رواية كيان فارس الفصل الرابع 4 بقلم رنا تامر
رواية كيان فارس الجزء الرابع
رواية كيان فارس البارت الرابع
رواية كيان فارس الحلقة الرابعة
فارس بحده/ ردي علي سؤالي.
كيان ببكاء مكتوم/ عشان انت مغرور واناني ومبتحبش غير نفسك.. وانت اصلا اللي كنت رافض جوازنا مش انا.. انت اكتر واحد عارف اني بحبك من واحنا صغيرين لكن انت طول عمرك شايفني زي جاسمين.. عرفت انا رافضه جوازنا ليه.
فارس كان متأثر بكلامها ولم يكن عنده الرد الكافي لهذا الكلام علي الرغم من انه قاسي لكنه حقيقي.
فارس بحزم/ لمي حجاتك وتعالي علي اوضتي.
كيان بتماسك/ لا انا هفضل في اوضتي وخلي في علمك انه انا عمري ما هعترف بجوازنا ده انت فاهم.
فارس بتماسك/ كيان اسمعي الكلام و لمي حجاتك وتعالي علي اوضتي.
سوزان استمعت لحديثهم و دخلت.
سوزان بهدوء/ معلش يا فارس.. سيب كيان تهدي دلوقتي.
فارس خرج من الغرفه وهو في قمه غضبه و مع ذلك اعطي لكيان كل الاعذار.
سوازن بتساؤل/ مالك يا حبيبتي ايه اللي خلاكي متغيره كده.
كيان ببكاء/ عشان خلاص مبقتش مستحمله اللي هو بيعمله ده.. هو اكتر واحد عارف انا قد ايه بحبه ومع ذلك عمره ما قدر شعوري.
سوزان بتفهم/ معلش يا حبيبتي انتي عارفه فارس عصبي حبه مغرور حبتين بس هو والله طيب مش بقول كده عشان ابني لكن دي الحقيقه.
كيان بلا مبلاه/ خلاص يا طنط مبقتش فارقه واذا كان عشان الاوضه فخلي الداده تيجي تنقل هدومي لما اروح الشغل بكره.
سوزان بإبتسامة خفيفه/ تمام ياحبيبتي اسيبك دلوقتي ترتاحي.
سوزان خرجت من الغرفه و كيان اخذت ملابسها ودلفت الي التويلت.
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
• عند عمر •
سلم علي سليم وغادر الي منزله.
بعد دقائق وصل منزله ودخل غرفته اخذ ملابسه ودلف الي التويلت لياخذ شاور.
خرج من التويلت وقام بالاسترخاء علي السرير وهو في تفكير في ريم.
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
•في اليوم التالي في غرفه فارس•
استيقظ وقام باخذ ملابسه ودلف الي التويلت.
قام بتجهيز نفسه وخرج من غرفته ونزل الي الطابق السفلي و وجد الجميع جالس علي مائده الافطار.
فارس قعد جمب كيان.
فارس بإبتسامة/ صباح الخير.
الجميع ماعدا كيان/ صباح النور.
فارس بهمس لكيان بطريقه استفزاز/ ايه القطه اكلت لسانك.
كيان بهمس/ لا بس لو رديت ردي مش هيعجبك.
كيان وقفت وتحدثت بحزم/ الحمدلله.. يلا انا مضطريه امشي عشان مستعجله.
سليم بأمر/ قوم يا فارس وصل مراتك.
فارس ببرود/ وهي مش صغيره عشان اوصلها.
كيان بسخريه/ انا اصلا مش عايزاك توصلني.. عن اذنكوا.
كيان مشيت وسليم ظل غاضب من فارس الذي لم يهمه الامر.
سليم بحده/ انا مش قولتلك روح معاها.
فارس ببرود/ وانا قولتلك انها مش صغيره ولا اول مره تروح لوحدها.. يلا انا ماشي عن اذنكوا.
ريم في سرعه/ استني يا فارس خدني معاك.
جاسمين بحماس/ وانا كمان يا فارس.
فارس بهدوء/ هستناكوا في العربيه.
ريم وجاسمين ودعوا اهلهم وذهبوا مع فارس.
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
•في المشفى •
وصلت كيان الي المشفى.. ودخلت مكتبها واخذت تقرير احمد ومن ثم ذهبت الي غرفته.
كيان بإبتسامة/ البطل عامل ايه دلوقتي.
