رواية عشق الأدهم الفصل السادس عشر 16 بقلم ماهي عاطف
رواية عشق الأدهم الجزء السادس عشر
رواية عشق الأدهم البارت السادس عشر
رواية عشق الأدهم الحلقة السادسة عشر
رواية عشق الادهم
الفصل السادس عشر
بقلم ماهي عاطف
💙💙💙💙💙💙💙
عند ناديه كانت عاملة اجتماع خماسى فى بيتها
حضره حنين ومنه واياد وهناء وناديه طبعا
هناء مش فاهمه هيا هنا ليه : مش هتقولوا ياولاد
جايبنى على مالا وشى ليه
ناديه راحت قعدت جنبها : بصى ياست الكل انتى
مش نفسك تفرحى بهمس
هناء : ياريت يابنتى بس دمغاها ناشفه ومقفله خالص
حنين : والى يقولك على حل نخليها هى الى تروح لادهم وتقولوا تعالى نتجوز
هناء : حل ايه ده ياحنين .
اياد ومنه مع بعض : الموضوع فى ايدك انتى ياتيتا
هناء بحيره : ياولاد حيرتونى معكوا ماتقولوا بتفكروا فى ايه
حنين : همس اتجوزت اول مره علشان ترضيكى لانها خافت عليكى وكانت عايزه تفرحك صح ياماما
هناء بزعل : انتى بتقلبى عليا المواجع ليه ياحنين وادى النتيجه يارتنى ماضغط عليها تتجوزه
حنين : ياماما احنا مش فى الى كان وبعدين الوضع
مختلف همس الاول مكنتش بتحب محمد لكن دلوقت
همس بتحب أدهم ودى حاجه احنا كلنا متأكدين منها صح
هناء : اه دى ياحبيبتى لا بتنام ولا بتاكل من التفكير بس العند ركبها
ناديه :وأدهم وضعه مش مختلف عنها بالعكس دا اسوأ
بكتير منها
هناء : والحل
اياد : تسمعينى كويس ياتيتا وهنفز الخطه دى مع بعض
هناء : قول ياحبيبى وانا معاكم
وحكالها اياد على الى هيعمله وقال لكل واحد دوره ايه
_______________________
فى بيت نور جاسر كان لسه راجع من بره دخل يجهز
شنطته وياخد شاور لاقى سقف الحمام بينزل ميه
خرج ينادى على مامته
جاسر : ماما ياماما
جاتله هدى : فى ايه ياحبيبى
جاسر : سقف الحمام بينزل ميه فى ايه
هدى : والله مانا عارفه انا زهقت اطلع شوف الناس
الى ساكنه فوقنا تقريبا الميه من عندهم
جاسر غير هدومه وطلع خبط على الباب بنرفزه اختفت
اول لما الباب اتفتح وخرجت بنوته تقريبا فى العشرينات شعرها طويل لون الشكولاتة وبيضها زى الثلج وبتعيط
جاسر وقف قدمها وتنح من جمالها الى زايد بعيطها
وعيونها الى لون العسل لما سكوته طال اتكلمت هيا
لوجين بدموع زى الاطفال: نعم انت مين
جاسر ولسه متنح: انتى بتعيطى ليه
لوجين : هو انت بتخبط عليا علشان تقولى بتعيطى ليه
جاسر وبدأ يستوعب هو هنا ليه : اااحم لا انا طالع لان
الميه مغرقه البيت عندنا تحت ومش عارف جايه منين
لوجين بدموع: من عندى
جاسر نفسه يخدها فى حضنه بس ماسك نفسه : طيب
ممكن تهدى وتقوليلى فى ايه
لوجين بعياط : الحنفيه اتكسرت من الحيطه ومش
