رواية ابن خالتي الفصل الثاني 2 بقلم هبة غنيم
رواية ابن خالتي الجزء الثاني
رواية ابن خالتي البارت الثاني
رواية ابن خالتي الحلقة الثانية
حمد الله علي سلامتك يا نور عيني
_جدو! هو في اي ؟! ايه المحاليل دي كلها ؟
_كدا يا حبيبه تخوفيني عليكي
حبيبه افتكرت للحظه كل ال حصل
_أ…. احمد فين يا جدو ؟
_احمد برا كان بيجيب حاجه وجاي تاني
_جدو انا مش عايزه اشوفه عشان خاطري متخليهوش يرجع معانا البيت
_هو اي ال حصل يا حبيبه بس ل كل دا
_اساله اساله يا جدو اهو دخل اهو
_حمد الله علي سلامتك يا بوبا
_متقوليش زفت ،هو انت ماشي تضرب في الناس كدا وخلاص
_م انتي كنتي واقفه مدايقه يا حبيبه أنه بيكلمك ف جيت لحقتك
_وانت ماالك انت مين انت عشان تيجي تتكلم نيابه عني واي ال جابك اصلااا
_انا غلطان اني جيت عشانك يا ستي
_ايوا غلطان
_ م بس يلا انت وهي هو انا قاعد في وسطكم اييي م تتلم يلا كدا ،اهدي يا حبيبه انت كمان انت لسه فايقه
_معصبني يا جدو مبيفهمش هو مبيتفاهمش بيضرب بس
_بس بقا انا ساكتلك من الصبح عشان تعبانه
_هتعملي اي يعني
_م بس بقا يلاا من وانتم عيال وانتم قط وفار مش هتكبرو ابدا بس علي راي المثل القط ميحبش الا خناقه
الاتنين بصوت واحد بزعيق
_ جدووو
ضحك الجد وضحك احمد وراح شد كرسي وقعد جمب حبيبه
_حقك عليا انا غلطت
_اه غلطت
_ياستي اهدي خليني اعرف اقول كلمتين بدل البكابورت ال هيطفح في وشي دا
قرب احمد من حبيبه ومسك ايديها
_بحبك يا حبيبه والله انت اختي بجد مش عايز ازعلك ابدا كنت خايف عليكي
حبيبه زعلت اوي من الكلمه دي بس لاول مره متبينش وردت عليه
_انت اخويا يا احمد وعمرك م هتكون اكتر من كدا ،بس مش عايز اشوف خلقتك في بيتنا اليومين دول
_بدات تاني اهي
_ قوم يا احمد شوف الدكتور خليه يقولنا هنمشي أمتي خليها تريح شويه بقا في البيت
رجعت حبيبه البيت مع جدها ووصلهم احمد بالعربيه
_عايز اقول حاجه بس
_قول
_انا لو مببتش عندكم هنا هبات في الشارع علفكره يرضيكي ؟!
_اه قوم روح يلا انت قعدت كتير هنا كدا
_معلش يا حبيبه بيت جدي بقا اقعد يا جدو ولا اروح ابات في الشارع حرامي يطلع عليا ولا حد شارب حاجه واموت بقا ومحدش يحس بيا بقا ويسرقوا اعضائي ياااه
_طول عمرك بتعيش الدور يلا
_يا حبيبه انت عارفه شقته كلها عُمال دلوقتي عشان بيجددوها خليه هنا عشان ميتبهدلش هناك بس لو قولتيلي لا هقوله يمشي عادي المهم انت تبقي مرتاحه
_ انا قولتلكم محدش بيحبني في العيله دي انت محظوظه يا ست حبيبه يعني اني انام في الشارع ولا في سرير دا واقف علي كلمه منك
ضحكت حبيبه
_عشان خاطرك بس يا جدو هنسيبه هنا يومين مش هيحصل حاجه
_كتر خيرك يا حبيبه يا بنت خالتي
قال أحمد الكلمه دي وقام جري عشان عارف أن حبيبه بتدايق منها
تاني يوم بليل صحيت حبيبه علي زعيق في البلكونه وأحمد كان بيتخانق في الموبايل
_هو انت بتستهبلي اي ال انتي بتقوليه دااا؟! انتم عجبكم كدا يعني هتروتاحو يعني خلاص انتم احرار اتفقوا علي الانتم عايزينه ، اي القرف دا
قفل احمد الخط وقعد في الأرض مش قادر ياخد نفسه احمد عنده مشاكل في التنفس مش بيقدر ياخد نفسه ساعت العصبيه ،حبيبه جريت عليه بتحاول تلحقه
_ احمد احمد فوق معايا بصلي بصلي في عيني بصليييي،،خد نفس ها براحه براحه بخاختك فين؟؟
شاور احمد علي شنطته وحبيبه قامت جري وادتهالها ورجع يتنفس طبيعي
_هجيب مايه واجي
جابت حبيبه المايه وشربت احمد ب ايديها لانه مكنش قادر يمسك الكوبايه
_انت كويس ؟
_ااه ،انت طلعتي بتخافي عليا اهو
_يا اخي حتي وانت بتموت م بتريحش هقوم واسيبك
مسك احمد ايد حبيبه وقعدها جمبه ع الأرض
_استني بس انا لحقت ،انا مريض حسي بيا
_ليه الزعيق دا كله يا احمد ؟ليه بتوصل نفسك للمرحله دي ؟انت هتفضل كدا كتير ؟
_حبيبه انا تقريبا فركشت دلوقتي ف متزوديهاش عليا
حبيبه شهقت من الصدمه
_اييييه !! انت بتهزر مش كدا ؟! انت عبيط يا ابني حد يسيب حد زي اميره ! كانت كويسه اوي يا احمد ليه كدا ؟
حبيبه مأنكرتش أنها كانت فرحانه من جواها بس في نفس الوقت كانت بتتكلم بجد اميره حد جميل اوي ليه كل دا حصل
_علي اساس انا ال سبتها يعني هي ال سبتني يا حبيبه
_انت كنت بتحبها اوي ؟
_اتكلم بجد ؟
_ياريت
_انا منكرش أن في فتره كبيره اوي كنت غرقان في حبها بجد بس دا ميمنعش أن المشاكل علطول بينا يا حبيبه هي مكنتش بتحتويني
_مش يمكن هي ال عايزاك تحتويها ؟!
