رواية تائهه في بحور الذكريات الفصل الثامن 8 بقلم دودو محمد
رواية تائهه في بحور الذكريات الجزء الثامن
رواية تائهه في بحور الذكريات البارت الثامن
رواية تائهه في بحور الذكريات الحلقة الثامنة
الفصل الثامن
عند وليد خرج من الفيلا وركب عربيته ومشى بيها مقدرش يروح الشغل مشى فى شوارع القاهره وهو بيكلم نفسه
وليد :- غبى غبى ازاى اعمل كده ازاى اوافق اتجوزها علشان حلم هعيش حياتى كلها تعيس ازاى هقدر ابص فى وشها على اساس انها مراتى بعد ما كنت بشوف هزارها وضحكها مع رامى ازاى هقدر اعيش مع واحده وباين فى عنيها حبها لجوزها الاولانى ياااااارب اعمل ايه حطيت نفسى فى دوامه لا انا عارف اطلع منها ولا عارف اكمل فيها
وبيبص لاقى نفسه واقف قدام مقبرة رامى نزل من عربيته ودخل عند قبر رامى وقعد فى الارض قصاد قبر رامى وقال
وليد :- ليه يارامى تعمل فيا كده انا تعبت ومش قادر استحمل وجيت ليا فى الحلم وزعلان علشان منفذتش الوصيه اوى مش قادر انفذها مش قادر اخد مراتك وحبيبتك مش قادر اتعامل معاها غير ان هى مرات اخويه قولى اغير ده ازاى قولى اهو انا نفذت اللى انت عايزه ورميت نفسى فى النار بس مش عارف هقدر استحمل النار دى ولا هتحرقنى من اول ما اخش فيها يارتنى كنت انا اللى مكانك وانت كنت عشت فى وسط مراتك وبناتك متهنين
وفجأه حس بأيد على كتفه بيبص لاقها راجل عجوز
الراجل :- استغفر ربك ومتقولش كده كل واحد وليه وقت ومعاد مكتوب عند ربنا بسم الله الرحمن الرحيم ( وَلِكُلِّ أُمَّةٍ أَجَلٌ ۖ فَإِذَا جَاءَ أَجَلُهُمْ لَا يَسْتَأْخِرُونَ سَاعَةً ۖ وَلَا يَسْتَقْدِمُونَ )صدق الله العظيم
وليد :- استغفر الله العظيم من كل ذنب عظيم مش قصدى بس بجد الحياه متعبه والموت اريح بكتير
الراجل :- يا ابنى الحياه ماهى الا اختبارت عيشنها وانت وحظك يا تقدر تعيشها وتحلها يا تيأس وتقنط من رحمة ربنا ومهما الدنيا فيها ايه متيأسش وتفشل علطول حاول مره واتنين وتلاته وخلى الصعب بنسبه ليك سهل بذكر الله واوعى تقول يارب عندى هم كبير تملى قول يا هم عندى رب كبير واتوكل على الله ومن اتوكل على الله فرج الله همه وفرح قلبه وسهله اموره
وليد :- انا تعبت يا حاج مش قادر استحمل الاختبار ده صعب اوى ومش هقدر اخش فى من اساسه
الراجل :- وعسى ان تكرهو شئ وهو خيرآ لكم وعسى ان تحبو شئ وهو شرآ لكم
يعنى مش كل اللى احنا كرهينو وحش ممكن يكون فيه خير كبير وربنا بعته ليك وبيشوفك هترضا بقضاءه ولا هتعترض ولو اتبطرت على النعمه ربنا بيحرمك منها ولو اتقبلتها وحمد ربنا عليها بيكون خير كبير من ربنا وبعته ليك مكافئه على صبرك ورضاك بقضاءه
فأرضى بالمكتوب واياك تعترض على امره وحكمه وخبط على كتف وليد ومشى
وليد :- يااااااااااااارب هونها عليا وحط راسه على قبر رامى وقعد يعيط
……………………………………………………
فى بيت محمد إبراهيم