عارفه اعمل ايه وبابا تليفونه غير متاح والميه الميه
مغرقه البيت كله جوه (وفضلت تعيط)
جاسر كان عايز يضحك بس مرضاش يحرجها : انتى
بتعيطى علشان كده
لوجين : اومال عايزنى اعمل ايه ارقص يعنى ولا ادخل
العب فى الميه واعملها بيسين
جاسر مقدرش يمسك نفسه اكتر من كده وضحك بصوته
كله لوجين بصتله قوى كان وسيم جدا وهو بيضحك مكنتش واخده بالها من كتر ماعماله تعيط وقالت لنفسها
هو مين القمر ده
جاسر بعد ماسكت رد على سؤالها الى سالته لنفسها : انا الرائد جاسر جارك تحت لو تسمحى ادخل اشوف الحنفيه دى
لوجين : بس انا قعده لوحدى هتدخل ازاى
جاسر باعجاب : انا هنادى والدتى تجى تدخل معايا
لوجين : اذا كان كده ماشى
جاسر فضل واقف باصص لعنيها لدرجه انها لاحظه
واتكسفت وبصت للارض
لوجين : انت مش قولت هتنادى لولدتك
جاسر : ها اه اه رايح اهو
نزل جاسر وشويه وطلع بهدى الى اول ماشافت لوجين اعجبت بيها وقالت لنفسها يارب تكون من قسمتك ياجاسر
دخل جاسر وصلح الحنفيه ونشف معاها الميه هو وهدى
بعد محيلات منهم ولوجين مكنتش موافقه تتعبهم
بعد ماخلصوا هدى نزلت وجاسر وراها ولوجين كانت
واقفه على الباب
جاسر وقف قدمها : على فكره معرفتش اسمك لحد دلوقت
لوجين ابتسمت : لوجين
جاسر : اسمك حلو قوى زيك يالا اشوف وشك بخير
اصل للاسف مسافر بعد نص ساعه بس راجع يوم
الخميس ان شاء الله
لوجين بكسوف : وانت بتقولى ليه
جاسر قرب عليها شويه: علشان تستنينى لما ارجع
علشان نتعرف كويس
لوجين بصت للارض : ومين قالك انى عايزه اتعرف
جاسر ابتسم : قلبى حاسس وقلبى ميكدبش عليا ابدا
لوجين : طيب ممكن تنزل بقى لبابا يجى
جاسر : ماشى هنزل اشوفك الخميس سلام
جاسر رمى عليها سهم حبه وسابها قلبها بيدق ونزل
يستعد علشان يسافر لشغله وكل تفكريه فيها
________________________
همس كانت فى مكتبها بتشتغل تليفونها رن كانت حنين
ردت عليها : الو ايوا ياحنون عامله ايه
حنين بعياط : الحقينى ياهمس ماما تعبت وجبنلها
الدكتور عندها جوه
همس قامت من مكانها بسرعه واخدت شنطتها ونزلت
جرى كل ده وهى لسه مع حنين على التليفون : انا
جايه حالا ياحنين مش هتاخر
همس نزلت اخدت تاكس ودموعها نازله خايفه امها
يحصلها حاجه وصلت البيت ودخلت تجرى
همس بعياط : ماما مالها ياحنين (وبصت على منه
لقتها بتعيط) ردى عليا يامنه فى ايه انا سيباها كويسه
حنين : اتصلت بيا من شويه وكانت بتتكلم معايا وفجاه
لقتها بتقولى الحقينى ياحنين انا تعبانه واغمى عليها
همس : والدكتور فين
حنين ,: كشف عليها وعطاها حقنه نيمتها وكتبلها علاج
اياد راح يجيبه
همس : طيب قال ايه يعنى
