رواية تائهه في بحور الذكريات الفصل الثاني عشر 12 بقلم دودو محمد

الفصل الثانى عشر

فى فيلا وحيد الدمنهورى

فى اوضة نيره

نيره :- حطت ايديها على قلبها

تقى :- مالك يا نيرو

نيره :- قلبى مقبوض مش عارفه ليه

تقى :- استعيذى بالله من الشيطان الرجيم وان شاءالله مش هيبقى فى حاجه

نيره :- اعوذبالله من الشيطان الرجيم

تقى :- هو ابيه رامى لسه مجاش

نيره :- لا مش عارفه ايه اخره كده اول مره

تقى :- اصل عربية ابيه وليد فى التصليح وابيه رامى هيروح يجيبه انهارده علشان نازل اجازه

نيره :- برضه اتأخر ده مفروض يخرج من الشركه الساعه اربعه ودلوقتى الساعه تسعه ونص يعنى كل ده بيجيب اخوكى وليد

تقى :- يا ستى الغايب حجته معاه لما يجى نبقى نعرف اتأخر ليه وفى الوقت ده رن جرس التليفون الارضى ونيره حست بدقات قلبها بتسرع جامد طلعت تجرى على التليفون وردت

نيره :- السلام عليكم

المتصل :- وعليكم السلام ده منزل وحيد الدمنهورى

نيره :- ايوه اتفضل حضرتك

المتصل :- احنا مستشفى (………)وجه عندنا وليد وحيد الدمنهورى ورامى وحيد الدمنهورى فى حادثة عربيه والحاله خطر

نيره :- التليفون وقع منها وقالت رامى واغمى عليها فى دخلت ادم

ادم :- طلع يجرى على التليفون وعرف بحادثة العربيه وقفل مع المتصل وفوق نيره والكل راح على المستشفى

ادم :- انا دكتور ادم وحيد كان فى حالتين جاين فى حادثة عربيه

الاستقبال :- ايوه حضرتك الاتنين فى العمليات وحالتهم خطر ادعلهم

نيره وتقى :- كانو بيعيطوه وكانت امينه بتعيط وتدعى ربنا يقوم ولادها بخير

ادم :- ممكن اعرف اوضة العمليات فى اى دور لو سمحت

الاستقبال :- قالو على المكان وطلعو كلهم عند اوضة العمليات وكان الكل منهار وبيدعى ربنا ينجيهم من اللى هما فى وبعد وقت طويل خرج الدكتور من اوضة العمليات وجرى عليه ادم

ادم :- طمنى يا دكتور عاملين ايه

الدكتور :- دكتور ادم هما يقربو ليك

ادم :- ايوه اخواتى طمنى يا دكتور بالله عليك

الدكتور :- مخبيش عليك الاتنين حالتهم صعبه جدآ وهندخلهم العنايه وال48 ساعه الجاين هيكون صعب جدآ عليهم واكيد انت فاهم كلامى

ادم :- اه طبعآ شكرآ يا دكتور

الدكتور :- ادعلهم ربنا يقومهم بالسلامه عن اذنك

ومشى الدكتور وجريت نيره عليه

نيره :- طمنى يا ادم قولى ان هو كويس وان هى شوية كسور وهيقوم بسرعه

ادم :- ادعيلو ربنا يقوم بالسلامه وسبها ومشى

نيره :- يارب قومه لنا بالسلامه وخليه لبناته وليا ده هو كل حاجه ليا فى الدنيا يارب متحرمنيش منه يارب ده انا اموت لو حصل ليه حاجه وقعدة تدعى ليه وهى بتعيط وبعد شويه جت الممرضه وبلغتهم ان فى واحد فيهم فاق وطالب يشوف واحده اسمها نيره

نيره :- جريت وبفرحه ايوه انا اكيد ده رامى الحمدالله يارب انك فوقت ليا وراحت مع الممرضه وجهزتها ودخلت لرامى العنايه