كانت نرمين قعده فى اوضتها وتليفونها رن بتبص لاقته رقم تقى فتحت وقالت
نرمين :- توتا حبيبت قلبى عامله ايه
تقى :- الحمدالله
نرمين :- مال صوتك
تقى :- نرمين كنت عايزه اقولك حاجه
نرمين :- فى ايه يا تقى قلقتينى قولى
تقى :- نيره تعبت وجبنا ليها الدكتور
نرمين :- بخضه تعبت ازاى يعنى والدكتور قال ايه
تقى :- انهيار عصبى
نرمين :- انهيار ايه يا اختى ليه حد عملها حاجه
تقى :- تعالى بس وانا هحكيلك لما تيجى
نرمين :- بعصبيه ودينى وما اعبد لو اللى حصلها ده من اخوكى وليد ولا حد من الفيلا لكون داخله فى السجن وقفلت السكه فى وش تقى وقامت لبست هدومها وطرحتها وخرجت من اوضتها
منيره :- ريحه فين كده
نرمين :- انا رايحه الفيلا عند نيره علشان تعبانه وانتى بلغى بابا ونادر وتعالو ورايا
منيره :- خبطت على صدرها وقالت بنتى ايه حصلها
نرمين :- معرفش لما نروح هناك نبقى نعرف سلام وسابت امها ومشيت
ودخلت منيره بلغت محمد ونادر ولبسو هدومهم راحو على الفيلا
……………………………………………………
فى فيلا وحيد الدمنهورى
وصلت نرمين على الفيلا وكانت امينه قعده وقاعد معها ادم وتقى
نرمين :- ايه اللى حصل لاختى عايزه افهم
امينه :- اقعدى بس يا بنتى خدى نفسك وانا هفهمك
نرمين :- مش عايزه ازفت انا عايزه اعرف ايه حصل لاختى
تقى :- اهدى يا نرمين مش كده
نرمين :- متعصبنيش اكتر ما انا متعصبه حد فيكم يرد عليا
ادم :- طب اهدى علشان اعرف افهمك
نرمين :- اكيد السبب الزفت اللى اسمه وليد
امينه :- مش كده يا بنتى راعى ان انا ست كبيره وبكلمك احترمينى شويه ده انا فى مقام امك
نرمين :- اهدى ازاى اختى جايه هنا زى الفل ومفهاش حاجه وجت على نفسها علشان خاطرك ومتزعلكيش يبقى ده جزاتها تبقى مرميه فى اوضتها تعبانه وعندها انهيار عصبى طب افهم جلها منين بقى
تقى :- هقولك يا نرمين وحكت ليها اللى حصل وقالت ليها عن واصية رامى
نرمين :- قعدة على الكنبه مصدومه من اللى سمعته وقالت رامى يطلب كده طب ازاى ده هى حرمت على نفسها انها تعيش حياتها مع اى راجل تانى ده صدمه بالنسبه ليها
ادم :- بس هو قال كده لمصلحتها
نرمين :- بعصبيه مصلحتها مصلحت ايه دى اللى بتطلب منها انها تعيش مع اخو جوزها كزوجه ليه ومطالبه انها تتعامل معا كأى زوج وزوجه بحقوقه الزوجيه ازاى بعد ما كانت بتتعامل معا كأخ حتى لو كان ما بنهم مشاكل من ايام رامى اللى هى فيا ده الله يكون فى عونها بصراحه سؤال وهو اللى اسمه وليد ده موافق عادى كده يعنى بعد ما كان بيشوفها مع جوزها اللى هو اخوه وهما بيضحكو مع بعض حبهم اللى كان واضح فى عيونهم هيقدر يتعامل معها كزوجه
امينه :- اه علشان دى وصية ميت ولازم تتنفذ
نرمين :- يعنى لو هى مش موافقه هتجوزها ليه بالعافيه
امينه :- اه يا نرمين لو حكمت انها تتجوز بالعافيه هجوزها بالعافيه وانفذ وصية ابنى
نرمين :- طب ورونى هتغصبو عليها ازاى واختى مش هتقعد هنا ولا دقيقه واحده