حنين قعدت : قال قلبها تعبان وسالنى حد زعلاها قولتله ليه قالى الى عندها نتيجه زعل وده غلط على الى فى سنها
همس بشهقات من كتر العياط: طيب ما هى كانت كويسه هو حصل حاجه مش بتقولى كانت بتتكلم معاكى حكتله حاجه
حنين سكت وبصت للارض
همس : فى ايه ياحنين هى قالتلك فى حاجه مزعلها
حنين : متشغليش بالك انتى بس ياهمس هى ان شاء
الله هتبقى كويسه
همس صبرها خلص : ماتقولى ياحنين مالها ماما قالتلك ايه
حنين سكتت تانى همس بصت لمنه : قولى انتى يامنه
امى مالها زعلانه ليه
منه بتردد: بصراحه ياهمس اصل يعنى هى كانت
همس بنرفزه : ماتقولى بقى على طول فى ايه تعبتوا اعصابى
منه: بصراحه هى زعلانه علشانك وفضلت تعيط وتقول
انها السبب فى الى انتى فيه لحد مااغمى عليها
والدكتور قال لو فضلت بحالتها النفسيه دى ممكن ممكن
همس : ممكن ايه انطقى
حنين كملت : ممكن بعد الشر قلبها يزيد تعبه وتحتاج
عمليه فى القلب
همس شهقت وفضلت تعيط وتعيط بحرقه على امها
الى هتروح منها
هناء من جوه سامعه كلامهم وصعبت عليها همس
بس اهو كله علشانهاوافتكرت اتفاقهم معاها
فلاش باك
اياد : تسمعينى كويس ياتيتا وهنفز الخطه دى مع بعض
هناء : قول ياحبيبى وانا معاكم
اياد : انتى هتتعبى وحالتك هتكون خطر بعد الشر طبعا
هناء : ازاى يااياد همثل يعنى
منه : بالضبط كده ياتيتا هتمثلى انك تعبانه وده كل
الى عليكى والباقى علينا احنا
اياد : انا ليا واحد صاحبى دكتور هتفق معاه يجى
يكشف عليكى احتياطى قدام حور علشان لو همس
سالت قدمها انتى عارفه الاطفال ممكن تبوز كل حاجه
هناء: طيب وبعدين
حنين : انا هفهمها انك تعبتى بسببها
هناء : بس انا اخاف عليها يجرلها حاجه من الزعل
حنين : ياماما وانتى يعنى مش خايفه عليها وانتى
شيفاها عامله فى نفسها كل ده
هناء بحيره : والله ماعارفه ياولاد وهو يعنى لو
عمالنا كده هيجب نتيجه وتوافق تتجوز
حنين بثقه : انا ارهنك فى نفس اليوم هتتصل باأدهم
وتقوله انا موفقه اتجوزك
هناء بتفكير : انا موافقه
باك!!!!!!!
هناء بتكلم نفسها : سامحينى ياهمس كله علشان سعاتك
بره الاوضه حنين راحت تهدى همس الى صعبت عليها
قوى بس هتعمل ايه كله علشانها هى
حنين : بس ياهمس خلاص بقى بطلى عياط ان شاء الله هتبقى كويسه
همس بعياط : انا السبب امى تروح بسببى اعمل ايه يارب اعمل ايه
حنين بلؤم : خلاص بقى ياهمس هتعملى ايه يعنى
هتروحى تتجوزى علشان خاطر امك يعنى تخف لا هى
ان شاء الله مع الوقت تنسى الموضوع ده وهتبقى احسن
همس بصتلها وكانها جاتلها فكره قامت من مكانها ودخلت اوضتها حنين بصت لمنه باستغراب : هى راحت فين
منه : مش عارفه !!!
