رواية قدري انت الفصل الثاني والثلاثون 32 بقلم سهيلة سعيد
رواية قدري انت الجزء الثاني والثلاثون
رواية قدري انت البارت الثاني والثلاثون
![قدري انت (1)](https://camo3blog.com/wp-content/uploads/2024/06/قدري-انت-1-213x300.jpg)
رواية قدري انت الحلقة الثانية والثلاثون
الحلقة الثانية والثلاثون { ٣٢ } 🦋
رغد : عمر !
( يسكت باصصلها )
رغد : انا كمان في حاجات كتير اوي جوايا اتغيرت مؤخراً ، بقيت اعرف افرق بين الحقيقة والوهم ، الي بينا مش اكتر من كدة ، مش اكتر من صحوبية واخوة ، انا كنت موهومة بيك بسبب الحالة الي بينا وقربنا من بعض وعيشتنا ف مكان واحد ، الي هو فاضل ايه غير إننا نبقا سوا ، وهمت نفسي إني بحبك ، بس انا اكتشفت إن الحالة الي كنت فيها معاك دي مكانتش حب ، انا الي صورت وهيأت ل عقلي كل حاجة عشان يقنع قلبي بيها إنه بيحبك ، لكن هو مش كدة ، عارف ليه ، عشان انا فهمت فعلاً يعني ايه حب
( تدمع عيونها )
رغد : الحب إنك تعشق التفاصيل ، الحب إنك توحشني ي عمر ، توحشني ، تهتم بيا ف لما تبعد بعدك يفرق ويتعب ، احتاجلك الاقيك ، حتى من قبل م اقولك إني محتجالك تحس بيا ، انا عرفت افرق بينك وبين غيرك ي عمر ، ف عرفت إني عمري م حبيتك ، انا وهمت نفسي بيك ، وهمت نفسي بس 💔
عمر : حبتيه !
( تنزل دموعها )
عمر : رغد ، انا مش عاوزك تبعدي 😕
رغد : انا عمري م هبعد ي عمر ، انا دايماً موجودة ، انت بجد اخويا وهتفضل دايماً شخصي المفضل ♥️
عمر وهو بيمسك ايدها : وانتي كمان ♥️
( تبتسمله )
عمر : احكيلي بقا ، ولا مش عاوزة ؟
رغد ب احراج : لأ ، لأ عادي يعني 😅
عمر : طب احكي
( جوة كافيه تاني ، قاعد وليد ، يبص ف ساعته ويتنهد ب زهق ، يلمح ماس بتقرب عليه )
ماس : ازيك 🙂
وليد وهو بيقوم : الحمدلله
( يقعده )
ماس : طلبت تقابلني ، خير يارب !
وليد : اكيد خير ، مستعجلة كدة ليه !
ماس : لا مش مستعجلة ، بس استغربت !
وليد : يعني انتي مش عارفة انا عاوزك ليه ؟
ماس : لأ !
وليد : انا اسف ع الي حصل بينا ، اسف ع الي قلته يوميها
ماس : حصل خير ولا يهمك
( ييصلها ب استغراب )
وليد : ماس انتي كويسة ؟!
ماس : اة زي الفل
وليد : مش حاسس !
ماس : لا انت حاسس وعارف إني كويسة وزي الفل فعلاً ، ويمكن دة الي مخليك مستغرب !
وليد ب عدم فهم : قصدك ايه ؟!
ماس : انت عاوز ايه ي وليد ، مش اعتذرتلي وانا قبلت اعتذارك ، عاوز حاجة تاني ؟
وليد : عاوز نرجع ي ماس 😕
ماس : ………
وليد : عبدالرحمن جالي وحكالي إنكم اتصالحته ، وإنه كان غلطان ف حقك ومفبرك الصور و ………
ماس : لا لا لأ ✋🏻
( يسكت )
ماس : الصور مكانتش متفبركة ، الصور كانت حقيقية
وليد ب استغراب : بس هو قالي ………
ماس : هو كتير خيره عبدالرحمن إنه بيحاول يصلح الي هو عمله ويرجعنا سوا ، بس الصور حقيقة ي وليد ، الصور حقيقة والشات حقيقي ومكانتش في حاجة متفبركة ، الحاجات الوحيد الفيك ف كل دة هي علاقتنا احنا ببعض
وليد : قصدك ايه ؟!
ماس : اوحش حاجة ف الدنيا دي إنك تبقا واثق ف حد اوي وف الأخر يخذلك ، انا كنت واثقة فيك اوي ي وليد ، واثقة إنك سند ليا وحماية وإنك ف ضهري مهما حصل ، انت كنت الوحيد الي حكيتله الي حصلي من عبدالرحمن ، جريت اتحامى فيك إن شالله بالكلام ، وطمنتني وقتها ، اول م دخلت ف الجد بقا عنده حق يعمل فيا كدة م انا فتحاها معاه ع البحري !
وليد : ماس انا مش ………
ماس : قصدك ولا مش قصدك ي وليد ، انا كنت ف اسوأ ايام حياتي ، انا كنت محتجالك اوي والله ، وانت اول واحد هان فيا وقتها ، الي حصلي من عبدالرحمن كوم وإني احس إني لوحدي دة كوم تاني 💔
وليد : ي ماس بالله عليكي قدري موقفي وقتها ، هو كمان ابن خالك طب هعمل معاه ايه 🤷🏻♂️
ماس : كنت خليك معايا ، خليك جنبي ، كنت هعدي كل دة بيك والله ، متجيش بعد م عديت ب طولي عاوز ترجع ي وليد !
