رواية أحببت مجنونة 4 (أحببت أخي) الفصل الثالث عشر 13 بقلم نجمة براقة
رواية أحببت مجنونة 4 (أحببت أخي) الجزء الثالث عشر
رواية أحببت مجنونة 4 (أحببت أخي) البارت الثالث عشر
رواية أحببت مجنونة 4 (أحببت أخي) الحلقة الثالثة عشر
#ميادة
صحيت لقيت نفسي في اوضة عبقرينو وحسيت نفسي مكتوم وهتجنن وبصيت الجهه التانيه لقيت جوليا جمبي
جوليا بإبتسامه _ عامله ايه دلوقتي
ميادة بانهيار_ ايه جابني هنا
جوليا _ ريلااكس انتي كويسه
ميادة تقوم من مكانها بانفعال انا همشي
جوليا _ انتي تعبانة ارتاحي شويه
ميادة _ مش عاوزة ارتاح
جوليا _ عبقرينو زعلان اوي بسبب اللي حصلك
ميادة _ متجبليش سيرته
جوليا _ هو ندمان انتي مشوفتهوش هو وبيعيط زي الاطفال علشانك
عبقرينو بيعيط علشاني انا.. استغربتها دي لكن صدقتها وقررت اني انتقم منه بعد ما فهمتني انه كان بيأنب نفسه بعد اللي حصل وقولت نقلب السحر علي الساحر وبعدين اترميت علي الأرض بعد ما صرخت شويه وجت فوقتني ف حبيت اعمل زي الاستاذه شاديه واجري علي الشباك وهي لحقتني وفي اللحظة دي دخل عبقرينو وشاف المنظر ف جري عليه علشان يلحقني وانا عجبتني الفكره وتماديت.. عشان اعيشه في عذاب الضمير شويه حلوين
#مسك
رجعنا الفندق وسيف رجع اوضته وانا رجعت اوضتي ودورت علي مياده وملقتهاش. طلعت ادور عليها في الاوتيل لغيت ما عرفت انها في اوضة عبقرينو . تفاجات ودماغي لفت.. روحتلهم وانا ناويه ابهدلهم.. الظاهر انهم نسيو نفسهم وبيقلدو الاجانب
وصلت هناك وفضلت اخبط بسرعه لغيت ما عبقرينو فتحلي
مسك _ ايه اللي بيحصل هنا
عبقرينو بارتباك _ غصب عني والله يامسك مكنش قصدي
مسك _ يانهارك اسود انت عملت فيها ايه
عبقرينو _ مسك والله مكنتش عامل حسابي ان ده ممكن يحصل دي زلة شيطان
مسك_ طيب اسكوت اسكوت يادي الفضيحة.. وسع هي فين
عبقرينو _ نايمة جوه
مسك بانفعال _ وسع كده منك لله وبتجري علي مياده تلاقيها نايمة على السرير
مسك _ ميادة حبيبتي قومي عمل فيكي ايه الحقير ده
عبقرينو _ هي اللي خلتني اعمل فيها كده حتي اساليها
مسك بصدمه_ قوومي فهميني خلتيه يعمل كده ليه قومي لا اموتك
ميادة تفتح عينيها وتبكي _ انا ضعت يا مسك
مسك _ يانهار اسود.. انت لازم تصلح غلطتك
عبقرينو _ والله خدتها في حضني واعتذرتلها حتى اساليها
مسك _ نعم ياخويا
ميادة ببكاء _ خطفني يامسك وكتفني وبعدين
مسك _ اسكوتي الله يخربيتكم دي فضيحه انت لازم تجوزها فوراً
عبقرينو _ واتجوزها ليه.. انا اعتذرتلها ومستعد ادفعلها فلوس لو عاوزة بس جواز لأ
مسك _ هتجوزها غصب عنك هي بنات الناس لعبه
ميادة _ قعدت اترجاه ميعملش كده وهو محنش عليه لحظه
عبقرينو _ عشان انتي اللي خلتيني اعمل كده بمناسبة ضحكة الرقاصه فاكره ولا اجيب الاتنين اللي كانو معانا يفكروكي
مسك بذهول _ هو كان في تاني غيرك
عبقرينو _ اه اتنين شباب وهي بكل قلت ادب ضحكتلهم
