رواية تخاتيخو الفصل العشرون 20 بقلم فاطمة طلال
رواية تخاتيخو الجزء العشرون
رواية تخاتيخو البارت العشرون
رواية تخاتيخو الحلقة العشرون
نزل راجح فورا وركب عربيته وهو بيتصل بجينا اللي ردت عليه باستغراب:
– ايه ده غريبة راجح بتتصل بيا
– اسمعيني هنا كويس ’ انتي تلبسي فورا والا هاجي اخدك زي ما انتي كده
– في ايه ؟ ايه اللي حصل
– انتي اخترتي طريق وعليكي تكمليه ! هبة ملهاش ذنب تدفع تمن غبائك ده فاهمااااااني
وفضل راجح يصرخ ويهدد جينا كتير اللي طبعا انهارت اول ما عرفت ان ثامر خطف هبة …
*************************************
هبة بدأت تفوق من التخدير ولقت نفسها في اوضة تانية غير اوضتها ’ بدأت تفتح عينها وتحاول تستوعب فلقت شاب قاعد قدامها لابس تي شيرت احمر وسلسلة فضة وبشرته سمرا وشعره اسود وعنده سكسوكة .. خافت هبة واترعبت وقالت:
– انت مين؟
– ثامر
– ايه!
– ثامر ايه اسم غريب
– انا معرفكش
ثامرابتسم بشر:
– ولا انا ! بس اول ما شفتك شكلك الكيوت عجبني رغم انه مش ستايلي خالص الحجم العائلي ده!
هبة اضايقت لانها فهمت من كلامه انه قصده على تخنها فقالت بخوف:
– ايوة يعني انت خطفني ليه
– مفيش عايز جينا فهخدك رهينة لحد ما الفارس بتاعك يجبلي جينا ويسلمهالي بنفسه
هبة افتكرت على طول الاسم وافتكرت كلام جينا ليها وقالت بضيق:
– وانا مالي! انتوا اتنين مع بعض احرار ’ تاخدني انا ليه ! هو انا مكتوب عليا خلة الزتون دي طول حياتي! افففف مش مكفيكم اني هربت
يقرب ثامر ليها بهدوء ويحاول يلمس خدها وعيونه كلها شرار:
– عارف انك بعدتي ’ بس هي عنيدة وعايزة خطيبك ومصممة عليه ’ مش قادرة تنسى يا بيبي انه بقى حبيبك انتي وانها بقت ملكي انا …
هبة تبعد عنه وتبص ليه بقرف:
– متلمسنيش
يمسك ثامر شعر هبة المتكتفة ويبتدي يلعب فيه وكأنها طفلة صغيرة ويقولها:
– انتي عارفة انا قررت ايه
– ……
يشد شعرها لورا شوية ويقول وهو بيجز على سنانه:
– لما اكلمك بيبي تردي عليا خصوصا اني هعملك هدية حلوة مني ’ اعتبريها هدية جوازك انتي وراجح
هبة وهي بتتألم من الشد:
– ابعد عني يا مجنووون ’ افففف اتاريها كانت مرعوووبة منك ’ لانك مجنوووون
– تؤ تؤ تؤ عييييييب بيبي ’ عيب تكلميني كده وانا هعملك هدية هتشكريني عليها طول العمر
– مش عايزة حاجة منك
يضحك ثامر بجنون:
– ثامر قرر فهيعمل ومش بمزاجك! بيبي شكلك كيوووت اوووي ’ حرام تضيعيه بتخنك ده
– ملكشششششششششششش دعوة اففففففف
– بيبي الرجالة بتحب البنات اللي مش تخان وفيه رجالة بتحب بنات مليانة بس مش اوي كده!
هبة تتف عليه وتقوله بحقد:
– انت حقير وقليل الادب !
يضربها ثامر جامد بالقلم ويمسكها من خدودها ويقول:
– لما ثامر يؤمر على شيء لازم يتنفذ!
******************************************
جينا ركبت العربية مع راجح اللي فضل يزعق ليها ويقولها:
– اتصلي بالحيوان ده وشوفيه فين
– بس انا مش عايزة اتصل ’ انا مرعوبة
راجح وهو يزعق جامد:
– اتصلي شوفيه فين عشان هنروح ليه حالا
بدأت جينا تضرب رقم ثامر اللي بعت منه رسالة لما وصل مصر وهي بترتجف من الخوف وعملته سبيكر
***************************************
بعد لحظات وثامر كان بيتكلم مع هبة رن تلفونه ’ بص لقاها جينا فابتسم بانتصار وقال:
– بيبي وحشتييييني اوووي ’ كنت عارف ان ده الشيء الوحيد اللي هيخلي حبيب القلب يخليكي تجيلي راكعة
جينا وهي في قمة رعبها:
– ثامر ايه اللي انت عملته ده ’ البنت ملهاش ذنب
– هي فعلها بريئة وكيوت اووووي ’ بس هي نقصها شيء وانا قررت اظبطه ليها
راجح اول ما يسمع جملة ثامر يضرب بكل قوته الدريكسيون وهو بيسوق ويزعق:
– اقسم بالله يا بني ادم انت لو لمست شعراااااااية من هبة مش هيحصلك طيب
ثامر يضحك بهستيريا:
– ههههههههههه اهلااااا رجوووحة ’ متخافش هتشكرني بعدين
وفجأة يقول:
– انا في الغردقة في فندق …. متتأخروش
ويقفل السكة في وشهم….