تقى :- اهدى يا نرمين الدكتور قال ان هو ادها ابره مهادئه هتنيمها لبكره الصبح
نرمين :- يبقى خلاص انا هقعد معها لحد ما تفوق واخدها على بيتنا وفى الوقت ده جم محمد ونادر ومنيره
منيره :- بنتى حبيبتى حصل ليها ايه
امينه :- اهدى يا ام نادر بنتك كويسه بس هى واخده ابره تنيمها للصبح وهتقوم كويسه مفهاش حاجه
محمد :- معلش يا ام وليد ام برضه وعايزه تطمن على بنتها
امينه :- عارفه والله بس هى مفهاش حاجه خطر
نادر :- طب الدكتور قالكم ايه
ادم :- اهدو بس يا جماعه واقعدو وانا هقولكم كل حاجه
نرمين :- انا طالعه عند اختى فوق
تقى :- انا جايه معاكى
وطلعت نرمين وتقى لاوضة نيره
وادم حكا كل حاجه لاهل نيره وعن وصية رامى
الكل اتصدم من كلام ادم
محمد :- مش عارف اقول ايه بس انا عارف ان ده هيبقى صعب على بنتى
نادر :- هو من وجهة نظر رامى الله يرحمه صح اللى هو عمله بذات ان نيره طيبه ومش هتقدر على تربية البنات لوحدها وهو عمل كده علشان يبقى مطمن عليها بس هى صعبه على نيره وصدمه بالنسبه ليها ان جوزها وحبيبها وابو بنتها يطلب منها الجواز من راجل تانى غيره وكمان الراجل ده يبقى اخوه والشخص اللى نيره بتحمله ذنب موت جوزها
ادم :- عندك حق فى كل كلمه قولتها بس دلوقتى احنا مش عايزين نضغط عليها علشان متتعبش وفى نفس الوقت انت عارف ان وصية الميت واجبه النفاذ
ولازم نقنعوها بالجواز من وليد
امينه :- وانتى ايه رايك يا ام نادر
منيره :- والله زين العقل هى لسه صغيره وحرام يندفن شبابها ومحتاجه راجل يعنها على تربية البنات ووليد ابن حلال وكويس وراجل هيقدر يحميها واهو هيكسب ثواب وهيربى بنات يتيمه وفى نفس الوقت بنات اخوه يعنى زى بناته بالظبط وده انسب حل الصراحه
امينه :- يعنى انتو موافقين
محمد :- بس المهم رايها هى
نادر :- هو وليد موافق على الموضوع ده ولا زى نيره رافض
امينه :- لا طبعآ موافق هو هيلاقى زى بنتكم فين واهو هو اوله بتربية بنات اخوه
وفى الوقت ده سمعو صوت نرمين وتقى بينادو عليهم الكل طلع يجرى يشوف فى ايه وادم ساعد امه وطلعها
محمد :- فى ايه يا بنات
نرمين :- نيره مش موجوده
امينه :- ازاى وهتروح فين ونزلت ازاى واحنا قعدين
تقى :- ممكن تكون خرجت من باب الخدمين وراه
ادم :- طب ثوانى هنزل اسألهم
ونزل ادم وبعد شويه طلع وقال
تقى عندها حق الخدامين بيقوله نزلت من شويه من الباب اللى هما بيخروجه منه
منيره :- بنتى هتكون راحت فين
ادم :- هنزل ادور عليها بالعربيه
نادر :- استنى هاجى معاك
نرمين :- وانا كمان
ادم :- خليكى انتى يا نرمين هننزل انا واخوكى ندور عليها
نرمين :- لا هاجى معاكم ونزلت قدامهم
نادر :- يلا بينا دمغها نشفه ومش هتسمع الكلام ونزلو التلاته يدوره على نيره بالعربيه فى الشوارع
……………………………………………………
فى مقبرة رامى
كان وليد حاطط راسه على قبر رامى وبيعيط وسمع صوت تانى بيعيط