ميادة _ وانت مالك انا حره
مسك _ باااااس الله يخربيتكم انتو ايه نسيتو اصلكم وعاداتكم.. وانتي ازاي تبيعي نفسك.. وياريت لواحد بس دول تلاته
ميادة _ مين باع لمين
مسك بغيظ _ انتي انا مصدومه فيكي بجد
ميادة _ نهار اسود عليه وعلى اللي خلفوني انتي فهمتي ايه
مسك _ هو اللي فهمته اقدر اقوله انا قرفانه منكم بجد وانت يا عبقرينو تعمل كده اخص
عبقرينو بقرف_ مسك حبيبتي اللي ف بالك محصلش…
مسك_ امال ايه ما تفهموني
عبقرينو _ ابدا اصلي رشيت في وشها ميت نار وهي جالها انهيار عصبي ده اللي حصل
مسك تحضن مياده بفرحه _ والله رش في وشك مية نار يعني محصلش بينكم حآجه
مياده بزعيق_ اييييه وهي مية النار عادي بنسبالك
مسك بفرحه _ اه طبعا اهون.. الا هي فين مانتي كويسه اهو، امال ايه رشيت في وشها مية نار دي
مياده _ مكنتش مية نار الاستاذ طلع بيكدب عليه وبسببه انا هعيش طول عمري اقوم اصرخ
عبقرينو _ ماهو انتي اللي استفزتيني
مياده بانفعال _ وانت مال اهلك مسك طلعيه برا. اااااه راسي
وابتدت تصرخ وتجري على الشباك
مسكناها انا وعبقرينوه ورجعناها مكانها وبالعافيه نامت
مسك _ ينفع اللي حصل ده انتو صغيرين للي بتعملوه
عبقرينو _ مقدرتش استحمل استهتارها وهزارها الزيادة مع زين
مسك _ وهي هزرت ازاي يعني علشان تعمل اللي عملته ده.. افرض فى مره مكنش حد جمبها
عبقرينو بندم_ مكنتش اعرف ان ده ممكن يحصل
مسك _ احنا في مشكله بجد يا عبقرينو لو اتلهينا عنها هتعمل في نفسها حآجه
عبقرينو _ مش هسيبها لوحدها
مسك _ ودا ازاي بقا، ولا هتقعد معاها في الاوضه
عبقرينو _ لأ انتي تكوني معاها بالليل وانا بالنهار
مسك _ تمام ماشي .. خلي بالك منها يكون صحيت انا هاجي اخدها
#ميادة
كنت سماعهم لغيت ما مسك مشيت وبعدين
جاب كرسي وقعد جمبي
عبقرينو_ تافهة اوي ومستهتره ومش فاهمه ان استهتارك ده هيطمع الناس فيكى.. انا لو بأيدي كنت ضربتك بنار… عاجبك كده اهو انتي اتجننتي وممكن في يوم تموتي… وتضيعي مني
اول الكلام استفزني كنت بفكر اكشف نفسي واتخانق معاه لغيت ما قال تضيعي مني.. وقتها بردو كنت بفكر اكشف نفسي واتخانق معاه بس لسبب تانى… اتقلبت الجهه التانيه علشان بدأت ابتسم وحسيت نفسي هتكشف .. بعد شويه حسيت بايده بتمشي علي شعري بحنيه والحركه دي بتخليني انام حقيقي. وفعلا نمت محستش بنفسي غير بعد ساعات، وصحيت مفزوعه بجد مش تمثيل ولما فتحت لقيته جمبي ماسك ايدي وبيقولي _ متخافيش
#جميلة
كنت قاعده في اوضتي زي كل يوم وسمعت صوت بنت برا
طلعت اشوف مين
لقيت ايمي وعلى
ف دخلت تاني مكنتش عاوزة اقابله، و وقفت ورا الباب اسمع بيقولو ايه
علي_ ايمي الهبلة كانت مصره تيجي عشان البنات قولتلها مش فاضي وهى راسها والف سيف لا اجيبها
رحيم_ اهلااااا
ايمي بقرف_ اهلييين.. ازيك ياطنط
صبا بإبتسامة_ بخير حبيبتي وانتي
ايمي_ كويسه امال فين البنات
رحيم بقرف_ مش موجودين
