رواية احببت خاطفي الفصل الثاني 2 بقلم أمل رزق

رواية احببت خاطفي الجزء الثاني

رواية احببت خاطفي البارت الثاني

رواية احببت خاطفي الحلقة الثانية

نزلت من البيت وقبل ما ادخل من باب السوبر ماركت ظهرت مره واحده عربيه سوده خدتني ومشت…
_ فتحت عيني لقيت ايدي مربوطه ونا في مكان معرفوش وضلمه جدا قعدت انادي واصرخ واعيط ومحدش سامعني ولا رد عليا قعدت افتكر كلام ماما وهي بتقولي بلاش تنزلي وقعدت اعيط لاني سعتها حسيت اني ف خطر بجد وفضلت اقول يارتني ما نزلت بس يفيد بايه الندم
_ ونا قاعده بعيط سمعت صوت باب بيتفتح بصيت ناحيه النور الي جيه من عند الباب لقيته هو الي دخل عليا بهيبته ولابس بدله رصاصي غامق وملامح وشه عليها الغضب ومضيق عينه اول ما وقف قدامي بصلي بنظره ثقه وقالي كنتي فاكره أنك مش هتشوفيني تاني او عشان هربتي يبقي مش هعرف اجيبك نا عبد الرحمن الالفي عارفه يعني ايه يعني اي حاجه اعوزها باخدها نا مليون بنت زيك يتمنوا ابصلهم تجي انتي ترفضيني
_ روح للمليون وسبني في حالي نا مش عايزاك نا مش عايزه اتجوز نا بكرهك سبني في حالي ورجعني عند اهلي والا بابا مش هيرحمك انت ناسي أن هما عاملين فيك بلاغ وان طالما نا اختفيت كدا يعني اكيد انت الي خاطفتني وسعتها هتدخل السجن وتترمي فيه
_ ههههه ضحكتيني تصدقي خوفت اهو وهرجعك فعلا انتي متعرفيش نا مين قال أدخل السجن قال محدش عرف يوصلي مع انكوا عاملين فيا بلاغ من اسبوع عارفه لي محدش عرف يوصلي عشان البلاغ اتمسح من عندهم اصلا معتش فيه بلاغ بح
_ انت اكيد كداب بتقول كدا وخلاص انما بابا هيدور عليا وهتتحبس يا حقير انت
_ عيب لما تقولي لجوزك المستقبلي يا حقير نا مش هحاسبك دلوقتي بس لما نتجوز شوفي نا هعمل فيكي ايه
_ دا ف احلامك اموت ولا اني اتجوزك نا اصلا بحب حد تاني وهتجوزه وهطلع من هنا وانت هتترمي ف السجن
وصف الشخصيات:
=زينه مصطفي 21 سنه تالته حاسبات عنيها عسلي وبيضه مش اوي وجسمها متوسط وطولها متوسط برضوا 160😹 بتلبس خمار وشكلها حلو جدا فيه
=عبد الرحمن الالفي 27 سنه مهندس ومن أكبر رجال الاعمال في مصر ناجح جدا ف شغله عيونه عسلي فاتح شعره اسود بشرته بيضه بس مش اوي طوله 179 عنده عضلاته ملامحه تخطف اي حد وحقيقي كدا حاجه عظمه على عظمه عايزين نشكر مامته ع الإنتاج 😹♥️
= ماجد صاحب عبد الرحمن من وهما اطفال واتربوا سوا ودراعه اليمين ودايما سند ليه ف اي حاجه
= علي 25 سنه بس لسه ف تالته حاسبات زميل زينه اتاخر اربع سنين ع ما قدم ف الكليه لظروف مرضيه مرت عليه ناجح جدا ف الجامعه بتاعته وبيشتغل ف شركه برمجه جنب الكليه ومع أن باباه من اغني أغنياء العالم إلا أنه حب يشتغل ف شركه بسيطه وحب أن يكون ناجح بعيد عن باباه
=مصطفي السباعي والد زينه رجل ف منتصف الخمسينات
=نهله محمد مامت زينه سيده ف منتصفه الاربعين ولكن مازالت محتفظه بجمالها فمن يراها يظن أنها ف منتصف الثلاثينات
=محمود الالفي والد عبد الرحمن رجل ف منتصف الخمسينات
= ليلي منصور مامت عبد الرحمن سيده ف منتصفه الاربعين
نرجع تاني للراويه
_ بتحبي مين سمعيني كدا تاني دنا اقتله واقتلك انتي فاهمه انتي مستحيل تكوني لغيري والا هقتلك بجد عرفيني هو مين انطقي صدقيني مش هيطلع عليه نهار لو عرفته قولي هو مين انطقي
_ انت انسان مريض بجد مريض لازم تتعالج عمر الجواز مكان بالاجبار انت عايز مني ايه سبني في حالي
_ انتي لي مش قادره تفهمي أن طالما عبد الرحمن الالفي عايز حاجه يبقي هياخدها عموما متقوليش هو مين نا هعرف بطريقتي مش دا تليفونك نا هعرف اطلع كل المعلومات الي عليه بطرقتي واي حد عليه همحيه من ع وش الأرض
