رواية عشق الأدهم الفصل الخامس عشر 15 بقلم ماهي عاطف
رواية عشق الأدهم الجزء الخامس عشر
رواية عشق الأدهم البارت الخامس عشر
رواية عشق الأدهم الحلقة الخامسة عشر
رواية عشق الادهم
الفصل الخامس عشر
بقلم ماهي عاطف
💙💙💙💙💙💙💙
أدهم وهمس طول الليل مانموش وكل واحد بيفكر فى التانى أدهم بيفكر ازاى يخليها تثق فيه وتوافق عليه
وهمس بتفكر ازاى هتقدر تبعد عنه ومتفكرش فيه
بس قلبها وجعها من مجرد فكرة انها متشفوش تانى
الاتنين من كتر التفكير محسوش بنفسهم وناموا
_______________________
عند حنين صحيت مبسوطه وقامت تحضر الفطار
وراحت تصحى فارس.
حنين باست فارس من خده وبصوت واطى : فارس !!ياحبيبى اصحى!! ياقلبى يالا (فارس مردش عليها )
ياحبيبى قوم بقى بطل كسل
فجاه لقت نفسها نايمه على السرير وفارس فوقها
ضحكت وقالته: اخص عليك يافارس خضتنى
فارس باسها براحه على شفيفها : سلامتك ياقلب
فارس من الخضه وبعدين مش انتى الى جيتى لحد
عندى وصحتينى يبقى متزعليش بقى
حنين بضحك : يافارس منه بره هتسمعك بطل بقى
انت مش مكفيك الى عملته امبارح
فارس باسها تانى وراح جنب ودنها : لا مش مكفينى
حاسس انك لسه زعلانه
حنين : يافارس ياحبيبى انت الى كنت زعلان والله
مش انا احلفلك علشان تصدق
فارس ولسه على وضعه : وانا قولتلك مش مهم
مين الى زعلان بقولك ايه ماتيجى نزحلق منه عند
خالتها واستفرد بيكى النهارده اصلحك برحتى
حنين ضحكت بصوتها كله
فارس بسرعه : هششششش البت هتسمع
حنين حتط اديها على بقها تكتم صوتها :قولتلك
بطل تضحكنى ومنه هنا قبل كده هتفضحنا
فارس : طيب مانا بقولك نصربها بتضحكى
حنين بضحك : هتروح تقولها ايه روحى يامنه عند
خالتك علشان استفرد بمامتك
فارس باسها تانى ولسه هيكمل لقى منه من بره
بتنادى عليهم
منه بصوت عالى علشان يوصلهم : ياناااس !!! يالى
هنا انا جعت حرام عليكوا هو انتوا علشان تتصلحوا
يجى فوق دماغى
حنين ضحكت : قولتلك يالا نطلع دى ممكن تعملنا
فضيحه لو جاعت اكتر من كده
فارس رمى نفسه على السرير : اطلعى وانا جاى
وراكى انا الى جبتوا لنفسى
حنين قامت وبصتله وضحكت اكتر وطلعت لمنه
منه اول لما شفتها مبسوطه فرحت انهم اتصالحوا
بس حبت ترخم عليهم
منه : ياعنى ياست ماما انتوا تتصالحوا وانا اجوع
حنين : يابت اتلمى شويه ما الاكل قدامك اهو
منه : اااااه عايزانى اكل ويطلع البشمهندس فارس
يعملى محاضره عن العائله وفوائد الصحبه على الاكل
وهكذا وبعدين مش انا قولتلك امبارح اروح ابات عند
همس واطرى عليكم القعده
فارس خرج عليهم : والله يابنتى بقولها كده تقولى
لا عيب هتقول لبنتك كده
حنين بصتله بتبريقه : فارس
منه ضحكت : خلاص ياماما وشك احمر كده ليه
دانا زى بنتك برده
فارس : خلاص بقى ياحنين بهزر مهزرش يعنى
منه قامت باسته فى خده : هزر براحتك ياقمر
وراحت قعدت مكانها وهى فرحانه جدا بابوها وامها
وحمدت ربنا ان حبهم لبعض بيكبر مع الزمن مش بيقل واتمنت انها تبقى زيهم هى واياد
_____________________
الايام عدت على همس وأدهم وحشه جدا أدهم كل
يوم يتصل بيها وهى تخلى حور ترد عليه وفى
مره اتصل كالمعتاد همس نادت على حور
همس : حور كلمى ياقلبى
حور : مين ياماما دا بابا أدهم
همس بصتلها قوى : اه ياحبيبتى هو
ردت عليه وفتحت الاسبيكر وحور اتكلمت : الو ايوا
يابابا عامل ايه ياحبيبى
أدهم اتضايق انها برده مردتش عليه بس كان عارف