صبا_ جميلة موجودة ومريم راحت النادي
ايمي_ روح ياسمك ايه اندهلها وقولها ايمي عاوزة تسلم عليكي
رحيم بقرف_ روحي يا ماما اندهيها انا تعبان
علي_ الف سلامه عليك مالك
رحيم_ مش عارف ايه الحكاية بس في حآجه كابسه على نفسي من شويه
ايمي بقرف_ كااابسه يعني ايه كابسه دي يا علي
علي_ يعني خنقاه
رحيم_ بظبط ياعلي.. هي خنقاني فعلاً
علي_ ههههه مش لوحدك
ايمي تضربه بكوعها وتهمسله_ انت محتاجني ورقبتك في ايدي هات ورا
على يرجع خطوتين للخلف
ايمي_ ارجع يا متخلف
على_ مش انتي اللي بتقولي
ايمي_ مش بالمعني الحرفي فتح دماغك معايا
علي_ حاضر ممكن متهزقنيش قدامهم
ايمي_ حاضر.. يلا نقعد بقا طالما محدش قالنا نقعد ولا حتي جابولنا كباية ميه
رحيم بقرف_ ايه ده هو انتي واقفه انا فاكرك قاعده من الصبح
ايمي بتحذير _ عننندك متلعبش في الحته دي مسمحلكش
رحيم بقرف_ بتضايققك الحته دي.. هما كده القصيرين بيضايقو… انا عندي صاحب قصير بيزعل لما حد يقوله ياقصير.. بس متزعليش قصرك ده من عند ربنا وهو توفري قماش في كسوة العيد.. دي ميزة القصيرين
ايمي بانفعال_ شوف كام كلمة قصير في جملة واحدة.. ولااااا وربنا انسا اني في بيتكم واجيب كرشك
علي_ ايمي عيب احنا في بيتهم
رحيم_ بتقولها عيب ليه هي اتكلمت… اااه معلش اصلي مبسمعش الناس اللي تحت
ايمي بغيظ_ يلا بينا ياعلي
على_ استني
ايمي_ انا ماشيه ياعلي عاوز تيجي تعالي مش عاوز.. براحتك بتيجي تمشي ف تلاقي جميله وراها
جميله بالكتابة_ مين مزعلك
ايمي تحضنها_ ازيك حبيبتي.. مفيش حد
جميله_ طيب اتفضلي واقفه ليه
ايمي_ كفاية كده طالما شوفتك
صبا_ ودا ينفع بردو مش هتمشي غير لما نتغدا سوا
ايمي_ غدا ايه مش لدرجة دي.انا هقعد شويه مع جميله وامشي لو لازم
جميله بإبتسامة_ طيب تيجي معايا اوضتي
ايمي تبص ل علي _ لا خلينا هنا المره الجايه نروح اوضتك
جميله بإبتسامة_ زي ماتحبي اتفضلي
علي _ ازيك يا جميله
جميله بتهرب _ كويسه
قعدنا كلنا وهو فضل مركز معايا طول القعدة
وانا مش راضيه ابصله علشان محدش يلاحظ حاجه
جميله بارتباك_ ايمي تعالي معايا بس عاوزة افرجك علي اوضتي
ايمي تبص ل علي_ ماشي يلا
دخلنا الاوضه وقعدنا علي السرير واتعرفنا على بعض وبعدين الكلام جاب بعضه لغيت ما وصلنا لسيرة علي
ايمي_ على صديقي الوحيد مليش صحاب غيره
جميله_ ربنا يخليكم لبعض
ايمي_ انتي عملتيلو بلوك ليه
جميله_ مش فاهمه
ايمي_ فاهمه
جميله_ عشان ده الصح
ايمي_ وهو ايه الغلط في كلامك معاه
جميله_ انتي بتقولي انكم صحاب معقول مفهمكش الموضوع من الاول
ايمي_ فهمني الموضوع من اول ما بدات حكايته معاكم وانا اللي اقترحت عليه يكلمك باسم لوسيفر
جميله_ ومقالكش انه بعد ما حبو بعض هو ومريم جه يقولي انا بحبك،.. ابن عمتك بيتسلي
ايمي_ أبداً والله علي مستحيل يقصد يغلط وهو كان لخمه وميفهمش حآجه لغيت ما بدأ يكلمك
جميله _ والمطلوب مني