*******************************
بعد ما يقفل ثامر التلفون يبص لهبة ويقولها :
– يلا؟
هبة برعب:
– يلا ايه؟ انت ناوي على ايه؟ اوووعى تعمل اي حاجة والله راجح ممكن يقتلك فيها
ثامر يقرب من هبة تاني ويقولها:
– ششششش انتي مبتعرفيش تسكتي شوية !
وبعدين يتصل برقم غريب ويقول:
– ايوة يا دكتور .. يلا تعالى عايز في اسرع وقت تخلص
هبة بدأت تتحاول تفك ايدها وتزعق وتقوله بخوف هيستيري:
– انت ناااوي تعمل ايه يا مجنون ها .. انا مش هسيبك تعمل حاجة
ثامر يتعصب فيبمسك دماغ هبة ويزرعها في الارض ويقول بغضب:
– هتصدعيني ليه بقى
طبعا الضربة كانت كفيلة تخلي هبة يغمى عليها .. ودقايق يجي الدكتور يشوف هبة ويبدأ يكشف عليها ويقول :
– اطمن بس محتاجين ننقلها للمستشفى عندي
– انقلها وخلصني بسرعة
*****************************************
بعد خمس ساعات تفوق هبة من البنج وتبص حواليها تلاقي نفسها في سرير في اوضة في مستشفى وفجأة يدخل عليها ثامر ويقولها:
– مبروووك ’ هو اينعم الهدية مكنش ينفع كلها تخلص مرة واحدة بس جزء كبير خلص
هبة تحاول تستوعب وتقول بفزع:
– انت عملت ايه ؟
ثامر بانشكاح:
– شفطتلك كل الدهون اللي في جسمك بس لسه فيه مرحلة تانية وتالتة وبعدين تعملي بقى تدبيس معدة لما جسمك يوصل لحجم معين ..
هبة بخوف:
– ايـــــــــــه؟! انت ازاي تعمل حاجة زي دي
ثامر بجنون:
– راجح لما يشوفك دلوقتي هيفرح اكتر ’ حبيبته الكيوت بانت حلاوتها اكتر
– انت اكيد مش طبيعي ’ لالالا انت مجنووووون
تحاول هبة تقوم لكن تحس بدوخة فجسمها يميل فيجري ثامر يمسكها ويقول:
– مينفعش تقومي دلوقتي ’ جسمك لسه مش متوازن
– انت مين قالك تعملي عمليات زي دي ! انا هوديك في داهية
لسه ثامر هيتكلم فيلاقي تلفونه بيرن وجينا تكون المتصل فيرد بانشكاح:
– وصلتوا يا بيبي
راجح يرد بقرف:
– انت فين يا زفت
– في مستشفى …..
راجح برعب:
– ليه في المستشفى؟ هبة جرالها حاجة
– نو هبة بس عملت عملية بسيطة
يجري راجح فورا بالعربية ويفضل يسأل عن عنوان المستشفى لحد ما يوصل ’ يرمي العربية عند اول بارك ويطلع فورا على الاوضة اللي فيها هبة ووراه جينا .. يلاقي هبة نايمة على السرير وثامر جمبها عمال يقول بابتسامة:
– ووااااو شفتي بقيتي ازاي! خسيتي النص تقريبا
راجح يجري على ثامر يضربه وهبة تصرخ بخوف:
– سيبه يا راجح بليييز وتعالى خدني بسرعة من المجنون ده
راجح يسيب ثامر ويروح لهبة يحضنها بخوف ويقلها:
– انتي كويسة؟ عملك فيكي ايه الحيوان ده
هبة وهي بتعيط:
– معرفش بنجني وعملي شفط دهون باين ’ انا مش لاقية جسمي يا راجح وفيه خياطة وحجات غريبة
راجح يحضنها بهلع ويصرخ:
– فين الدكتووووووور اللي هنا
يدخل الدكتور فورا ويقول:
– اهداااا يا فندم ! العملية بسيطة جدااا وبعدين لسه قدامنا مرحلتين ومتخفش المريضة مش هينفع تخرج النهاردة لازم تفضل تحت الملاحظة 24 وبعدين لازم تكمل العلاج والا العملية دي مش هتكمل!
راجح بغضب شديد:
– العملية دي مفهاش خطورة على صحتها؟!
– لا طبعااااا ! احنا عملنا فحوصات وده لازم قبل اجراء الشفط وشفطنا من منطفة الارداف للانسة والوركين لانهم اكبر جزء والبطن هتكون في المرحلة اللي جاية
– اسمعني يا بني ادم انت ! لو حصل اي حاجة ليها انا هدخلك السجن
– هههه يا فندم العمليات دي بقت سهلة جدااا واحيانا مبتستغرقش بس لان الانسة وزنها زيادة شوية فخدرنها تخدير كلي! بعض الحالات بنكتفي بتخدير موضعي ..
