رواية جوز ماما الفصل الخامس 5 بقلم نور محمد
رواية جوز ماما الجزء الخامس
رواية جوز ماما البارت الخامس
رواية جوز ماما الحلقة الخامسة
جمال بدموع وندم:انا انا هربت علشان انا اللي قتلت اخوكي زمان يانعمه
نعمه بدموع وصدمه:انت بتقول ايه.. ازاي انت اللي قتلت اخويا محمود ياجمال؟!
جمال بندم كبير:ايوه انا اللي قتلته بس بدون قصد كونت بدافع عن نفسي لما هجم عليا وكان عاوز يقتلني
نعمه بصدمه ووجع:يقتلك ازاي انا فاكره يومها ان محمود شاف اختبار الحمل معايا وعرف الحقيقه وضربني وقال مين عمل معاكي كده انطقي وانا من كتر الألم قولتله الحقيقه بس حلفته برحمه امي وابويا انه يتفاهم معاك بس.. لانك وعدتني هتاجي تطلبني منه وهو بعد محايله كبيره مني وافق وقال انا هنزل بس اتفاهم معاه واتفق على كل حاجه وهسامح بس علشان خاطرك وخاطر ابنك اللي ملهوش زنب.. يبقى ازاي حاول يقتلك ياجمال بقلم نور محمد
جمال بندم وتذكر:انا هحكي لكم الحكايه من الاول انا ونعمه جيران من ايام الطفوله وكونا بنحب بعض اوي لغايه ماكبرنا واتفقنا اننا هنجوز وانا هروح اطلبها من اخوها بعد مااظبط اموري علطول.. بس في يوم كان عندنا فرح في الحاره وصحابي اصروا اشرب معاهم وشربت لغايه مغبت عن وعي خالص واول مارجعت باليل متأخر لقيت نعمه قدامي كانت قلقانه عليا لاني اتأخرت اوي في اليوم ده واول ماشوفتها ومقدرتش احكم في نفسي واخدها لغرفه السطح في العماره وحصل اللي حصل بس كان برضاها هي كمان.. ولما فقت تاني يوم انصدمت من اللي حصل بس قولت لنعمه اني هاجي اتقدم لها بس هظبط اموري بسرعه علشان لما اتقدم لها اخوها يوافق عليا وفعلا بعد اسبوعين الدنيا اتظبطط معايا بعد مجهود كبير مني ونويت اروح علطول اطلبها من اخوها بس
سكت جمال وتهند بندم ودموع وكمل: بس في نفس اليوم ده طلعت على السطح علشان اجيب هدومي اللي هلبسها لما اروح اقابل اخوها محمود وانا انيق طبعا بس فجأه وانا نازل لقيت محمود قدامي وقبل مااسلم عليه حتي هجم عليا وبقى يضربني بقوه وخنقني وخلاص كنت هموت في ايده وقتها بس حاولت اجمع أي حاجه جنبي علشان انقذ نفسي بيها وفعلا لقيت حجر كبير في الارض مسكته وضربت بيه محمود بقوه على رأسه علشان يسبني اقد اتنفس وفعلا محمود وقع على الارض ودماغه بقت بتنز*ف بعنف وانا اترعب من شكله قدامي وكنت هنزل انادي على أي حد يلحقه معايا بس قربت منه لقيته ما*ت وخوفت بعدها اتسجن وطبعا انا كونت هخرج منها لانه دفاع عن النفس بس الشرطه كانت لازم هتدور على سبب الخناقه ايه من الاول وهتعرف الحقيقه وسيرت نعمه هتبقى على كل لسان في الحاره وحتي لو اجوزتها الناس مش هتبطل كلام عنها علشان كده هرب من الحاره كلها وجيت هنا وفي اعتقادي انه كده حميت نعمه من كلام الناس عنها لغايه ماتخلص قضيه اخوها وارجع لها تاني بس القضيه فضلت شغاله لسنين طويله وانا مكنش اعرف ان نعمه وقتها كانت حامل ولو عرفت قبلها مكنتش سبتها ابدا ولو حصل ايه انا بجد اسف يانعمه سامحيني ارجوكي وانت كمان يابني سامحني لو تقدر