ايمي_ تديلو فرصه واحده
جميله_ ولو قدر يقنعني هبص لاختي ازاي وانا بخدعها معاه…
ايمي_ هو مبيحبهاش.. وانتي عارفه كويس قرب منها ليه
جميله_ اي ان كان خلاص اللي حصل حصل.. لو عاوز يبعد عنها هو حر بس انا مش هكون البديل
ايمي_ انا هقوله الكلام ده وهو صاحب القرار
جميله_ متشكره
ايمي _ ممكن سؤال
جميله_ اتفضلي
ايمي_ محبتهوش؟
جميله بإبتسامة باهته_ حبيته كصديق وبس
ايمي_ اتمنالك كل خير
جميله بإبتسامة_ متشكره
ايمي_ ماشي حبيبتي انا همشي
جميله_ لسة بدري
ايمي_ هجيلك تانى
جميله_ هستناكي
بنطلع برا الاوضه وبتطلب من علي انهم يمشو وسلمنا عليهم وراحو للباب ولا ارديآ وقفت بعيد وبصيت عليه وقبل ما يطلع وقف مع رحيم وكان بيبلصي ويرجع يبص لرحيم.. مقدرتش امشي او امنع نفسي ابصله عشان ميحسش بحاجه،
بعد مامشيو بشويه مريم جت ودخلت عندي الاوضه هي وزعلانه
جميله_ مالك
مريم بزعل_ مجاش النادي النهارده
جميله_ هو مين
مريم_ علي هيكون مين غيره… اتغير معايا اوي ياجميله تصوري كان بيعمل ايه علشان يلفت انتباهي واول ما حبيته بقا حد تاني.. تفتكري كان بيلعب بيه
جميله_ اكيد لأ.. طيب انتي عارفه انه جه هو وايمي ومبطلش بص هنا وهناك عشان يشوفك
مريم بفرحه_ بجد.. يعنى جه علشاني تفتكري
جميله_ طبعاً
مريم بخيبه_ لأ هو عارف اني بروح النادي في الوقت ده كان راح هناك لو عاوز يشوفني
جميله_ انتي عاوزة تنكدي علي نفسك وبتتوهمي حاجات محصلتش.. انتي مريومه مين يعرفك وميحبكش
مريم_ معرفش بقا
جميله_ طيب اضحكي وبلاش نكد
مريم بإبتسامه_ طيب
مسكت نفسي بالعافية علشان ميبنش عليه حآجه.. مريم صعبت عليه وحسيت اني السبب في اللي هي حساه.. وكرهت نفسي بسبب احساسي تجاه علي… كنت بمنع نفسي من اني اشوفه بشكل تاني غير الصديق. لكن مقدرتش
#مسك
جه اليوم التالت وكان لازم ابلغ باولو ان سيف ساب الصفقه بس مكنتش لاقيه فرصه وهو معايا طول اليوم مش راضى يمشي من الفندق
سيف_ مالك النهارده
مسك_ مفيش
سيف_ لا فيكى حآجه قولي
مسك_ ابدا بس بفكر اجيب هدايا ايه لماما وبابا
سيف_ تحبي اساعدك
مسك_ لا انا هروح في اي مول وادور واكيد هلاقي حآجه مناسبه
سيف_ فكره حلوه وانا كمان كنت عاوز اشتري شوية هدوم بدال دول اكيد الاستايل دة مش هينفع في مصر
مسك_ لا اصل انا عاوزة اشتري حاجات نسائيه، مش هينفع تروح معايا
سيف_ مش هبص عليكي متقلقيش
مسك_ انا عرفاك متقدرش متبصش.. انا رايحه لوحدي وقبل ما نمشي بيوم نروح تاني ونشتري ليك
سيف_ ههههه مفيش ثقه كده خالص
مسك _ ههههه لاء
سيف_ ظلماني
مسك_ ههههه مفتريه بقا… يلا اسيبك عشان متاخرش
سيف_ طيب لو احتجتي حآجه اتصلي بيه وهكون عندك في دقيقه
مسك _ شكرآ
سيف _ هتوحشيني
مسك_ اصلي مهاجره.. خف رومانسية شويه انا مش حملك
سيف_ ههههه وش فقر
مسك_ ايوة انا وش فقر.. يلا بقا
سيف _ ههههه يلا باي