انها فتحه الاسبيكر وسمعاه
أدهم : ايوا ياحبيبتى وحشتينى قوى عامله ايه
حور : الحمد لله وانت كمان وحشتنى
أدهم كلم حور بس كان الكلام لهمس : حور انا
عارف انك سمعانى انتى وحشتينى قوى وعايزك
تعرفى انى عمرى ماهبعد عنك ومهما انتى بعدتى
انا هرجع اقرب تانى لانى بحبك وعمرى ماحبيت
غيرك ولا هحب غيرك ابدا ودا وعد منى ليكى
همس سامعه كلامه وقلبها بيدق لدرجه انها حست
انه هيقف كانت فرحانه انه لسه متمسك بيها بس
طبعا كالمعتاد بتفوق نفسها ان مينفعش تقرب
حور ردت عليه : وانا كمان بحبك قوى يابابا وعمرى
ابدا ابدا مش هسيبك
همس بصت لحور وابتسمت وادهم كمان ابتسم
بس كان نفسه الكلام ده يبقى من همس
أدهم : حبيبتى ياحور ربنا يخليكى ليا عقبال الناس
التانيه لما اسمع منها الكلام ده
حور مش فاهمه حاجه : ناس مين يابابا
أدهم ضحك: الناس ياحور الى سمعانا ومش هاين
عليهم يسمعونا صوتهم طيب مش ده ظلم هما
يسمعونى وانا لا عموما انا بس كنت عايز اقولك
وحشتينى قوى واطمن عليكوا
حور : انا بحبك قوى يابابا
أدهم بحب : وانا كمان ياحور بحبك قد الدنيا
علشان انتى حته من اكتر حد بعشقه فى حياتى
عايزه حاجه منى ياحبيبتى
حور : لا بابا عايزه سلامتك
أدهم : الله يسلمك
قفل أدهم وحور سابت التليفون لهمس وخرجت
تلعب مع ادم همس غمضت عنيها وحطت اديها
على قلبها وبتفتكر كلامه كان نفسها ترد عليه وتقوله
ان هى كمان نفسها ماتبعدش عنه بس خايفه ..
خايفه لدرجه الرعب انها تقرب منه وتتعذب ففضلت
عذبها وهى بعيده عنه بس عارفه انه بيحبها اهون لما
يقرب ويخونها فى يوم من الايام
______________________
عند لورا ومحمد
كانوا قعدين مع بعض ليتكلموا ويتفقوا هيجيبوا
ايه للنونو الى جاى وهيسموه ايه محمد تليفونه
رن قام جابه ورد
محمد: الو ايوا ياستاذ شاكر
شاكر المحامى : ايوا انا خلصت كل اوراق نقل
الملكيه الى حضرتك طلبته
محمد : تمام ومعاد الشهر العقارى امتى
شاكر : بعد بكره ان شاء الله تجيب المدام ونروح فى
واحد حبيبى هناك هيخلص كل حاجه بسرعه
محمد بضيق : طيب ياستاذ شاكر معادنا بعد بكره يالا سلام
شاكر : مع السلامه
محمد قفل مع شاكر وهو مخنوق وحاسس ان الى
بيعملوا غلط بس مش عارف يرفض واقنع نفسه ان
كل حاجه راحه لابنه الى جاى
لورا بصتله : كنت بتكلم مين
محمد : ده شاكر المحامى
لورا بفرحه: قالك ايه
محمد : خلص الورق وهنروح بعد بكره الشهر
العقارى نسجل
لورا : ومالك زعلان كده ليه احنا لسه فيها لو مش
عايز بلاش وكل واحد يرو
قاطعها محمد : ياستى انا لا زعلان ولا حاجه وبعدين
هما مش ريحين لحد غريب دانتى مراتى وحبيبتى
وام ابنى وأنا مأمن على حياتى مش هأمنك على
شويه فلوس
لورا حست بضيق من كلامه بس تغاضت عنه :
حبيبى دانا كلى ملكك وبعدين ماهو كله لعيالنا انا وانت
محمد بصلها قوى :بس يالورا علشان خاطرى لو جرالى
حاجه عيالى تراديهم عشان ربنا ميحاسبنيش
لورا حضنته وباستهزاء محمد : بعد الشر عنك ياقلبى
اكيد طبعا وانا ميرضنيش انك تدخل النار ابدا
محمد : ربنا يخليكى ليا ياحبيبتى
لورا ردت عليه بنفس الاستهزاء : ويخليك ليا ياابو عيالى
____________________________
اسر طول الفتره الى فاتت بيجهز للخطوبه وكتب
الكتاب وأخيرا جه اليوم الى مستنيه من يوم ما حب
نور الكل من الصبح بيجهزوا !!!نور راحت هى وهمس