_طب هي عايزه وانا عايز وبعدين ؟!هي بجد مكنتش بتقدرني علي اي حاجه بعملها انا مستغرب اصلا ازاي بعد دا كله هي ال بتقول دلوقتي نلغي ؟!
حبيبه احنا كان فرحنا قرب اوي
_خير يا احمد هتعدي والله ربنا يعوضكم …
فضل احمد وحبيبه قاعدين في البلكونه لحد م ناموا علي نفسهم هم الاتنين لحد الصبح
دخل الجد عليهم الصبح
_ الله الله ،وجمع بينكما في خير
صحيت حبيبه مخضوضه لقت احمد ساند علي كتافها ونايم ومش حاسس ب اي حاجه
_جدو! هفهمك استني بس ،قوم يلا انت كمان يخربيتك ودتني في داهيه
_هو في اي ع الصبح كدا
ضحك الجد وسابهم يكملوا خناقهم وخرج
_انت ايه ال نيمك علي كتفي ياض انت
_انا اعرف ياستي م انتي نمتي انت كمان
_يووووه ،قوم يخربتيك هنقول ل جدك اي
خرج احمد وحبيبه وقعدوا يفطرو مع جدهم
_مقولتليش يا واد يا احمد كانت نومه حلوه ؟
حبيبه اتكسفت اوي وبصت في الأرض
_ايه يا جدو بقا م تصلي ع النبي م انت عارف ال فيها قوم معايا بس عايز اقولك حاجه ….
قام احمد مع جدو وحكاله علي ال حصل بليل وأنه المفروض كدا فركش مع اميره
_وبس والله معرفش نمنا ازاي
_انا عارف يلا كل دا
_ايييه! انت مكنتش نايم ؟
_لا صحيت بالليل سمعت دوشه عندكم لقيت حبيبه معاك ف اطمنت عليك وسبتها معاك ،اوعي تخسر حبيبه يا احمد ،انت ال هتخسر مش هي
_انا معملتش حاجه يا جدو والله تزعلها
_هو انت يا احول يا احول ،انت سايب كل الحلو ومش شايفه فتح عينك يا احمد وبص كويس بيفوتك كتير …..
ساب الجد احمد وخرج يكمل فطار مع حبيبه واحمد رجع قعد معاهم
بعد شهر من نقير حبيبه واحمد كل يوم وخناقات تقلب ب ضحك في الاخر
_هتاكلينا اي النهارده ؟
_مش مأكلك حاجه ،مش انت قولت امبارح المكرونه بتاعتي وحشه ! مش هتطفح معانا النهارده
_بصراحه اتكلم بجد ،بعيدا عن الهزار انا كنت بنكشك بس امبارح بس هي كانت احلي مكرونه كلتها في حياتي
_بتهزر !
_والله لا ، دا يبخته
_م تتلم يلا
_حبيبه عايز اخد رايك في حاجه ؟
_خير يارب ،
_بصي ،انت عارفه اني بقالي شهرين مسافرتش وانا حياتي كلها سفر وانا مش متعود علي القاعده ويمكن السبب ف اغلب مشاكلي مع اميره كانت في السفر ،بس بم أن كل واحد راح ل حاله أنا قدامي فرصه سفر ل الامارات والمره دي العقد سنه اوافق ؟!
_انت بتاخد رأي ليه ؟هو مش دا شغلك هقولك اي ربنا يوفقك
_يعني انت مش زعلانه اني همشي ؟
_هه ازعل ؟!انت نسيت نفسك ولا اي يلا دا انت حي الله ابن خالتي اي ال هيزعلني تروح بالسلامه
_طيب يا حبيبه انا نازل ……
حبيبه مسكت نفسها من العياط قدام احمد واول م نزل انفجرت دخل جدها عليها لقاها منهاره
_اي يا حبيبه قلبي مالك بتعيطي ليه م توجعيش قلبي عليكي
حضنت حبيبه جدها وفضلت تعيط من غير ولا كلمه
_احمد عملك حاجه ؟؟قوليلي بس والله هظبطهولك
_احمد مسافر يا جدو !
_هو قالك !
_انت كنت عارف ومقولتليش !
_السفر دا جاله من وهو في السفريه ال قبل دي واول م نزل مصر قالي واخد راي بس هو فضل يأجل لحد دلوقتي هو مأجل اصلا وفي ايده يلغيه هو مش محتاجه
_طب وانا يا جدو ؟
_انت بتحبي احمد يا حبيبه بجد ؟
حبيبه فضلت تعيط ومردتش
_لو عايزاني اقنع احمد بأنه ميسافرش هقوله
_لا لا ،مش عايزاه يعمل كدا ،هو الصح أنه يسافر دي حياته وانا مليش دعوه بيها ربنا يوفقه ،انا هنام يا جدو سيبني ارتاح شويه
خرج جدها من الاوضه وفضلت حبيبه تعيط لحد م نامت …..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ابن خالتي)