سبته ومشيت في الشارع وانا عارفه ان باولو هيطلع في وشي فجاه…
وصلت عند مكان بعيد عن الفندق بمسافه كبيره ولقيته هو ورجالته قدامي
باولو _ كنتي بتدوري عليه
مسك _ ايوه
باولو_ عملتي ايه
مسك_ سيف ساب الصفقه وبلغ الناس بكده..تقدر تاخدها دلوقتي
باولو_ ممتاز.. كنت متأكد ان مفيش غيرك هيقنعه
مسك _ عملت ايه
باولو _ عرفتلك طريق اخوكي وكل حآجه عنه
مسك بفرحه _ بجد طيب هو فين
باولو_ اشك في انك متعرفهوش.. لكن الاتفاق اتفاق كان لازم انفذ كلامي
مسك باستغراب _ يعني ايه
باولو _ يعني اخوكي قريب منك ازاي متعرفهوش
مسك _قصدك يعنى ان اخويا ساكن فى مكان قريب منى
باولو _ نعم.. بعد ما اتاكد من كلامك واتفق على الصفقه هنتقابل واقولك هو مين
مسك _ ارجوك قول دلوقتي
باولو _ الاتفاق اتفاق.. معادنا بعد يومين
مسك _ صدقني هو سابها وساب الشغل كله انا هكدب عليك ليه
باولو _ دا شغلنا مبنديش من غير مقابل .. لاكن تاكدي انه قريب منك جداً… سلام
سابني في حيرتي ومشي. معقول سفيان يكون قريب مني وانا معرفتهوش.. طيب يمكن قصده قريب بالمسافه مش بتعامل معاه.. ياريته كان سابني معرفش عنه حآجه احسن من الحيره اللي انا فيها
رجعت تاني وانا ببص للي رايح والي جاي واركز في ملامحهم يمكن اعرفه. لدرجة فكروني مجنونه
وصلت الفندق وقابلت سيف
سيف _ مالك
مسك بلخبطه _ معرفش
سيف _ متعرفيش ايه
مسك _ معرفش
سيف باستغراب _ يابنتي مالك.. حد زعلك طيب
مسك بحيرة _ عرفت ان اخويا في مكان قريب هنا
سيف باستغراب _ اخوكي .. وعرفتي ازاي
مسك_ كنت قولت لحد يدور عليه وقالي انه عرف هو مين وساكن فين.. يعني انا خلاص هقابله ياسيف
سيف _ دا بيكدب عليكي انا دورت في كل امريكا ملقتش حآجه عنه
مسك _ لابالله عليك انا ما صدقت ظهرلي امل جديد
سيف _ امل كداب مفيش حد في امريكا كلها اسمه حمزة بهاء الدين …. الا صحيح هو اسم اخوكي ايه
مسك _ اسمه…
عبقرينو _ مسك الحقي
مسك بقلق _ ميادة كويسة
عبقرينو _ لا عماله بتصرخ ومش عارف اهديها تعالى معايا
سيف_ فى اية
مسك_مياده تعبانه شويه،عن اذنك
روحت عند مياده بسرعة لقيتها واقعه على الأرض
مسك بخضه_ ميادة حبيبتى … خلينا نشيلها
عبقرينو يشيلها ويريحها على السرير
مسك_ ايه اللي حصل تانى
عبقرينو _ كانت جايه عندي علشان تشوف حآجه في الشغل وبصتلي وقعدت تصرخ.. انا خايف عليها يا مسك
مسك _ متقلقنيش يا عبقرينو . هتكون كويسه ان شاءلله
عبقرينو _ امتي بس اهو تلات ايام وكل يوم يحصلها كده . حاسس اني في مره هلاقيها ميته
مسك بدموع _ متقولش كده .. هتكون كويسه بس انت اهدا
عبقرينو _ يارب يارب
مسك _ بتحبها
عبقرينو بزهق _ودا وقت أسئلة زي دي. احنا في ايه ولا في إيه
مسك _ رد علي سؤالي
عبقرينو _انا احب دي
مسك _ دا رد على السؤال يعني
عبقرينو _ انتي عاوزة ايه
مسك _ بتحبها ولا لأ
عبقرينو _ ايوه
مسك _ خلاص تجوزها دا الحل الوحيد عشان تخلي بالك منها علي طول..