نيره :- حمدالله على سلامتك يا قلبى انشالله انا اللى اكون مكانك

رامى :- بتعب وصوت مسموع بالعافيه بعد الشر عليكى يا حبيبتى

نيره :- بلاش تتكلم علشان متتعبش

رامى :- بتعب لا انا عايز اقولك كلمتين خلى بالك على نفسك وعلى البنات واوعى تزعلى منى فى حاجه وخليكى متأكده ان انا من اول مره شوفتك فى الجامعه وانا حبيتك وقولت عليكى انك انتى هتبقى مراتى وام عيالى ومن يوم ما دخالتى قلبى محدش غيرك ملا عينى علشان انتى كنتى كل دنيتى كنتى فى قلبى وفى عقلى

نيره :- ششششش ملهوش لازمه الكلام ده ريح نفسك علشان متتعبش ولما تتحسن اللى انت عايز تقوله قوله

رامى :- مفيش وقت يا حبيبتى

نيره :- قصدك ايه

رامى :- ولا حاجه يا حبيبتى ممكن تنامى على صدرى خلينى احس بنفسك واملا صدرى بي

نيره :- حطت راسها على صدره

رامى :- اتألم ااااااه

نيره :- انا اسفه تعبتك

رامى :- لا لا يا حبيبتى خليكى زى ما انتى

نيره :- بحبك اوى يا رامى كنت هموت عليك وانت فى اوضة العمليات

رامى :- بعد الشر عليكى يا قلبى ربنا يخليكى لبناتك هما محتاجينك دلوقتى

نيره :- ويخليك لينا ونربيهم سوا

رامى :- نيرو

نيره :- نعم يا قلبى

رامى :- ممكن اطلب منك طلب

نيره :- طبعآ يا قلبى

رامى :- مش عايزك تزعلى منى

نيره :- وازعل منك ليه يا عمرى

رامى :- لا مش دلوقتى بعدين

نيره :- انا مش فهماك يارامى عايز تقول ايه

رامى :- عايزك تعرفى ان انا اهم حاجه عندى مصلحتك ومصلحت البنات وان انا اللى هعملو ده علشان احافظ عليكم من غدر الزمان وان مهما حصل متكرهنيش وخلينى ذكرى حلوه عندك

نيره :- انا مش فهماك الصراحه عمال تكلمنى بالالغاز

رامى :- يابت هتفضلى غبيه وسذجه كده لحد امته انا عايزك تبقى وحش وتبقى عندك شخصيه قويه زى البت ام لسان طويل نرمين

نيره :- لا يا اخويه انا حابه شخصيتى كده ومش نقصه حد يقول عليه لسانى طويل

رامى :- الطيب مش بيعرف يعيش فى الدنيا دى لوحده

نيره :- الصراحه انت شكل الحادثه اثرت علي دماغك علشان بتقول كلام مش مفهوم

رامى :- ضحك وتعب من الضحكه وقال الله يخربيت عقلك ده اطلعى بقى من الاوضه واتصلى على المحامى وخلى يجى ليا ضرورى وفى اسرع وقت

نيره :- ليه

رامى :- هتعرفى بعدين واطلعى بقى احسن انا تعبت

وخرجت نيره واتصلت بالمحامى وبعد شويه جه ودخل لرامى وبعد وقت طويل خرج المحامى ومشى

وشويه والممرضه جت وقالت المريض اللى فاق تعيش انت

ادم :- استقبل الخبر ومقدرش يقف على رجليه وتقى قعدة تصوت وامينه كانت بتعيط وبتقول ادعيه تصبرها على مصيبتها ونيره وقعدة على الارض

نيره :- وهى قعده على الارض وبتعيط صوتت وقالت رررررررررررامى

نرمين :- نيره نيره اصحى يا بنتى ده حلم والله

نيره :- فتحت عنيها ودموعها على خدها

نرمين :- صعبت عليها اختها اخدتها فى حضنها وقالت لسه برضه بتحلمى بى

نيره :- وهى بتعيط واحشنى اوى يا نرمين اوى

نرمين :- يا حبيبتى ادعيله بالرحمه

نيره :- بدعيله والله علطول قلبى واجعنى يا نرمين مش قادره انسه واكرهو على اللى عمله فيا بلعكس بشتاق ليه كل يوم اكتر من اللى قبله

نرمين :- معلش يا حبيبتى ربنا يرحمه ويصبر قلبك قومى كده خدى شاور واتوضى وصلى علشان تلحقى معاد الشركه متنسيش انهارده اول يوم ليكى فى الشغل