احمد بإبتسامة/ تويث يا تكتوره.«كويس يا دكتوره».
كيان بإبتسامة/ يارب دايما يا بطل.
ندي بتساؤل/ ها يا دكتوره هو خلاص مش محتاج حاجه غير العلاج.
كيان بإبتسامة/ عايزاكي تطمني خالص هو ان شاء الله هيخف بإنتظامه للعلاج.
ندي بإطمأنان/ انا بشكرك جدا يا دكتوره.
كيان بإبتسامة/ الشكر لله.. انا معملتش غير واجبي.
كيان خرجت من غرفه احمد وذهبت الي مكتبها.
وقامت بالاتصال بإبن خالتها شريف.
شريف بمرح/ عاش من سمع صوتك يا ختي.
كيان بضحك/ والله ليك وحشه.
شريف بسخريه/ متشفويش وحش ياختي.. ارغي شكلك عايزاني في مصلحه.
كيان بهدوء/ الصراحه اه انا هقدم استقالتي وعايزاك تتابع حاله طفل عندي و مفيش غيرك هبقي واثقه فيه.
شريف بحزن/ ليه كده بس.
كيان بهدوء/ معلش يا شريف عايزه ارتاح شويه.
شريف بقله حيله/ تمام زي ما تحبي… اه صح مبروك يا عروسه.
كيان بسخريه/ ونبي تسكت ده انا متعوسه مش عروسه.
شريف بضحك/ ليه!! مش ده حبيب القلب بردوا.
كيان بضيق/ ده موضوع كبير المهم انا هسيبلك ملف الطفل في مكتبك وهمشي.
شريف بهدوء/ تمام.
كيان قفلت مع شريف و ذهبت الي مكتبه وتركت الملف وذهبت من المستشفي بعد ان قدمت استقالتها.
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
•في شركه المنشاوي•
•في الاجتماع•
ريم بإبتسامة/ طيب وكده تقدروا تقولوا انه المشروع هيتم بكل نجاح.
فارس بإبتسامة/ شكرا يا استاذه ريم.. ها حد حبب يستفسر عن حاجه.
جميعهم شكروا فارس وريم وعمر وذهبوا وتبقي الثلاثي.
عمر بإستغراب/ يعني عمو سليم رجع كل حاجه بعد ما وافقتوا علي الجوازه.
فارس بسخريه/ وياريت عاجبه.. ده عايزنا نكون زوج و زوجه بجد.
ريم كانت تستمع للحديث بصمت ولكن لم تحتمل الصمت كثيرا.
ريم بسخريه/ امال انت فاكر انه انكل سليم مخليكوا تتجوزوا عشان تلعبوا.
فارس بحده/ ريم انتي عارفه اللي فيها.
ريم بحده/ عارفه ايه ها.. انا مش عارفه غير حاجه واحده بس انه انت شخص اناني مش بتفكر غير في نفسك.. زنبها ايه انها تحبك كل السنين دي ومقدرتش حد غيرك ولا حبت حد غيرك وانت في الوقت ده كنت بتحب في كل واحده شويه وهي كانت مستحمله عشان بتحبك.. ينفع تقولي انت قدمت لحبها ده ايه.. عارف انه هي دلوقتي جابت اخرها منك ومبقتش تطيقك اصلا.. لا طبعا مش عارف ولا عمرك هتعرف قيمتها اصلا يا فارس بيه.
ريم ذهبت من كثرة غضبها وعمر ذهب وراها وتركوا فارس في حزن وتفكير.
وكان مؤلم بالنسبه له ان يعرف الحقيقه.. كما انه علم بأن الفتاه الوحيده التي احببته من قلبها اصبحت تكره من كل قلبها وكل هذا بسببه.
بعد دقائق.. فكر فانه يجب ان يصلح كل شئ.
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
•في فيلا المنشاوي•
وصلت كيان وصعدت الي غرفتها لم تجد ملابسها فعلمت ان الداده جاءت ونقلتهم الي غرفه فارس.. فذهبت الي غرفه فارس وهي مخصوبه.
وصل فارس ولم يجد احد فصعد الي غرفته فوجد كيان جالسه وترتدي منامه نوم لطيفه و تنظر في الهاتف.
فارس بسخريه/ الله ده الملكه رضيت عني وقررت انها تفضل معايا.