نزلت دموع الكل في مكان على حاله جمال قدامهم ونعمه قالت بدموع:بس انا بعتلك رساله قبل نزول اخويا محمود وكتبت فيها انه هياجي يتفق معاك على كل حاجه وكمان كتب اني حامل في ابنك
…بقلم الكاتبه نور محمد
جمال بحزن ودموع:فوني وقع مني من يومين في وقتها ومكنش معايا غيره ومعرفش اخوكي محمود عمل معايا كده ليه صدقيني يانعمه انا مهربتش وسبتك بمزاجي كان غصب عني والله
نعمه فضلت تبكي بقوه وحياه كمان كانت بتبكي بحزن وغيره كبير من نعمه وجمال قال:انا بس عاوزك تسامحيني يانعمه انا عارف انك اتعذبني ازاي بسبب اللي حصل بس ربنا يعلم اني حبيتك قد ايه ومكنش هتخلى عنك ابدا
نعمه ابتسمت بصعوبه وسط دموعها وقالت:انا سامحتك ياجمال لاني عمري ماكرهتك بس قولت الحقيقه دي لعز لان كان كل شويه يقولي بابا فين ياماما لغايه مافي يوم انفجرت فيه وقولتله الحقيقه انا اسفه
جمال بص عليها ببسمه وقرب حضن عز بقوه وقال:سامحني ياحبيبي انت اظلمت بدون زنب سامحني بس انا والله ماكونت اعرف بوجودك ياعز سامحني يابني ارجوك
عز غصب عنه نزلت دموعه بقوه وحضن ابوه جمال وقال:انا انا اللي اسف يابابا على اللي عملته معاك سامحني انت كمان
جمال بحب:مسامحك ياعز انت ابني وحته من روحي ومفيش اب بيزعل من ابنه ابدا ياحبيبي
عز دفن وجهه في حضن ابوه وانهار في العياط ونعمه نزلت دموعها على شكلهم كده قدامها بس بسعاده كبيره
وفيروز مقدرتش تتحمل اكتر من كده فدخلت غرفتها بسرعه وحياه جرت خلفها لقتها بتعيط على السرير بتاعها
حياه بقلق:مالك ياحبيبتي انتي كويسه يافيروز؟
فيروز بدموع:لا ياماما انا مش كويسه انا مش عاوزاه مش هقدر اجوزه بعد اللي عمله فيا صحيح هو كان مجروح وعاوز ينتقم من عمو جمال بس دمرني وجرحني وانا لسه بخاف منه ياماما
حياه قربت اخدتها في حضنها بشفقه وقالت:اهدي ياحبيبتي انا حاسه بيكي ياروحي وعارفه ان اللي حصل معاكي مش سهل ابدا بس فكري في ابنك ده زنبه ايه كمان حرام تحرميه من الحياه او من وجود ابوه معاه الطفل مهما حصل محتاج ابوه جنبه ولو عملتي ايه مش هتقدري تعوضيه عن مكانه
فيروز نزلت دموعها بقوه اكتر وقالت:بس ياماما انا مش هقدر اعيش معاه كل ماهشوفه قدامي هفتكر اللي عمله فيا بدون زنب صعب..صعب اوي عليا ياماما
حياه بتفهم وتشجيع:لا مش صعب والا حاجه يافيروز انتي قويه وتقدري تقفي قدامه بكل شجاعه وقوه.. وكمان هتندميه وتعلميه درس عمره على اللي عمله معاكي الست عندها طرق كتير تاخد حقها بيها يافيروز انتي فهماني يابنتي
فيروز بعدت عنها وقالت بقوه:عندك حق ياماما انا مس هسيب حقي وهاخده منه وبطريقتي الخاصه كمان
حياه بفرحه:شاطره ياقلب امك اهو دي بنتي فيروز بجد
فيروز ابتسمت لها ومسحت دموعها وخرجت بكل ثقه وقوه لقت عز جاب المأزون وجمال قاعد جنبه بيكتب الكتاب بصت عليه فيروز بخبث وانتقام وقالت في نفسها:دلوقتي هتبدأ الجوله التانيه ياعز واوعدك انك هتشوف الوش التاني من فيروز اللي هتاخد حقها منك تالت ومتلت كمان
بقلم نور محمد
وبعد دقايق خلص كتب الكتاب وعز حضن ابوه بفرحه وقال:الف مبروك يابابا حضرت جواز ابنك الف مبروك