نيره :- هى الساعه كام

نرمين :- 8وربع

نيره :- وايه مصحيكى بدرى كده

نرمين :- عندى معرض انهارده فى لوحه هتتعرض من اللوح اللى انا رسمها

نيره :- ربنا معاكى يا حبيبتى

نرمين :- هطلع انا واسيبك تجهزى

نيره :- ماشى وخرجت نرمين من الاوضه وقامت نيره دخلت حمامها واخدت شاورها واتوضة وطلعت لبست هدومها واداة فرضها وخرجت من اوضتها وكانت نرمين نزلت من البيت

وكان الكل نايم فتحت باب الشقه ونزلت وقفت تاكسى وراحت على الشركه

……………………………………………………

فى المعسكر

صحى وليد من نومه قام دخل حمامه غسل وشه واتوضه واداه فرضه ولبس هدومه وخرج من اوضه وكان خالد طالع هو كمان من اوضه

خالد :- صفر ببؤقه وقال ايه الشياكه دى كلها انت رايح تتجوز ولا ايه

وليد :- وحياة امك ليه كنت معفن الاول ما ده لبسى من الاول

خالد :- بس طالع ايه مز فى الطقم ده

وليد :- روح يا بابا ربنا يهديك متخلنيش دماغى تروح لبعيد واشك فيك

خالد :- بصوت انوثى سى وليد تتجوزنى

وليد :- هو ده تمامك ههههه

خالد :- بصوت انوثى قطعنى حته حته وارمينى للقطه انا كنت بحب سته دلوقتى بحبك انت اه انت

وليد :- حلو اوى كده خليك على وضعك يا معلم وفيديو صوت وصوره ويتبعت للقائد تبقى فضحتك بجلاجل

خالد :- لا استر عليه اللهى يسترك انت معندكش اخوات صبيان يارمضان

وليد :- لا عندى يا اخويه واوعى كده من وشى بلاوى بتحدف على الواحد على الصبح

ومشى راح على المطار

……………………………………………………

عند نيره وصلت بالتاكسى عند الشركه حسبته ونزلت وطلعت عند سميه سكرتيرة عاصم وكان لبسها افزع من المره اللى فاتت

نيره :- استغفرت ربها من منظر سميه وقالت السلام عليكم انا نيره محمد

سميه :- بقرف اه اه عارفه بس مش عارفه تيجى بهدوم احسن من دى انتى شغاله فى اكبر شركة استيراد وتصدير يعنى لازم تكونى حسناء المظهر

نيره :- والله دى طريقة لبسى وبعدين انا لما جيت قدمت كنت بنفس طريقة اللبس والمدير وافق عليا يبقى ملهوش لازمه الكلام ده

سميه :- اتغاظت من نيره ونفخت وقالت شكلها ايام سوده داخلين عليها

نيره :- استغفرى ربنا حرام تقولى على ايام ربنا سوده

سميه :- ماشى ياست الشيخه

نيره :- ممكن اعرف فين مكتبى علشان استلم شغلى

سميه :- اه هقولك بس الاول تروحى الدور اللى فى شؤن العاملين وبلغى اسمك والمحامى هيخليكى تمضى العقد الاول وبعدين تستلمى الشغل

نيره :- اوك فى اى دور

سميه :- الدور الخامس

نيره :- شكرآ وراحت الدور الخامس ومضت العقد ونزلت لسميه وقالت ليها على مكتبها واستلمت نيره الوظيفه رسمى

……………………………………………………

عند وليد وصل المطار

وانتظر قدوم رقيه وبعد مدة جت رقيه وهى لبسه هوت شورت قصير جدآ وعليه كب ابيض وملامحها غربيه شعرها اصفر بشرتها بيضه عنيها زرقه وكانت فى قمت الجمال وسلمت على وليد

وليد :- اول ما شفها بالمنظر ده اتصدم وفتح بؤق من شدة جملها

رقيه :- هاى

وليد :- هاى

رقيه :- انا اعرف اتكلم سويه اربى (شويه عربى )

