رواية من أنا الفصل الثاني 2 بقلم شروق حسام

رواية من أنا الجزء الثاني

رواية من أنا البارت الثاني

رواية من أنا الحلقة الثانية

مختار بجمود ” بما أن الكل اتجمع فانا هقولك انتي مين أنتي ميسون الليثي بنت خالد الليثي أكبر زعيم مافيا في البلد”
ريناد بصدمة ” أنت اتجننت ده مستحيل اللي بتقوله ده”
مختار ببرود ” هو ده الواقع وحاولي تتقبليه يا زوجتي المصون”
ريناد بردح “نعم نعم نعم مراتك منين يا جدع انت هو انا عمري شوفتك في حياتي عشان اتجوزك ليكون اتجوزتك وانا في الحلم وأنا نايمة”
سكتت ثواني وبعدين اتكلمت بتمثيل ودموع مزيفين ” يعني انا مين انا ريناد ولا ميسون انا مين حد يقولي انا هتجنن اععععع”
_”هههههه عايزين اقول كده يبقي انتم متعرفوش مين ريناد ده أنا ريناد اللي الدنيا علمتني ما استامنش لأي حد يا ههه مختار بيه”
خلصت كلامها وبعدين بصت لخالد بإستحقار ” بقي انت يا راجل يطلع منك كل ده ومش باين عليك خالص وقال ايه مصدر لي الوش الحنين بتحسب أن الحركتين دول هيمشوا عليا تبقي بتحلم”
_”انتم عايزين تضحكوا عليا بكلمتين وخلاص من الآخر قولولي عايزين مني ايه من الآخر شغل النصب ده مش هيمشي عليا”
خالد صقف لها بإبتسامة واسعة ” ههههه لا لا بجد ابهرتيني مطلعتيش غبية زي ما كنت فاكرك والحوار هيمشي عليكي لا برافو بجد”
كمل كلامه وملامحه اتقلبت 180 درجة للشر ” انا خالد الليثي بعترف انك اتغلبتي عليا ولأول مرة في تاريخي الإجرامي حد يكشفني بالسرعة دي كلهم كانوا بيمو*توا قبل ما يعرفوا حاجة”
_”انتي فعلا ريناد مش ميسون ومختار مش جوزك ميسون الحقيقية حاليا في غيبوبة بقي لها 6 شهور بعد آخر عملية عملتها واتصابت فيها وبالصدفة عماد وهو راجع من السفر شافك ولاقكي شبه ميسون فخطفك”
ريناد بملل ” ما تنجز يا عم وتقول اللي عندك من الآخر أنا زهقت عايزة الحق ابيع باقي الفل والورد عاملين ترغوا كتييير وأنا قرفت”
مختار بغضب ” احترمي نفسك يا زبالة وانتي بتتكلمي مع أسيادك”
_”علي نفسك يا اسمك ايه يا خرتيت لا لا كان اسمك ايه نسيت اصل اسمك مش حلو لايق عليك أكتر خرتيت”
مختار بص لها بعيون حمرا ولسه هيقرب ناحيته خالد منعه بايديه ” خلاص يا مختار اهدي هتخلصلنا اللي عايزينه وهتروح في حالها فاهدي شوية”
خالد بثقة وإستحقار ” 5 مليون جنيه وتنفذي كل اللي اطلبه منك وعليهم هدية مني ليكي عربية احدث موديل وفيلا في مكان راقي بدل ما انتي كنتي قاعدة في الشارع”
ريناد عيونها لمعت بجشع ” والمطلوب ايه”
_”موافقة الأول لأن اللي هتقوليه مفيش تراجع فيه لو رفضتي هتتطلعي من هنا علي قبرك ولو وافقتي هتاخدي كل اللي قولتلك عليه”
ريناد في سرها ” خرتيت صحيح وقال ايه اختاري ده في كل الحالات بتجبرني”
ريناد بثقة ” موافقة طبعا هو حد يقول ل5 مليون جنيه لأ”
خالد لمختار ببرود ” مختار خدها عرفها كل حاجة عن اللي هيحصل”
مختار بنفاذ صبر خفي ” حاضر يا باشا”
……………..
بعد شوية
كانت ريناد قاعدة في أوضة سرية موجودة في مكتب خالد وقدمها شاشة كبيرة معروض عليها صور مجموعة صور
مختار بعملية ” دول صور لازم تعرفي أصحابهم وكل التفاصيل عنهم قبل ما اقولك ايه اللي لازم تعمليه”
ريناد متكلمتش وفضلت مركزة معاه
فضل يشرحلها كل التفاصيل لحد ما وقف عند آخر صورتين
_” عزام محمد أيمن رئيس قسم المخابرات قرب علي التقاعد بس مش بتهد ابدا أكبر عدو لينا وبقي له سنين بيدور ورانا لحد ما وقع تحت أيده شوية ورق يخصنا”
_”آصف حيدر الذراع اليمين لعزام شخصيته قوية وشرسة خبيث ومش سهل خالص والكل بيخاف منه وبيعمل له ألف حساب حتي عزام”
_” فيه شخصية ثالثة وده الوحش محدش عارف شكله ايه بيظهر في أوقات معينة بس وهو أخبث من أي حد في جهاز المخابرات ومستني اللحظة اللي يوقع تحت ايدي بعد ما بوظ كذا عملية بنعملها”
_”أنا كده فهمت كل حاجة مهمتي ايه بقي”
_”آصف لازم تخليه يقع في حبك وتجيبيه تحت رجلينا راكع و مذلول لو جبتيه اكيد الوحش هيظهر ويحاول ينقذه”
ريناد بإستنكار ” أول حاجة يعني هو مش انت قولت اني شبه اللي اسمها ميسون دي فأكيد يعني عزام أو آصف حد فيهم هيعرفني تاني حاجة أوقع مين معلش في حبي مش انت لسه قايل من شوية أنه مش سهل ثالث حاجة الوحش ده شكله مش أهبل للدرجة دي يعني”
_” ميسون لما كانت بتعمل أي مهمة كانت بتلبس قناع يعني مفيش حد يعرف وشها الحقيقي وبالنسبة لآصف وازاي يقع في حبك فالموضوع سهل جدا جدا جدا وبالنسبة للوحش فهو مصيره هيقع ورأ*سه تبقي بين ايدي”
ريناد في سرها ” أنا مش مطمنة لك الله يستر”
_”هعمل ايه يعني”
مختار بدأ يشرح لها كل حاجة بالتفاصيل وازاي توقع آصف
……………….
بعد أسبوع
_”انتي يا متخلفة حاسبي ايه القرف اللي علي الصبح ده انتي هتمثلي العربية مقربتش منك”
خد ازازة المياه من جنبه ونزل فضاها كلها عليها رغم كل ده بردوه مصحيتش
_”شكلها مغمي عليها فعلا ومش بتمثل ياربي هتأخر بسببها”
شالها بسرعة ودخلها العربية وراح بيها علي المستشفي