جمال ببسمه:الحمد لله يابني ويارب يجعل بينكم موده ورحمه دائمه يارب
عز بص على فيروز بخبث وقال:امين يارب يابابا
وقفت نعمه بتعب وقالت:تمام كده الوقت اتأخر ولازم تمشي..وبصت على فيروز بحب وكملت..ياله ياحبيبتي لمي هدومك علشان نمشي
فيروز ببسمه وخبث للقادم:حاضر ياطنط خمس دقايق بس
دخلت فيروز ولمت هدومها بسرعه وخرجت حضنت امها وودعتها بدموع وحضنت كمان جمال وودعته بحب
عز بضيق وغيره:مش كفايه كده مسلسل الوداع ده هيخلص امتي بقى؟
فيروز بصت عليه ببرود وقالت:خلاص خلصت ياله بينا
وفعلا مشت فيروز مع عز ونعمه وجمال قرب من حياه بعد خروجهم وحضنتها وقال:والله وحشتيني اوي اوي ياحياه
حياه بضيق:امم فعلا وحشتك بأمارت نعمه حبك القديم واللي بكيت لاول مره علشانها
ضحك جمال بقوه وغمز لها وقال:انا مش هكذب عليكي ياحياه بس نعمه دي حب الطفوله ولسه في حبه حب في قلبي لها
حياه سمعته وزقته بغيظ وغيره وقالت:تمام روح لها مدام كده ياحبيبي ماهي مهما حصل ام ابنك برضو
جمال بص على غيرتها بحب وقرب شدها لحضنه بقوه وقال:لا مقدرش دلوقتي ياحياه لانك بقيتي حياتي ومقدرش استغني عنك ابدا
ابتسمت حياه بحب من كلامه الجميل ونست كل زعلها منه وقال ببسمه:بتعرف تدوبني بكلمتين حلوين بس منك ياجمال علشان كده انا بحبك اوي
جمال بحب:وانا كمان بحبك اوي ياحياه
وعلي الجهه الاخرى وصل عز ونعمه وفيروز للبيت واول مافتح عز الباب توجه لغرفه علطول بضيق وسابهم بقلم الكاتبه نور محمد
ونعمه قعدت ومعاها فيروز وبصت عليها بحنيه وقالت:انا عارفه انك وافقتي بس علشان ابنك يابنتي بس صدقيني عز طيب اوي وقلبه ابيض بس اللي حصل معاه في طفولته صعب اوي أي طفل في سنه يمر بيه
فيروز بفضول:حصل معاه ايه ياطنط ممكن تحكلي انا عاوزه اعرف كل حاجه عنه
نعمه بتعب:حاضر يابنتي بس مش دلوقتي بعدين هحكيلك كل حاجه بس بلاش طنط دي وقوليلي ياماما احسن
فيروز ببسمه:حاضر ياماما
نعمه ببسمه تعب:تمام ياحبيبتي روحي شوفي جوزك دلوقتي الوقت اتأخر اوي
وقفت فيروز بسرعه وقالت:تمام عن ازنك ياماما
نعمه بفرحه لوجودها:ازنك معاكي يابنتي
فيروز سابتها وتوجهت لغرفه عز وفتح الباب ودخلت لقت عز خارج من الحمام بالمنطلون بس وهو بينشف شعره فشهقت بصدمه وخجل وقالت:انت ازاي تخرج بالشكل ده من الحمام انت نسيت اني هقعد معاك في نفس الغرفه هنا
عز خلص تنشيف شعره وبص عليها نظره جانبيه بخبث وقال:لا منستش بس احنا اجوزنا خلاص وبقيت حلالك وانتي كمان حلالي ونقدر نشوف بعض بأي شكل دلوقتي عادي
فيروز عنيها وسعت بزهول من جرائته قدامها وقالت بضيق:ايوه اجوزنا بس منتساش احنا اجوزنا ليه علشان ابننا يعني جواز على الورق بس مش اكتر
عز بص عليها ببرود وقرب منها وقال:عارف متقلقيش انا اصلا مش عاوزك هنا معايا وهستحمل وجودك بس علشان خاطر ابني مش اكتر يعني خدي راحتك هنا واعتبري اني مش موجود تمام
فيروز بصت عليه بغيظ وضيق من كلامه وقالت:تمام لما نشوف
وسابته واخدت هدووم لها ودخلت الحمام وعز بص في اثرها بأعجاب ورغبه وقال بهمس:انا ايه اللي قولته دي بس ياربي اذاي مش عاوزها تفضل هنا معايا وانا كل ماشوفها قدامي ببقى همو”ت عليها يارب انا هتمالك نفسي قدامها اذاي بس
