رواية عشق الأدهم الفصل الثاني عشر 12 بقلم ماهي عاطف
رواية عشق الأدهم الجزء الثاني عشر
رواية عشق الأدهم البارت الثاني عشر
رواية عشق الأدهم الحلقة الثانية عشر
الفصل الثاني عشر
بقلم ماهي عاطف
🌺🌺🌺🌺🌺🌺
لورا كانت طول الفتره الى فاتت بتتعامل مع محمد
بحنيه ودلع وفى يوم كان محمد لسه جاى من الشغل
محمد : مساء الخير ياحبيبتى عامله ايه النهارده
لورا مرتدش عليه وكانت قاعده مبوزه محمد
راحلها وقعد جنبها
محمد : مالك يالورا مبترديش عليا ليه
لورا بعياط : الهانم طلقتك
محمد باستغراب: همس مالها انتى شوفتيها فين
لورا بصوت عالى : اه ست زفته ومشفتهاش اصلا
محمد بزهق :اومال فى ايه
لورا : الهانم اتصلت بيا وتقولى انتى اه اختى جوزى
بس انا الى هاخد كل حاجه فى الاخر انا ام الولد قولتلها
مانا كمان حامل قالتلى ومين قالك ان الحمل هيكمل
ودعت عليا
وفضلت تعيط ومحمد مصدوم من الى سمعه وبيقول
لنفسه همس عمرها ماكانت كده عمرها مأخدت رد فعل
مع اى حد بيزعلها معقول تعمل كده
محمد: معقول همس قالتلك كده دا يومها اسود انا هتصل بيها
ويادوب طلع تليفونه قامت بسرعه وقالتله
لورا بتوتر : لا هتتصل بيها اكيد هتكذب وتقولك انا ماقولتش حاجه (وحبت تلحق نفسها)وبعدين هى لسه
رقمها معاك ليه واصلا تكلمها ليه اوعى تكون لسه بتتصل بيها ااااه علشان كده بتقولى الكلام ده بثقه
محمد : والله ماحصل ولا كلمتها من يوم الطلاق وبعدين هكلمها ليه اصلا دا حتى العيال معرفش عنهم حاجه
لورا : ياسلام وهى هتقول كده الى لو كانت وثقه فى
كلامها اكيد عندها حاجه مخليها وثقه انها هتاخد كل
حاجه فى الاخر اه وطلعنى انا وابنك من المولد بلا حمص
ومسكت بطنها وعملت نفسها تعبانه وفضلت تتأوه محمد جرى عليها يهديها
محمد :ممكن تهدى علشان الى فى بطنك محدش هياخد
اكتر من حقه وبعدين هو انا موت يعنى
لورا بسرعه : بعد الشر عنك ياحبيبى انا بس خايفه محدش ضامن عمره وهى شكلها عندها حد مقويها
محمد فكر : طيب انت عايز ايه دلوقت
لورا قامت قربت منه بدلع وباسته على شفايفه براحه
وقالتله بهمس
لورا :اكتبلى المعرض والشقه باسمى
محمد بصلها قوى ومش عارف يقولها ايه معنى كلامها ان مش هيبقى حيلته حاجه ولما سكوته طال قالتله بزعل
لورا :انت مش واثق فيا يامحمد اومال عيالى اامن مستقبلهم ازاى
محمد : بس انا كده هبقى بظلم عيالى يالورا
لورا بعصبيه لما الدلع منفعش : اااه قول كده عايز بعد مااخلف عيالى انا الى يتبهدلوا ماشى تمام انا هنزل الى
فى بطنى ونطلق وكل واحد يروح لحالوا
محمد بسرعه : انتى بتقولى ايه يالورا تنزلى ايه
