رواية العشق الأبدي الفصل السابع 7 بقلم إسراء خليل
رواية العشق الأبدي الجزء السابع
رواية العشق الأبدي البارت السابع
رواية العشق الأبدي الحلقة السابعة
سارة :ماما يا ماما
عفاف :إيه
ساره فستاني البيج فين يا ماما
عفاف :بيج اية
ساره :فستاني البيج إللي كان علي الشماعه
جوه
عفاف : آه المقطوع ده ده أنا خدتو عملتو حته
مطبخ كان مقطوع هتاخديه تعمليه بيه إيه وهو
مقطوع
ساره بصدمه :مين ده اللي مقطوع يا ماما انتي
خدتي فستاني عاملتيه حته مطبخ
عفاف :الله مانا قولتلك كان مقطوع البسي اي
حاجه تانيه يعني من قله الفساتين جاية تلبسي
فستان مقطوع
ساره بجنان :مقطوووع اية يا ماممااااا ده هو
موضته كده ده لسه جديد حرام عليكي يا ماما
دانا كنت بحبه حراااااام وسابتها ودخلت الاوضه
عفاف بصتلها بصدمه :يابنت المجنونه
مسك كانت في الشركه
سمير :مسك يلا عندنا حفله سبوع بليل
مسك :إيه ده مش المفروض يبقى قابلها
بشهر على الاقل
سمير :هما ماكنوش هيعملو بس عاملو فجاه
أنا قولت للناس وابتدت تجهز و يلا بقى علشان
نلحق
مسك :طيب يلا وخرجو
عند عزيز عمل مكالمه
عزيز :الو إزيك يا دكتور التحاليل هتطلع أمته
الدكتور :لسه يا عزيز بتاخد وقت شويه
عزيز :لو سمحت يا دكتور حاول تطلعها بسرعه
الدكتور :حاضر يا عزيز بليل تعالى خده
عزيز بفرحه :تسلم يا دكتور شكرا إن شاء الله
بليل هكون عندك
الدكتور :تمام يا عزيز يا سلام
عزيز :مع السلامه
مديحه كانت قاعدة في جنينه القصر سراج
شافها راح ليها
سراج :قاعدة كده ليه يا مديحه
مديحه من غير ما تبص ليه :قاعدة عادي هو حرام
أقعد فى الجنينه لو مش عجباك هخش
سراج :إيه ده في إيه أنا قولت اية علشان تقولي
كل ده مالك يا مديحه
مديحه :مليش خالص أنا زي الفل إنت كويس
سراج بسخريه :كويس يا مديحه كويس آوي
وسابها ودخل جوه
مديحه بصتله وبعدين رجعت بصت قدامها تأنى
عند سماح وعطيه
سماح بغضب :البت دي لازم تتربي والله لاربيها
عطيه بعصبيه :اما مكليش دعوه بيها أنا هتصرف
معاها
سماح بغضب :تتصرف معاها إزاى يا سبع البرمبه
يا دكر اشحال ماهي ضرباك بالشبشب في وسط
الشارع و قدام الناس كلها يا أخويا البت دي
عايزه ست زيها تعمل معاها السليمه أنا هأجر
ليها ستات تخلي وشها ميبنش بس تستني عليا
عطيه :اما لو جيتي جمبها أنا أللى هقف قصادك
قولتلك أنا أللى هتصرف وهكسر عينها كمان
بس إستني عليا
سماح وهي بتعمل بوقها يمين وشمال : أما
أشوف يا أخويا والله يا عطيه لو متصرفتش
معاها هوريك و هوريها كتكو القرف وسابته
ودخلت جوه الاوضه
عند مسك راحو المكان اللي فيه السبوع
سمير :يلا يا مسك روحي المكان ده بسرعه
اعملى الديكور وأنا هروح هنا عايزين ننجز قبل
العصر علشان الناس مستعجله
مسك :اوف يعني هما اللي قايلين متأخر وكمان
مستعجلين أنا مشوفتش كده
سمير بضحك :معلش خليها عليكي
مسك :يلا إحنا بنعمل حاجه غير إننا بتخليها علينا
هههه
سمير ضحك وهي سابته ومشيت
عند عزيز
بيكلم أبوه في التيلفون :يابابا يا حبيبي سيبها
براحتها وهي هتصفا لو حدها هي شافت كتير
منك ومن حقها انها تاخد فتره راحه
سراج :أنا زهقت يا عزيز مبقتش عارف أعملها إيه
بحاول اراضيها بكل الطرق وهي بتعاملني وحش
عزيز :بابا خلينا واضحين انا لو مكنتش سمعتك
وإنت بتتكلم مكنتش هترجع بنتها هي ساكته
كل ده خوفا منك وإنت يا بابا في قراراتك
معندكش رجوع بس خلاص أنا مش هتكلم
تآني لحد بنتها ما ترجع المهم دلوقتي منه
عايزه تطلع رحلة مع صحابها وهنخلي احمد يروح
معاها إيه رأيك
سراج :خليها تعمل أللى عايزاه يا عزيز أنا دماغي
مش فيا
عزيز :طيب تمام هقولها تروح
سراج :ماشى يلا هروح أشوف ورايا اية
عزيز :تمام سلام
سراج :سلام
عند عفاف
كانت وقفه فى المطبخ بتعمل الاكل خبط الباب
راحت فتحت الباب لاقيت طارق زميل سارة
في الشغل
طارق باحراج :سلام عليكم يا امي
عفاف :وعليكم السلام يا بني انت مين
طارق :احم أنا طارق زميل ساره في الشغل
عفاف :آه أتفضل يا بني خير
طارق :احم أنا بص كنت عايز ساره في حاجه تبع
الشغل لأني عمال أتصل علي تليفونها وكان
مقفول
عفاف : آه أصلها كسرت الخط يا حبيبي ولسة
مجبتش خط جديد تعالى خش هخش اندهالك
تعالي أتفضل
طارق دخل باحراج وقعد علي الكنبه شويه
وسارة طلعت ليه
سارة :طارق إزيك اخبارك اية..
