رواية احتل وجداني الفصل الثالث 3 بقلم دودو محمد
رواية احتل وجداني الجزء الثالث
رواية احتل وجداني البارت الثالث
رواية احتل وجداني الحلقة الثالثة
انتهى اليوم غادر الجميع وتبقى شروق وابنتها مع خديجه بالبيت شعرت شروق بشئ غريب بوجه خديجه نظرت لها بتوتر وقالت بتساؤل
-حضرتك كويسه
تساقطت حبات العرق من على جبينها وبدأ وجهها يشحب بشكل غريب جلست بجوارها وامسكت يدها وجدتها مثل لوح التلج تكلمت بقلق وقالت
شروق:-ست خديجه ردى عليا حضرتك حاسه بأيه
لم تجيب عليها وفقدت الوعى
نظرت إلى ابنتها بقلق وقالت
-شمس حبيبتى اطلعى استنى بره
اومأت رأسها بالموافقه وخرجت سريعا من الغرفه
أمسكت شروق زجاجة العطر ووضعة منها على يدها ووضعتها أمام أنفها وقالت
-ست خديجه سمعانى ردى عليا ارجوكى
وفى ذلك الوقت سمعت صوت اغلاق الباب خرجت سريعا تطمئن على ابنتها وجدتها تجلس على المقعد وعاد رحيم من العمل نظرت له بتوتر وقالت
-الحق ست خديجه مش بترد عليا
ركض سريعا إلى الغرفه وجلس بجوارها وربت على وجهها وقال
رحيم :-ماما يا ماما ردى عليا
ثم نظر لها بقلق وقال
-هى كده من امته
ردت عليه بتوتر وقالت
شروق :-لسه دلوقتى حالا
نهض سريعا وحمل والدته بين ذراعيه وتحرك إلى الخارج وهبط إلى الأسفل
ركضت سريعا خلفه وأخذت ابنتها وهبطت إلى الأسفل وظلت تنظر إلى السياره بتوتر
فتح نافذة السياره ونظر لها وقال
رحيم :-انتى واقفه مكانك كده ليه اركبى
ابتلعت ريقها بتوتر وصعدت السياره من الخلف ومعها ابنتها
أدار السياره بسرعه جنونيه واتجه إلى إحدى المشافى وبعد وقت هبط من السياره وحمل والدته وتحرك بها إلى الداخل تتبعته شروق وهى تحمل ابنتها ودلفوا إلى الداخل بدأ الطبيب يفحص خديجه تحت خوف وقلق ابنها، أعطاها حقنه سريعا ونظر إلى رحيم وقال
-السكر عالى جدا عند الحاجه والظاهر كده أنها اكلت كميه كبيره من النشويات والسكريات هى اللى سببت ارتفاع السكر بالشكل ده، عموما متقلقش أنا اديتها حقنه هتنزل معاها السكر وهتفضل معانا شويه نظبط ليها السكر وكل شئ هيكون تمام أن شاءالله عن اذنك
جلس بجوار والدته امسك يدها قبلها بقلق وقال
رحيم :-ليه كده يا ماما أنا قولتلك مليون مره بلاش تاكلى الحاجه اللى بتأذيكى
نظرت له بتوتر وقالت
شروق :-ا ا انا والله طول النهار عيونى عليها شريفه قالتلى من اول لحظه استلمت الشغل أن الست خديجه دايما تحب تاكل حلويات كتير من وراه الكل وده غلط عليها
اومأ رأسه بتفهم وقال
رحيم :-عارف ملكيش ذنب ماما مش بتعمل كده غير لما تكون لوحدها واكيد عملت كده بعد ما انا نمت امبارح انا السبب
ردت عليه بنبره هادئه وقالت
شروق :-اهدا يا استاذ رحيم هى الحمدلله كويسه والدكتور طمنا وانا هحاول افتح عيونى اكتر وادور عندها فى الأوضه كل يوم قبل ما اروح بس لازم نوصل لشخص اللى بيدخلها الحاجات دى اصلا
نظر لها وقال بتوضيح
رحيم :-كل الموجودين فى البيت عارفين انها مريضة سكر وممنوع عنها الحاجات كتير اكيد هى اللى بتتصل بيهم وبدخلهم البيت فى الفتره اللى انتوا بتمشوا فيها واللى قبل ما ارجع من الشغل
