رواية احببت مخادعه الفصل الثاني 2 بقلم نورسين
رواية احببت مخادعه الجزء الثاني
رواية احببت مخادعه البارت الثاني
رواية احببت مخادعه الحلقة الثانية
اعصابى باظت من الموقق ولسانى اتلجم فاضلت ساكته وبصاله
=مالك لونك مخطوف كده ليه مكنتيش متوقعه انى اعرف لعبتكم مش كده
اتكلمت بصعوبه من الموقف
_ادينى فرصه افهمك
اتكلم بحده
=تفهمينى ايه فاكرنى عبيط وبتضحكو عليا
كنت قاعده وبصه فى الارض مش عارفه اتصرف ازاى
كمل هو كلامه بتهديد
=انتِ عارفه انا ممكن اعمل فيكى ايه انا ممكن اقطع مسيرتك فى الطب من قبل ما تبتدى
رفعت وشى بسرعه وانا الدموع متجمعه فى عينى اتكلمت برجاء
_لاء بالله عليك انا تعبت اوى عشان اوصل لمكانى ده وبعدن انا نيتى مكنتش وحشه
اتكلم بسخريه
=يسلام وكانت ايه نيتك بقا
_انا لو كانت نيتى وحشه مكنش زمانى بحاول اكرهك فيا واتصرف تصرفات غريبه
سكت شويه وهو بيدقق فى ملامحى كانت دموعى نزلت ووشى احمر
سند ايدو على الترابيزه
=انا ممكن اعدى الموضوع ده ومأذكيش لا انتِ ولا صحبتك بس بشرط
مسحت دموعى بسرعه و اتكلمت بلهفه
_وانا موافقه
رفع حاجبه ليا
=من غير ما تعرفى الشرط
_اه انت اكيد عايزنى اعتذر منك واهتم بمامتك اكتر صح
خلصت كلامى وبصتله بإهتمام مستانيه إجابته
عمل حركه بشفايفه بتدل على الرفض
=مش ده شرطى
_طب هو ايه الشرط
سألته بإستغراب
=اننا نتخطب او بمعنى اصح نمثل اننا مخطوبين
بصتله بصدمه
_انت مدرك بتقول ايه يعنى ايه نتخطب
=انا مش مضطر انى اشرحلك بس هقولك
اتكلمت بسخريه
_لا كتر خيرك والله
=انتِ شايفه حاله والدتى الصحيه هى كانت السبب انى اوافق اقابل رقيه صحبتك
_ايوا انا مالى بقا فى كل ده
اتنهد وبعد كده كمل
=انا كنت فى علاقه من فتره وكنت داخل على جواز وحصل حاجه الجوازه باظت وانا بعدها دخلت فى اكتئاب وبسببى امى اهملت صحتها
وعشان اراضيها رحت قابلت رقيه الى هيا كانت انتِ وانا قبل عمليتها قولتلها ان كل حاجه تمام بينا عشان متزعلش وانتِ بنفسك قولتيلى بعد العمليه اننا لازم نحافظ على حالاتها النفسيه
كنت بسمع كلام وانا مش عارفه اعمل ايه خايفه ادخل فى لعبه اكبر منى
_بس ده مكان شغلى اخاف حد يقول عليا حاجه وبعدين انت مش قولت انها عارفه انك قابلت رقيه ازاى بقا هتقولها انى انا خطبتك
=اولا احنا ممكن نمشى الموضوع رسمى على القليله فى المستشفى ان كله يبقا عارف انك مخطوبه ثانيًا امى اصلا متعرفش رقيه ولا حتى تعرف اسمها انا عشان اريحها عرفت رقيه عن طريق والدت صحبى
_بص انا مش عارفه اعمل ايه ممكن تدينى وقت طيب
مشيت وانا جوا دماغى دوشه مش عارفه اتصرف ازاى اساعده واسعد مامته ولا ابعد بس كده هتأذى انا ورقيه
~انا اسفه بجد يا هنا انى حطيتك فى الموقف ده.
