رواية القدر الفصل العشرون 20 بقلم ملك ياسر
رواية القدر الجزء العشرون
رواية القدر البارت العشرون
رواية القدر الحلقة العشرون
صلوا على الحبيب المصطفى محمد صل الله عليه وسلم تسليما كثيرا 🩵
أدهم روح البيت و معاه أيان بس لحد دلوقتي مايعرفش انها مش ملاك.
أيان شالت الطرحه.
أدهم بصدمه: أيااان! و بعد كده اتكلم بعصبيه انتي بتعملي ايه هنا و فين ملاك؟!
أيان بخوف: انا.. انا هقولك على كل حاجه بس محتاجه تسمعني اسمعني ولو لمره واحده و بعد كده خد قرارك النهائي و اللي عايزه هعمله.
أدهم ببرود: قولي.
أيان: والله ي أدهم صاحبتي زقته عليا و انا مكانش ليا اي دخل في الموضوع و جه طلب ايدي وانا رفضت بس بدأ يهددني بيك انه لو معملتش اللي عايزه مش هيسيبك لحظه عايش وانا والله العظيم بحبك و خوفت عليك و قررت اعمل كل حاجه كان عايزها.
أدهم: وانتي هنا ازاى دلوقتي زمانه بيدور عليكي.
أيان بغيظ: خلال فتره الخطوبه عملت كل اللي اقدر عليه و كشفته علىى حققتوو الحق*ير و جبت كل بنت اتصور معاها و كانت صورهم مع بعض و البنات بصراحه كانوا عايزين ينتقموا منه و من كل حاجه عملها معاهم و اتفقت معاهم و خدنا الصور و قدمناها للمحكمه و القاضي حكم عليه بالسجن 10 سنين تهمة التعدي على بنات الناس و لعبه بيهم و اتسجن و قررت اصلح كل حاجه.
أدهم بعصبيه: و ليه مش جيتي قولتيلي؟!
أيان بخوف: والله كنت خايفه عليك و قررت مش اقول لحد.
أدهم بزعيق: و علي ايه علاقته بالموضوع مش انتي قولتي انك بتحبيه و هو كمان و سيبتيني عشااانووو.
أيان بخوف: ما هو ده كان جزء من الخطه علي اللي ساعدني في كل ده و هو و ملاك وصلوني اني اكون واقفه قدامك دلوقتي و اقول كل حاجه و اكون مراتك كمان.
أدهم بإستغراب: مش فاهم حاجه ملاك ايه دخلها في الموضوع؟!
أيان: ملاك هي اساس الموضوع ملاك كانت ماشيه في الشارع و عماله تكلم نفسها و لقتني قاعده بعيط في الشارع خدتني وهدتني و انا سمعت انها قالت شركات الادهم ف قررت اقولها على كل حاجه و هي طلعت عرفاك و وقتها كنت انت لسه هتخطبها و ضمنتلي حقي معاك في انها هتمضيك على ورق فيه 10 مليون وانك ماتقربش منها غير برضاها و كل الحجات دي عملتها علشاني و علشان ملاك بتحب علي ي أدهم علي صاحبك مش يستحق اي حاجه وحشه منك بالعكس لازم تصلح علاقتك بيه و تعتزرله هو السبب في اني اخلص من الشاب القذر ده و ملاك كانت عايزه تنتقم منك اللي عرفته ملاك مش بتسيب حقها بس لما عرفت كل حاجه قررت تساعدنا و عرفت انك كنت تحت ضغط و ملاك حكت كل حاجه لعلي و علي قالها هتعملي كذا وانا هساعدك.
أدهم بصدمه وقعد مكانه و مبقاش عارف يعمل ايه: في ناس كتيره اووي أذيتهم و هما طلعوا بيحبوني و بيساعدوني و علي صاحب عمري خطفت ملاك منه و كنت هموتها بس قولت اجوزها و انساكي بيها و بالمره احرق قلب علي عليها زي ما حرق قلبي عليكي و ملاك مالهاش اي ذنب و بالعكس ساعدتني اني اكون عايش مع حب حياتي انا لازم اصلح الغلط اللي عملته ده و اتأسف من علي و ملاك بأسرع وقت.
أيان خدته في حضنها: خلاص ي حبيبي بكره الصبح ان شاء الله هنروح عند علي و ملاك و تصلح غلطك و هما هيسامحوك انا متأكده من كده لانهم قلبهم طيب و مش فيه اي كره من نحيتك و هيقدروك.
أدهم بص في عيونها و قال: انا بحبك اووي ماتسيبينيش ارجوكي.
أيان حضنته: وانا كمان والله بحبك مووت ي حبيبي و مش هسيبك ابدا و هفضل جنبك طول العمر.
و ناموا…..
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
الساعه 1 الفجر.