كيان بسخريه/ والله مش عشان خاطرك ده عشان خاطر طنط سوزان.
فارس بإبتسامة/ علي كده لازم اروح اشكر ست الكل انها خلت القمر يبقي معايا في اوضه واحده.
كيان بسخريه/ ههههه خفه.
فارس وهو ياخذ ملابسه/ ولسه يا روحي اللي جاي احلي.
فارس اخذ ملابسه و دلف الي التويلت و كيان كانت مستغربه لهذا التغير المفاجئ.
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
•في الكافيه•
•عند عمر و ريم•
عمر بمرح/ خلاص يا ريري فكي بقي.
ريم بحزن/ يا عمر انا صعبان عليا اختي اللي اتعذبت كل سنين حياتها.. اتعذبت فانها عايشه من غير اب وام واتعذبت فانها حبت واحد هو معتبرها زي اخته.
عمر بإبتسامه ساحره/ ريم انا بحبك.
ريم بضيق/ بص انا بقول ايه وهو بيقول ايه.. ثم اكملت بصدمه.. انت قولت ايه.
عمر بحب/ بــحــبـك ♥.
ريم بدموع/ اخيرا نطقتها ده انا كنت قربت افقد الامل.
عمر بفرحه/ بجد يعني انتي كمان بتحبيني.
ريم بدموع/ طبعا يا عمر.. انا بـحـبك🥹
عمر لم يصدق ما سمعه للتو.
عمر وقف واخرج خاتم من جيبه وجلس علي ركبته و ريم وقفت امامه بدموع.
عمر وهو يقدملها الخاتم برومانسيه/ تقبلي تتجوزيني.
ريم هزت رأسها بمعني موافقه بفرحه ودموع.
عمر لبسها الخاتم.. وكل من في الكافيه كانوا يهتفون باعلي الاصوات فارحين لهم.
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
•في المساء•
•في فيلا المنشاوي•
•علي مائده الطعام•
سوزان/ ايه يا كوكي مبتكليش ليه.
كيان كانت تقلب في الطبق و شارده.
كيان بإبتسامة خافته/ لا يا طنط انا شبعت.. معلش هطلع ارتاح شويه.
سوزان بإستغراب/ بس يا بنتي انتي مكلتيش حاجه.
كيان بهدوء/ معلش يا طنط انا محتاجه ارتاح.
كيان صعدت لغرفه فارس ودخلت وجلست علي السرير و ظلت تبكي.
فارس بهدوء/ خلاص يا ماما متشليش هم انا هاخدلها الاكل.
سليم كان يستمع للحديث بصمت.
جاسمين بهمس لريم/ ايه الخاتم ده يا ريري.
ريم اخفت الخاتم وهمست لها/ هبقي احكيلك بعدين.
انتهوا جميعا من الطعام وفارس اخذ طعام لكيان وصعد الي غرفته.
•في غرفه فارس وكيان•
فارس دخل و كيان اسرعت بمسح دموعها.
فارس وضع الطعام علي التربيزه.. وجلس بجانبها.
كيان كانت ستنام و لكن فارس اوقفها.
فارس بهدوء/ خليكي قاعده عايز اتكلم معاكي.
كيان بضيق/ بس انا مش عايزه اتكلم معاك.
فارس بهدوء/ اسمعيني بس..ولو معجبكيش كلامي خلاص ابقي روحي نامي.
كيان جلست بفراغ صبر.
فارس بأمر/ اولا عايزك تاكلي عشان انتي مكلتيش حاجه من الصبح.
كيان بضيق/ لا مش عايزه وياريت تقول عايز ايه عشان عايزه انام.
فارس بعند وهو يحمل الطعام/ ماهو مش بمزاجك ده غصب عنك.. ف يلا كلي.
كيان بزهق/ انت شكلك فايق وانا تعبانه.
فارس بتحذير/ علي فكره لو مكلتيش هيبقي في عقاب.
كيان بسخريه/ ايه هو بقي ان شاء الله.
فارس بوقاحه/ مبحبش ابوظ المفاجأت بس لو حابه تعرفي تعالي أقولك.
كيان قد فهمته وتحدثت بضيق/ خلاص خلاص هات اما نشوف اخرتها.
فارس بسخريه/ ايوه كده ناس متجيش غير بالعين الحمراء.
