رواية العشق الأبدي الفصل الثالث عشر 13 بقلم إسراء خليل
رواية العشق الأبدي الجزء الثالث عشر
رواية العشق الأبدي البارت الثالث عشر
رواية العشق الأبدي الحلقة الثالثة عشر
عند عزيز راح مع رائد و أكرم مكان ما موجود
شهاب دخلو عزيز لقه شهاب مربوط في الكرسى
ووشو كله دم
عزيز :هو ده ابن ال إللي كان خاطف مسك
أكرم هز دماغه
عزيز بكل غل راح وفضل يضرب في شهاب
رائد راح شده :بس يا عزيز خلاص هيموت في
أيدك
عزيز :مايموت ولا يغور في داهية ده عيل كلب
أكرم :اهدا بس يا عزيز إحنا هنظبطو ونرميه
في أي حتة
عزيز :مش قبل ما افش غليلي فية علشان
ميفكرش يعمل العاملة السوده دي مع أي
بنت تانيه
أكرم :الحمدلله مسك كويسه وإحنا لحقينها
في الوقت المناسب نظبطو شوية ونرميه
إحنا مش بتوع قتل
عزيز :ولا انا بتاع قتل طبعا بس ده كلب ولازم
يتربي
رائد :هنربيه
عند مسك
مسك :وبس يا خالتي ولولا رائد و أكرم كان
زماني ضعت
عفاف حضنتها :الحمدلله يا حبيبتي إنك بخير
وربنا بعت الشباب مجده ليكي ربنا يحميهم
لشبابهم
مسك :يارب
عفاف :بس قوليلي عزيز وصلك إزاي انت كلمتيه
مسك :ولا كلمته ولا خرا ده هو إللي جه هنا
لوحده ودلوقتى رايح لشهاب
عفاف :مين شهاب
مسك :الزفت اللي خطفني إللي عايز يعمل نفسه
بطل
عفاف :الصراحة المرادي أنا حبيت عزيز حسيتو
خايف عليكي مش علشان انت بنت مديحه
لا أنا حاسه إنه حاسس بحاجه ناحيتك
مسك :ناحيه مين ونبي يقعد على جمب انا ولا
عايزه اتحب ولا أحب أنا مستريحه كده
معلش يا خالتي ممكن تساعديني أخد دش
واغير هدومى دي
عفاف :عيني يا حبيبتي تعالي قومي على مهلك
مسك قامت مع عفاف
عند احمد فى المركبة
احمد ماسك الصناره وحاطط أيده علي خده
مستني السمكه تكرم عليه وتطلع في الصناره
عند منه دي خامس سمكه تطلع ليها وهي
تمسكها تبص لأحمد و تضحك و تحطها في
السله وتحط الصناره تانى وتطلع بغيرها لحد ما
بقى معاها آكتر من عشر سمكات ودعاء
معاها خمس سمكات بس و تسنيم أخت دعاء
معاها عشر سمكات و احمد ولا سمكه
احمد :أنا نفسي افهم اشمعنى آنتو معاكو
سمك وطلع ليكو أقل من نص ساعة كذا
سمكه اشمعنا أنا هو السمك ده لحد عندي
وعرج ده إيه اليوم الاسود ده منك لله
لهرقل انت
منه بضحك :علشان انت مش سالك يا أخويا
اسلك هتسلك معاك
احمد :اسلك اية مانا بكل نيتي الحلوة الطيبه
الجميله الوسيمه بادي للسمك حب علشان
بطلع فى الصناره بس أنا مش عارف مخاصم
الصناره ولا إيه
منه كانت لسه هتتكلم حاجه مسكت فى صنارة
احمد
احمد بفرحه:يا فرج الله شبكت شبكت
لولولولولولولولولولي
دعاء بصالة وبتضحك
احمد طلع الصناره من البحر واتصدم :إيه ده
منه شافت كده وقعت علي نفسها من الضحك
ودعاء وتسنيم كمان
احمد :فرده جزمه كتر خيرك طب ممكن بقى
الفرده
التانيه علشان مينفعش امشي بفرده
و فرده وعمل بقو كده ☹️
عند عزيز روح من عند شهاب بعد ما عمل معاه
الصح
مديحه :كنت فين يا عزيز من إمبارح دخلت
اوضتك مش لاقيتك
عزيز :كنت في مشوار كده
مديحه :طب تعرف اخبار عن مسك هي كويسه
أصل أنا من إمبارح حاسه اني قلبي مقبوض
مش عارفة ليه
عزيز بصلها وخد نفس : مسك كانت مخطوفه
بس الحمدلله ربنا بعتلها ولاد حلال انقذوها
مديحه بصدمه :إيه مسك كانت مخطوفه وازاى
مقولتليش يا عزيز
عزيز :مكنتش عايز اقلقك لأن عارف إن مسك
هترجع
مديحه : إنت هتهزر يا عزيز يعني اية مش عايزني
أقلق دي بنتي يا عزيز هي فين دلوقتي
عزيز: روحت البيت وكويسه الحمدلله
مديحه :طب أنا عايزه أروح لها
عزيز :بلاش يا ماما دلوقتي نسيبها نرتاح وتبقى
تروحي ليها بعدين بس أعصابها تهدا
مديحه :ماشي يا عزيز
عزيز :أنا هطلع أنام شوية علشان تعبان
مديحه :إطلع يا حبيبي
عزيز طلع مديحه فضلت تفكر في مسك