نظرت له بأسف وقالت
شروق :-يبقى احنا كده مش هنقدر نسيطر على الموقف ده لازم حد يكون متواجد معاها على طول علشان ميكونش عندها فرصه تعمل كده ويحصلها زى اللى حصل النهارده
تنهد بضيق وقال
رحيم :-ازاى بس صعب الاقى حد يقبل أن يقيم معاها على طول وانا صعب علشان شغلى
ثم نظر لها وقال بتردد
-لو ظروفك تسمح انك تفضلى معاها على طول يبقى متشكر ليكى جدا ولو حابه اكلم جوزك واشرحله الوضع معنديش اى مشكله أكلمه وكمان المرتب هيزيد وهيبقى الضعف تقريبا
نظرت له بحزن وقالت
شروق :-انا مطلقه ومعنديش مشكله فى أن اقعد مع ست خديجه والفلوس دى أنا اخر حاجه افكر فيها بس انا برضه عندى بنتى شمس بوديها الحضانه وبرجع اجيبها بقعد اذاكر ليها يعنى عندى حياتى برضه
تكلم سريعا وقال
رحيم :-لو على شمس بنتك متقلقيش أنا هوصلها معايا الصبح وانا رايح الشغل وساعة الخروج هخلى حد يجيبها لحد عندك واكيد هيكون عندك وقت تقعدى معاها لما ارجع أنا البيت ادخلى اوضك وذاكرى ليها واقعدوا مع بعض براحتك ولما ادخل انام ارجعى اقعدى مع ماما تانى فى اوضتها لحد بس ما تنام وبعد كده نامى براحتك لصبح ها ايه رأيك
نظرت له بتوتر وقالت
شروق:-م م مش عارفه اقول لحضرتك ايه بس يعنى كان فيه حاجه لازم تعرفها قبل ما اقول رأى
نظر لها بأستغراب وقال بتساؤل
رحيم :-حاجة ايه قولى
إجابته بتوضيح وقالت
شروق :-شريفه كانت متفقه معايا ان لازم كل يوم اروح قبل ما حضرتك تيجى البيت وممنوع اقابلك ولا اتكلم معاك نهائى لأن دى أوامر ست خديجه
تنهد بضيق وقال
رحيم :-عارف بس زى ما قولتلك طول ما انا فى البيت هتفضلى فى اوضك مع بنتك واول ما ادخل اوضى وانام هتقعدى انتى مع ماما لحد ما تنام
اومأت رأسها بتفهم وقالت
شروق :-انا معنديش مشكله بس برضه ده يرجع لرأى ست خديجه لما تفوق ممكن هى مترضاش باللى حضرتك طلبته منى
رد عليها بتمنى وقال
رحيم :-ان شاءالله هتوافق وانا هحاول أقنعها متقلقيش
ابتسمت له بتوتر وخرجت من الغرفه ومعها ابنتها وجلست على المقعد تنتظر تتحسن حالة خديجه وبعد وقت خرج رحيم من الغرفه وجد شروق نائمه وابنتها نائمه على ذراعيها اقترب إليها بصوت هامس وقال
-شروق يا شروق
فتحت عينيها سريعا وقالت بقلق
شروق :-ايه فيه ايه الست خديجه حصلها حاجه
حرك رأسه سريعا وقال
رحيم :-لا الحمدلله هى كويسه دلوقتى تعالى يلا اوصلك بيتك
حركت رأسها بالرفض وقالت
شروق :-لا اروح ايه انا هفضل هنا لحد ما الست خديجه تروح بيتها
تكلم سريعا وقال برفض
رحيم :-لا طبعا مينفعش حرام علشان بنتك هتتعب كده
نظرت إلى ابنتها وقالت
شروق:-لا متشغلش بال حضرتك بيها هى كده كده بتحب تنام كده حتى واحنا فى البيت
اومأ رأسه بتفهم وقال
رحيم :-اللى يريحك
ثم خلع سترته ووضعها على الطفله وقال
-خلى دى عليها علشان متبردش
وتركها و عاد مره اخرى إلى الغرفه
نظرت إلى أثره بأستغراب ثم نظرت إلى سترته بقلق.