وطلاق ايه الى انتى عايزاه
لورا : اومال عايزنى اجيب عيال وفى الاخر عيال
همس ياخدوا كل حاجه
محمد : مين قال كده عيالى كلهم هياخدوا حقهم زى
الشرع ما قال
لورا بصوت عالى : ااااه الحكايه كده يعنى ضحكت
عاليا اما قولتلى ان محدش هيشاركنى فيك ابدا
ماشى يامحمد انا سيبالك البيت
واخدت بعضها ودخلت الاوضه تلم هدومها محمد قعد
مكانه وحط ايده على دماغه ومش عارف يعمل ايه
لورا دخلت لمت هدومها وطلعت بالشنطه وقفت قدامه وقالتله
لورا : انا ماشيه يامحمد انا مقدرش اعيش مع واحد مش واثق فيا (ولسه هتمشى مسك ايديها يوقفها ) عايز ايه
محمد: استنى يالورا ليه بتقولى كده انا مابثقش فيكى
دانتى مراتى وام ابنى
لورا : اومال تسمى ايه انك مش راضى تكتبلى المعرض والشقه باسمى
محمد : طيب اهدى وادخلى سيبى الشنطه دى وتعالى
نتكلم بالراحه
لورا : لا يامحمد مش عايزه اكلم ومش عايزه منك حاجه
محمد : يالورا الكلام اخد وعطا
لورا : قولت لا مش عايزه منك حاجه
محمد:طيب سيبينى افكر يومين وهرد عليكى
لورا : ولا يومين ولا تلاته خلاص هى بانت اهى
خلى ست همس تنفعك
محمد: ياحبيبتى والله انا مااعرف حاجه عنها من
يوم ماطلقتها وبقولك يومين بس اضبط نفسى
وشغلى وهرد عليكى
لورا : قدامك يومين بس وبعد كده ماتلمنيش
محمد : ماشى ياستى ربنا يسهل
لورا : ومن هنا لحد اليومين مايخلصوا ملكش دعوه
بيا سامعنى
محمد : ليه كده طيب
لورا : هو كده يا هروح عند بابا
محمد: طيب خلاص ماشى
وسابته ودخلت الاوضه وقفلت علي نفسها محمد قعد
مهموم مش عارف يعمل ايه
________________________
عند همس فى الشركه طول اليوم بتحاول تركز فى شغلها بس مش عارفه وبتفتكر كلام أدهم ليها لما قالها
(تعبك راحه انا معنديش مانع اتعب العمر كله )
وبتقول لنفسها : ياترى كان قصده ايه بالكلام ده معقول يكون بي لالالا اكيد لا هو عارف انى مش بفكر في الكلام
ده بس دانا كمان حاسه انى يوووو ياهمس انتى اتجننتى ولا ايه انا اكمل شغل احسن من الهبل ده
وياوب لسه هتكمل شغل لقت تليفونها بيرن
همس وعنيها مبرقه : يالهوى ده هو اعمل ايه انا مش
هرد بس انا وافقت انوا يتصل مش هينفع مااردش عيب
وردت عليه : الو
أدهم اول ماسمع صوتها كان عايز يقولها وحشتنى بس مينفعش: الو ازيك ياهمس عامله ايه
همس : الحمد لله انت عامل ايه
أدهم : انا كويس الحمد لله انا بس قولت اسال على
حور وادم عاملين ايه خفت عليهم يكونوا تعبوا من
الجو امبارح
همس : لا كويسين الحمد لله بالعكس دول كلمونى
من شويه وكانوا مبسوطين وحتى سالوا عليك.
