رواية انا الشريره الفصل الخامس 5 بقلم نوران أحمد
رواية انا الشريره الجزء الخامس
رواية انا الشريره البارت الخامس
رواية انا الشريره الحلقة الخامسة
جميله ببرود : نزل سلاحك يا سيف متضيعش نفسك عشان كلام فارغ
سيف بعصبية : انا لازم اعرف اي اللي بيحصل هنا وانتي اي حكايتك بالضبط
جميله : طب مش الأولي نسأل الحلوه اللي واقفه هناك مين اللي اتهجم عليكي وليه واي حكايتك وانت سبت ابوك سنين لحد ما راح للي خلقه اي مبررك
مازن لهدي : يعني الاهم انك تقولي اسمك الحقيقي اي علي الاقل واي اللي جايبك هنا لوحدك وقرايبك عايزين منك اي
رانيا : اسمي رانيا وانا هربانه من أهلي في البلد
رن فون
جميله : ممكن تبعد البتاع ده عني بقا وتقعد عشان نعرف نتكلم انا محتاجه اني ارد علي الفون ده ضروري
مازن : خلاص بقا يا سيف اقعد خلينا نشوف اي الحكايه الملغبطه اللي دخلنا فيها دي
ردت جميله علي الفون بابتسامه : مش مشكله المهم انك نفذت سواء نجحت أو لا الخطوه التانيه قبل ما توصل لازم القصر كله يكون عارف سلام … اي بتبصولي كدا ليه هتكلم بعد ما استاذه رانيا تقول حكايتها وهتفهمو كل حاجه
رانيا بحزن : حياتي كلها اتغيرت اول ما اهلي راحو للي خلقهم وبقيت لوحدي انا واختي التؤام رنا جدي كان مصمم أننا نعيش معاه في برغم أن ابن عمي الكبير موجود معاه ومن هنا اتكسر بخاطرنا أمه كانت بتعاملنا زي الخادمات من وري جدي وابن عمي كان شديد وعصبي ومينفعش اصلا نتكلم في حضوره رنا اختي كانت خوافه طول عمرها اما انا كنت بسايس اموري وامشي مع الموجه ابن عمي حبني وجدي قرر أننا نتجوز سمعت أمه بتقول أنه هيتجوزني بس عشان اكون تحت أيديهم وفلوس ابويا تكون في حضنهم متطلعش بره فهمت وقتها ليه كان ابن عمي التاني الصايع عماد كان بيلاغيني ولما عرف اني خلاص هتجوز ادهم خاف وقال يدخل علي رنا الغلبانه عرفت انهم عايزين ياخدوا السبوبه اللي ورانا وبيبيعونا مثلت علي ادهم اني بحبه بس رفضت اعيش حياتي كدا اسمع الكلام وبس ولو معملتش كدا اتضرب واتهان قررت اهرب وهربت يوم فرحي وجيت المكان ده ابويا كان بيحبه اوي مازن ممكن اتصل بيها اطمن عليها حاسه اني خونتها وسبتها للعذاب لوحدها وهي بريئه بس كان لازم تتعلم وتكبر وتعرف تتصرف لوحدها
جميله : برافو عليكي رقم واحد في النداله وش البراءه ده مش عليا تاني اعتقد دلوقتي ممكن نكون صحاب
مازن : بقولك اي انا مش شايف حد ممكن يكون هنا ابشع منك واكيد ليها مبرراتها الا بقولك اي يا رانيا انتي اي اكتر حاجه بتحبيها
رانيا ببرود : النوم
مازن بابتسامه : طيب اي هواياتك ليكي في الرقص ولا الكتابه بقا والروايات المجنونه والجو ده
رانيا : هواياتي النوم
مازن : بتعملي اي في الإجازات والايام الفاضيه عندك
رانيا : النوم
مازن : اي لزمتك أو مهاراتك اللي شاطره فيها في الحياه
رانيا : النوم لوقت طويل طول الوقت تقريبا
مازن بغضب : انتي هتفضلي تتكلمي بالشكل ده كتير هو مش واضح اني زفت بحاول اتعرف ومعجب متبقيش بارده بقا يا شيخه ده الهم ده يا ربي يوم ما ابص لوحده تبقا كدا انا دافعت عنك قدام المتوحشه دي راعي شويه
جميله : شكلك بقا وحش اوي استفدت اي من الهبل اللي بتعمله ده وألزم حدودك عشان متشوفش الوحش الحقيقي دلوقتي
رانيا : هو انا عملتلك حاجه يا ابني انت جاوبت علي كل اسئلتك عايز اي تاني