النوص: حضروا نفسكم علشان في بضاعه لازم نسلمها قدامكم ساعتين تظبطوا كل حاجه و مش عاايز ولا غلطههه مفهوووم.
الكل و كان بينهم آسر و علي و بنت كمان بس كانت متخفيه: مفهووم ي باشااا.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
ملاك كانت لسه واصله البيت و شمس و سلمى قرروا يجوا معاها علشان اهلها لما يعرفوا يكونوا واقفين جنبها او بالاخص تاخد شنتطها و تمشي تروح الشاليه بتاع شمس عقبال ما الاجواء تهدا.
ملاك بتخبط على الباب بخوف: يارب استر ي رب ده امي هتصون في وشي دلوقتي.
سلمى: متخافيش ان شاء الله خير هيزعقوا شويه بس لما يفهموا الموضوع هيقدروكي.
شمس بضحك: و لو مقدروكيش الشاليه يقدرك ي baby.
ملاك بضحك: عندك حق هسميه بعد كده شاليه شمس ملجأ كل حبيب.
فتحت ساميه بصدمه: ملاااك!؟ انتي ايه اللي جابك انا قولت مش هتعمري مع حدد طفشتي الواد و طفشتي ياختي انا قولت هترجعيلي بالكحك سخن قولت لبوكي بلاش نعمل كحك خلينا نوفر حاجه بدل كل المصاريف دي بنتي هترجعلي بالكحك سوووخن.
ملاك و سلمى و شمس واقفين فطسانين على نفسهم من الضحك.
ملاك بضحك: ايه ي ماما وحشتيني قولت اجي اسلم عليكي و ابات عندك انهارده بذات اوضتي وحشتني اووي بقالي 8 ساعات مش شوفتها.
ساميه مسكتها من أفاها: ايه ي بت اللي رجعك يا بختك لسود ي ساميه في بنتك انتي ي بت مش ملاك انا غلط لما سميتك كده كان المفروض اسميكي هلاك مش ملاك قال ملاك قال ده انا اللي طلعت ملاك.
ملاك بضحك: استني بس افهمك.
ساميه بصويت: هتفهميني ايه ي عناياااا ي حااااج.
عبدالرحمن طلع و اتصدم لما شاف ملاك.
عبدالرحمن بصدمه: بتعملي ايه بنتي ده انا لسه سايبك في القاعه و بعدين مش عندك طياره بكره بليل.
ملاك بضحك: الله بقا وحشتني يا حاج قولت اجي ابات عندكم اصل انا ماتجوزتش اصلا والفرح اللي انتوا حضرتوه ده مش فرحي اصلاا و البت اللي كانت قاعده مش انا اصلااا لبست ادهم في واحده تانيه 😂 و الكحك اللي هناك قولت اسيبوا حرام خلي حد تاني يبرده علشان انا برجع بيه سخوون 🤭
عبدالرحمن بزعيق: انتي مجنونه ي بت ولا انتي اللي شكلك كده اقعدي حالا وفهميني نيلتي ايه في ليلتك السوده يمكن نلحق نصلح اللي حصل اخلصييي قال اخر كلمه بشخيط.
ملاك و سلمى و شمس قعدوا و فهموهم كوول حاجه من طقطق لسلموا عليكم.
ملاك بنهيد: احححح بس كده يا حاج يبقا انا كده غلطانه اني بوفق راسين في الحلال.
عبدالرحمن بضحك: لا ي بت تربيتي بجدد 😂.
ساميه بصويت: تربيييتك ده انا هتشل منكم لتنين ي فضيحتك ي ساميه هقول ايه للناس دلوقتي. الجيران هقعدي احكي الحكايه دي لكل واحد يقتبلني.
شمس بضحك: لا ي طنط عنك انتي انا همشي بمايك في الشارع و اقول الكلام مره واحده.
الكل ضحك عليها.
و فجأه الباب خبط.
ملاك: مين جاي في الوقت ده؟!
سلمى بضحك: تلاقي أيان جايه و جايبه معاها الكحك قالت ماتسيبكيش لوحدك.
ملاك قامت تفتح الباب.
ملاك بصدمه: مايا؟
مايا دخلت و قالتلها: أه مايا مالك شوفتي عفريت ولا ايه.
ملاك في سرها: لا العن.
مايا: بتقولي حاجه.
سلمى بصوت عالي: بتقولك لأ العننن.
مايا بضحكه سخريه: طب فتحوا دماغكم كده معايا علشان جيالكم في موضوع مهم.
ملاك: خير؟
شمس: هي دي بيجي من وراها الخير.
مايا: هو فعلاً مش خير آسر و علي رجعوا للشغل تاني.
ملاك: شغل ايه؟
مايا ببرود: المافيا.
سلمى: طب و مالو ي عنيا رايحين يجيبوا حقهم من عين التخين و بعدين انتي ايه اللي عرفك بالشغل ده.