أدهم :بجد سالوا عليا لو قلتلك انهم وحشونى
هتصدقينى
همس : هصدقك علشان حور قالتلى كده
أدهم بلؤم : قالتلك ايه
همس : احم قالتلى يعنى انك وحشتها
أدهم بحب : هى بس الى وحشتها
همس اتوترت جدا : ها ااقصدك ايه
أدهم كان عايز يضحك على لخبتطها فى الكلام :
قصدى ادم طبعا هو مسالش عليا
همس سكتت شويه لانها حاست انه بيقولها هى :
اه أدم كمان سال عليك
أدهم : سلملى عليه وكنت عايز استاذنك اخدهم يوم
الجمعه افسحهم علشان وعدتهم
همس : بس كده كتير يادهم بنتعبك معانا
أدهم : قولتك قبل كده ياهمس مافيش تعب ربنا عالم انا بحبكوا قد ايه (ولحق نفسه ) ااقصد حور وادم يعنى
همس ابتسمت : متشكره قوى ياأدهم على اهتمامك
بيهم هما فعلا مفتقدين الاهتمام ده
أدهم : متشكرنيش ياهمس انا المفروض اشكرك انك سمحالى اقرب منكم عموما هكلمك قبل ماجى اخدهم
همس : تمام انشاء الله
أدهم : تمام اسيبك تشوفى شغلك سلام
همس : مع السلامه
قفلت همس وهى مسهمه وبتفتكر كل كلمه قالها وهى مبتسمه قوى الباب خبط وهى مسمعتش شويه ودخلت
نور الى بقت قريبه من همس الفتره الى فاتت دخلت
لقت همس مسهمه ومبتسمه
نور وهى بتشاور قصاد وش همس : هاااى روحتى فين ياجميل الى واخد عقلك
همس انتبهت ان نور هنا : نور ازيك عامله ايه انتى
دخلتى امتى
نور : لسه داخله خبطت ودخلت لقيتك مسهمه شبه
الى بيحب جديد
همس رجعت لتوترها الى بقى ملازمها من ساعت
ما شافت أدهم: ها انا احب ايه بس يانور انا بس
مشغوله ببرنامج جديد شغالة عليه
نور مش مصدقه كلامها: ااه برنامج جديد انا قولت
كده برده طيب المهم شوفى كده البرامج دى محتاجه
تعديل اسر بعتهم ليكى
همس : طيب تعالى اما نشوف هنعمل فيهم ايه
نور خلصت الشغل المطلوب مع همس وراحت تسلمه
لاسر خبطت ودخلت
نور لاسر : اتفضل حضرتك البرامج الى طلبتها خلصتها
مع همس
اسر : بجد ورينى كده ( اسر بص على البرامج بصه سريعه ) براڤوا عليكم انتوا الاتنين
نور بفرحه : يعنى كله تمام ومافيش حاجه عايزه تعديل
اسر : لا اظن كده تمام
نور : طيب حضرتك فى اى حاجه تانيه مطلوبه حاليا منى
اسر قام لف من على المكتب ووقف قدمها وبص لعنيها الى بتسحره : بصراحه اه
نور بكسوف: خير حضرتك فى حاجه فى الشغل
اسر : لا بس حضرتى عايز يقول لحضرتك انى بحبك
قوى وبموت فى عيون حضرتك
نور اتكسفت اكتر وبصت فى الارض
اسر : على فكره ممكن تردى عليا عادى وتقوليلى
وانا كمان بحبك
نور ووشها فى الارض: طيب ماانت رديت اهو
اسر بابتسامه : ياسلام ياعنى انا اغنى وارد على نفسى
نور ضحكت وسكتت
اسر : ياحبيبتى انا نفسى اسمعها منك ولو مره
نور : ممكن تسبها تطلع لوحدها طول مانت بتطلبها
مش هعرف اقولها
اسر : خلاص يانور انا مستنى لحد ماربنا يفتحها عليكى وتقوليلى انا بحبك يااسر
نور بصتله وقالت لنفسها: والله انا بموت فيك مش
بحبك بس مش عارفه الكلام محشور فى زورى ليه
اسر شاور قصاد وشها : هااى روحتى فين
نور : هاا معاك اهو
اسر : وانا مش عايز اكتر من انك تكونى معايا على
طول لحد لما اموت
نور : بعد الشر عليك بالله عليك ماتقول كده
اسر بابتسامه: حاضر ياستى مش هقول
نور : عايز منى حاجه دلوقت
اسر : عايز سلامتك اتفضلى انتى
خرجت نور واسر قال لنفسه: ربنا يصبرنى لحد لما اتجوزها