اتكلمت وهى بتحضنى
_ولا يهمك خلاص الحصل حصل المهم حتصرف ازاى
~مش عارفه انا مش هتدخل فى قرارك بس راى توافقى عشان انتِ الهتخسرى
سكت شويه بحاول افكر
_هو كلم باباكى وقاله انكم مش مناسبين
~لاء لسه مقالش
مشيت من عند رقيه وانا لسه مش عارفه اخد قرار تانى يوم الساعه ٨ الصبح وصالتلى مسدچ
“لما تقررى ابقى ابعتيلى ردك معاكى ساعتين لحد ما اروح ازور والدتى ”
ثانيه واحده هو مستفز ولا انا متهيئلى كده؟
بعتله الرد
“انا عندى شروط الاول قبل ما اوافق”
اول ما الرساله وصلت لقيت تليفونى بيرن كان رقمه
فتحت وكنت مستانيه رده
=معتقدتش ان ليكى عين تتشرطى كمان
جاوبته بإنفعال
_انت إنسان بارد ومستفز
اتكلم بحده
=ياريت تخلى بالك على نبرتك وانتِ بتتكلمى معايا ومتنسيش انا اقدر اعمل ايه مش هتلاقى صيدليه حتى تقفى فيها
_انا مش هعمل اى حاجه غير لما تكلم والد رقيه وتقوله ان مفيش نصيب بنكم
=وانتِ مستفادة ايه
_هو لازم استفاد دى صحبتى
=ماشى ايه كمان
_مش عارفه لما اعرف هقولك سلام
قفلت السكه بسرعه مدتلهوش فرصه يرد
رحت تانى يوم المستشفى وانا بدعى ان اليوم يعدى على خير
=هنون الامور
التفت لحسن وهو على وشه ابتسامه مستفزه
_ههه دمك خفيف موت يا حسون
معالم وشه اتغيرت واتحولت للضيق
=مش قولتلك متقوليش حسون دى فى نص المستشفى
_طب وهنون الامور دى عادى تقولها
وانا بتكلم شوفت ادم من بعيد بصيت لحسن
_حسن انت عارفه انى مش هعمل حاجه غلط صح او تزعلك منى
بصلى بإستغراب
=أكيد طبعًا ده انا الى مربيكى
ابتسمت بإمتنان ليه لانه فعلا هو الربانى وكان معايا فى كل حاجه بعد موت بابا
_عايزاك تفضل واثق فيا كده وانا عمرى ما هخذلك
سبته ورحت على مكتبى لانى متأكده ان ادم هيجيلى مجرد ما دخلت سمعت خبط على الباب وكان ادم دخل وشاورتله على الكرسى انه يقعد
_بص انا موافقه بس مش عشان تهديداتك العبيطه دى انا موافقه عشان حالت مامتك
كان هيتكلم لكنى شاورتله بإدى بمعنى انه يسكت وكملت
_ولو سمحت مش عايزه حد يعرف احنا ندخلها الاوضه كأننا مخطوبين ولما نطله نرجع تانى منعرفش بعض
لما بانت علامات الرفض على وشى
_لو سمحت متأذنيش فى شغلى زى ما انت هتستفاد سبنى انا من غير ضرر
وافق لما لقا الرجاء فى عينى
رحنا انا وهو اوضه مامته وكانت فى منتهى الموده
فتحتلى دراعتها وهى بتكلمنى
~انا كنت حباكى من الاولى تعالى قربى عشان اباركلك
بصيت لادم الاول شاورلى انى اروح حضنتها حضنها كان باين فيه قد ايه هى حنينه
مسكت ايدى وبصت عليها
~امال هى فين دبلتك يا عروسه
بصيت لادم بإرتباك
لكنه ادخل
=انا لسه ماقدمتش رسمى يا ماما كلمت بس مامتها ومستنيكى لما تقومى بالسلامه
طبطبت على ايدى
~معلش يا بنتى وقفتلك فرحتك
اتكلمت بسرعه
_لا طبعًا يا طنط ازاى حضرتك تقولى كده اهم حاجه صحتك وفى داهيه اى حاجه تانيه
ابتسمتلى بحب
~ربنا يباركلك يا بنتى
طلعنا من الاوضه وادم كان على وشه ابتسامه ليا غريبه اول مره اشوفه بيبتسم أصلًا وليا !
