رواية احتل وجداني الفصل الأول 1 بقلم دودو محمد
رواية احتل وجداني الجزء الأول
رواية احتل وجداني البارت الأول
رواية احتل وجداني الحلقة الأولى
جلست فتاة أمام جهاز الكمبيوتر الخاص بها تبحث عن عمل فى جميع المواقع الإلكترونية زفرت بضيق وتراجعت إلى الخلف بخيبة أمل نهضت من على مقعدها وتسطحت على فراشها وقالت بصوت حزين
-يارب فك الضيقه انا مش عارفه بلد طويله عريضه مفيهاش شغل ازاى
وفى ذلك الوقت أعلن الجهاز عن وجود رساله نهضت سريعا ونظرت به وجدتها رساله من احد الشركات إجابة عليهم سريعا بسعاده وتم الرد بأنتظارها غدا
تنهدت بأرتياح وخرجت من غرفتها وجدت ابنتها تجلس على الأريكة تشاهد التلفاز اقتربت إليها وجلست بجوارها وحملتها على قدمها قبلتها بحب وقالت بتساؤل
شروق:-قاعده بتعملى ايه هنا لحد دلوقتى
ابتسمت لها وقالت بطفوليه
شمس :- مش عايزه انام يا ماما بتفرج على توم آند جيرى
قبلة عينيها وقالت بابتسامه
شروق :-عيون شمس لازم تنام الوقت اتأخر وماما لازم كمان تنام علشان عندها شغل بكره
ثم نهضت من على الأريكة وهى تحمل ابنتها على ذراعيها واتجهت بها إلى غرفتها وضعتها على السرير وقبلت رأسها وقالت بنبره هادئه
-حبيبت ماما تنام علشان عندها حضانه الصبح وماما عندها شغل ماشى
ووضعت عليها الغطاء وقبل أن تتحرك أمسكت يدها وقالت بتساؤل
شمس :-هو انا ليه مش عندى بابا زى أصحابى يا ماما
نظرت لها بحزن وقالت
شروق :-علشان ماما مقدرتش تكمل مع بابا واختارت تبعد علشان تعرف تعيش بسلام هى وشمسها
نظرت لها بعدم فهم وقالت
شمس :-يعنى أنا عندى بابا زى أصحابى !؟
اومأت رأسها بالتأكيد وقالت
شروق :-طبعا يا حبيبتى انتى اسمك بالكامل ايه
اجابتها سريعا وقالت
شمس :-اسمى شمس هشام شكرى
ردت عليها بابتسامه هادئه وقالت
شروق :-يبقى بابا شمس اسمه هشام شكرى
نظرت لها نظره بريئه وقالت
شمس :-انا عايزه اشوفه يا ماما
حركت رأسها بالرفض وقالت بصوت مختنق
شروق :-مش هينفع يا قلب ماما علشان بابا مسافر ومش هيرجع دلوقتى خالص يلا بقى نامي تصبحى على خير
تركتها وخرجت من الغرفه اغلقت الباب واسندت ظهرها عليه انهمرت دموعها بغزاره عندما تذكرت الماضى وما عانته مع طليقها السابق بسبب تعاطيه المخدرات إزالة عبراتها بأناملها وتنهدت بضيق وتحركت إلى غرفتها ألقت جسدها على السرير ودعت ربها أن تتم مقابلة غد على خير وان تتقبل بالعمل حتى تستطيع إعانة نفسها وابنتها فى هذه الحياة القاسيه وبعد وقت أغلقت عينيها وذهبت فى سبات عميق.
……………………………………………………………..
باليوم التالى
وصلت شروق ابنتها إلى الحضانه واتجهت إلى مقابلة العمل بتوتر شديد جلست على المقعد وابتلعت ريقها بصعوبه وقالت
شروق :-هشتغل خدامه !!
