رواية حب إجباري الفصل الثالث عشر 13 بقلم ميساء
رواية حب إجباري الجزء الثالث عشر
رواية حب إجباري البارت الثالث عشر
رواية حب إجباري الحلقة الثالثة عشر
لا يا ولدي هذا شي ماشي عادي لي دارت هالبلاوي كل فيك وفي مرتك وبنت عمك قلبك كلاك عنها بصح مرتك ام ولادك كسرت بقبلها هاذي عادي عندك_متهدرش حاجة أنا مقلتهاش وإذا تقدر عيطلها وتجيب ولادي باه نديهم ونخرج_علاه أنا ماشي تشوف فيا قدامك لا علبالك ماعندها حتى واحد وتستقوي عليها ، ولذرك أنا مزلت ماقلت لل ولادي والله كانت راح تصرا كبيرة_نقلك انت تهددني وتخوفني وينتى عرفت بنت اختك من ماتت عمتي اعطيتونا يديكم وذرك جاي مستقوي بولدك_احترم روحك أنا قد باباك باه تقلي تستقواا احكم في لسانك واعرف واش تخرج منو وقمر راح تبقى هنا اليوم جايب وحدة من شارع ومتعاطف معاها وغضاتك غدوة تقلي مازالت ما ريحت نزيد نتزوج بيها باه نكفر عن ذنبي بإختصار انت تديرها وبنت اختي تخلص_لي حابين عنو واش اهدرلي من لخر_ماني حاب منك والو قمر هي لي حابة_مليح عيطلها نشوف طلباتها. كنت واقفة ومركزة في كل كلمة كي العادة ديما هو الملاك وخاطييه ، فتت للكوزينة دار كامل كانو يسمعو ويجبدو فيه وعلى هدراو ولسانو لي سكت خالي وكيفاه يفسر نعلت روحي وعلى واش حاسدينو على لسانو وقف خالي وقالي ماشي مربي وميحشمش كيفاه حاملاتو ، سكت وتنهدت … امشي امشي رآه يحوس عليك خلي نشوفو واش يحوس بعد طلعت راسي وقتلو خالي مانيش راح نخرجله ولا حابة حتى نشوفو _واش حابة خالي_قولو نبقى في دار يما أنا وولادي وميتعرضليش _معليش … راح عندو شوي ونسمعو فيه يعيط ، أنا نعلمهاااا واني ليها خرجت عينيها نجوم سماء اقربلهاااا كون تبقى العمر كامل هنا ترجع ترجع ولا نجي نجبدها وخالي يقولو مانيش حاب نهينك هذا داري وأخرج منهاا بكرامتك جاء ولدو الكبير وخالي مكانش حابها تكبر خرجو وتيم شافو من باب الكوزينة روحه طارت وضل يتمرغد في لارض ويعيط بابا بابا … عجزت وتعبت ماعدتش قادرة نخمم ، وكيفاه راح نتفك منو معلاباليش … مخلانيش ولا بعد مني يوميا يجي وانا نرفض نخرجلو سمر جات مرة غير عمتي ديما تجي حللتلي وهدرت رفضت نرجع ماشي تكبر ولا غرور بصح حبيتو يعرف اني ماشي سهلة وميحسبيلش حساب كي يتصرف … خالي ومرتو هازيني على كفوف الراحة بصح كناين تاعهم تقول راح نهزلهم رجالاتهم حابين غير ياكلوني ولاد خالي هايلين وثقال في عقولهم ماشي لي متصورينهم هم غير بنت عمتي بنت عمتي وبنات خالي قريبة ليهم وديما عندنا يجو يقولولي متديش عليهم هاذوك ديما هكا غيارييين حتى منا ، كنت نشوف فيهم كيفاه يشوفو مع تيم بكره كي يقرب لولادهم ونسكت ونسكت حتى عدت حاسة روحي ثقيلة وجبل عليهم حابين غير يتهناو مني. هاذي حالة لي معندوش أهل وين ميروح يحس روحه ذليل تيم كثر فيها وهكاك نحسو عاد ميتحملش مياكلش غير يبكي ويضرب في لولاد ولاصق في حضني يرقد للمغرب شوي وينوض متصرع ويقعد يبكي لصباح وكامل قالولي هذا خارج للباباه نسخة منو. نبوس وندلل ونعلم ميفيدش يخرجوه يشروله ميقبلش يخرج تعبني نضت نقتل فيه وهو يبكي بهبال وانا نبكي معاه منبعد نوض نهزه ونطلعوا لسطح ونسكت فيه باه يبطل عياط صرعهم وتعقدو بعياطو …
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حب إجباري)