وليد :- اوكيه انا المقدم وليد

رقيه :- يس انا شوفت الصوره بتاعت انتى

وليد :- انتى انثتينى هلاقيها منك ولا من خالد

رقيه :- what

وليد :- لا ولا حاجه اتفضلى

ومشت رقيه مع وليد وركبت العربيه معاه

رقيه :- انتى هتاخدى انا فين

وليد :- فى فندق تبع الحكومه المصريه

رقيه :- وانتى هتقعدى مع انا فى الاوضه

وليد :- ها لا طبعآ اوضى جمب اوضك

رقيه :- ليه

وليد :- علشان احنا مينفعش عندنا كده احنا فى مصر

رقيه :- اوك بس قولت انتى تقعدى مع انا فى الاوضه

وليد :- لنفسه استغفر العظيم يارب ده ايه المصيبه دى لا احنا عندنا عيب وحرام

رقيه :- اوك

وفى الوقت ده وصل وليد للفندق ونزلت رقيه

ودخلو الفندق واخدو المفاتيح وكل واحد راح على اوضه

……………………………………………………

فى الشركه عند نيره

كانت قعده فى مكتبها والتليفون رن بتاع المكتب

نيره :- السلام عليكم

عاصم :- مدام نيره هاتى ملف حسابات العمال وتعالى

نيره :- بتوتر حاضر يا فندم

وقفلت معاه واخدت الملف وراحت عند المكتب

سميه :- انتى يااااا اخت رايحه فين هى وكاله من غير بواب دخله منك لنفسك كده

نيره :- لا بس هو اللى اتصل وطلب منى الملف

سميه :- يبقى تستنى هنا اخش ابلغه

نيره :- اتفضلى

سميه :- خبطت على الباب ودخلت وقفلت الباب وراها

عاصم :- خير يا سميه

سميه :- انت اللى خير بدأنا ولا ايه

عاصم :- مش فاهمك

سميه :- بعت ليه للبنت الجديده

عاصم :- ها ع.ع.عشان امضى على حسابات العمال علشان صرف المرتبات

سميه :- ياسلاااااااام من امته بقى ما لما تكون عايز ملف او حاجه بتبعتنى انا اللى اجيبه

عاصم :- سميه ده شغل مش كل شويه هنتكلم فى ام الموضوع ده

سميه :- بغير عليك يا بيبى

عاصم :- بس ده شغل مش دلع واتفضلى اطلعى بقى علشان اشوف شغلى

سميه :- طب الهانم بره ادخلك انا الملف واخليها تروح هى على مكتبها

عاصم :- سممممممميه اطلعى ودخليها

سميه :- بغيظ حاضر يا فندم وطلعت ودخلت نيره

نيره :- مدت ايديها بالملف وقالت احم اتفضل حضرتك الملف اهو

عاصم :- مد ايده ومسك الملف ومسك ايد نيره معاه

نيره :- شدت ايديها وقالت احم تأمر بحاجه تانى يا فندم

عاصم :- مبروك على الوظيفه

نيره :- الله يبارك فى حضرتك

عاصم :- لو سمحتى يا نيره ممكن بس تجيبى ليا الملف اللى على الرف ده

نيره :- احم ح.ح.حاضر ومشيت وراحت عند الملف

عاصم :- بيبص عليها بنظرات شهوانيه وهى ماشيه ومن فوق لتحت

نيره :- قعدة تشد البلوزه على جسمها علشان تدارى نفسها من نظرات عاصم وجابت الملف وقالت ا.ا.اتفضل حضرتك

عاصم :- وهو بيبص عليها بوقاحه من يد ما نعدمها

نيره :- عن اذن حضرتك

عاصم :- مش هتخدى ملف الحسابات لما يتمضى علشان مرتبات العمال تصرف

نيره :- اتفضل حضرتك امضيه

عاصم :- مضى الملف ومد ايده وقال اتفضلى يا نيره ده لو تسمحى يعنى اقولك نيره علطول من غير مدام دى اصلها مش لايقه عليكى الصراحه كلمة مدام

نيره :- براحتك يا فندم واخدت الملف وطلعت تجرى من المكتب

عاصم :- ااااااااه حتة بنت قشطه بالمكسرات هو فى جمال كده فى الدنيا امته بقى يجى اليوم اللى تكونى فى حضنى على سريرى