مايا بضحكه سخريه: لا مالي طبعا اصل انا شغاله معاهم.
ملاك و شمس و سلمى في صوت واحد: ايييه ي عنااايا.
مايا: زي ما سمعتم و يا تلحقوهم يا متلحقوهم لاني عرفت خطتهم كلهااا و قولتها للنوص و العمليه هتبدأ كمان ساعه.
سلمى بغيظ: انا هوريكي ي واط*يه.
ملاك مسكتها من شعرها: تعالي معايا ي وسخ*ه انا هعلمك الادب.
مايا بضحكه ميتفزه: طب بالهداوه طيب انا كده كده جايه علشان عايزه اتفرج على اللي هيحصل.
ملاك: اطلعي ي شمس على بيت أدهم بسرررعه.
شمس: و هو ماله بالموضوع.
سلمى: اطلعي بس واحنا هنفهمك.
وصلوا لبيت ادهم.
خبطوا على الباب.
أدهم بإستغراب: مين اللي جاي في الوقت ده.
أيان: مش عارفه قوم شوف ليكون في حاجه.
ادهم قام فتح.
ملاك: معلشي ي هندسه صحيناك في الوقت ده لازم نتكلم بسرعه.
أدهم: اتفضلوا اصلا لسه ملحقناش ننام.
دخلوا و ملاك بدأت تحكيله كل حاجه.
سلمى: لازم نلحقهم دلوقتي انت كنت شغال معاهم آسر قالي و لازم نشوف خطه جديده بدل اللي باظت.
أدهم: انا عارف الظابط اللي متفقين معاه هرن عليه يجي.
و فعلاً رن ادهم عليه و خلاه يجي.
يحيى الظابط جه.
أدهم حكاله كل حاجه.
يحيى بغضب: مين عرف الخطه.
سلمى بتشاورله على مايا: الواط*يه دي.
يحيى قام بغضب: الواط*يه اسمها ايه و مسكها من شعرها جامد.
ملاك: مايا.
يحيى بعصبيه و صوت عالي: انتي هتنطقي ي بت و تقولي فين مكان التسليم الجديد ولا اشرح*لك وشك ده.
سلمى بغيظ: و علشان خاطري شعرها اللي فرحانه بيه ده.
مايا كل ده و باصه في عيونه و سرحت فيهم.
يحيى شدها اكتر من شعرها: انطقي ي بت وايلا قسما بالله لكون ملبسك قضيه مخدرات و ارميكي في السجن 10 سنين لقدام.
مايا بعياط و خوف: خلاص خلاص حاضر هقوول.
مايا بتوتر حاولت ان تخفيه: في****
سلمى : البت دي كدابه.
يحيى بعصبيه: انطقي ي بتتتت.
سلمى بغيظ: لا سيبهالي دي انا هخليها تنطق.
قربت منها سلمى و جابتها من شعرها و مايا عماله تصرخ و فتحت التليفون و قربت من ودنها.
سلمى بخبث: عارفه انتي اكيد الصور دي و حافظاهم صممم.
مايا بخوف هزت راسها بأه.
سلمى بخبث: في ظرف دقيقتين هيكونوا منشورين على السوشال ميديا و هتكوني لابسه قضيه مخدرات بتبيعيها و بتضربي مخدرات كمان و شعرك ده هحلقهولك قرعه مش هخليكي تعرفي تمشي الشارع و شاهد بنت الظابط نادر باشا في حضن جوز صاحبتها انطقييي يا بتتت.
مايا بخووف و عماله تعيط: في…. و هيكون الساعه 3 و النوص عمل حسابه في سلاح و خلى الحراسه اشد و هياخد آسر و علي مكان تاني غير العمليه المحدد فيها التسليم و هيبعت معاهم رجاله يقتلوهم.
يحيى: اه ي ولا الك*لب.
أدهم: يلا بسرعه معاندناش وقت خليكوا هنا و انا و يحيى هنروح نخلص الموضوع.
ملاك: ابدااا رجلنا على رجليكم شمس تجيبي البت دي معانا و تخلي بالك منها كويس ممكن تنفعنا في حاجه و هي مش ليها اي تلاتين لازمه كده.
شمس بمكر: بس كده من العنايا الجوز.
شمس غمزت لسلمى: ما يجيبها ايلا رجالتها بس جبتي كل المعلومات دي امتاا وليه.
سلمى ضحكت: عيب عليكي مش وقته دلوقتي هقولك بعدين.
كلهم نزلوا و راحوا على المكان المحدد.
يحيى و معاه القوات بتاعتهم: انتوا هتروحوا من الجهه دي هتنقذو آسر و علي و تخلصوا على اللي معاهم و انتوا هتروحوا من هنا علشان البضاعه هتتسلم و نلحق نخلص على كل الموجودين و نسلم البضاعه للأمن الدولي كلووو ي تحركك.