عند أكرم
دخل البيت بتعب لاقه مني مراته قاعدة
ومكشره
أكرم :اعوذ بالله من الشيطان الرجيم
مني :يعني انت بقالك ساعتين مكلمني
وقولت إنك في الطريق اتأخرت ليه بقى كنت
عندك مراتك التانيه صح قولي مانا خلاص تخنت
بقيت مش عجباك صح بتدور علي الجديد
أكرم :استغفر الله العظيم جديد اية بس يا
حبيبتي دانتي حبي الوحيد الأول و الاخير
مقدرش ابص لغيرك ومين قال إنك تخنتي
دي آنتي زي القمر طب ياريت تبقي حامل
كل شويه علشان أشوف القمر ده قدامي
مني بصتله وابتسمت :ماشي يا سيدي طب
كنت فين بقى
أكرم حكى ليها
مني :يلهوي طب هي كويسة
أكرم :كويسه الحمدلله قريبها جه معانا
عند الواد اللي كان خطفها ده وعمل معاه
السلميه خلاه مينفعش تاني خالص مالص
مني :أحسن يستاهل هي بنات الناس اية لعبة
يعني هو إللي قليل الادب ومترباش وزعلان
من حته القلم وربنا لو كنت أنا كنت نزلت بالجزمه
أللى كعبها 7 سنتي ده علي دماغ امه فرمته
بس جدعه البت دي اسمها اية
أكرم :مسك
مني :حلو إسمها لما تجيب بنت بقى ان شاء الله
نبقى نسمي مسك اسمها حلو بقولك اية
تبقى توديني ليها اشوفها
أكرم بأستغراب :تشوفيها ليه يعني
مني :عادي اطمن عليها أشوف شكلها كده
يعني
أكرم حضنها بضحك :حبيبي الغيور مفيش
احلي منك في عيني يا قلبي دانتي ست الستات
كلهم
مني ابتسمت بحب وحضنته
عند احمد ومنه
كان الكابتن موقف كل واحد قدامه السله
بتاعت السمك إللي اصتطادها
الكابتن عد سمكات كله وراح على أحمد و منه
و دعاء وتسنيم
راح عند سله منه وعد : 40 سمكه شاطرة يا
منه
وراح عند تستنيم: 20 تمام
راح على دعاء : 8 قليل اوي
راح بقى علي سله احمد فتح واتصدم لما شاف
فرده الجزمه : اية ده بقى ده السمك إللي
اصتطادو فين السمك يا أستاذ
احمد :والله يا كابتن السمك شكله كان
مخاصمني ولا إيه معرفش هو بيحب منه
علشان كده راح عليها إحنا ممكن حضرتك
لمواخذه يعني نعمل فرده الجزمه دي على
شربه جزم واهى أي حاجه تيجي من ريحه البحر
حلوة هههيهييي
الكل ضحك على أحمد والكابتن بصلو بغضب
: إنت بتهزر يا أفندي ها فين السمك
احمد :ماهو مفيش سمك طلع ليا مصتطدش
غير فرده الجزمه دي هي إللي طلعت ليا أعمل
ايه انا يعني اموت نفسي علشان
السمك مطلعش
الكابتن نفخ فى وش احمد ومشي من وشه
احمد :اوف لا كان زود النفخه كمان كنت طرت
من مكاني الراجل ده أكيد امه كانت بتاكلو
جموسه كاملة أو حوت كامل أيهما أقرب
دعاء ضحكت عليه
الكابتن :وكده يبقى الفايز معانا منة سراج
علشان هي اكتر واحده جمعت سمك
منه بفرحه :هييييييييييه الكابتن كمل كلامه :
دلوقتي
بقى الغدا هيبقي السمك إللي كل واحد اصطادو
هنشوي السمك ده يلا بينا
وعدا يوم ورا يوم ورا يوم والرحلة خلصت
وكل واحد بيهجز نفسه علشان يمشي
احمد جهز شنطته و قفلها ومنه كذلك
احمد طلع برة خيمته و حاطط الشنطه بتاعته
على كتفه وكان مستني تطلع
بص شاف دعاء طلعت من الخيمه بتاعتها هي
واختها راح عليها بأبتسامه :إزيك يا دعاء
دعاء بأبتسامه :أهلا يا احمد عامل اية
احمد :تمام أشوفك في الجامعه ان شاء الله
دعاء :إن شاء الله علي فكره انت دمك خفيف
آوي
احمد ضحك :ميرسي ميرسي كلهم بيقولو كده
أنا أصلا شخص مسخره هيهيهي بس بقي
بتكسف
دعاء ضحكت : ياختي بيضه
احمد ضحك هو كمان
منه :بتضحكو على إيه ضحكوني معاكو
احمد ودعاء اتخضو : ياما إيه يا بت انتي
قولي احم أو دستور حتي
منه :ليه يا أخويا وانا داخله عليك الحمام دي
صحرا آه صحيح الكابتن بيقولك روح يلا شيل
الخيمه دي
احمد :يووووه دي إيه الرحله إللي كلها فرهدة
دي
منه :معلش يا احماااا خليها عليك
احمد بصلها بغيظ وزقها في وشها ومشي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية العشق الأبدي)