بيبص لاقها نيره
وليد :- نيره بتعملى ايه هنا وازاى نزله بالمنظر ده
نيره :- ملكش دعوه بيا وبصت لقبر رامى وبدموع هو ده اللى عايز تجوزنى ليه مفكرنى لعبه لعبة بيها شويه وتدها لاخوك يلعب بيها انا بكرهك يا رامى بكرهك علشان انت خدعتنى وعمرك ما حبتنى علشان لو حبتنى بجد كنت مقولتش كده فى الوصيه كنت هتغير عليه من اى راجل حتى لو اخوك ازاى بتطلب منى حاجه زى دى وتقولى لمصلحتى مصلحت ايه دى اللى تخلينى اتجوز اخوك اتجوز راجل تانى غيرك اعاشره ازاى اتعامل معا ازاى وازاى هرضها على نفسى اعيش مع راجل وقلبى مع راجل تانى انت انانى يا رامى انانى وحطت ايديها على وشها وعيطت اكتر وكملت كلامها وقالت انا ازاى اتخدعة فيك كل ده ازاى انا ندمانه على كل لحظه عشتها معاك انا بجد مصدومه فيك ده انا كل يوم بحلم بلايام الحلوه اللى عشنها مع بعض ليه تعمل كده فيا ليه وقعدة على الارض
وليد :- كان بيتابع اللى بيحصل من سكات ومحولش يمنعها وسبها براحتها تطلع اللى جوها
نيره :- مسحت دموعها وقالت انا من انهارده مش هفكر فيك هنساك يارامى وهعيش حياتى لبناتى وجواز مش هتجوز ووصيه مش هنفذ وبصت بصه اخيره للقبر ومشيت
وليد :- نيره ممكن اتكلم معاكى
نيره :- مفيش بنا كلام ومن هنا ورايح انتو من طريق وانا وبناتى من طريق ومش عايزه اعرف حد فيكم
وليد :- طب ممكن تسمعينى للاخر وبعد كده ابقى ردى براحتك
نيره :- انت ايه مش بتفهم قولتلك مفيش ما بنا كلام واعمل حسابك حق بناتى من ورث ابوهم يكون عندى وانا هقدر اعيشهم عيشه احلا من العيشه بتاعتكم ومشت وسابته
……………………………………………………
فى فيلا وحيد الدمنهورى
كان الكل قلقان على نيره واتصلو على ادم ونادر كذا مره يطمنو ان كان لاقوها ولا لا
وشويه ووصل وليد
امينه :- ايه يا ابنى كنت فين طول النهار تعالى شوف المصيبه اللى احنا فيها نيره مش لاقينها
وليد :- هتلاقوها فى بيت ابوها
تقى :- بجد يا ابيه وحضرتك عرفت ازاى
وليد :- كانت فى قبر رامى وانا كنت هناك وكانت متعصبه وقالت انها هتعقد فى بيت ابوها ومحدش مننا ليه دعوه بيها ولا بالبنات
محمد :- بص لمنيره وقال اتصلى على الجيران اللى فى الوش يطمننوه عليها بدل ما هى مش بترد على تليفونها
منيره :- مسكت تليفونها واتصلت على شهد
شهد :- السلام عليكم
منيره :- وعليكم السلام معلش يا حبيبتى عايزه اعرف فى حد فى البيت عندنا ولا لا
شهد :- اه يا طنط من شويه جت بنت حضرتك اللى انا شوفتها فى الصوره ودخلت وقفلت الباب وراها وكان هدومها متبهدله خالص
منيره :- شكرآ يا حبيبتى
شهد :- العفو يا طنط مع السلامه
وقفلت منيره مع شهد وقالت
منيره :- ايوه راحت عندنا فى الشقه
امينه :- طب بلغ اخوك يا وليد
وليد :- ماما انا مش فايق خلى تقى عن اذنكم وسبهم ومشى
تقى :- مسكت التليفون واتصلت على ادم وبلغته اللى حصل وقفلت معاه
