رواية نصيبي الحلو الفصل الخامس 5 بقلم ملك أحمد
رواية نصيبي الحلو الجزء الخامس
رواية نصيبي الحلو البارت الخامس
رواية نصيبي الحلو الحلقة الخامسة
روحت هايدي البيت وعبدلله راح شركه من الشركات بتاعتو دخلت المكتب بتاعو وطلب السكرتيره بتاعتو
وهي بنت ملزقه ومايصه وبارده
السكرتيره بدلع: نعم يااستاذ عبدالله
عبدالله: اخبار الشغل اي؟
السكرتيره: كله تمام
عبدالله: تمام هاتيلي القهوه بتاعتي
السكرتيره: حاضر… متنساش حضرتك ان ف اجتماع كمان نص ساعهه
عبدالله: تمام
وذهبت السكرتيره بس دخل صاحبو ع طول بمرح كالعاده
(هو شاب ف سن عبدالله طويل وقمحاوي وشعري ناعم ولونو بني ورياضي برضو…واسمه اسلام)
اسلام للسكرتيره: اي الحلاوه دي مزه يخربيتك
عبدالله: يخربيت القرف اهو شرف الصداع
اسلام بضحك: اي يابني مالك بس.. وحط رجل ع رجل ع الكرسي اللي قدامو
عبدالله: نزل رجلك ياحيوان
اسلام نزل رجلو بضحك: ماشي ياكبير
عبدالله: بقولك ايي ابعد عني انا مش ناقص
اسلام: ف اي بس احكيلي انا زي امك
عبدالله: غور يالا من هنا
اسلام: خلاص خلاص قولي مالك طب حاسس ان ف حاجه
عبدالله بسرحان ورجع ب الكرسي ل ورا: مش عارف يااسلام بجد بس هي جميله اووي
اسلام بغمزه: هي مين دي اللي جميله اووي
عبدالله بجمود: هاا؟ لا دي ف بنت كده كانت بتعيط معرفش مالها خبطت فيا ونا ماشي
اسلام: شكلك وقعت ولا اي ياكبير وضحك
عبدالله: قوم يالا من هنا روح شوف اللي وراك قوووم
اسلام: حاضر يابيبي يوه براحهه
عبدالله: غور ياض جتك القرف
خرج اسلام بضحك وعبدلله فضل سرحان عايز يعرف مين دي وكانت بتعيط ليه….
*تأليف: “ملك احمد”*
ف مكان تاني هايدي كانت قاعده ف اوضتها ودخل عليها ابوها
الاب: انتي قاعده كده مفيش منك فايده متقومي تعمليلك حاجه ولا امسكيلك كتاب بدل مانتي قاعده ملكيش لازمه كده
هايدي: ف اي يابابا
الاب: لا مفيش ياختي… الفلوس اللي عماله تترمي ف الارض ونا طالع عيني عشان اجبها وحضرتك قاعده ولا بتذاكري ولا بتتنيلي
وخرج الاب بغضب: ربنا يتوب عليا من القرف ده
هايدي سكتت وبصتلو بزعل وامها دخلت عليها وخدتها ف حضنها وطبطبت عليها لحد مانامت سبتها امها وخرجت من اوضتها
الام ل ابو هايدي: انت مش هتبطل اللي بتعملو فينا ده شايف بنتك بقت عامله ازاي هي دي حنيتك عليها
الاب: ياختي بدل ماتتكلمي معايا اتكلمي معاها هي خليها تمسك كتاب ولا هي فلوس بتترمي ف الارض وخلاص ولا تكونيش مش عارفه انا دافع قد اي عليها دي كسره ضهري بسبب المصاريف اللي بصرفها عليها
الام بغضب: ف اي هو كل حاجه عندك فلوس فلوس كل شويه مسمم بدنا عشان الفلوس اللي بتسبهالنا مش عايز تصرف اتجوزت ليه من الاول وخلفت
مش عايز تصرف علينا قولي وانا انزل اشتغل واصرف ع عيالي ونفسي
الاب بغضب: اكتمي بدل ما امد ايدي عليكي انا ماسك نفسي عنك ب العافيه
الام: منك لله يابعيد ربنا ع الظالم والمفتري وسابتو ومشيت
صحيو تاني يوم والام استغرب ان هايدي مش باينه لغايت دلوقتي
الام: بقولكو اي ياولاد مشوفتوش اختكو
احمد واخواته: لا ياماما مخرجتش من الاوضه بتاعتها
الام قلقت ع بنتها وراحت تشوف ف اي ومالها
دخلت الام لقت هايدي لسه نايمه ودي اول مره تفضل نايمه كده
الام: هايدي يابنتي قومي بقي كفايه نوم.. هايدي…..
تهز فيها برضو مبتصحاش…. الام قلبها وقع ف رجليها و…..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية نصيبي الحلو)