…………………………………………………………….
بعد عدة أيام
عادة خديجه إلى المنزل ومعها شروق وابنتها، وافقت على اقتراح رحيم لها بصعوبه شديده وانتقلت شروق لتعيش معهم بنفس المنزل تمدت خديجه على فراشها بمساعدة شروق ونظرت لها بتحذير وقالت
-حسك عينك تخطى باب اوضك طول ما رحيم ابنى صاحى هتشوفى منى وش عمرك ما شوفتيه فى حياتك فاهمه وحاجه كمان حطى بينك وبين ابنى مليون خط احمر واوعى دماغك توزك وتفكرى تلعبى عليه
نظرت لها بحزن وقالت
شروق :-حاضر اللى حضرتك قولتيه هيتنفذ بالحرف الواحد متقلقيش
نظرت لها بضيق وقالت بأمر
خديجه :-اوضك جاهزه دلوقتى ادخلى فيها ومتطلعيش منها لحد ما ابنى ينام يلا روحى
اومأت رأسها بالطاعه وخرجت من عندها وأخذت ابنتها و اتجهت إلى الغرفه وأغلقت الباب خلفها
ركضت الطفله إلى السرير بسعاده وقالت
شمس :-احنا هنعيش هنا على طول يا ماما
اومأت رأسها بالتأكيد وقالت
شروق :-ايوه يا حبيبتى
قفزت بسعاده وقالت
شمس :-هيييييه أنا فرحانه اوى يا ماما اننا هنعيش مع انكل رحيم فى نفس البيت وهنرسم على طول مع بعض
نظرت لها بضيق وقالت
شروق :-شمس مش عايزه شقاوة وحسك عينك تخرجى من الاوضه طول ما انكل رحيم موجود واياكى تقربى من اوضه وهو مش موجود ماما هتزعل منك ومش هتكلمك تانى خالص
اومأت رأسها بالموافقه وقالت
شمس :-حاضر يا ماما
حملتها واجلستها على قدميها وقالت بحب
شروق :-شطوره يا شموسة ماما لو سمعتى الكلام ماما هتجبلك لعب كتير اوووووى
احتضنتها بسعاده وقالت
شمس :-انا بحبك اوووووى يا ماما
ربت على ظهرها بحنو وقالت
شروق :-وانا بموت فيكى يا قلب ماما يلا يا حبيبتى نامى
وضعتها على السرير وقبلة رأسها بحب وظلت تملس على شعرها حتى ذهبت فى النوم
زفرت بضيق وجلست على الأريكة وظلت تنظر حولها بالغرفه حتى سمعت صوت اغلاق باب غرفة رحيم نهضت سريعا ونظرت من خلف الباب حتى تتأكد أنه مش موجود ثم خرجت من الغرفه واتجهت إلى غرفة خديجه
نظرت لها بضيق وقالت
خديجه:-انتى لسه صاحيه منمتيش
حركت رأسها بالرفض وقالت
شروق:-صاحيه ومش هنام غير بعد ما اتأكد أن حضرتك نمتى
نظرت الاتجاه الآخر وقالت
خديجه :-نامت عليكى حيطه يا بعيده
ثم تمدت على فراشها وقالت
-اطفى النور علشان انام
أغلقت الضوء وجلست على المقعد تنظر لها حتى وجدتها ذهبت بالنوم وضعت عليها الغطاء وتحركت ببطئ إلى الخارج ثم أغلقت الباب وتحركت بأتجاه غرفتها وفى ذلك الوقت سمعت صوت رحيم يقول لها
-ماما نامت
التفت له وقالت بتوتر
شروق :-ا ا اه نامت وانا كمان هدخل انام تصبح على خير
تكلم سريعا وقال بتساؤل
رحيم :-اكلتوا
اومأت رأسها بالتأكيد وقالت
شروق:-ايوه الحمدلله عن اذنك
ودلفت غرفتها وأغلقت الباب خلفها
نظر إلى الباب بأستغراب وعاد إلى غرفته تسطح على فراشه ونظر إلى الأعلى وارتسمت ابتسامه على شفتيه عندما جاءت صورة شروق أمام عينه.