محمد :- طب احنا هنمشى بقى بس هاتو البنات
امينه :- لا حرام خليهم نايمين علشان ميصحوش ويطلعوه على بره ويتعبه
منيره :- ماشى يا حبيبتى نبقى نبعت نادر ياخدهم الصبح السلام عليكم
الكل :- وعليكم السلام
ومشى محمد ومنيره على شقتهم
وتقى ساعدة امها تطلع اوضة وليد
امينه :- خبطت على الباب
وليد :- فتح الباب
امينه :- بصت لتقى وقالت خشى انتى اوضك
تقى :- حاضر يا ماما ومشيت على اوضتها
وليد :- دخل امه الاوضه
امينه :- اقفل الباب
وليد :- حاضر وقفل الباب
امينه :- ممكن اعرف كنت فين طول النهار مختفى
وليد :- كنت فى قبر رامى
امينه :- وايه حصل بينك وبين نيره
وليد :- اللى حصل انها رافضه الجواز منى ومن اى راجل وطلبت منى محدش ليا دعوه بيها وانها عايزه حق بنتها
امينه :- بص بقى الجوازه دى هتم غصب عن الكل وانا هصبر عليها شويه لحد ما تهدى ولو فضلت على رأيها انا هضغط عليها بالبنات اهددتها ان انا هاخد البنات منها
وليد :- وليه كل ده طب ما هى كده هتعيش معايه غصب عنها
امينه :- كل ده علشان وصية ابنى تتنفذ غصب عن الكل وانت تقدر تخليها تحبك بعد كده
وليد :- مش لما انا احبها الاول يا ماما نيره مش اكتر من مرات اخ ليا ولا عمرى بصيت ليها غير كده
امينه :- انا مليش دعوه بكل ده كلمتى هى اللى هتمشى وتعالى نزلنى اوضى
وساعدها تنزل اوضتها وطلع تانى اوضه
……………………………………………………
فى بيت محمد إبراهيم
وصلت نرمين وادم ونادر ودخلو الشقه
نرمين :- ثوانى هخش اشوفها فى الاوضه ودخلت الاوضه ولاقتها قعده على السرير وضمه رجليها لصدرها وعماله تعيط
نرمين :- قعدة جمبها واخدتها فى حضنها
نيره :- بدموع شوفتى رامى عايز منى ايه ع.ع.عايزنى اتجوز اخوه وبيقولى مصلحتى
نرمين :- شششش عرفت كل حاجه ومتخفيش من حد طول ما انا جمبك محدش هيقدر يغصبك على حاجه ولو على الجواز بلاش جواز بس انتى اهدى
نيره :- انا عايزه بناتى
نرمين :- اكيد ماما وبابا هيجيبو البنات معاهم
نيره :- انا بكرهم كلهم كلهم كدابين
نرمين :- خلاص يا نيره انسى كل حاجه وحشه وفكرى فى بناتك وبس متفكريش فى اى حد تانى وانا من رأى بلاش قعدة البيت اللى بتجيب الاكتئاب دى انزلى واشتغلى انتى قسم حسابات يعنى هتشتغلى بشهادك
نيره :- بس انا نسيت كل حاجه فى الحسابات
نرمين :- خدى قرص الاول يفكرك وبعد كده اشتغلى
نيره :- والبنات
نرمين :- كده كده ماما اللى بتربيهم
نيره :- هفكر فى الموضوع ده
نرمين :- ماشى يا حبيبتى ادم بره تحبى تطلعى ليه
نيره :- مش عايزه اشوف اى حد من العيله دى
نرمين :- خلاص هطلع اقوله انك نايمه
نيره :- ياريت
وطلعت نرمين وبلغت ادم انها نايمه ومشى ووصل محمد ومنيره
خرجت نيره من اوضتها ورمت نفسها فى حضن ابوها وقعدة تعيط وسالت على البنات
محمد :- اهدى يا حبيبتى محصلش حاجه لكل ده وبناتك نايمين والصبح نادر هيجيبهم