الظباط: امرك ي فندم.
ملاك و سلمى راحوا لعلي و آسر و شمس و مايا مع الباقى علشان محتاجين مايا.
الظباط راحوا لعلي و آسر.
و فعلاً الظباط خلصوا على اللي كانوا هناك آسر و علي استغربوا من اللي بيحصل و ايه جاب ملاك و سلمى.
سلمى راحت لآسر: انت كويس.
آسر بإستغراب: انتوا بتعملوا ايه هنا؟!
سلمى: كانوا عايزين يخلصوا منكم.
علي: و مين قالهم الخطه.
ملاك: مايا الكلب البت دي لازم تتربى من اول و جديد.
سلمى: مش وقته دلوقتي يلا نروح نلحق يحيى و أدهم.
علي بصدمه: ادهم؟! أدهم بيعمل ايه.
ملاك: مش وقته دلوقتي ي علي قولنا هنفهمكم كل حاجه بس مش دلوقتي يلا.
راحوا ل يحيى و أدهم و كملوا معاهم ضرب النار و مايا كانت بتحاول تهرب.
شمس: خدي هنا ي واط*يه و جابتها من شعرها هو دخول الحمام زي خروجه انتي لازمك واحد يلمك.
جه واحد و مسك سلمى و حط السلاح على راسها.
الشاب: نزلوا السلاح و ايلا هفرتك دماغها.
يحيى: طيب اهدى و احنا خلاص هنزل السلاح. نزلووو السلاح.
آسر بغضب: عارف لو حصلها حاجه دماغكم كلها قصادها والله لندمكم.
ملاك غمزت ل علي و علي فهمها.
ملاك بتمثيل: خلاص والله هنعملك اللي انت عايزه كله بس سيبها انا ماليش غيرها علشان خاطر عيالك سيبها. كان علي بيتسحب مبينهم و ماسك السلاح.
الشاب: ماعنديش عيال و ماعنديش حد اخاف عل…. ولسه هيكمل لقى اللي مسك دراعه و لواه لولى و ضربه بالمسدس على راسه و فقد الوعي.
علي: امشي بسرعه ي سلمى روحي لآسر.
سلمى من خوفها كانت وقفه في مكانها و كان في واحد جاي عليها يضربها و علي كان ورا بيموت في الباقى و آسر جرى عليها و شدها و خد الطلقه بدالها.
سلمى بصريخ: آآآآآآسررر.
ملاك جرت عليهم: متخافيش هيبقا كويس.
سلمى بعياط: آسر فوق ي آسر علشان خاطري فوق.
آسر كان اخد الرصاصه في صدره كانت قريبه من قلبه و اغم عليه.
سلمى بصريخ: خليك معايا ي آسر فوووق ي آسر فوق خليك مركز معايا بس للأسف كان فقد الوعي.
ملاك بزعيق: اخلصوواا ي علي الحق آسر ي علي.
علي جه و كانوا خلاص خلصوا عليهم كلها و البوليس جه و عربيه الاسعاف هي كمان و اخدت آسر و ركبت معاه سلمى.
آسر دخل العمليات و سلمى من الصدمه بقت قاعده مش حاسه بنفسها و مش بترد على حد و دموعها عماله تنزل على وشها زي الشلالات.
ملاك بعياط: سلمى ردي عليا علشان خاطري انتي كويسه.
سلمى مش بترد عليها ملاك خدتها في حضنها و هما لتنين عمالين يعيطوا.
شمس بزعيق و ماسكه مايا من شعرها و عماله تضرب فيها: انتي السبب في كووول ده ي وسخ*ه ي مريضه عقليا انتي لازم تروحي مستسفى المجانين انتي شيطانه و ضربتها بالقلم وقعتها على الارض.
يحيى: خلاص ي شمس اهدي كفايه هاتيها انا هعمل اللازم معاها و خدها و رماها في السجن.
شمس جالها تليفون.
شمس: الو.
يوسف: ازيك ي شمس.
شمس: الحمدلله وانت.
يوسف: تمام الحمدلله بكلمك علشان اعزمك على خطوبتي يوم…. الساعه 5
شمس بصدمه: أ… الف مبروك و قفلت الفون.
بعد مرور 3 ساعات و الكل كان قاعد على اعصابه و جوم اهل سلمى و ملاك و آسر.
و اخيرا طلع الدكتور.
محمود بسرعه: خير ي دكتور طمنا ارجوك.
بسمه: ابني كويس صح اتكلم ي دكتور قول حاجه.
سلمى قامت وقفت و عماله تعيط و تبص لمامتها و تلومها و تقولها انتي السبب انتي السبب.
الدكتور بأسف: للأسف…….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية القدر)
