رواية اوجاع الماضي الفصل الثاني 2 بقلم الكاتبة الصغيرة
رواية اوجاع الماضي الجزء الثاني
رواية اوجاع الماضي البارت الثاني
رواية اوجاع الماضي الحلقة الثانية
دخل نور الفصل وقعد في اول المدرج واستناها تدخل عدت دقايق ودخلت للقاعة بهدوءها المعتاد واصوات الطلبة بقت مسموعه وكلهم بيتكلموا عنها وهي مهتمتش بدا
هدي بصوت عالي : سكوت
سكت الكل لانهم بيخافوا منها هي صحيح جميلة بس عصبية جدا واهم حاجة عندها النظام بدأت هدي الشرح ونور كان بيبصلها باعجاب لان شرحها سهل وسلس ويحببك في المادة بعد ساعتين خلصوا المحاضرة والكل خرج واتفضل هي بس
اخدت حاجتها وخرجت بس سمعت صوت عالي وزعيق راحت بسرعة تشوف في اي واستغربت لما لقت شاب ماسك نور وبيضرب فيه ونور مش قادر يدافع عن نفسه لان الشاب اكبر منه في السن والجسم والكل بيبص ومحدش بيساعده راحت بسرعه لهم واول ما الشاب شافها بعد عنه بسرعه
هدي بزعيق : في اي ايه اللي بيحصل هنا
الشاب : مفيش دا سوء تفاهم
هدي : سوء تفاهم يخليك تعمل فيه كدة
ساعدت هدي نور انه يقوم واللي وشه كان مليان دم وهي متعصبة جدا من المنظر اللي قدامها
هدي : قدامي علي مكتب العميد يلا
خاف الشاب من صوتها العالي وراح بسرعة لاوضة العميد وهي مسكت نور واخدته لهناك وصلوا للاوضة وكان الشاب مستني هناك
هدي : ادخل يلا وانت ي نور ممكن تطلب ولي امرك
نور : اخويا بس تليفوني هو كسره
هدي : خد تليفوني كلمه وتعالي
ادتله التليفون ودخلت هي للاوضة اما هو فاتصل باخوه اللي مردش عليه من اول مرة حاول تاني لحد ما رد
نور : الو تميم
تميم : نور انت بتتصل من تليفون مين
نور : مش مهم تعالي ليا الجامعة بسرعة
تميم : اي اللي حصل و صوتك ماله
نور : مش وقته هتعرف لما تيجي متتاخرش انت بس لو سمحت
قفل بعدها المكالمة ودخل للاوضة لهم راح لهدي وادالها التليفون
نور : شكرا ليكي بجد انا اتصلت باخويا وهو جاي دلوقتي
العميد : دكتورة هدي ممكن تقوليلي اي اللي حصل
هدي : بعد ما خلصت المحاضرة طلعت وسمعت صوت ولما روحت اشوف لقيت الشاب دا ماسك نور ونازل ضرب فيه وهو مش قادر يحمي نفسه ولما سالته السبب قالي انه سوء تفاهم
العميد : تمام تقدر تقولي اي السبب
نور : انا خرجت من المحاضرة وكنت بتكلم في التليفون ولقيته سحب مني التليفون ولما جيت اخده منه مرضيش يدهولي فانا زقيته فهو مسكني وفضل يضرب فيا لحد ما الدكتورة هدي جات وبعدته عني
هدي : زي ما حضرتك سمعت وانا مش هتنازل عن حقه ابدا
العميد : وانا هتصرف
بعدها بدقايق خرج نور والدكتورة هدي والشاب اللي كان متعصب اوي ونور ابتسم لهدي
نور : شكرا علي كل اللي عملتيه
هدي : هو كان لازم ياخد جزاؤه مينفعش تعدي بالساهل عشان متتكررش
دخل عليهم شاب وهو بيجري وحضن نور اول ما شافه وهو قلقان
نور : انا كدة اتخنقت
تميم : مين اللي عمل فيك كدة
