رواية بلا عنوان الفصل الثالث 3 بقلم سوزان عبدالله
رواية بلا عنوان الجزء الثالث
رواية بلا عنوان البارت الثالث
![بلا عنوان](https://camo3blog.com/wp-content/uploads/2024/06/بلا-عنوان-1-213x300.jpg)
رواية بلا عنوان الحلقة الثالثة
كنت ساكتة كان بيبصلي بنظرة حزن، شفقة أنا عمري مااتمنيت حد يبصهالي، قطع هدوئنا
– ايه وصلك ل كده
فضلت ساكتة مبتكلمش
– لو مش حابة تتكلمي متضغطيش ع نفسك
_ قتلوهم قدام عنيا ، حطيت ايدي ع بطني ،
سابوني عايشة عشان اتحسر عليهم عشان يشوفوني وانا بتعذب وجابوني هنا
-قتلو مين ؟ هما مين اللي عملوا كده
سكت مردتش عليه كنت سرحانة ف اللا شئ دموعي بتنزل بس فاكرة كل حاجة قدامي
– اهدي مش لازم تحكي كل حاجة دلوقتي
هزيت راسي حاولت اهدي نفسي
كنا قاعدين ساكتين أنا باصة للسقف وهو مركز معايا مستني مني اي رد بس انا فضلت ساكتة ف اتكلم هو
– ليه عاملة انك مجنونة
– بس انا معملتش انتو اللي مش مصدقني
– اللي مكتوب ف الملف بتاعك ان تصرفاتك بتدل انك مجنونة
– هما اللي طلعو عليا كده انا مكنتش بظهر حاجة أنا كنت ساكتة لحد اما لقيتهم بيدوني مهدأت كتير
-عملتي ايه
-بدأت ازعق فيهم اكسر كل حاجة بدور ع اي حاجة تبعدهم عني
-مكتوب انك انتي اللي بتصحي بتعملي مشاكل وبتصرخي
– بعمل كده عشان بيدوني جلسات كهربا ، ف كنت بكسر ف كل حاجة عشان يسيبوني ف حالي ويبعدو عني،بس أنا ف الاول مكنتش حاسة بحاجة معرفش أنا فين كنت كل أما افوق يدوني مهدأت بدون سبب ،حد موصي عليا جامد
– اشمعنا أنا اللي اتكلمتي معاه ، أنا أعرف أن كتير من زمايلي حاولو يتكلمو معاكي
بصتله شوية
– انا عايزه انام دلوقتي
– تمام هسيبك ع راحتك
– اتمنى محدش يدخلي غيرك
– إن شاء الله
سابني ف سرحاني ف الماضي
#فلاش_باك
-ياماما عشان خاطري تعالي نروح ل جدو وحشني اوي
– ياروز الاسبوع الجاي أنا مشغولة جدا
– انتي ديما مشغولة ، مفيش وقت ليا ابدا
– يروحي هاخد اجازة الاسبوع الجاي ونروح ل جدو ونلعب براحتنا هناك
– وليه مش دلوقتي
– عشان عندي كشوفات وحالات مينفعش اسيبهم ف الوقت ده
– طب وعد إن الاسبوع الجاي هنروح
– وعد ، وكمان بابا هيكون رجع من المأمورية بتاعته وهناخده معانا وهتكون أجازة جميلة
– هييييي هيييي هيييي
حضن كبير لاجمل مامي ف الدنيا
– احلا حضن من اجمل بنوتة بحبك ومقدرش ع زعلك يعيوني
– وانا كمان بحبك قد الشوكلاتة
– ممممم أنا ولا الشوكلاتة ياست روز
حطت ايديها ع وشها بتمثل التفكير
– أمر محير
– لا والله
– طبعا انتي يامامتيي
– هي دي بنوتي القمر ، يلا معاد النوم اغسلي سنانك ويلا ع السرير
-يوه يمامي سبيني كمان شوية
– لا بلاش دلع لازم ننام بدري عشان نقوم بدري للمدرسة بتاعتنا
– ياماميي
– بلاش دلع بقا يلا بسرعة ع الحمام واغسلي سنانك
– بس بشرط
– ايه هو ياست روز
-تحكيلي حدوتة
-ممممم ، خلاص اتفقنا
-هيي تحيا ماما
#باك
ياريتني خدتك وروحنا ل جدك ياروزان ممكن مكنش حصل كل ده ممكن كنت اقدر احميكي هناك ، كنت قربت انام بعد صراع كبير ف عقلي
صحيت ع فتح الباب ….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية بلا عنوان)