____________________________
عدوا اليومين وإجى معاد اسر الى مستنيه على نار
جهزوا كلهم وراحوا علشان يطلبوا نور لاسر
عند نور كانت فرحانه جدا دخلت عليها ماماتها وهى بتلبس
هدى مامتها : ماشاء الله قمر ربنا يكملك على خير ياقلب امك
نور جريت حضنتها : حبيبتى ياماما بجد شكلى حلو ؟
هدى : قمر والله واحلى من القمر
نور وهى بتبص فى الساعه : هما قالوا هيجوا الساعه كام
هدى ضحكت: يابت اتقلى شويه لسه نص ساعه
نور اتكسفت: هو انا قولت حاجه ياماما
شويه ودخل جاسر اخوها واول ماشفها تنح من جمالها
جاسر: ايه يابت الجمال ده حرام عليكى البشريه هيموتوا
من جمالك
نور ضحكت قوى : ياسلام كل ده حبيب قلبى ياسيادة الرائد
جاسر : مافيش يابت واحده حلوه كده زيك اتجوزها ينوبك فيا ثواب
هدى : ياسلام البنات كتير وحلوين قوى انت الى نظرك ضعيف
جاسر : فين ياست الكل دانا كده اروح البس نظاره بقى علشان اشوفهم المهم انا قولت لبابا ان اسر تمام واخلاقه عليا قوى وعيلته كلها مافيهمش غلطه والحمد لله
هدى : بجد ياجاسر طيب الحمد لله
نور : مانا قولتلك ياجاسر ان اسر انسان محترم واخته
همس كمان
جاسر : وحلوه على كده
نور : هى مين ؟
جاسر بضحك: اخته
نور : اه والله ياجاسر قمر وبعدين انا بقولك ايه وانت
تقولى ايه
جاسر: خلاص ياستى متزقيش انا بس كان لازم أطمن عليكى بنفسى واهو الحمد لله طلع تمام
نور راحت حضنته: ربنا يخليك ليا ياجاسر وافرح بيك
قريب يارب
دخل عليهم نادر ابوهم : ماشاء الله انتوا واقفين تحبوا
فى بعض والناس على وصول يلا ياستاذ جاسر وانتى
يانور لسه مخلستيش لبسك
نور : لا ياحبيبى خالصت اهو ثانيه بس
هدى طلعت تكمل تجهيز الحاجه الى هتقدمها وشويه والجرس رن راح جاسر يفتح الباب
جاسر لاسر : اهلا تفضلوا تأكيد انت استاذ اسر
اسر بابتسامه: ايوا انا اهلا ياسياده الرائد
جاسر بعد مادخلهم : اى ده انت عارفنى
اسر : اه شوفتك مره عند الشركه احب اقدملك
فارس جوز اختى حنين ومنه بنتهم
جاسر وهو بيسلم عليهم : اهلا وسهلا نورتوا
فارس : البيت منور باصحابه
وكمل اسر : ودى ولدتى
جاسر سلم عليها : اكيد طبعا منوره ياست الكل
هناء : بنورك ياحبيبى
اسر : ودى اختى الصغيره همس ودول عيالها
جاسر بص لهمس وافتكر كلام نور وقال لنفسه: هى فعلا
حلوة قوى بس نور مقالتش انها متجوزه
وسلم عليها هى كمان : اهلا يامدام همس نورتى
دخل نادر ووراه هدى سلموا عليهم واعدوا
هناء: اومال فين عروستنا القمر
جاسر قام : ثوانى
دخل جاسر لنور : ها يانور لما انتى خلصتى مطلعتيش ليه
نور وقلبها هيقف من التوتر : هو انا لازم اطلع ياجاسر انا مكسوفه قوى
جاسر ضحك علي شكلها : فى ايه على اساس انك مش بتشوفيه كل يوم فى الشغل يلا ادارى فيا
واخدها وخرجلهم كانت مستخبيه وراه دخل جاسر
وشدها براحه
نور بكسوف : مساء الخير
اسر اول لما شافها كان نفسه يقوم يخدها فى حضنه بس مسك نفسه همس وحنين ومنه راحوا سلموا عليها
نور راحت لهناء تسلم عليها : اهلا اهلا بمرات ابنى القمر عامله ايه
نور : الحمد لله ياطنط كويسه
اسر كان لسه مسهم لنور فارس اخد باله فغمزه علشان
يركز مع الناس
اسر انتبه لنادر : حضرتك انا سبق وكلمت علشان اطلب
نور رئيك ايه
نادر : والله يابنى انا اهم حاجه عندى انها تكون راضه ومبسوطه فى حياتها وبدال هى موافقه يبقى على خيرت الله
