رواية لا تتحرك اتجاه الكذب الفصل السابع 7 بقلم بسبوسة
رواية لا تتحرك اتجاه الكذب الجزء السابع
رواية لا تتحرك اتجاه الكذب البارت السابع
رواية لا تتحرك اتجاه الكذب الحلقة السابعة
الظابط:السلام عليكم حمد الله على سلامتك تقدرى تتكلمى وتقولى اللى حصل؟
بصت ادا ل فارس بتوتر اومأ لها فارس انها تقول
ادا:ايوه هقدر
قعد الظابط وجنبه المساعد بتاعه بيكتب اقوالها
الظابط:تمام ومحمد ده هيتجاب ان شاء الله متخافوش
فارس:شكرا
مشى الظابط وخرج فارس ومعاه ادا ساندها
تميم:هنروح؟
فارس:ايوه
وصلوا البيت قعدت ادا بتعب
ادا:راسى بتوجعنى اوى
بصلها فارس وقال:ليكى دوا وفيهم مسكن هجيبلك مياه تشربي وهتبقى كويسه
دخل فارس جابلها مياه واداها الدوا واخد تميم دخله اوضته وساعده يغير هدومه عشان دراعه المتجبس
فارس:يلا ياتميم عشان تنام
تميم:انا خايف انام لوحدى
بصله فارس بحيره وجاتله فكره
فارس بخبث:خلاص هنام جنبك هدخل اغير هدومى واجيلك ننام سوا
ابتسم تميم بفرحه:اوكى يلا
دخل فارس اوضته غير هدومه وطلع من الاوضه تحت نظرات ادا اللى مشالتش عينها من عليه ؛قعدت ادا حوالى ساعه تستناه يجى لكنه مجاش غيرت هدومها بصعوبه وتعب وقامت تشوفه فتحت باب اوضه تميم لقت فارس واخد تميم فى حضنه ونايمين ؛بصتله بحزن وفهمت انه مخاصمها ومش عايز ينام جنبها
ادا بهمس:اووف
طلعت من الاوضه سمعت صوت موبايلها مسكته كان رقم محمد فتحت عليه
ادا بعصبيه:هااا عايز اى
محمد:حمد الله على سلامتك
ادا بغضب:انت حيو’ان كنت هتموتنى وتميم كمان اتأذى بسببك
محمد ببرود: انتى عارفه كويس اوى ان تميم ميهمنيش وانتى كمان متهمنيش بس انك تتجوزى ويبقى ابنى معاكى دى اللى مش هسمح بيها
ادا بقرف:انت انسان مقرف وانا بلغت عنك البوليس مش هيسيبك
ضحك محمد بصوته كله وقال ببرود:ابقى سلميلى على البوليس انا سافرت
ادا بغضب:ماتغور فى ستين داهيه المهم تبعد عننا انا بكرهك عمرى ما كرهت حد قدك كدا
محمد:خلى بالك بقا من تميم الايام اللى جايه دى..كمل كلامه بخبث..ومن نفسك سلام يامدام
رمت ادا فونها على السرير بغضب:حيواااان
عند محمد..
اشرف صاحبه:اما انت مبتحبهاش لا هى ولا تميم بتجرى وراها لى وبتطاردها؟
محمد بغل:كرامتى اهم من اى حد انت عايز تميم يحب الواد اللى متجوزاه ده ويكرهنى انا
اشرف:اللى بتعمله ده اخرته مش كويسه
محمد بشرود:دى مفهمه تميم انى ميت انت متخيل
بصله اشرف ب قله حيله
محمد:يا هخطفها يا هخطف تميم وهتشوف
اشرف قام وقف:لااا بقا انت اتجننت عارف انت بتقول اى
ولع محمد سيجارته ببردو ومردش عليه
____________________________________________
فى الصباح
صحت ادا مسكت فونها لكن فتحت عينها بصدمه وهى لاقيه الساعه ٨ ونص
ادا قامت بسرعه:يالهوى حضانه تميم
طلعت من الاوضه خبطت فى فارس اللى داخل من باب الشقه
ادا:اااه دماغى
مسكها فارس بقلق:انتى كويسه مش تمشى براحه
ادا:تميم أتأخر على الحضانه ف كنت..
فارس بمقاطعه:انا وصلت تميم الحضانه
ادا:ايي!وديته الحضانه طب ايده؟كان لازم افهم المس انه مش هيعرف يكتب
فارس ساب ايدها:فهمت المس كل حاجه ادخلى كملى نوم
بصتله بإحراج:احم فارس ممكن نتكلم؟
فارس ببرود: مفيش حاجه نتكلم فيها
ادا بغضب:لا فى فيه انك لازم تفهم كل حاجه
فارس بعصبيه: الحاجه الوحيده اللى انا فاهمها انك كدابهه
ادا:مش من حقك تقول كده قبل ما تفهم
فارس:افهم افهم اى
ادا:انى اضطريت اكدب على تميم واقوله بباه مات عشان ميسألنيش عنه
فارس: انا مش فاهم حاجه
ادا:هفهمك تعالى ورايا هوريك كل حاجه..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لا تتحرك اتجاه الكذب)