_______________
أدهم كان فى مكتبه معاه عملاء بيكلموا فى طلبيه جايه تليفونه رن واستاذن منهم وقام يرد لما لقاها همس
استغرب من اتصالها ورد
أدهم : الو ايوه.ياهمس عامله ايه
همس صوتها باين انها معيطه : كويسه الحمد لله
أدهم قلق : مالك ياهمس بتعيطى ليه العيال كويسين
همس. : كويسبن ياأدهم متقلقش انا كنت عايزه اتكلم
معاك ضرورى
أدهم : ماشى ياهمس انتى فين
همس : فى البيت
أدهم : طيب انا نص ساعه وهاجى اخدك ونروح نقعد
فى اى مكان
همس : ماشى هستناك
أدهم : طيب ممكن علشان خاطرى تهدى انا مش عارف فيكى ايه
همس : لما اشوفك هقولك يالا سلام
أدهم : سلام
قفل معاها وقلبه وجعه من صوتها راح للعملاء اعتزر
وعطاهم معاد تانى واخد مفاتيحه ونزل راح لهمس
_______________
عند همس قفلت معاه وطلعت راحت تطمن على هناء دخلت لقتها نايمه باستها من راسها وقالتلها : سلامتك ياحبيبتى حقك عليا انا هفرحك زى مانتى عايزه وباست راسها تانى وطلعت
هناء فتحت عنيها بعد ماهمس طلعت ودعتلها ربنا يفرح قلبها
همس خرجت لحنين : حنين انا نزله كمان شويه عندى مشورا مهم ومش هتاخر لو حصل اى حاجه كلمينى
حنين : راحه فين ياهمس
همس : لما اجى هقولك
_________________
محمد اخد لورا وراحوا الشهر العقارى سجلوا اوراق
التنازل عن المعرض والشقه باسم لورا الى الفرحه مكنتش سيعاها لانها اخيرا وصلت لهدفها واول ماخلصوا
لورا : حبيبى انا فرحانه قوى انك اخيرا سمعت كلامى واتاكدت انك بتحبنى
محمد بضيق بيحاول يداريه : مبروك ياحبيبتى انا عايزك تتاكدى ان معنديش اغلى منك
لورا : طيب ليه حاسه انك زعلان
محمد: انا !! ابدا وهزعل ليه ياحبيبتى انا وانتى واحد
وكله فى الاخر لعيالنا
لورا :اه طبعا يالا بينا بقى نروح !!! اه صحيح الورق فين
محمد بصلها قوى : الورق معايا اهو هوديه الخزنه فى المعرض بتسالى ليه
لورا بارتباك :هاا لا ابدا انا بس كنت هعينه عندى ليضيع
محمد : لا متخافيش الخزنه اامن
لورا بضيق : طيب يالا بينا
محمد : يالا
مشيوا الاتنين وكل واحد بيفكر فى حاجه لورا بدور
على طريقه تاخد بيها الورق ومحمد بيقنع نفسه ان لورا بتحافظ على حقوق عيالها مش اكتر من كده ##
____________________
أدهم وصل ورن على همس نزلت بص على عنيها
لقها باين عليها العياط اخدها وراحوا كافيه قعدوا
وطلبلها عصير يهديها
أدهم : مالك ياهمس معيطه ليه ريحينى طيب
همس : مافيش ماما تعبت والدكتور كان عندها
أدهم : طيب عندها ايه وعامله ايه دلوقت
همس دمعت تانى : قلبها تعبان والدكتور بيقول زعل
أدهم : وهى حد زعلها
همس دموعها نزلت: انا السبب
أدهم قلبه وجعه لما شاف دموعها: همس ابوس
ايدك بلاش عياط وبعدين ليه انتى عملتى ايه
همس بصتله : علشان مش راضيه اتجوز
أدهم فهم قصدها و سكت
همس بصتله مش عارفه تقوله ايه : أدهم انا
موافقه اتجوزك
أدهم بصلها بسرعه مش مصدق : قولتى ايه ياهمس
همس : موافقه اتجوزك
أدهم فرح قوى ولسه هيتكلم ويقولها قد ايه فرحان
كملت كلامها: بس عندى شرط
أدهم قلبه دق بخوف من شرطها : اومرى
همس بصت للارض: هنتجوز بس مش هنتجوز
أدهم : دى فزوره يعنى ايه
همس بلعت رئها بخوف من رد فعله ،: يعنى هيكون
جواز على ورق وهنعيش مع بعض اخوات
أدهم تنح وفضل ساكت وباصص عليها بيفكر يعمل ايه فيها