…………………………………………………………….
باليوم التالى
استيقظت شروق من نومها ونظرت بجوارها على السرير وانتفضت سريعا من مكانها عندما لم تجد ابنتها نائمه بجوارها بحثت بعينيها بالغرفه لم تراها خرجت سريعا من الغرفه وبحثت عنها بالشقه ولم تجدها نظرت إلى باب غرفة رحيم بتوتر واقتربت منها وطرقت على الباب بقلق
فتح لها بأبتسامه وقال
رحيم :-صباح الخير
إجابته سريعا وقالت
شروق :-صباح النور هى شمس عندك
أفسح لها الطريق وقال بأبتسامه
رحيم :-ايوه بترسم معايا ادخلى
دلفت إلى الداخل ونظرت إلى ابنتها بغضب وقالت
شروق :-كده برضه يا شمس ده اللى احنا اتفقنا عليه
تكلم سريعا وقال بتوضيح
رحيم :-متزعليش منها أنا اللى خبط عندك على الأوضه علشان اخدها تقعد معايا شويه وهى كانت رافضه وانا اللى قولتلها تيجى معايا ومتخافش
تكلمت بضيق وقالت
شروق :-ممكن بعد اذنك بلاش كده لو ست خديجه شافتنا واقفين مع حضرتك دلوقتى هتحصل مشكله كبيره وهسمع منها كلمتين صعب اتحملهم وحضرتك عارف الكلام ده
تنهد بضيق وقال
رحيم :-محصلش حاجه لكل ده أنا اخد البنت عادى علشان هى بتحب الرسم قولت افرحها علشان متحسش بالملل
حملت ابنتها على ذراعيها وقالت
شروق :-عن اذن حضرتك
تركته واتجهت إلى غرفتها دلفت إلى الداخل وأغلقت الباب بغضب ووضعت ابنتها على الأريكة ونظرت لها بغضب وقالت
-حسك عينك تخرجى من باب الاوضه دى تانى وانا نايمه فاهمه
نظرت لها بخوف واومأت رأسها بدموع وقالت
شمس :-حاضر
تنهدت بضيق واقتربت منها واخذتها بحضنها وقالت بنبره هادئه
شروق :-انا اسفه متزعليش منى مقصدش اعيطك والله بس انا بعمل كده علشان خايفه عليكى ماما بتحبك ومش بتحب زعلك يا شمسى
أمسكت بها بشده وقالت بدموع
شمس :-بس انا بحب انكل رحيم وبحب ارسم معاه هو طيب اوى وبيحبنى ووعدنى أنه هيشترى ليا ادوات الرسم كلها علشان ارسم براحتى
أغلقت عينيها بدموع وقالت بصوت مختنق
شروق :-هو بيشفق علينا مش اكتر يا شمس احنا بالنسبه ليهم هنا خدامين يطلبوا واحنا نفذ واللى بيعمله معاكى ده كرم منه وانا مش عايزاكى تتعلقى بى ولا تظهرى ليه انك فرحانه بالحاجه اللى هيجيبها علشان ميقولش علينا طمعين وبنستغل الوضع أنا عارفه أن الكلام اللى بقوله ليكى ده كبير وصعب تفهميه بس بكره تكبرى وتفهمى انا بعمل كده ليه
اومأت رأسها بتفهم وقالت
شمس :-حاضر يا ماما بعد كده مش هخرج من الأوضه غير وانا معاكى
قبلت وجينتها بحب وقالت
شروق :-بنتى حبيبتى ربنا يحميكى ويخليكى ليا يارب يلا يا حبيبتى تعالى اغيرك هدومك افطرك علشان اروح اشوف شغلى.
…………………………..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احتل وجداني)