سيف بغضب : انا اللي عايز اعرف اي علاقه أمي بكل الهبل اللي بيحصل ده عايز تتعرف غور انت وهي في داهيه مش ناقصه اخلصي قولي اي حكايتك واي علاقتك بابويا
اتنهدت جميله وقالت بحزن : مع اول نور ليا في الحياه اتولدت معايا بنت اخويا انا من عيله أرستقراطية ميسوره الحال اغنيه يعني والعادات والتقاليد ونظره المجتمع لينا وفضيحه العيله من اي كلمه ممكن نقولها أو شكل مظهرنا كل ده مهم جدا لدرجه اننا ممكن نتعاقب لو في غلط في أسلوب الكلام حتي لو بسيط
رانيا : يعني غنيه وسايبه اهلك وجايه المكان البسيط ده انتي متاكده انك طبيعيه حد يسيب أهله بردو يا بنتي
مازن : ما شاء الله عليكي شوفو مين بيتكلم ما الحال من بعضه يا اوخا ولا انتي علي راسك ريشه
سيف بعصبية : اتلم يا جدع واسترجل شويه واخرس خلينا نشوف اي الحوار ده
جميله : العيله والاهل بالنسبه لناس كتير هما الامان والراحه بس بالنسبه ليا أنا ف كانو سبب دمار حياتي كانو السبب في حالتي دلوقتي انا اتولد وحشه جدا عكس اللي شايفينها دلوقتي وبنت خويا كانت جميله جدا بدأت معاناتي من اهلي قبل الناس طول عمري وحيده في اوضتي مفيش حد قريب مني ولا حنين عليا غير امي بدأت المدارس وكنت بروح بس بنت خويا كانت دائما معاها صحاب وتعمل مش عارفاني وعلي الغدا مكنتش بقعد معاهم زي اي عيله طبيعيه علشان شكلي بيسد نفسهم حسب كلامهم لحد ما وصلت للثانويه
فلاش باك
كنت قاعده بسرح شعري في اوضتي ودخل ايهاب اخويا
ايهاب بسخريه : ايش تعمل المشطه في الوش العكر واللهي مهما عملتي هتفضلي بالشكل ده بشعه طول عمرك في ضيوف تحت اتمني متقرفيش الناس وتسدي نفسهم وتنزلي
جميله : مكنتش هنزل علي اي حال يعني ده الطبيعي ومينفعش تتكلم كدا علي خلقه ربنا انت مش بتعيب فيا كدا انت بتعيب في خلق الله
ايهاب : بقولك اي مش ناقص فلسفه فارغه اه صحيح انا شيلت ورقك من الثانويه كفايه عليكي دراسه لحد كدا
جميله بحزن : ليه كدا يا أبيه انا بطلع الأولي كل سنه مع أن حضرتك رافض اني اروح المدرسه عشان شكل العيله ميبقاش في ضرر عليه ولا حد يقول إن العيله جابت مسخ بشع ورافض انك تخليني اخرج حتي للجنينه ولا اكل معاكم حرام عليك تعمل كل ده فيا وانا معملتش حاجه انت هتعمل كدا مع رهف بنتك بردو
ايهاب : اسم بنتي ميتجبش علي لسانك ابدا انتي فاهمه وبعدين اوعي تقارني نفسك ببنتي دي جوهره العيله وجمالها بيبهر كل الناس عكسك تماما عايزاني اوافق تعملي تعليم وتتفوقي وتدخلي طب زي ما بتحلمي وقتها لازم تروحي تدريب عملي في مستشفيات ولازم تروحي الكليه والناس تعرف انك من عيلتنا عايزه الناس تقول علينا اي أما تشوفك في تاريخ عيلتنا كل اللي اتولدو كانو قمه في الجمال ومعروفين بجمالها عايزه كل اللي تعبنا فيه طول السنين يتهد عشان شكلك البشع ده خليكي قاعده في البيت احسن
جميله بدموع : بس انا من العيله مهما حاولت تنكر وتبعدني عمر الحقيقه دي ما هتختفي ابدا
ايهاب : العيله كلها متبريه منك ومش طايقينك اللي مصبرنا عليكي بس أن امك لسه بصحتها اول ما تروح للي خلقها هنطردك بره القصر ده ولحد ما ده يحصل عيشي كانك فار مش عايز حد يشوفك ولا يعرف بوجودك انتي عار لعيلتنا وو
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية انا الشريره)