وحور للكوافير زى مااتفقت نور مع همس انها ماتسبهاش لوحدها لانها ملهاش اخوات بنات
نور خلصت وكانت طالعه زى القمر بفستانها الى لون
الفيروز وهمس كمان كانت جميله جدا بفستانها
الكشمير الى مخليها شبه الاميره
أدهم اخد اسر وراح يخدهم من الكوافير علشان
يزفهم زى مااتفقوا دخل اسر واول ماشاف نور راح وقف قدمها مسك اديها الاتنين وباسهم وبص فى عنيها
اسر بحب : اخيرا…. كلها شويه وتبقى مراتى انا
حاسس ان مافيش اسعد منى فى الدنيا كلها
نور بكسوف: ربنا يخليك ليا يااسر
اسر : ويخليكى ليا ياعمرى ويارب يقدرني
واخليكى سعيده طول العمر
همس وحور قربوا عليهم همس كانت فرحانه قوى
لفرحتهم الى باينه عليهم
همس : الف مبروك ياحبيبى ربنا يسعدكم
اسر : عقبال ما تفرحى قلبى وقلب الغلبان ده
همس بصت بيشاور على مين لقت أدهم واقف عنيه
عليها ونظراته بتقولها هو قد ايه بيحبها ووحشاه
حور جريت عليه
حور : بابا حبيبى وحشتنى شوفت فستانى جميل قوى ازاى
أدهم باسها من خدها : زى القمر ياقلبى تعالى نسلم على
القمر الكبيره !!!قصدى ماما
راح وقف قدام همس ومد ايده يسلم عليها : عامله ايه ياهمس
همس اول ما لمس اديها قلبها دق بعنف وجسمها كله
اترعش ردت عليه بصوت واطى وهى بتحاول
ماتبصلوش : الحمد لله كويسه انت عامل ايه
أدهم بصوت كله وجع : ضايع من غيرك
همس بصتله بسرعه وقلبها وجعها من كلمته
سكتت ومعرفتش ترد تقوله ايه أدهم اتنهد بقله
حيله منها وبص لاسر الى مركز مع نور
أدهم : يالا ياعريس الناس مستنيه فى القاعه
اسر : يالا بينا يانور قلبى
طلعوا كلهم اسر ركب نور وبص لهمس الى
وقفه ومش عارفه تعمل ايه : اركبى يالا ياهمس
همس : اركب فين
اسر : اركبى قدام جنب أدهم
همس : طيب ماتروحوا انتوا وانا هحصلكم بتاك
أدهم بصلها بصه تخوف اى راجل فى الدنيا اومال هى
تحس بايه بلعت باقى كلامها وركبت العربيه وحور جنبها اسر ضحك عليها وركب العربيه هو وأدهم واتحركوا على القاعه وطول الطريق أدهم بيخطف نظرات ليها وعلى
اديها الى بتفركهم فى بعض من التوتر
وصلوا القاعه ودخلوا على انغام الموسيقى والكل
واقف يهنى ويبارك همس اول لما دخلت القاعه
راحت تطمن على ادم وهناء مامتها وقعدت جنبهم
يمكن تقدر تهرب من أدهم
جاسر طول الوقت عنيه على همس واتسحر بيها اكتر
من الاول
اسر كان فى قمة فرحته ونور جنبه : انا فرحان قوى
يانور ولو ان كان نفسى تكون حفله دخلتنا مش لسه
هستنى شهرين
نور بكسوف: شهرين مش كتير ولا حاجه يااسر
اسر : ياسلام مش كتير !!!!لا كتير قوى قوى بالنسبالى انا نفسى تكونى معايا طول الوقت متسبينيش ولا لحظه
نور بصتله بحب : وانا كمان ياحبيبى والله نفسى افضل
معاك على طول
اسر بابتسامه: انتى قولتى ايه حبيبى اخرا قولتيها
نور : وانت محتاج تسمعها علشان تعرف انى بحبك
اسر : مش محتاج انا عارف بس ميمنعش انى بحب
اسمعها طول الوقت
جاسر جاله :يالا ياعريس المؤذون وصل
اسر قام معاه وشاور لأدهم يقرب جنبه وفارس راحله وشريف واياد وكلهم قعدوا يسمعوا المؤذون أدهم عنيه
كانت على همس وبيتمنى ان يقوم يخدها ويكتب كتابه عليها حتى لو غصب عنها ومفاقش الا على صوت
المؤذون وهو بيقول
( بارك الله لكما وبارك عليكما وجمع بينكما فى خير )
الكل قام يهنى العريس وأدهم راح باركله ورجع وقف مكانه وعنيه على همس وعند العروسه منه وحنين وهمس راحوا باركلها والكل كان فرحان وبدات الحفله بالرقصه السلو للعروسين.