=شكلك ممثله شاطره فعلا على العموم شكرًا
كنت بربط شعرى بالتوكه الكانت فى ايدى وسألته بدون اهتمام
_بغض النظر عن كلام فى الاول بس على ايه
=على كلامك مع امى
_مفيش حاجه تشكرنى عليها وأنا فعلًا كنت قصده كلى كلمه قلتها هى المريضه بتاعتى وصحتها عندى اهم حاجه عن اذنك
مشيت بعصبيه مش معقوله هيفضل يحاسنى هلى حاجه عملتها وكانت نيتى فيها خير
عدى اسبوع بشوفه كل يوم بقا ساعات بقعد معايا فى مكتبى لكن برضه انا لسه حطه مساحاه بنا
اخيرا خلصت شغل بعد يوم طويل كنت لسه هقلع البلطو لقيت تليفونى بيرن
_خير يا حسن عايز ايه اكيد فى مصيبه
جاوب بمرح انا عارفه لما يبقا عايز منى خدمه
=ربنا ما يجيب مصايب يا هنون انا بس كنت عايز منك خدمه
_لاء
جاوبت من عير ما فكر حتى
=طب اسمعى بس
_لاء يعنى لاء
=هجبلك الفستان العينك كانت هتطلع عليه فى المحل امبارح
_موافقه
=ماديه حقيره وافقتى من غير ما تعرفى حتى
_هتزود فى الكلام هقفل السكه وهخليك تجبلى الفستان برضه
=خدى الشفت مكانى النهارده
قالها بسرعه
_انت فين
=مع زينب
_الله يسهلو ياعم ابقا جيب جزمه للفستان كمان
وافقت رغم انى مش قادره بس كل يهون عشان اشوفهفرحان ومع الانسانه اليستحقها
خلصت شفت حسن اخيرا بس الوقت كان اتأخر
لميت حاجتى ونزلت عشان اشوف حاجه اركبها
طلعت من المستشفى كنت لسه همشى لكنى وقفنى صوت كان صوته
=انتأخرتى كده ليه
عقدت حواجبى وسألت بإستغراب
_أفندم
=أنتِ مش المفروض تخلصى من ٣ساعات
بصتله بإستغراب اكتر
_اه المفروض انت عرفت منين وكمان ايه اتأخرتى دى انت كنت مستانينى
بان على ملامحه التوتر
=لاء وهو انا هستناكى ليه هى بس أُمى امنتنى انى اروحك
كان بيحاول يبعد نظراته عنى وهو بيتكلم ربعت ايدى وبصتله
_يسلام عشان كده استنتى
=اه
_ماشى
قولتها وانا بمشى من قدامه
=استنى انتِ رايحه فين
رديت من غير ما ابصله
_مروحه
اتكلم بإنفعال وصوت عالى
=يسلام وانا واقف بنيل ايه مش عشان اروحك
ثانيه هو بيزعقلى
بصتله وجاوبته بنفس انفعاله
_انت بتزعقلى ليه وبعدين اركب معاك ليهه انا مش قولتلك اننا هنمثل بس قدام طنط منال وغير كده كأننا منعرفش بعض
سند على العربيه وانا بتكلم لما سكت بصلى ببرود
=خلصتى ؟
_اه
=طب يلا
فتحلى بابا العربيه عشان اركب
_انت شكلك مش بتسمع قولتلك مش هركب معاك اغنيهالك
بسبب صوتنا العالى قرب مننا عم إبراهيم بتاع الامن
~فى مشكله يا دكتوره هنا
حاولت الم الموقف لانه مش بيتبل فى بوقه فوله
_لا يا عمو مافيش حاجه ده استاذ ادم من قرايب بابا وكمان جارى كان بس عايز يوصلنى عشان الوقت الاخر
بص لادم وبعدين ابتسم
~ربنا يكرمك يا ابنى
كمل وهو باصصلى
~وانتِ اركبى يا دكتوره عشان الوقت
ركبت وانا لامحه ابتسامه نصر على وش ادم مكنش ناقصنى غير عم ابراهيم يقولى اركبى
كان فى صمت بينا حاول هو يلطفه انه يشغل اغنيه بس على مين انا هعكنن عليه
_طفى الاغانى عشان مصدعه
اتكلم بهمس وهو بيطفيها
=بومه
_افندم
=لا ولا حاجه انتِ بقا اتأخرتى لى فى الشفت
_اخدت شفت مكان زميل معايا
=والزميل ده هو نفسه الى كان واقف معاكى الصبح
سكت وانا بفتكر كان واقف معايا امتى افتكرت كان فعلًا واقف جمي اوضه طنط منال وكان بيغلس عليا وبيضحك كالعاده
_اه هو حسن
بان على وشه الضيق
=وهو ده بقا من الى مش عايزه يعرف موضوع الخطوبه
_اه طبعًا منهم هيزعل منى ومكنش هيرضى أصلًا عشان كنت هقوله الحقيقه
=يا للدرجه دى مش هتعرفى تكدبى عليه كمان
_اكيد طبعا انا وحسن مش بنخبى حاجه عن بعض
رجعنا تانى لصمتنا لحد ما وصلت قبل مانزل
_شكرا على التوصيله وياريت زى ما قلتلك محدش يعرف حاجه لو سمحت
هز راسه بعنى الموافقه
عدى اسبوعين كمان كان بيروحنى كل يم بحجه ان طنط وصته بكده اخدنا على بعض اكتر واتعرفنا على بعض