وبعد دقايق خرجت فيروز من الحمام وهي لابسه عبايه قصيره لونها ازرق ومفتوحه بطريقه مغر’يه وقعدت قدام المرأيه وهي بتنشف شعرها المبلول وهو بينقط خلفها بشكل ساحر فكانت كتله جمال لا يقاوم
قدام عز الي بلع ريقه بتوتر وارتباك من شكلها المهلك قدامه وتقدم عليها وقال بارتباك:احم.. انتي.. انتي هتفضلي هنا بالشكل ده قدامي
فيروز ابتسمت بخبث وبصت عليه وقالت:ايوه هفضل كده انت مش قولتلي خدي راحتك هنا واعتبري اني مش موجود معاكي
عز بص عليها باعجاب وبلع ريقه بر”غبه كبير فيها وقال بحده:بس انا راجل ولازم اضـ’عف لما اشوف الجمال ده كله قدامي
فيروز ابتسمت بانتصار وبصت عليه ببرود وقالت:والله دي مشكلتك انت.. ولو مش قادر تتحمل.. تقدر تخرج بره في غرفه تاني تقدر تنام فيها
عز اتغاظ اوي من ردها وقال بضيق وغيظ:طيب وامي لو شافتني نايم في غرفه تاني هقولها ايه طلعت انام في غرفه بره علشان مش قادر اتمالك نفسي وعصابي قدام مراتي
فيروز ابتسمت بشماته فيه وقامت توجهت للسرير وقالت بكل برود:دي مشكلتك وانت حر بقى انا مالي تصبح على خير ياعز
عز بلع ريقه بر’غبه من شده جمالها قدامه وتوجه للجهه الاخر من السرير بغيظ كبير وقال: تمام ربنا على ظالم والمفتري ياشيخه
فيروز كتمت ضحكتها بصعوبه قدامه وقالت:تصبح على خير ياعز وابقى اتغطى كويس علشان تقدر تنام واه خليك كمان بعيد عن الجنب بتاعي علشان متزعلش مني
عز بص عليها بصدمه من قوتها اللي اول مره يشوفها قدامه وقال في سره:ماشي يافيروز براحتك بكره تندمي
نامت فيروز من جهه وعز نام في الجهه التانيه وهو هيفرقع حرفيا من الغيظ بسببها وبعد وقت عز فتح عنيه لقى فيروز نايمه بعمق فقرب منها بهدووء ومد ايده علشان يسحبها لحضنه بس قبل مايلمسها سمع صوتها وهي بتقول:انا منومتش لسه ياعز ومصحصحة اوي ليك فلم نفسك ونام بقى ربنا يهديك
عز سمعها بصدمه ورجع مكانه تاني بضيق كبير وقال:بت بومه بس مزه اوي حرام عليكي والله بس تمام يافيروز ماشي بره هتندمي صدقيني ماشي
فيروز ضحكت عليه بقوه وقالت بشماته: متخفش عليا مش هندم ابدا ياعز خليت ليك الندم كله وبكره هتشوف
عز اتغاظ اكتر وبقى هيفرقع منها وقال: تمام بكره نشوف مين اللي هيندم بجد تصبحي على خير
فيروز : وانت من اهله
وفي الصباح صحت فيروز الاول ودخلت الحمام اخدت شور وطلعت تحضر الفطار وبعد وقت خلصت الفطار وتوجهت لغرفه نعمه علشان تصحيها الاول
خبطت على الباب بهدووء وقالت: ماما اصحي الساعه بقت 9 وانا حضرت الفطار ياله ياحبيبتي
مرت دقايق ومفيش رد من نعمه فقلقت عليها فيروز ودخلت الغرفه بسرعه لقتها واقعه جنب السرير بتاعها فجرت عليها برعب وحاولت تفوقها بس بدون جدوى
فجرت على غرفه عز بخوف كبير ودخلت بسرعه وقالت برعب: عز الحقني بسرعه ماما نعمه دخلت اصحيها لقتها واقعه جنب السرير بتاعها ومش بتنطق ابدا
عز انتفض على صوتها برعب وسابها وجرى زي المجنون على غرفه امه بخوف كبير وووو
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية جوز ماما)