وليد : انا ………
ماس : انا مش هرجع ، انا قوية لوحدي وبطولي ، انا مش محتجالك ولا محتاجة لحد ، الضاربة جاتلي من اهلي ، وبرضو السند جالي من اهلي ، انا عندي رجالة تعرف تجبلي حقي كويس ي وليد ، حتى اصغرهم لما فاق من طيشه رايح يصلح الي بوظه ف حياتي ، ميعرفش إني عاوزة اروح اشكره إن بسببه عرفت مين معايا ومين عليا !
( ميبقاش عارف وليد يقول ايه )
ماس وهي بتقوم : بعد اذنك 😒
( تمشي ماس ، عند رغد ، مازالت قاعدة مع عمر )
عمر : هو فاهم إنك بتحبيني ف عشان كدة بعد
رغد : ايوة
عمر : خلاص اثبتيله إن دة مش صح
رغد : هو مش مديني فرصة 🤷🏻♀️
عمر : فرصة ايه بس وانتي عملاله بلوك !
رغد : استفزني 🙄
عمر : بلاش جنانك دة واهدي !
رغد : انا هادية اهو !
عمر : قصدي معاه ، هو برضو اكيد زعلان إنه خسرك
رغد : م انا وقتها مكنتش عارفة إني بحبه 😟
عمر : طب انا عندي فكرة
رغد : ايه ؟
عمر : كلميه بكرة ف الشركة وش ل وش كدة
رغد : اقوله ايه طيب 😕
عمر : قوليله الي ف قلبك ، صارحيه ، وإن مفيش بينا حاجة 🤷🏻♂️
رغد : طيب ، ممكن سؤال ؟
عمر وهو بيشرب القهوة : اتفضلي ☕
رغد : هو انت مزعلتش لما قلتلك إني فعلاً زي اختك ، اصل حساك متأثرتش كدة !!
عمر : بجد مش باين عليا 🤨
رغد : ايوة بارد 🤷🏻♀️
عمر : ههههههه 😆
رغد : بتضحك !
عمر : بصي
( يسبب القهوة )
عمر : اكيد زعلت ، بس من كلامك فهمت انا من جوايا ايه برضو ، طلعت زيك ، شكلي وهمت نفسي ورتبت كل حاجة ع كلمة بحبك الي طلعت منك ، ساعدتني إني اصدق احساسي بيكي
رغد ب فهم : ايوة
عمر : بس مبسوط إنك حبيتي بجد ي رغد ، مبسوط إني بقيت شايفك كبيرة وناضجة وقادرة تحددي وتقرري انتي عاوزة ايه بالعقل والمنطق
رغد : كنت مفكرني هبلة ولا ايه 🤷🏻♀️
عمر : ايوة ، بجد والله ، ومش هبلة بس كنت مفكرك لسة طفلة ، تصرفاتك ، كلامك ، طريقتك ، كل حاجة فيكي خليتني اتخيل إنك لسة مكبرتيش ، يمكن عشان كدة مكنتيش اول اختياراتي رغم إنك دايماً قصادي واقرب حد ليا ، شايفك اختي الصغيرة ، الي مطلعة عيني ليل نهار 🙄
رغد : وهفضل خد بالك 😌
عمر ب ابتسامة : افضل ي عم 🙂
رغد : ماشي 😊
عمر : مش ناوية ترجعي البيت ؟
رغد : هرجع إن شاء الله ، بس بكرة بقا ، هروح الشركة واطلع منها ع البيت
عمر : إن شاء الله
( يكمل القهوة وهي كمان )
عمر ف سره وهو باصص ل رغد : مش وهم ي رغد ، انتي مش وهم ، بس انا الي اتأخرت اوي ، ربنا يسعدك ♥️
( عند بسام ، قاعد ف بلايستيشن هو وصحابه ، الكل بيلعب وبيهزر وهو قاعد سرحان ، يتنهد ب ضيق مش مستحمل الدوشة ، يقوم يطلع م المكان ، يركب عربيته ويمشي )
*( ي أيامنا أمانة عليكي طارديها في ليالي البُعد ، أنا ف عرضك ي أيامنا تلمينا في يوم ع بعض ، قولولها لمين في بعدك عنه هيفضفض .. 💔 )*
( يعدي الوقت ، عند رغد ، هي ودرة راكبين اوبر )
درة : هوديكي بقا مكان والله هينسيكي الدنيا دي كلها 🙅🏻♀️
رغد ب تنهيدة : ياريييت ، مع إني مبطمنش ل اماكنك دي 😬
درة : ههههه عيب عليكي 😄
( يوصله night club ويدخله يسهره جوة ، يعدي الوقت ، رغد ودرة لسة ف المكان )
رغد وهي بتقوم : هدخل الحمام
درة : اوك
رغد : وبعدها نمشي اوك
درة : م لسة بدري 🤷🏻♀️
رغد : بدري ايه ي بنتي الساعة اتنين ونص الفجر كفاية كدة ، امي لو تعرف إني لسة صاحية اصلاً هتيجي تجبني من شعري ، انا بنام ع روحي كمان !
درة : طيب ماشي ، خلصي ونروح
رغد : اوك
( تمشي رغد تدخل التويليت ، تخلص وتقف عند الحوض تغسل وشها وتظبط شعرها ، وفجأة ، تسمع دوشة هي والبنات الي جوة ، تقرب ع الباب وتفتحه تلاقي بنات كتير بيزقوهم وبيدخله وهما بيصرخوا وخايفين )
رغد ب خضة : في ايه في ايييه 😦
( برة ، شباب بيضربه ف بعض وبيكسره ف المكان ، درة بقت برة المكان ومش عارفة تدخل )
درة وهي بتحاول تدخل : رااااغد 😧
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قدري انت)