طارق بأبتسامة :الحمدللة يا سارة انتي عامله ايه
ساره :تمام بخير الحمدلله خير في اية فى الشغل
طارق :الحقيقة هو مش شغل ولا حاجه انا كنت
جاي أحذرك من سامر بس
ساره :ليه ماله الزفت ده
طارق :إمبارح معدي من قدام مكتبه سمعته
بيتكلم مع حد في التليفون وبيقولو حاول
أطلعها من البيت وإنت تيجي وتنفذ على طول
وبعدين كلم نفس الحد تقريبا وقالو ردت مره
وفضلت اتصل كل شويه مكنتش بترد وبعدين
التليفون اتقفل خالص هو فى حد اتصل بيكي
سارة :آه ماهو علشان كده أنا كسرت الخط
علشان مكنتش عايزه وجع دماغ
طارق :طب خلي بالك من نفسك علشان سامر
شكله مش هيسيبك وأنا هبقي معاكي وجمبك
مش هسيبك بس خلي بالك وانتي خارجه وخدي
بالك من إللي حواليكي كويس وهاتي خط
جديد محدش يعرفو وأنا هبقي متابع سامر
علشان اشوف اخره اية علشان لو أقل بأصله
هبلغ عنه بس هبقي مسجله طبعا
ساره بغل :إبن ال والله لاطلع عينه متشكرة
جدا يا طارق إنك نبهتني أنا مش عارفه اقولك
ايه
طارق بأبتسامه صافيه :متقوليش حاجه يا ساره
ده وجبي طيب استأذن أنا ولو في أي جديد
هبقي أكلمك
ساره :إستني طيب أقعد أشرب حاجه
طارق : معلش انا متأخر عندي كام مشوار كده
تتعوض مره تانيه ان شاء الله
سارة بأبتسامه :إن شاء الله نورتني
طارق ابتسم :بنورك مع السلامه
ساره :سلام ونزل طارق ساره قفلت الباب
وجايه تلف اتفاجأت بامها وراها
سارة بخضه :ااه بسم الله الرحمن الرحيم إيه يا
ماما ده
عفاف بسخريه :ماما دانتي اللي ماما كان عايز
ايه المحروس ده
ساره :مفيش حاجه في الشغل وسالتها ودخلت
الاوضه
عفاف : شغل وهو جايلك مخصوص علشان
الشغل أقطع دراعي إن ما كان فى حاجه كده و
لا كده ماشى يا بنت بطني وراكي وراكي يلهوى
الملوخيه وجريت علي المطبخ
عند مسك كانت خلصت الديكور
مسك بارهاق :اوف الجو حر آوى
صوت من وراها :أوه هو القمر بيطلع بالنهار
ولا إيه
مسك لفت وراها وقالت :أفندم بتقول اية
انت
الشاب بإعجاب : يلهوى على القمر إيه الجمال
ده ممكن نتعرف
مسك بضيق :لو سمحت احترم نفسك واتفضل
امشي من هنا
الشاب :أمشى من هنا ليه يا ماما ده بيت اختي
واقف فى الحته اللي تعجبني
مسك :تمام همشي أنا وجاية تمشي
الشاب مسك أيدها وهي كارده فعل اديته
بالقلم وجريت
الشاب اتصدم وحط أيده علي وشو وقال :
يانهار ابوكي اسود والله لاوريكي بقي انا
شهاب رفعت أضرب منك آنتي ماشي يا بنت ال
بصلها بتوعد
جه الليل وعزيز الدكتور اتصل عليه علشان يروح
ياخد التحاليل
عزيز :دكتور التحاليل فين
الدكتور :أتفضل يا عزيز التحاليل أهو
عزيز بفرحه :تمام متشكر جدا يا دكتور وخرج
من عند الدكتور بسرعه يروح لعربيته علشان
يفتح التحاليل يشوف النتيجه قبل ما يفتح
ومش وأخد باله عربيه جاية بسرعه كبيره
خبطت عزيز عزيز وقع على الارض غرقان في دمه
و التحاليل وقعت جمبه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية العشق الأبدي)