تبقو في الشغل مع بعض وفي البيت كمان
عبقرينو _ مش هينفع نتكلم في الموضوع ده دلوقتي
مسك _ امتي طيب ولا نستنا لغيت ما تموت نفسها
عبقرينو _ مش لما تصحا حتي ونشوف رايها
مسك _ موافقه انا بقولك .. وافق انت بس
عبقرينو _ لا لما اتكلم معاها الاول
مسك _ طيب براحتك .. انا كنت هاخدها الاوضه بس طالما نامت سيبها لغيت ما تصحا
عبقرينو _ ماشي
مسك _ لو في حآجه كلمني
عبقرينو _ حاضر
مسك _ يلا سلام
سبته ودخلت الاوضه وفجاه الاقي سيف واقف ورا الباب
مسك بخضه _ بسم الله الرحمن الرحيم. انت دخلت هنا ازاي
سيف بإبتسامة _ زعيم عصابه وليه طرقي
مسك _ وعاوز ايه بقا
سيف يقرب منها _ وحشتيني وجيت اشوفك
مسك _ طيب خليك عندك لا اصرخ والم عليك الناس
سيف يحط ايده علي خصرها ويشدها ليه وبابتسامه _ بقولك وحشتيني تقولي اصرخ
مسك بنرفزه _ ابعد عيب كده
سيف _ عاوز أفضل ابصلك شويه
مسك بدموع _ الله يخربيتك سيف كفايه عيب
سيف _ هو انا كل ما اقربلك تبكي هو انا بصله
مسك _ ههههه بايخة .. وسع دا انت رزل وبتضربه في ركبته وتبعد عنه
سيف _ اااه عاجبك كده وجعتيني
مسك _واموتك كمان لو مطلعتش
سيف يقرب منها ويشدها تانى وبرومانسيه _ ابقا محظوظ لو موت علي ايدك
مسك تبصله بارتباك _ سيف انا بخاف بجد
سيف بتأمل _ خايفه من ايه
مسك _ خايفه وخلاص
سيف _ خايفه مني يعني
مسك بارتباك _ اه
سيف بإبتسامة _ خايفه اموتك ولاااااا
مسك ببكاء _ ولاااا اطلع بقا
سيف يبعد عنها _ ههههه خلاص متبكيش همشي
مسك _ طيب واقف لية
سيف _ قولتلك همشي
مسك _ ااه بس انت واقف
سيف بإبتسامة _ مشيت اهو. شكلك هتتعبيني وبيمشي وعند الباب بيغمزلها بإبتسامة ويمشي
وهي تجري تقفل الباب وتسند نفسها عليه . وتترسم ابتسامه علي وشها وبعدين توصلها رسالة وتروح تشوفها
سيف_ وحشتيني
مسك بإبتسامة _ ع فكره انا مش طيقاك متكلمنيش تاني
سيف _ بجاااد امال انا حاسس غير كده ليه
مسك _ علي اساس بتحس اوي
سيف _ طيب تحبي اقولك عملتي ايه بعد ما مشيت
مسك _ عملت ايه
سيف _ ابتسمتي لانك مبسوطه باللي حصل
مسك _ انت انسان رزل. متبعتش هنا تاني
سيف بإبتسامة _ خلاص هجيلك الاوضه احسن.. انا اصلا مبحبش الكتابه. افتحي يلا
مسك _ عارف ما اشوفك النهارده لا اشوه وشك
سيف _ لا وعلى ايه . مش جاى يلا هنام وفجاه الباب بيخبط وتروح تفتح تلاقيه ساند ايده على الحيط
مسك _ يا متخلف ايه اللي بتعملو ده
سيف_ وحشتيني وجيت اشوفك
مسك بإبتسامة _ طيب ممكن تمشي بقا ومتجيش هنا تاني
سيف _ انا مرتاح كده
مسك _ ياخي دا انت.. وبتقفل الباب في وشه
سيف_ ههههه هتروحي مني فين. هنتقابل تانى وهعاقبك
مسك بإبتسامة _ طيب نشوف الموضوع ده لما نتقابل….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أحببت مجنونة 4 (أحببت أخي))