……………………………………………………

عند نيره دخلت مكتبها وهى جسمها كله بيتنفض من الخوف والتوتر وقعدة على الكرسى وهى بتاخد نفسها بالعافيه

نيره :- اهدى يا نيره اهدى متبقيش ضعيفه زى ما قالت ليكى نرمين واقفى ليه ووقفيه عند حده صح كده المره الجايه هقوله لو سمحت عيب كده ما يصحش لالا هقول لو سمحت الزم ادبك صح كده وكشرت وشها وقالت لو سمحت الزم ادبك صح كده هيخاف منى علشان ما يقربش منى تانى

……………………………………………………

عند نرمين كانت قعده فى المعرض وجت تقى عليها

تقى :- نونه حبيبت قلبى

نرمين :- صباح النداله بقى انتى تبعينى علشان عمرو يا واطيه

تقى :- ليه بس

نرمين :- بقى يا واطيه يا جذمه استناكى تيجى ليا بالعربيه واتصل بيكى تقولى ليا اركبى تاكسى علشان انتى بتخدى عمرو بالعربيه

تقى :- احم ماهو يا نونه تعبان وحرام يتبهدل فى المواصلات

نرمين :- حرام هو الراجل يتبهدل فى المواصلات وانا البنت اتبهدل عادى

تقى :- خلاص بقى يا نونه قلبك ابيض

نرمين :- على رأى المثل والله اتلم تنتن على تنتون واحد نتن والتانى انتن منه

تقى :- غلط على فكره

نرمين :- لا انا عايزه اقوله كده وامشى من هنا وروحى لحبيب القلب

تقى :- نونتى خلاص بقى ده انتى الحب يا بت ده انتى العشق

نرمين :- امشى ابت بلاش تسول مش نقصه اشكال ضاله على الصبح

تقى :- انا اشكال ضاله يا كوز مطبخ انتى يا وش الفطيره

نرمين :- ماهو انتى لو ممشتيش من هنا هعمل معاكى الجلاشه

تقى :- ها يا ماما مجنونه وتعمليها الحقنى يا عموره وطلعت تجرى

نرمين :- عيله سيكى ميكى وكملت رسم اللوحه

……………………………………………………

فى الفندق عند وليد

كان قاعد فى الاوضه وماسك تليفونه وكان بيتصفح فى شبكات التواصل الاجتماعى وسمع خبط على الباب

وليد :- قام فتح الباب واتصدم

رقيه :- هاى وليد

وليد :- كان مصدوم من منظر رقيه كانت لبسه قميص قصير جدآ

رقيه :- وليد انتى مالك مش بتردى ليه

وليد :- ها انتى جايه ليه

رقيه :- انا زهقان وليد انتى مش زهقانه

وليد :- ع.ع.عايزه ايه يعنى

رقيه :- انا اقعد اتكلم معاكى سويه

ممكن وليد بليز

وليد :- يابنت الحلال مش هينفع اقعد معاكى فى اوضه لوحدينا وانتى بالمنظر ده الشيطان شاطر

رقيه :- what انا مش افهم انتى بتقولى ايه

وليد :- احم ولا حاجه اتفضلى خشى

رقيه :- دخلت قعدة على السرير وقالت قولى وليد انتى متجوزه

وليد :- قفل الباب ودخل وقال لا

رقيه :- ولا مرتبطه

وليد :- لا

رقيه :- اوه حرام انتى مش عندك واحد تحبه

وليد :- بقولك ايه لحد هنا واقفى بقى واحد احبه ليه شيفانى قدامك سوسن خلى بالك من كلامك مش كفايه انتى دى اللى عماله تقوليها ليا وصيغة المؤنث اللى انتى بتكلمينى بيها

رقيه :- انتى زعلتى وليد انا مش قصدى تزعلك انتى انا بتكلم اربى مكسر سويه

وليد :- احم لا خلاص مش زعلان بس يعنى انا راجل وحكاية انتى دى بتشكك الواحد فى نفسه الصراحه

رقيه :- خلاص وليد انتى علم انا اتكلم اربى كويس عسان انتى مس تزعلى منى

وليد :- لنفسه الصبر يارب البت تتاكل اكل وببرأتها دى وقال رقيه انتى مش عايزه تنامى