نور : دا كان في مشكلة بس خلاص اتحلت
تميم : اتحلت ازاي يعني انت مش شايف وشك عامل ازاي اللي عمل كدة لازم يتحاسب عرفني مين اللي عمل كدة
نور : هو اخد جزاؤه والمشكلة اتحلت متقلقش
تميم : تعال معايا يلا
نور : طب استني اعرفك علي الدكتورة هدي
تميم : اتشرفنا
نور : دي اللي وقفت معايا واللي خلت اللي عمل فيا كدة ياخد جزاؤه
تميم : شكرا ليكي
هدي : ولا يهمك دي مسؤوليتي انا وانا معملتش حاجة غير واجبي
تميم : علي العموم شكرا ويلا ي نور عشان نمشي
نور : اسبقني وانا هجيلك
مشي تميم وهو متعصب من منظر اخوه وحالف انه ياخد حقه بايده ونور بص لهدي وابتسم
نور : معلش بس هو كدة دايما بيخاف عليا اوي لانه هو اللي مربيني وشكرا ليكي بجد
هدي : هو دا اخوك الكبير
نور : ايوة هو ما بيني وما بينه سنتين بس هو بيعاملني زي ابنه
هدي : ربنا يخليكم لبعض
نور : انا همشي دلوقتي لاني لو اتاخرت هييجي تاني وللمرة التانية شكرا علي كل حاجة
••••••••••••••••••••••••••••••••••••••••••••••
في المكتب كان قاعد هو وصاحبه وباين عليه الحزن
_ي وجيه ارحم نفسك بقي انت كدة اللي هتتعب
وجيه : مجدي حل عني وسيبني
مجدي : اسيبك ازاي انت اي ي اخي عمرك ما هتتغير هتفضل حزين كدة لحد امتي مش عارف تكمل حياتك
وجيه : واكمل حياتي ازاي بعد اللي عملته انا بايدي بعدت ابني عني وبعدها مراتي انا مستحقش اني اعيش بس مكنتش اقدر ارجعلها وهو مش معايا
مجدي : انسي ي وجيه 20 سنة بتلوم نفسك وبسبب الموضوع دا هتدمر حياتك بايدك عاوز اي تاني
وجيه : مش قادر انسي ي مجدي كانت كل حاجة بين ايدي عندي ابن ومراتي بحبها وعايشين حلوين بس بغبائي ضيعت كل دا
مجدي : وطول ما انت حاطط في دماغك انك السبب وبتلوم نفسك كدة هتتعب ممكن تقولي اخر مرة نمت من غير منوم كانت امتي
وجيه : مش فاكر
مجدي : اقولك انا من 20 سنة من وقت الموضوع دا من وقت ما لقيتك منهار في الشارع مش عارف تروح فين حاولت معاك تبدأ حياة جديدة وسمعت كلامي بس بنيتها علي حزنك وبكدة كل اللي بنيته هيتدمر في لحظة
وجيه : وعاوزني اعمل اي ي مجدي انا تعبت كلامها اخر مرة لسة في سمعه لحد دلوقتي كلمتها ليا وهي بتقولي انا بكرهك مش راضية تطلع من دماغي
مجدي : حاول ي وجيه والله لو حاولت هتقدر انت قوي وتقدر تتخطي دا بس انت اللي مستسهل انك مش قادر
وجيه : انا اللي بفكر فيه فيها اي لو كنت مت لما خبطني بالعربية لو مكنتش ودتني المستشفي يومها مكنتش عايش في عذاب لدلوقتي
مجدي : انا هسيبك وفكر في كلامي كويس ي وجيه
خرج مجدي من المكتب وسابه وسط افكاره اللي مش مخلياه ينام من سنين
وجيه : انسي ازاي بس محدش بينسي بسهولة ودا كان ابني ومراتي انسي ازاي مهما حاولت هرجع تاني لنفس النقطة لنقطة الصفر
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية اوجاع الماضي)