_ انت اكيد مجنون هات تيلفوني هاته بقولك
_ مؤمن انت يا زفت تعالا هنا
_ ايوا يباشا أومرني
_ تاخد التليفون دا واي رقم ولد عليه تجيبه وتجبلي كل الشتات الي عليه اكيد هتكوني بتكلميه واكيد هو معاكي ف الكليه هجيبه وهموته قدامك
_ انت مجنون بجد كل الي عليه زمايلي عشان المشروع بتاعي طبيعي يكون ارقامهم عندي نا مش بحب حد نا قولت كدا عشان تسبني ف حالي انما نا مليش علاقه بحد منهم سبهم ف حالهم
_ مؤمن معاك ربع ساعة تكون جايبلي الارقام والشتات
_ حاضر يباشا
_ اسمعني بس والله ما لهم ذنب دول مجرد زملاء استنا انت رايح فين وسايبني استنااااا
_ ياربي نا عملت ايه بس دا كدا علي ممكن يروح فيها وهو ملوش ذنب منه لله هو كمان هو كان لازم يجي يقولي بحبك ف ام الشات والله لو المجنون دا قرائها هيموته يارب اعمل ايه بس يارب أخرج من هنا نا السبب نا السبب ممكن يموته بجد طب اعمل ايه طيب يارب هو ملوش ذنب يارب ميشوفهاش يارب ميعرفش يخطفه منك لله يا اخي انت طلعتلي منين
_ ها يبني لقيت ايه وريني
_ اتفضل يباشا فيه واحد اسمه علي سلامه يوم 15/7 قالها بحبك وقالها كمان أنه مش منتظر منها رد وان اول ما يتخرجوا هيتقدم وهي قالت ربنا يسهل ونركز بس ف المذاكره والي ربنا عايزوا هيكون
_ تعرفلي بيته وتجيبه قدامي هنا اقلل من ساعه يكون عندي انت فاهم
_ حاضر يباشا
_ ماجد فين
_ ايوا يباشا اؤمورني
_ دخلتلها اكل؟
_ مش راضيه تاكل ي باشا وعماله تعيط وتصوت وبتقولي أنها عايزه تقابل حضرتك ضروري
_ خلاص روح انت
_ سمعت انك عايزاني ونا جتله اهو مش عيب لما ماجد دراعي اليمين يدخلك الاكل بنفسه وانتي متاكليش كدا
_ نا مش عايزه اي حاجه منك نا بس عايزاك متجبش حد منهم نا والله ما بحب حد نا كدبت عليك مفيش حد منهم خالص اعرفه اخرنا أننا زملاء بس
_ وعلي سلامه دا ايه زميل برضوا
_ والله زميل هو مقالش حاجه هو بس اكيد دي مشاعر مراهقه هو مش بيحبني ولا نا بحبه عشان خاطري متأذهوش
_ ماشاء الله خايفه عليه متخافيش هما اقلل من نص ساعه وهيكون قدامك هنا وهموته قدامك عشان بس اتجرأ وتجاوز حدودك معاكي مع مرات عبد الرحمن الالفي
_ قولتلك هو والله معملش حاجه متأذهوش
_ ايوا يا مؤمن عملت ايه هو معاك طب كويس تعالا يلا بسرعه نا مستنيك علي نار
_ عشان خاطري لا انت هتعمل فيه ايه متأذهوش هسمع كلامك في اي حاجه بس خليه يسيبه هو ملوش ذنب حرام عليك
_ يا مراتي يا حبيبتي انتي كدا كدا هتسمعي كلامي في اي حاجه اقولها وهو هيموت يعني هيموت يلا هروح استقبلهم زمانهم ع وصول
_ استنا عشان خاطري متعملش فيه حاجه هو ملوش ذنب والله
_ الو ايوا يا مصطفي الحقني زينه اتخطفت بنتي اتخطفت يا مصطفي
_ انتي بتقولي ايه ازي دا حصل هي مش كانت معاكي في البيت
_ نزلت غصب عني والله قعدت اقولها بلاش قالت هنزل السوبر ماركت ي ماما وهاجي ونزلت ومرجعتش نا عايزه بنتي يا مصطفي
_ الله يسامحك يا نهله ازي سبتيها تنزل اقفلي دلوقتي
نرجع تاني لزينه
_ اتفضل ي باشا علي سلامه
_ هو دا اممم منور يا يا مجرد زميل
_ هاتوه جوه
_ انتوا مين وعايزين مني ايه
_ اهلا يا مراتي شوفي نا جبتلك مين معايا
_ علي علي انا قولتلك هو ملوش ذنب ف حاجه عشان خاطري سيبه
_ زينه انتي ايه جابك هنا ومين دول انتي تعرفيهم
_ انت لسه هترغي يا روح امك اتشاهد يلا
_ استنا يعبد الرحمن عشان خاطري والله هعمل الي انت عايزو وسيبه استنااااا متموتوش