رقيه :- وليد ممكن انا انام عندك انتى

وليد :- على جثتى والنبى ما يحصل ابدآ

رقيه :- what

وليد :- ممنوع هنا يارقيه اى واحده تنام فى اوضة واحد غير بقسيمة الجواز

رقيه :- انا مش افهم انتى بتقولى ايه

وليد :- ممنوع هنا كده انتى فى مصر مش فى اوكرانيا

رقيه:- انا مش افهم انتى بس هروح انا انام فى الاوضه بتاعى

وليد :- عليكى نور اتفضلى

رقيه :- خرجت من اوضة وليد وراحت اوضتها

وليد :- وقف وراه الباب وقال هف الواحد مسك نفسه بالعافيه يارب خلص المهمه دى على خير قبل ما تخلص عليا

ومسح العرق من على وشه من كتر التوتر ورما نفسه على السرير ومسك التليفون وقعد يتابع شبكات التواصل الاجتماعى

……………………………………………………

عند نيره فى الشركه خلصت شغل ونزلت من الشركه ومشت علشان توقف تاكسى وفى الوقت ده جه عاصم بعربيته

عاصم :- تعالى اوصلك

نيره :- ها ش.ش.شكرآ

عاصم :- صعب تلاقى هنا مواصلات

نيره :- لا شكرآ هستنا اى تاكسى يجى وهركبه

عاصم :- انتى خايفه منى

نيره :- ها ل.ل.لا م.م.مش خايفه

عاصم :- لو قد كلامك ومش خايفه بجد تعالى اركبى اوصلك

نيره :- ها ل.ل.لا مش هينفع حضرتك اتفضل انت

عاصم :- تع فى الوقت ده جت سميه

سميه :- استاذ عاصم ممكن توصلنى معاك

عاصم :- بقرف اه اركبى

سميه :- ركبت وبصت لنيره وقالت سلام يا قطه ومشى عاصم بالعربيه

نيره :- جتك نيله عليه انتو الاتنين لاقين على بعض الصراحه ومشت لحد ما شافت تاكسى وقفته وركبته وراحت على الشقه

……………………………………………………

عند نرمين

خلصت شغل فى المعرض وطلعت

كانت تقى وقفه مع عمرو

نرمين :- ايه يا عم النحنوح مشبعتش تسبيل فى البت ده معرفه سوده وجت على دماغى

عمرو :- وانتى متغاظه ليه

نرمين :- وانا هتغاظ ليه ده حتى المواضيع دى مش بتيجى على معدتى بتخنق منها

عمرو :- ده انتى هتعيشى حياتك كلها دكر متنكر فى جسم انثى

نرمين :- زى ما فى ستات كتير متنكره فى جسم رجاله

عمرو :- قصدك ايه بالكلام ده قصدك عليا

نرمين :- والله انا مقولتش عليك بس اللى على راسه بطحه بيحسس عليها

تقى :- فى ايه يا جماعه استهدوه بالله انتو قلبتو الهزار جد كده ليه

عمرو :- ماهى اللى ردها مستفز

نرمين :- وعلى ايه استفذك بلاش منها صحوبيه اصلا ومشت وسابتهم

تقى :- عمرو بالله عليك ما تسبها تمشى وهى زعلانه

عمرو :- يا حبيبتى انتى مسمعتيش قالت ايه

تقى :- ماهو انت برضه غلطان مكنتش قولت عليها دكر

عمرو :- انا كنت بهزار

تقى :- مش مهم اللى حصل بس روح صالحها علشان خاطرى

عمرو :- حاضر يا ستى وراح يجرى وراه نرمين وقعد ينادى عليها بت يا نرمين انتى يابت يا نونه يخربيتك ردى على امى

نرمين :- نعم عايز ايه

عمرو :- ده انتى طلع عندك دم اهو وبتعرفى تزعلى

نرمين :- وحياة امك ليه حد قالك عليا ان انا معنديش دم

عمرو :- خلاص بقى امزه وحياة سيدى لوروا سامحينى

نرمين :- ده اللى هو نسيم الحياه

عمرو :- هههههه اه هو

نرمين :- لا انت كده حلفتينى بالغالى وانا مقدرش على زعله ده هو اللى بحط منه كل يوم

