رواية حب إجباري الفصل الأول 1 بقلم ميساء
رواية حب إجباري الجزء الأول
رواية حب إجباري البارت الأول
رواية حب إجباري الحلقة الأولى
“وَفـــيِ النِـــهَـايِـــة كُــلــنَا ســنَــكــوُن ذَكــــرَىــــ..”
الجزء الاولـــ..
ياك يقولو الحب ماشي بالسيف بصح في حكايتي أنا العكس. انا قمر سماني بابا لله يرحمو اسم على مسمى ٱية في جمال هازيت من عند بابا لون العين جايين كبار ولونهم فار مشفرين كيما هوو جاية بشرتي روجية ديتها من ماما فمي صغير خدودي وشواربي مورديين شعري اسود طويل يوصل تحت ظهري .. نقرأ اولة جامعة عايشة مع يماا واختي سمر وكيما قتلكم بابا مات وخلانا حنا صغار كنت نشفى عليه مليح وحفظاتو كنت متعلقة بيه بزاااف حتان جانا نهار لي قالونا فيه مات نصي طاح مجيت نخرج من صدمة كان ب ألف اه و اه .. عايشين بدراهمو تع تقاعد والحمد لله لاباس علينا معنديش خويا ذكر لانو ماما كي كانت تهز كانو يطيحولها وبابا اكتفى بينا كان يقلناا انتم بميات رجال وهاذي احسن حاجة كنت نحب نسمعها من عندو. انا طبيعتي هادية وقليلة هدرة ومنحبش نخالط. مخلية قرايتي بين عينيا والهدف تاعي انو نولي خريجة ونخدم ونعوض ماما على كلش. وشحال يعجبني هذاك مثل لي يقلك تمشي رياح بما لا تشتهي السفن. وسمر عكسي تماما متحبش تقرا خرجت في متوسط تحب كان تضرب الحطة وتخرج مام هي و ماشي قليلة زين حنا نسكنو قريب لدار عمي محمد بابا عندو غير خوه هذا ونعم الاخ كان يحسبنا في كل حاجة يجيبها لبناتو وميفرقش بينا كان يعوض فينا على بابا بصح هيهاااات بابا بالنسبة ليا بلاصتو ميديها تا وااحد. كانوو مينذاك يجو يتلمو عندنا كاامل كيعاد معدنا تا واحد يدخلنا ويخرجلنا حتى خوالي ميجوناش إلا في مناسباات. عندو زوج ولاد احمد وايوب وبنات سارة وملاك ، بناتو ومرتو يموتو علينا وأحمد جاي فرفوش وهدار عكس خوه ايوب واحد متكبر وهاز روحه من يوم يومه يموت مني وانا نشوف دمي ولا نشوفه معلاباليش علاه هاز روحه هو يخدم بوليسي .. سعات نشوف تصرفاته مع اختي سمر ماشي كيما يتصرف معايا مكنتش نهتمله بصح تصرفااته خلتني اني ثاني نكرهو .. اليوم كيما العادة والروتين اليومي رجعت من لافاك لدار لقيت ماما ومرت عمي في كوزينة يهدرو ويضحكو سلمت عليهم وطلعت لشومبرتي بدلت ونزلت لقيت مرت عمي رايحة تغديت ونضت نلم في طابلة حتى نطقت ماما قاتلي خلي سمر ذرك تلم ارواحي نتي عندي هدرة معاك .. تصدمت كي قاتلي مرت عمك جات تخطبك ل أيوب ، وشنووو يما انتي واش تهدري انا وين وزواااج وين _انا درك قتلك زواج جات تخطب فيك ونبعد تفاهمو على زواج , انا مانيش قابلة بيه كون يبقى اخر راجل في العالم مانيش راح نقبل بيييه _وين راح تلقي خير من أيوب ياك ولد عمك من لحمك ودمك وزيد واش خاصو بدراهمو وبرزقو وزيد متربي وعاقل واش تحوسي أكثر , انا وين ونتي وين انا نكرهووو ومنحبوش في دم اغلقي عليا الموضوع ومتزيديش تجبديلي عليه خليتها وخرجت نغلي رآه من عقلو