*************************************
بعد اسبوعين ياخد ثامر جينا ويروح بيها على مأذون ويتجوزها غصبن عنها ويقولها:
– انا قلتلك انتي ملكي انا مش ملك اي حد !
جينا بدموع:
– انت استحالة تكون طبيعي
– انا فعلا معاكي مببقاش على بعضي! لاني مجنوون بيكي .. عارفة حبيبتي انا وانتي هنروح لجزيرة اشتريتها لينا احنا الاتنين .. مش هخليكي تشوووفي غيري ولا انا اشووف غيرك ..
جينا بتحاول تبعد عنه وتقول:
– اوعى تفتكر انك كده قدرت تمتلكني
ثامر بدأ يضربها بوحشية ويقول:
– انا فعلا امتلكتك!!! وبعدين لو لسه بتفكري في راجح فزمانه مبسووووط بالهدية اللي اديتهاله ! انا عملتله هبة أحلى ’ خلتها بقت أجمل منك عشان تفهمي انك خسرتيه للابد..
جينا حقد وغل:
– برضووو هفضل بكررررهك
وفجأة تمسك مسدس ثامر اللي كان حاطه على الطرابيزة اللي جمبه وتضربه بالرصاص وتضرب نفسها
***********************************
هبة كانت لسه في المستشفى تحت اجراء العمليات وبعد ما خلصت كل العمليات خرجت لقت راجح منتظرها واول ما شافها جري عليها حضنها بقوة وبشوق وحنين وقالها:
– انتي ازاي تعملي كده؟
– اعمل ايه؟
– ازاي قدرتي تهربي مني؟ هو انتي مش عارفة ان انا انتي ’ واني ظلك؟ مهما حاولتي مش هتعرفي؟
هبة بدموع:
– خفت يكون قلبك موهوم بيا وتصحى في يوم تلاقي كابوس في حياتك!
– هبة انا حبيتك زي ما انتي! وكنت عايزك تفضلي زي ما انتي لحد بس ما تقتنعي اني فعلا مش عايز اغير فيكي حاجة الا بس عشان صحتك ! بس المجنون ده بوظ عليا الللي كنت عايز افهمهولك
هبة بابتسامة وبتشاور على نفسها:
– بس خلاني هبة جديدة ! هبة دلوقتي تليق بيك !
– غبية! هبة لايقة بيا من زمااااان ! من قبل الشكل! هبة روح مولودة جوايا ! فهمتك ده مليوون مرة ..عمر التخن ما يتحكم في مشاعري ناحيتك!
هبة بثقة في نفسها اكتر:
– بس على الاقل دلوقتي هبة قادرة تواجه العالم كله ’ ومحدش هيجي يقولها لا سوري مش هتجوزك عشان انتي درفيل ولا فيه عرسان هتهرب مني ولا فيه ولاد هتقرف مني ولا فيه حد هيتريق عليا او يفضل يبصلي بنظرات شفقة واحسان! كل ده كان بيوجع اوي يا راجح ومكنش بيخليني اواجه العالم
راجح وهو حاضن كف ايدها وبكل رقة يبوسه من جوة ويقولها:
– لو كانت هبة بصت على الحب الحقيقي اللي حواليها كانت هتقدر تواجهه من زمان ’ كل اللي حصل دلوقتي مجرد الستارة انزاحت اكتر وقدرتي تعرفي ان الارادة سهلة اوووي ..وهبة هي هبة سواء تخينة او رفيعة ’ مينفعش تكون في حياة حد الا وهو مقتنع بيها ككل وميكنش عايز يفصلها على مزاحه!
– عارف دي احلى حاجة المجنون اللي اسمه ثامر ده عملها!
– ربنا يكفي جينا شره
– متعرفش حاجة عنهم؟
– انا مش عايز اعرف أي حاجة عن أي حد لمدة سنة اصلا ! انا بس عايز ابص في بحر عيونك دول..
هبة بكل حب:
– مش هتزهق منهم؟
– ازهق من روحي؟ من شعاع بينورلي طريقي؟ هبة انتي الحياة فاهماها دي؟ انتي اللي خلتيني اتولد اصلا !
هبة تبتسم :
– بتجيب الكلام الحلو ده منين
– لا المرادي حقيقة فعلا ! هبة انا ماما مكنتش هتولدني لولا الحادثة اللي باباكي عملها عشان كنتي عايزة تنزلي قبل معادك! يعني حقيقي لولاكي انا مكنتش اتوجدت! راجح ملوش وجود من غير هبة
هبة بعيون مليانة حب ودموع:
– بحبـــــــك
راجح يحضنها بكل حب وقلبه مفتوح للحياة:
– وراجح كله ملكك
النهايــــــــــــــــــــــــة
……………………..
لقراءة الرواية كاملة اضغط على : (رواية تخاتيخو)