نيره :- لا حصل يا بابا لما جوزى وابو بناتى يطلب ان اتجوز اخوه بعد موته يبقى حصل ان اتصدمة فى البنأدم اللى كنت بحبه وافتكرت ان هو بيحبنى بس طلعت غلطانه
منيره :- ليه يا حبيبتى علشان عايز مصلحتك ومش عايزك تكملى فى الدنيا دى لوحدك ويبقى معاكى راجل فى ضهرك سندك ويساعدك فى تربية بناتك
نيره :- انتى كمان هتقولى مصلحتى هو لو كان بيحبنى بجد كان هيغير عليا ومش هيحب اى راجل تانى يلمسنى اما بقى حكاية راجل وسندى والكلام ده فأنا معايه بابا ومعايه نادر هما دول رجالتى بجد وانا اقدر اربى بناتى لوحدى مش محتاجه مساعده من حد
منيره :- يا بنتى انتى لسه صغيره وحرام تدفنى زهرة شبابك كده وانتى لوحدك ومش معاكى راجل
نرمين :- ايه اللى انتى بتقوليه ده يا ماما زهرة شبابها ايه وتندفن ايه مش لازم الوحده يعنى تعتمد على راجل ممكن تعتمد على نفسها ويبقى ليها كيان خاص ليها وتعيش برضه سعيده عمر سعادة المراه ما تكون مبنيه على وجود راجل فى حياتها
منيره :- اقعدى انتى يا بت مطلعيش عقدك على الغلبانه دى وسبيها تتجوز واحد يحميها ويعيشها سعيده
نرمين :- وهو ليد ده هو اللى هيحميها ويسعدها ده كأبة الدنيا فيه وبعدين اللى انا بقوله ده مش عقد ولا حاجه ده مبدأ عايشه بى
نيره :- نرمين عندها حق يا ماما وبعدين سعادة ايه اللى بتقولى عليها طب ما انا عشت حياتى مع رامى وكنت سعيده وفى الاخر لما مات كاتب وصيه ان اتجوز اخوه مفكرنى من ممتلكاته وبيوزعنى من ضمن الورث بتاعه لا يا ماما انا مش حتة خشب ولا طوبه محطوته فى حيطه علشان اتقسم فى ورث انا بنأدم لحم ودم وليا شخصيه وليا كيان هعتمد على نفسى وهربى بناتى وهاخد ورثهم منهم وهشلهم لجوزهم وهربيهم احسن تربيه وهنزل اشتغل ومش هستنا راى حد عن اذنكم
ودخلت اوضتها
منيره :- لا مش كلام نيره ده ده كلام مقصوفة الرقبه دى هى دى اللى لعبة فى دمغها وشورت على نرمين
نرمين :- انا مالى هو كل حاجه تحصل تقولى انا السبب وبعدين هى مغلطتش هى قالت الصح واللى مفروض يتعمل وسبتها ودخلت اوضتها
منيره :- بصت لمحمد وقالت وانت ساكت ليه عجبك الكلام اللى بناتك بيقوله
محمد :- انتى عارفه ان انا عمرى مغصبتش بنت على حاجه ومدام نيره مش عايزه الموضوع ده يبقى هى حره حياتها وهى حره فيها
منيره :- يعنى نميل بختها بأيديها ونقول هى حره لا انا مش هسكت على كده بنتك لازم تتجوز وليد وتبقى محميه فيه هى وبناتها
محمد :- انتى حره بس اعملى حسابك غصب على البنات فى حاجه مش هقبل بى وسبها ومشى
منيره :- بصت لنادر وقالت وانت كمان يا ميلة بختى ايه رايك
نادر :- انا رأيى من رأى بابا عمر الجواز ما بالغصب ومدام هى مش عايزه يبقى حياتها وهى حره فيها تصبحى على خير وسبها ودخل اوضه
منيره :- يا ميلة بختك فى عيالك يا منيره بس قسمآ بالله ما انا ساكته غير لما اجوزها لوليد وابقى مطمنه عليها ربنا يهديكى يا بنت بطنى
……………………………………………………