همس قالت لنفسها اكيد هيرفض ويبقى هى عملت الى
عليها وخلاص
أدهم اخيرا اتكلم : همس انتى عارفه انا من يوم
ماشوفتك وانا كل املى فى الدنيا تبقى معايا جنبى
على طول انتى وحور حور وأدم ومش متخيل انكم
تبعدوا عنى ابدا مهما كان السبب!!!!!! انا موافق
همس بصدمه : موافق على ايه
أدهم : على انى اتجوزك على الورق وبس
همس : انت بجد موافق
أدهم : ايوا ياهمس موافق ومعنديش اى اعتراض
همس فكرت ان ممكن يقولها كده لحد ماتبقى مراته
ويلغى كلامه ولسه هتتكلم
أدهم قاطعها : وقبل ماتفكرى انى ممكن اقول كلام
وخلاص وارجع فيه بمجرد ماتبقى مراتى فده مش
هيحصل ابدا وده وعد منى ياهمس عمرى ماهلمسك
الا لو انتى عايزانى لانى استحاله المس واحده مش عايزانى حتى لو روحى فيها
همس مشاعرها متلخبطه مش عارفه تفرح ولا تزعل
والا تضايق بس المهم دلوقت امها التعبانه
همس بصتله: اتفاقنا يالا بينا نروح لماما نقولها بس ياأدهم
أدهم كمل هو : متخافيش ده اتفاق بيبنا ومش ممكن حد يعرف احنا هنبقى قدام الناس اسعد زوجين
همس باحراج ،: هو فى حاجه صغيره واحده بس
أدهم : قولى ياهمس
همس : انا عارفه ان دى اول جوازه ليك بس انا
مش هينفع اعمل فرح فيعنى ممكن تبقى حفله صغيره
وفيها العائلتين وبس انا عارفه انى زوتها بس
أدهم مسك اديها : مازوتهاش ولا حاجه انا كفايه
عليا تبقوا معايا فى بيت واحد وده حلمى
همس بصتله قوى ومش عارفه هو كان فين من
زمان : طيب يالا بينا
أدهم : يالا
راحوا البيت كانوا كلهم هناك ومعاهم نور الى جت
مع اسر لما عرفوا ان هناء تعبانه لان اسر ميعرفش
بالاتفاق همس دخلت هى وأدهم لقتهم كلهم قعدين
وبصولها بفرحه خبوها بسرعه قبل ماتشوفها رحبوا
كلهم بأدهم الى بص لاياد وغمزله فاياد فهم وابتسم
اسر شافهم هو كمان وفهم
همس لحنين : هى ماما لسه نايمه
حنين : لا ياحبيبتى صحيت وسالت عليكى
همس : طيب تعالوا ندخل لها علشان عايزاكم فى موضوع
دخلوا كلهم عند هناء همس راحت باستها : عامله ايه
دلوقت ياماما
هناء بصوت تعبان: الحمد لله انتى كنتى فين ياهمس
همس بصت لأدهم : كنت مع أدهم وبصتلهم كلهم انا
ياجماعه انا يعنى
أدهم كمل بدلها : انا وهمس هنتجوز
الكل فرح جدا وخصوصا هناء الى اخدت همس فى
حضنها وعيطت من الفرحه
هناء بدموع: الف مبروك ياقلب امك
همس : طيب ليه الدموع دلوقت
هناء ابتسمت : دى دموع الفرحه وبصت لأدهم
الف مبروك ياحبيبى
أدهم راح باس راسها وكان نفسه يقولها شكرا ليكى
انتى الى خليتيها توافق حتى لو جواز ناقص المهم
انها معاه وليه: الله يبارك فيكى والف سلامه عليكي
اسر راح حضن أدهم ووشوشه : الف مبروك انت
عملت ايه خلتها وفقت
أدهم بنفس الوشوشه: مش انا الى عملت الحاجه
ربنا يخليها الى عملت
اسر فهم قصده وعرف اخته وفقت ليه: مش مهم
السبب المهم انها وفقت
أدهم عايز يقوله انت مش عارف حاجه ده جواز مع وقف التنفيذ : اه المهم انها وفقت الحمد لله
اسر : الف مبروك يا صاحبى
ادهم : الله يبارك فيك ياحبيبى
حنين غمزت لمنه واياد وكانوا الفرحه مش سيعاهم
حنين جرت اتصلت بناديه
حنين : الو ايوا يانونا مبروك الخطه نجحت بامتيااااااااز
لقت صوت من وراها وقف قلبها : خطة ايه دى الى عملتوها !!!!!!!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشق الأدهم)