فارس ظل يأكلها مثل الاطفال وكيان كانت من داخلها سعيده وفارس كان بداخله شعور غريب.. استغربه في البدايه ولكنه تاكد انه شعور جميل.
انتهي فارس من إطعام كيان ومن ثم اخذها في حضنه وناموا بعد ما كيان كانت رافضه النوم بجانبه.. لكن ماذا ستفعل امام ذلك المحتال.
•في غرفه ريم•
كانت مسترخيه علي السرير وتتحدث مع عمر.
ريم بحب/ يااااه كل ده شايله في قلبك ومقولتليش.
عمر بحب/ اديني قولتلك يا قلبي.. يلا اسيبك عشان ترتاحي..تصبحي علي خير.
ريم بإبتسامة/ وانت من اهله.
•في غرفه سوزان وسليم•
سليم بضيق/ انتي عايزه ايه دلوقتي.
سوزان بهدوء/ عايزاك تهدي مع الاولاد شويه.. هما مش مستحملين بعض تقوم انت تضغط عليهم اكتر…واحده واحده كل حاجه هتتظبط.
سليم بنفاذ صبر/ حاضر يا سوزان اما نشوف اخرتها.
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
• في اليوم التالي •
فارس استيقظ ولم يجد كيان بجانبه.
قام بدخول التويلت واخد وشاور وقام بلف المنشفه حول خصره.
كيان دخلت وبعديها صرخت لما رأته.
كيان وهي تنظر في الجهه التانيه/ البس حاجه بسرعه.
فارس وهو يقترب منها/ ليه يا كوكي ده انا زي جوزك يعني.
كيان نظرت له وكانت ستقع و لكن فارس امسكها من خصرها وهي شاردت في جماله.
فارس بسخريه/ انا عارف اني قمر بس مش للدرجاتي.
كيان اعتدلت بارتباك وبعديها خرجت من الغرفه في سرعه.
فارس ظل يضحك عليها وقام بتجهيز نفسه ونزل الي مائده الافطار.
جلس بجانب كيان وهي كانت في قمه خجالها.
جاسمين بتساؤل/ مالك يا كوكي من ساعت من نزلتي وانتي وشك احمر.
كيان بتوتر/ لا عادي مفيش حاجه.
فارس كان جالس و يضحك بصمت.
فارس بجدية/ هو انتي مش رايحه الشغل.
كيان بهدوء/ انا قدمت استقالتي وناويه اقعد في البيت.
ريم بإبتسامة/ طيب ايه رأيك تنزلي تشتغلي معانا في الشركه.
كيان بتفكير في الامر/ هي فكره حلوه.. بس شويه كده عشان عايزه ارتب حاجات مع نفسي.
فارس بصوت منخفض/ اوفر اوي.
كيان استمعت له وابتسمت بخفه.
دخل عمر وتحدث بمرح/ صباح الخير.
الجميع/ صباح النور.
عمر قعد جمب فارس.
فارس بهمس/ ها جاي تتقدم ولا هتكسفني.
عمر بهمس/ متخفش يا برنس..كله تحت السيطره.
فارس بهمس/ والنبي انا مبخفش غير من الكلمه دي.
كيان كانت تستمع اليهم لكنها لم تفهم عن ماذا هم يتحدثون.
انتهوا من الطعام و سليم رحل الي عمله و فارس وعمر وريم وجاسمين ذهبوا الي عمالهم و تبقي سوزان التي صعدت الي غرفتها وكيان صعدت الي غرفتها وكان لديها فضول تعرف ما بداخل اللابتوب تبع فارس.
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
•في الجامعه•
•عند جاسمين•
جاسمين خرجت من المحاضره ولم تفهم اي شئ.
جاسمين بزهق/ انا مفهمتش حاجه اعمل اي بقي.. انا كان مالي و مال التعليم بس ياربي.
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
•في شركه المنشاوي•
ريم كانت متجه الي مكتب عمر ولكن وجدت فارس يقف و يتحدث في الهاتف و سمعته انه ذكر اسم كيان.
حاولت الاقتراب لتسمع بوضوح و فجاءه انصدمت…
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
•في فيلا المنشاوي•
•عند كيان•
قامت بفتح اللابتوب لكنها وجدته مفعل بي باسورد.
قامت بكتابه كل الاسماء الذي يعرفهم فارس ماعدا اسمها.
حاولت كتابه اسمها و…
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية كيان فارس)