اسر اخد نور فى حضنه ورقص معها على اغنيه
(واحلم ليه لتامروحسنى) وطول الاغنيه واسر باصص لعنيها وبيغنى مع الاغنيه ومع كل كلمه بيضمها اكتر والاتنين مش حاسين بالى حوليهم وكإن مافيش غيرهم فى الكون
ومن بعيد أدهم هو كمان عنيه على همس الى كل شويه تخطف نظره ليه واول ماعنيهم يتقابلوا تدور وشها
منه وقفه جنب اياد وهو كمان كان بيغنلها مع الدى جى
وهو ماسك اديها وحطتها على قلبه
الفرح قلب كله عشاق بيحبوا فى بعض والجو كان يخلى الحجر يتحرك همس حست انها مخنوقه قامت تخرج بره وهى خارجه جاسر وقف قصدها
جاسر : ازيك يامدام همس ؟
همس ابتسمت كمجامله: الحمد لله ازيك انت ياستاذ جاسر
جاسر باين فى عنيه الاعجاب بهمس الى شافه أدهم وحس ان النار قادت فيه وراح يشوفه عايز ايه من حبيبته
جاسر بص لهمس باعجاب : الحمد لله كويس عقبالك لما
نفرح بيكى
همس لسه هترد كان أدهم قدمها هو الى بيرد على
جاسر الى هو اصلا ميعرفش ده مين : الله يخليك
ونفرح بيك انت كمان ياستاذ ……..
جاسر حس ان أدهم هيولع فيه من نظراته : جاسر اخو العروسه (ومد ايده يسلم عليه ) اهلا مين حضرتك
أدهم بنص ابتسامه : أدهم عم اياد خطيب منه تعرفها
جاسر شاف الغيره فى عنين أدهم وعرف ان همس
لغيره : اهلا وسهلا ياستاذ أدهم
أدهم بص لهمس بغيظ : همس لو سمحتى عايزك بره
وقبل ماتنطق كان ماسك اديها وطالع بيها بره جاسر
بص عليهم وحس ان خلاص مينفعش يفكر فى همس
تانى لانها ببساطه فى غيره بيعشقها بس الى استغربله
انه مش زعلان رجع لصحابه وقريبه
اما بره القاعه اول ماطلعوا همس شدت اديها من أدهم ووقفت قصاده
همس بنرفزه: ممكن اعرف ايه الى انت عملته ده انت
ازاى تشدنى كده قدام الناس
أدهم بصلها وعنيه بطلع شرار : ممكن اعرف انا ايه
الى وقفك مع النبى ادم ده ووقفه تضحكيله قوى
تعرفيه منين ده علشان تقفى تكلميه اااه
همس اتخضت من صوته بس مبينتش : انت بتكلمنى كده ليه وبعدين اه اعرفه اخو نور وكان بيسلم عليا فيها ايه وبعدين انت زعلان ليه اصلا انا اكلم الى انا عايزاه
أدهم بصلها قوى وضغضت على فكه يمكن يهدى : اسمعينى كويس ياهمس علشان مش هعيد تانى لو عايزه الفرح ده يعدى على خير يبقى متكلميش حد خالص لا اخو نور
ولا حتى ابن عمك سمعانى والا اقسم بالله لهكسر الفرح
ده على دماغ الى هتكلميه
ايآ كان مين هو اتفضلى ادخلى جوه
همس بصتله قوى ولسه هتتكلم قالها بصوت عالى : قولت ادخلى جوه ياهمس من وشى الساعه دى
همس دخلت متغاظه منه وبدب برجلها فى الارض زى الاطفال بس من جواها مبسوطه بغيرته عليها الى واضحه جدا
أدهم غصب عنه ضحك على منظرها وهى عامله زى