نظر لها بأستغراب وقال بتوضيح
-لا طبعا مش خدامه جليسه مع ست كبيره هتهتمى بعلاجها ولو حابه تروح اى مكان فى الشقه هتساعديها إنما هى عندها ناس تانيه بتعمل الأكل وتنضف البيت، عندها ولد وبنت كبار البنت متجوزه وعايشه مع جوزها فى سويسرا والشاب عايش هنا بس بينزل شغله الصبح ولما يرجع بليل بيكون الكل مشى وهو بيهتم بوالدته وهو ده طلبها أن ليه مواعيد يرجع فيها ميكونش حد موجود فى البيت نهائى لو موافقه تقدرى تستلمى الشغل من النهارده دلوقتى حالا
نظرت له بتوتر وقالت
شروق :-مش عارفه الصراحه أنا عمرى ما اشتغلت فى بيوت وكمان معايا طفله صغيره
رد عليها سريعا وقال
-مسموح ليكى تخدى بنتك معاكى مافيش مشكله
شعرت بحيره ثم اخذت نفس عميق واخرجته بهدوء وقالت
شروق :-م م ماشى موافقه بس لو مرتحتش فى الشغل ممكن اسيبه عادى !؟
اومأ رأسه بالتأكيد وقال
-مافيش مشكله بس طبعا الايام اللى هتقعدى فيها لو قبل الشهر ملكيش حساب عندى لأن سعتها هدور على واحده تانيه واقبضها الفلوس اللى هستلمها منهم
تنهدت بضيق وقالت
شروق :-ماشى اللى فيه الخير يقدمه ربنا ايه المطلوب منى دلوقتى
أجابها بتوضيح وقال
-هتسيبى بطاقتك الشخصيه ومحل سكنك بالظبط وهيخدك مندوب من عندنا يوصلك البيت حالا علشان تبدأى الشغل
اومأت رأسها بالموافقه وقالت
شروق :-ماشى أنا موافقه
أخذ منها المطلوب لإثبات شخصيتها ومحل سكنها وذهبت مع المندوب إلى البيت نظرت إلى البيت من الخارج بتوتر وشعرت برهبه غير مسبقه تحركت مع المندوب بقدم مرتعشه دلفوا إلى الداخل واستلمت العمل وغادر المندوب
نظرت حولها بتوتر وقالت بتساؤل
-المفروض اعمل ايه دلوقتى
اجابتها أحد العاملات بالبيت وقالت بتوضيح
-هتدخلى معايا دلوقتى اوضة ست خديجه هتتعرفى عليها وبعد كده هسلمك مواعيد العلاج بتاعها واوقات اكلها والشاور بتاعها ونومها
اومأت رأسها بخجل وقالت
شروق:-م م ماشى
ابتسمت لها ابتسامه هادئه وقالت
-انا أسمى شريفه المسؤوله عن كل حاجه فى البيت هنا وان شاءالله هترتاحى معانا لاننا كلنا هنا اخوات اسمك ايه بقى
اجابتها بصوت هادئ وقالت
شروق :-اسمى شروق
ربت على يدها وقالت بنبره حنونه
شريفه :-عاشت الاسامى يا بنتى امشى معايا يلا
تحركت معها بقدم مرتعشه ووقفت خلفها
فتحت شريفه الباب ودلفت إلى الداخل وقالت
-ست خديجه الجليسه الجديده وصلت اهى ومستنيه تدخلك
اعتدلت على فراشها وقالت بصوت جاد
خديجه :-انتوا برضه صممتوا تجيبوا ليا واحده تانيه قولتلكم مليون مره انا مش محتاجه حد يساعدني
ابتسمت لها ابتسامه هادئه وقالت
شريفه :-استاذ رحيم هو اللى صمم نكلم المكتب ونطلب واحده تانيه غير اللى حضرتك مشتيها
زفرت بضيق وقالت
خديجه :-دخليها دخليها أنا كده كده متأكده أن كبيرها يومين وهتمشى زى اللى قبلها
حركت رأسها بالرفض وقالت
شريفه :-معتقدش البنت شكلها غير اللى فاتوا دول كلهم هدخلها ليكى وانا متأكده انك هتحبيها
واتجهت إلى الباب وهتفت على شروق
تحركت إلى الداخل بتوتر ونظرت إلى الأرض وقالت بصوت متقطع
شروق ٠:-ا ا انا شروق اللى جايه اقعد مع حضرتك
نظرت لها بتفحص وقالت
خديجه :-مدام ولا انسه
نظرت لها بتوتر وقالت