عمرو :- يا معفنه وانا اقول ريحت البرفان المعفن ده منين اتاريه منك

نرمين :- فشر ده الكيس بربع جنيه بس بيغرق الواحد الصراحه

عمرو :- خلاص مش زعلانه منى يا نونه

نرمين :- المشكله انى بحبكم ومقدرش ازعل منكم بس فين الواطيه تقى

عمرو :- ههههههه خايفه تيجى منك

وفى الوقت ده جه ادم بعربيته وشاف نرمين وهى وقفه تتكلم مع شاب وبتضحك معاه

نرمين :- ليه حد قلها ان انا امنا الغوله ولا ام رجله مسلوخه علشان كده خايفه منى

عمرو :- هههههههههه انا مش عارف ليه بتخاف منك الصراحه

نرمين :- مش عا اااااااااه

ادم :- مسك نرمين جامد من دراعها وقال مين ده يا هانم

نرمين :- ادم انت ايه جابك وازاى تسمح لنفسك تمسكنى كده وبصفتك ايه بتسألنى مين ده

أدم :- بعصبيه ردى عليا مين ده

عمرو :- شال ايد أدم من على نرمين وقال انت اللى مين وازاى تمسكها كده

أدم :- انا ابقى خطبها انت مين

نرمين :- خطيب مين يا اخويه امته ده حصل

ادم :- هيحصل قريب

نرمين :- ده بعينك ومسكت عمرو من دراعه ومشت

أدم :- اتغاظ اكتر وشد عمرو وضربه فى وشه

نرمين :- عمرو وبصت لادم وقالت انت ازاى تسمح لنفسك تمد ايدك عليه

ادم :- شدها من درعها وركبها العربيه غصب

نرمين :- اوعى كده سبنى

ادم :- ركب العربيه ومشى بيها

وجت تقى ولاقت عمرو مرمى فى الارض ووشه بينزل دم

تقى :- عمرو مين عمل فيك كده معقول تكون نرمين

عمرو :- وهو مش قادر يتكلم لا ده واحد ضربنى واخدها ومشى

تقى :- واحد مين ده

عمرو :- مش عارف بيقول خطيبها

تقى :- خطيبها ازاى يعنى

عمرو :- مش عارف بس هى شكلها تعرفه علشان قالت ادم

تقى :- بصدمه ادم

عمرو :- انتى تعرفيه

تقى :- ها د.د.ده اخويه

عمرو :- نعم اخوكى

تقى :- ما هى متعرفش حد اسمه ادم غير اخويه بس ايه حكاية خطيبها دى

عمرو :- مش عارف بقى

تقى :- انت عجبتك القعده فى الارض ما تقوم

عمرو :- وهو بيقف بس اخوكى ده عنيف جدآ

تقى :-ههههههههه اه ما انا عارفه بأمارة ما هو كومك على الارض

عمرو :- لا حسبى انا مردتش امد ايدى عليه علشان نرمين متتفجعش من منظر الدم

تقى :- اه ما هو واضح اهو الدم على وشك ههههههههه

عمرو :- اااااه هاتى ايدك يا اختى سندينى انتو بتأكلوه ايه ده ايده مرظبه

تقى :- ههههههههههههه

عمرو :- اضحكى يااختى اضحكى بس شكل اخوكى واقع لشوشته فى حب نرمين

تقى :- اكيد ده غار عليها منك

عمرو :- تصدقى لايقين على بعض ده لو اتجوز هيخلفه اطفال يلعبو مصارعه من وهما فى اللفه

تقى :- اتلم متقولش عليهم كده

عمرو :- بس سيبك انت يا قمر مش طالعه رحلة شرم اللى هيتعمل فيها المعرض

تقى :- مش عارفه هشوف نونه هتعمل ايه

عمرو :- انتى متعرفيش تخدى قرار لوحدك ابدأ

تقى :- لا ومسحت الدم من على وشه بعنف

عمرو :- اااااااه براحه شويه

تقى :- تستاهل علشان تتكلم معايه عدل

عمرو :- والنبى عسل لما بتكون متعصب

تقى :- غلس ومشيت قدامه

عمرو :- خدى يا بت هقولك يا بت

ده ايه العيله المستقويه على البشر دول

……………………………………………………