الاطفال وبص للسما : صبرنى عليها يارب
الاتنين دخلوا الفرح همس راحت قعدت جنب منه
وحنين وأدهم وقف قريب من أسر
حنين قربت من همس : فى حاجه
همس بنرفزه : لا مافيش
حنين ابتسمت : اومال أدهم كان عايز ايه
همس بصتلها بغيظ : الاستاذ مش عايزنى اكلم حد
مش عارفه بصفته ايه بيكلمنى كده
حنين قربت منها اكتر :بيحبك وبيغير عليكى فهمتى ولا لسه
همس بصتلها تانى وسكتت
اسر نادى على أدهم : نعم ياعريس اومرنى
أسر : حبيبى ياأدهم بقولك ايه مافيش اغنيه تهيص
فرح اخوك الغلابان ده
أدهم بعدم فهم : مالفرح مليان اغانى اهو ياغالى سلامت ودانك
أسر ضحك : لا والله تصدق مكنش سامع ياعم بقولك غنى اغنيه تهيص الفرح معاك كده وياريت اغنيه من هنا للى هناك
(وشاور على قلبه وهمس) أدهم بص لهمس بزعل ورجع بص لاسر تانى
أدهم: معلش يااسر مليش مزاج والله
اسر : اه قول كده مانا مش بغلاوة اياد ماشى ياأدهم
(وعمل نفسه زعلان)
أدهم : انت بتقول ايه انت عارف انا بحبك قد ايه
وفرحان علشان جدا والله
اسر بزعل : ماهو باين
أدهم ضحك: خلاص ياعم متزعلش ههيصلك الفرح
من عنيا وعشان وعدت أدم ان هرقص معاه لما يبقى
عندنا فرح
اسر بصله واتبسط هو شاف الى حصل وحس انهم
شدو مع بعض وفكر لو ادهم غنلها يمكن تحس بيه
أدهم راح للدى جى وقاله يشغل كاريوكى وطلب
اغنيه( بغير عليها لتامرحسنى)
أدهم غنى الاغنيه لهمس وطول الاغنيه وهو باصص عليها الكل قام هيص معاه وادم اجى رقص مع أدهم ومنه شدت همس وقفتها معاهم
ادهم لف وقف قصدها فى اخر جمله فى الاغنيه وقالها
يمكن تحس بيه
دانا بموت لما بشوف حد عينوا تيجى عليكى
ببقى عايز اخد عنيه من قبل النظره ماتوصل ليكى
ومهما تقولى عليا دامجنون بيا اااااه وفيها ايه
عايزه واحد مع الجمال ده كله ازااااى ميغيرش عليه
خلصت الاغنيه وادهم لسه واقف قصاد همس بصلها
قوى فى عنيها وقالها بصوت هى بص الى تسمعه( والله العظيم بحبك قوى ) وسابها ومشى همس نفسها تصوت وتقوله ارحمنى معتدش قادره استحمل بس فضلت
السكوت كل الى يعرفهم فى الفرح عرفوا قد ايه أدهم
بيحب همس بس مش قادرين يعملوا حاجه
خلص الفرح وكل واحد اخد حبيبته ومشى إلا الاتنين
الى نفسهم يبقوا مع بعض بس فى حاجز بينهم لازم
أدهم يقدر يهده بس ياترى هيقدر يهده ولا لأ
________________________
بعد يومين كانت فيهم الامور زى ماهى أدهم بيحاول
يقرب وهمس بتحاول تبعد وكل الى حواليهم مش
عارفين يعملوا ايه لحد ماقرروا انهم لازم يعملوا خطه محكمه يخلوا همس هى الى تقول لأدهم تعالى نتجوز
بس ياترى هيعملوا ايه !!!!!!!!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشق الأدهم)