شروق :-م م مدام بس مطلقه وعندى طفله صغيره عندها اربع سنين
ردت عليها بصوت غاضب وقالت
خديجه :-الرد على قد السؤال بس فاهمه أنا سألتك سؤال محدد تجاوبى عليه بس
اومأت رأسها بالموافقه وحاولة كبت عبراتها
تكلمت بأمر وقالت
-اهم حاجه عندى ملكيش دعوه بأبنى تمشى قبل ما هو يجى المعامله معانا احنا بس اوعى دماغك توزك وتفكرى تلعبى عليه علشان النهايه مش هتكون فى صالحك
نظرت لها بحزن وقالت
شروق :-متقلقيش حضرتك انا متربيه جدا وعارفه ربنا وعندى بنتى بالدنيا كلها أنا هلتزم بالمواعيد اللى متحدده ليا مش هتأخر ثانيه بعدها
اومأت رأسها بعدم اقتناع وقالت
خديجه :-لما نشوف
ثم نظرت إلى شريفه وقالت بأمر
-خديها تغير هدومها اللى عليها دى وتتعقم كويس قبل ما تقرب من علاجى ولو ضوافرها طويله تقصهم فاهمه
اومأت رأسها بالطاعه ونظرت إلى شروق حتى تتحرك معها
خرجت شروق مع شريفه ونظرت إلى الباب بضيق وقالت
-دى صعبه اوى كده ليه !؟
اومأت رأسها بتفهم وقالت بصوت هادئ
شريفه :-معلش يا بنتى طولى بالك شويه معاها هى هتبقى صعبه اوى فى الاول بس لو اخدت عليكى وحبيتك هتشوفى واحده تانيه خالص وبالنسبه لابنها هى متعلقه اوى بى علشان كده بتخاف من اى واحده تقرب ليه لدرجة أنها كانت السبب فى أنه ساب خطيبته علشان يرضيها علشان كده مش عايزاكى تزعلى من كلامها وحاولى تمشى قبل ما ابنها يجى ويحصل ما بينكم اى كلام علشان وقتها هتحطك فى دماغها لحد ما تزهقى وتمشى من هنا بسببها
اجابتها بتفهم وقالت
شروق :-فهمتك وان شاءالله مش هنتقابل أنا وابنها ده خالص
ابتسمت لها وربت على ظهرها بحنو وقالت
شريفه :-جدعه ربنا يحميكى يا بنتى يارب يلا بينا علشان تغيرى هدومك
اومأت رأسها بالموافقه وتحركت معها إلى الداخل وبدلت ملابسها وعادت مره اخرى إلى غرفة خديجه حتى تبدأ عملها.
……………………………………………………………..
انتهى وقت العمل وعادت شروق إلى منزلها وضعت ابنتها النائمه على فراشها ودلفت المطبخ سريعا حتى تعد الطعام لهم وبعد وقت انتهت واستيقظت ابنتها وبدأوا يتناولوا طعامهم نظرت لها بضيق وقالت
شمس:-انا زعلانه منك يا ماما علشان سيبتى شمس كل ده لوحدها فى الحضانه
ابتسمت لها ابتسامه هادئه وقالت
شروق :-وماما متقدرش على زعل شمسها غصب عنى والله يا حبيبتى انا استلمت الشغل النهارده وهيبقى بعد كده هى دى المواعيد بس هحاول اتفق مع حد يجيبك من الحضانه كل يوم عندى فى الشغل ونيجى هنا سوا ايه رأيك
اومأت رأسها بسعاده وقالت
شمس :-هيييييه أنا موافقه بس الشغل ده فيه لعب علشان العب بيها
ابتسمت لها وقالت
شروق :-امممم فيه لعب كتير اوى يلا بقى كلى اكلك كله وبلاش كلام كتير
بدأت شمس تتناول الطعام تحت نظرات والدتها الحنونه وبعد وقت انتهت ونهضت من على مقعدها واتجهت غرفتها حتى تلهو بالالعاب الخاصه بها
نهضت شروق من على مقعدها نظفت المكان جيدا واتجهت إلى غرفتها جلست أمام جهاز الكمبيوتر الخاص بها وبدأت تبحث على عمل آخر ربما لم تستطيع أن تستمر بهذا العمل وبعد يوم طويل وشاق اتجهت إلى فراشها تسطحت عليه وذهبت سريعا إلى نوم عميق.
…………………………………………………………..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احتل وجداني)