يبعث امو تخطبني ليه مجرد تخيلت انو راح نكون عايشة معاه في نفس الدار نار شعلت فيا . فات يومين ورجعت يما جبدت موضوع رفضت عادت تقلي واش راح نقول لدار عمك واش عذرك حتى رفضاته_معندي تا عذر قوليلهم حابة تكمل قرايتها وماهيش تخمم في زوااج .. هزيت حوايجي وخرجت نقرأ فات نهار كامل وانا نخمم يا خوفي صح ديريها ماما وتمدني ليهم ولا يجي عمي يهدر معايا في موضوع هذاا وانا منقدرش نرفضلو طلب لانو صح كان نعم العم .. وكي رجعت دخلت لدار ما لقيت تا واحد كيما العادة اكيد في دار عمي لانو معندهم وين يروحو بغير دارو ، جيت طالعة حسيت بخطوات ورايا درت شفت ايوب قدامي قريب نديرها على روحي وينتى جاء هذا ، حكمني من زندي وحصرني في حيط جسمي على جسمه صك على سنانو يهدر وباين فيه زعفااان منهو انتي حتى ترفضيني نعفسلك على راسك ومتتحركش فيا شعرة كلببببببة _دفرتو بيديا بعددددد عليا واش هذا الهدرة انت من وينتى تهدر معايا هكذا احترم روحك _بركاي ما مديتها في روحك ولا تسخالي انا ميت عليك كون تقعدي انتي آخر وحدة منديكش يهدر وعينيه خارجين من بلاصتهم حمرر وفيهم نظرة الحقد والغضب قعدت ندور في يدي حسيتها باش تتكسر دمعة حاصلة في عيني مانيش حابتها تهبط قدااموو .. قتلو _علاه راك باعث امك انا مدرت حتى شي قلت جوابي وهو رفض _علاه شكون قالك بلي انا بعثتها هي هدرا صرات بين يما وبابا وانا كنت قاعد كنت نسمعلهم وساكت كي شافوني مديتش علابالهم موافق وانا مدرتهاش باش توصل هكذا قلت راهم غير يهدرو داروها صح وخطبوك _مالا علاه جايني تلزم فيا كي رفضت مام نتا ماكش حاب ضايي تغلق الموضوع _وإذا بابا مبدلش رايوو وقعد مصر ، ضحكت بإستهزاء _واش قصدك مصر يعني انتا قابل يجبرك انت مراءة حتى تنجبر ، حكمني من حنكي دخلهم في بعضاهم حسيت وجهي طبڨ عدت نرفس فيه برجليا_يا **** بنت الكلب ولله كنت حالف ندير كارثة ومنديكش على كلمتك هاذي نكسرلك خشمك ونشوفك هذا لي تقولي عليه هكذا واش يدير فيك ، خبطني في حيط حسيت ظهري تقسم على زوج راح خرج طحت في بلاصتي لله يديك يا كلب ايديه تقول حديد حكمني شوي قريب شلني هذا كون يعطيني طريحة من داري لقبري. رجفه سرات في جسمي من الموقف كلب ميسواش قشرة فولة يسبني ويسب بابا وهو في قبره لله لا تشوف ربح نشأ لله يدخل فيه سيمي يرحيه نتهنو منه.نضت غسلت وجهي وطلعت لشومبرتي بدلت قشي شوي هكذا حتى نسمع الباب تحل هبطت نجري لا يعود هو رجع واش زاد يحوس عندي حتى لقيتها ماما _هاه يما جيتي وين كنتي ، كنت في دار عمك هي غير جبدتلي تفكرت ايوب قتلها _يما ايوب راني مانيش راح نقبل بيه هاذي الهدرة قوليها لدار عمي _واش مدخلنا في موضوع هذا رحت قلت لمرت عمك والمرأة ماقالت والو قاتلي كلشي بالمكتوب. فاتت تقريب سمانة مزدنا جبدنا على موضوع هذاك خلاص تغلق كلمة تقالت في وقتها وصايي بصح كانت العكس هنا وين راح تبدا .
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حب إجباري)
