و عشان برضو ابعد عنهم وارتاح من سؤال هو انتي فيكي اية فا انا لا عايزه شغل ولا غيرو انا عايزه اقعد فالبيت وصلت؟
اتنهد بتعب ويأس: تمام
= خد الباب ف ايدك
” خرجت وقفلت الباب لم تظبط معنا.. هضطر اللجأ لحل مكنتش احب اني اللجأ لي طنط هدي قالتلي ان مهما ليلي اتغيرت عمرها ما كانت ندله او مش جدعه وانا بفكر استغل الموضوع.”
” الساعه 7 الصبح ”
– اها يا بطني مش قادر لا لا وجع مش طبيعي
سمعت بابها اترزع فا اتوجعت زياده خرجت بنت القمر وهي لسه صاحيه وبصتلي ببرود
– في اية؟
= مفيش مفيش اسف عشان صحيتك
– مش معاد الطيارة قرب برضو ؟؟
= ايوه
كانت هتمشي فا وقفت: ما تقولي في اية ماسك بطنك ليه يا بني ادم؟ انا حتي مطبختش امبارح
– انتي مش هتصدقيني لو حلفت على كتب ربنا كلها
= لا بقولك اية انجز
خت نفس بتعب: انا عندي فوبيا اني اسافر لوحدي او اقعد فمكان لوحدي وبطني بتوجعني وجع رهيب من الخوف والقلق هو موضوع نفسي يعني
– وانت قبل كده كنت بتسافر ازاي
= مع اخويا كنا ماسكين الشغل سواا
– اممم وطبعا اخوك مسافر لبنان شهر عسل وكده
= اها يبختو قصدي ايوه دي اول مره اسافر من غيره ومش قادر
– انت بتعمل فيلم عليا عشان اجي معاك صح
= شوفتي قولتلك مش هتصدقيني انا عمر ما حد فهمني ولا حس بموضوع القلق الى بيأثر عل