=الجو جميل اوى النهارده
اتكلمت بحماس
_اه اووى فى لمحه برد كده
=طب اقفلى الشباك لو سقعانه
طلعت راسى من الشباك اكتر
_لا ده الجو تحفهه
ركن العربيه قدام البحر
=هناكل ايه يا جميل
دى بقت طريقه كلامه معايا بس لسه بتكسف من طريقته
_ا..اى حاجه
=اريك فى بيتزا
_والله انك بتفهم
جبنا بيتزا وبدأنا ناكل
بدأنا نتكلم ونسأل بعض اسئله عشوائية
=ايه اكتر حاجه بتدايقك من الشخص القدامك
ضميت بوقى بحركه عفويه لما بيقا بفكر غمزاتى برز فيها
_بص على حسب يعنى لو شخص مش قريب منى اوى مبحبش يتعدى حدوده معايت بالذات لو زميلى فى الشغل وانتَ
=بكره الحوارات او الكدب
_دى نقطه مشتركه بينا بالنسبالى مع الناس القريبه بس
عدى من قدامنا عربيه ايس كريم
فتحت باب العربيه
_يلا نجيب ايس كريم
مسك ايدى بحركه تلقائيه بيمنعنى من النزول
اتكسفت وسحبتها بسرعه اتكلم بحرج
=اسف بس كنت عايزه اوقفك انتِ رايحه فين
شاور على العربيه
_هروح اجيب من هناك يلا قبل ما يخلصها
بص مكان ما بشاور كانت عربيه ايس كريم واقفه والناس عليها زحمه
فتح هو باب العربيه
=خليكى انتِ انا هجيب عايزه بطعم ايه
_لا انا هنزل معاك
اتكلم بحده
=لا خليكى هنا
ربعت ايدى واتكلمت وانا مبوزه
_خلاص مش عايزه انا كنت عايزه اعزمك زى ما عزمتنى
رجع تانى مكانه وفضل باصصى اتكلم بإبتسامه عليا
=خلاص بقا متبوزيش زى العيال
بصيت نحيه الشباك بحركه طفوليه بعملها لما بزعل من حد
=خلاص بقا مترعليش انا هجيب المره دى وانتِ جيبه المره الجايه او يا ستى ابقى اعزمينى على حاجه تانيه
رديت عليه وانا لسه مبوزه
_ عايزه مانجا وشوكولاته
ضحك على طريقتى
اتكلم وهو نازل من العربيه
=شكلك هتتعبينى معاكى يا ست هنا
عدى ٥دقايق كان راجع بالايس كريم اخدتها منه بسرعه وبدأت اكل منها بصيت على الايس كريم بتاعته
_دى بطعم ايه
=لمون
بصتله بتقزز
_حد ياكل ايس كريم لمون ويسيب المانجا
=تصدقى انا مش فاكر انى دوقتها بالمانجا قبل كده
شهقت بصوت عالى
_ازاى يعنى هو اساس الايس كريم مانحا وشوكولاته
اخدت حته من الايس كريم بالمعلقه بتاعتى وقربتها منه بحركه عفويه وبإبتسامه
_دوق بقا واعرف الاساس
كان بصصلى وباصص للمعلقه
لما ادركت انى قدمتله بمعقلتى وعايزه ااكله بإيدى برقت عينى بإدراك وكنت لسه هسحب ايدى لكنه مسكها بالمعلقه وقربها من بوقه وداق الايس كريم سحبت ايدى بسرعه وبصيت قدامى كنت حاسه انى وشى بقا فراوله
=امم تصدقى ايس كريم المانجا دى تحفه
حمخمت وانا بحاول اتجاهل كلامه
_يلا نروح بقا عشان متأخرش
شكلى كده فى بدايت اعجاب او فى نهايته خلاص
تانى يوم رحت الشغل وقعدت مع طنط منال زى العاده بحب قعدتنا جدا دمها خفيف وودوده كده
وبعدين كنت رايحه على مكتبى لكن شوفت حسن كان باين على وشه الانبساط
_ايه يا سوسو الانبساط ده الصناره غمزت ولا ايه
غمزتله فى نهايه الكلام
ضحك على طريقتى كان معاه اتنين قهوه مدلى ايده بواحده
=خدى يا ست البنات
اخدتها منه
_فين الفستان يا نجم
=وقت ما تحبى ننزل نجبهولك وعليه جزمه كمان
نطيت فى مكان بحركه عفويه من الفرحه
_يسلام لو كان فى منك اتنين كان زمان الدنيا فى حته تانيه دلوقتى
حط ايده على كتفى وهو بيمشينى جمبه
=يلا يا بكاشه تعالى نطلع السطح عشان احكيلك
طلعنا انا وهو السطح وحكالى عن زينب وانها طلعت هى كمان بتحبه كنت شايفه الفرحه فى عنيه
=انا بجد فرحان اوى يا هنونه
_وانا كمان والله انت مش متخيل فرحتى بيك قد ايه
كملت بمشاكسه
_بس اوعى تنسانى بقا وتقضيها حب ومرقعه
حط ايده على كتفى وضمنى لصدره
=انسى ايه بس متعرفيش انتِ عندى ايه انتِ اهم حاجه عندى
_وانت كمان والله اهم من اى حد
كنا بنتكلم ومنعرفش ان فى حد كان شايفنا
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية احببت مخادعه)