فارس : يبقى نقرا الفاتحه وبعيد نتفق على كل حاجه
نادر : على خيرت الله
كلهم قروا الفاتحه وهدى زغرطة هى وهناء
اسر : طلباتك ياعمى امرنى
نادر : الامر لله وحده زى ماقولتلك انا مش عايز حاجه
غير انك تخلى بالك منها وتحتها فى عنيك نور دى مش
بس بنتى دى نور عينى غير كده كلها شكليات مش هنختلف فيها ان شاء الله
اسر : طيب انا ليا طلب لو موفقت حضرتك
نادر: خير يابنى
اسر : انا كنت عايز نعمل خطوبه كتب كتاب مع بعض بعد اذنك
نادر بتفكير : طيب ومسعجل ليه يابنى ماتخليها خطوبه وبعد شهر ولا اتنين نكتب الكتاب
اسر : ما هو حضرتك بعد شهرين ان شاء الله هنتجوز انا جاهز وخلال الشهرين نكون كملنا كل حاجه يعنى مش لازم نستنى نور بقالها فتره شغاله معايا وعرفنا بعض يعنى مش لسه هنتعرف ها ايه رئيك
نادر بص لجاسر : ايه رئيك ياجاسر
جاسر بص لنور شاف فرحتها وعرف ان نور بتحب اسر
فعلا : والله يابابا انا شايف ان اسر معاه حق بدال
متفهمين يبقى على خيرت الله
نادر : خلاص يابنى يبقى نكتب الكتاب والخطوبه اول خميس الشهر الجاى علشان تكون نزلت اجازه ياجاسر
اسر حسبها : يعنى فاضل اسبوعين تقريبا تمام كويس
علشان نلحق نجهز كل حاجه ان شاء الله
نادر : ان شاء الله الف مبروك ياولاد ربنا يتمملكم بخير
كلهم هنوا اسر ونور وهمس كانت فرحانه جدا وراحت
باست نور وهنتها
همس : الف مبروك ياحبيبتى عقبال مااشيل عيالكم
نور بوشوشه : الله يبارك فيكى ياهموسه عقبالك
همس : خليكى فى حالك يابت بدال مااعمل عليكى عمه
نور ضحكت : واهون عليكى برده
همس ضحكت هى كمان : لا ماتهونيش بس برده خليكى
فى حالك
خالصوا اعدتهم واستاذنوا بعد ماتفقوا ينزلوا يجيبوا
الشبكه تانى يوم وكل واحد نزل روح بيتوا
________________________
همس روحت نايمت عيالها وفضلت تفكر وتسال نفسها
ياترى ادهم هايجى زى ماقالها بكره ياخد حور وادم
ولا كان بيقول كده وخلاص
وفضلت الليل كله تفكر فى ادهم وتحلم وتتمنى وفى
الاخر قالت لنفسها :مالك ياهمس هترجعى فى كلامك وتسيبى قلبك يحب ويتمنى وبعدين تتعذبى طيب ليه خليكى لعيالك وبس علشان مترجعيش تندمى فوقى
ياهمس فوقى
______________________
عند لورا ومحمد
دخل محمد لقى لورا لسه قفله على نفسها زى كل يوم
خبط عليها تفتحله
لورا فتحت الباب ووقفت قصاده : نعم بتخبط ليه
محمد : وحشتينى هتفضلى كل لما اجى البيت تقفلى
على نفسك كده
لورا : دا كان اتفقنا واظن خلاص انهارده اخر يوم بس
واضح انك بايعنى
محمد قرب منها ولف ايده حوليها قربها منه وقالها : مقدرش ابعد عنك ياحبيبتى ابدا دانتى روحى ومن غيرك اموت
لورا بدلع : ماهو باين بدليل انك مش واثق فيا تكتبلى
شويه ورق لا راح ولا اجى وانا كنت فاكرك هتفرح بالنونو الى جاى بس كنت غلطانه
محمد قرب منها اكتر : مين قال ان مش فرحان وعلشان اثبتلك ان بحبك انا موافق اكتبلك كل حاجه
لورا بفرحه: بجد يعنى هتكتبلى المعرض والشقه باسمى
محمد: اه هكتبهم باسمك فين بقى حلوتى على الخبر ده
لورا قربت منه قوى : موجوده ياقلب لورا
وخدته ودخلت الاوضه وهى الفرحه مش سيعاها انها
خلاص هتحقق حلمها بس ياترى هيبقى حلم ولا كابوس
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشق الأدهم)
