رواية همس الآسر الفصل الخامس 5 بقلم الكاتبة الصغيرة
رواية همس الآسر الجزء الخامس
رواية همس الآسر البارت الخامس
رواية همس الآسر الحلقة الخامسة
اسر بص لهمس بصدمة وكان مركز علي عيونها وهي اتوترت من نظراته لها ومش فاهمة هو في اي
آسر بصدمة : انتي
همس : هو حضرتك تعرفني
قرب شريف منهم وحط ايده حوالين همس وحضنها وبص لاسر بابتسامة
شريف : اعرفك دي مراتي همس ودا يبقي اسر صاحبي
كان اسر لسة في صدمته لسة لانه مش مصدق ان البنت اللي حلم بيها كتير اوي ومكنش بينام بسببها موجودة قدامه
همس : اهلا بحضرتك
اسر بصلها ومتكلمش ودا اللي خلاها تتوتر اكتر
اسر : طب انا هستأذن لاني عندي شغل الف سلامة عليك ي يحيي
مشي اسر بسرعة من غير ما يسمع ردهم ودا زاد من استغرابهم واول ما خرج بعد شريف عن همس ورجعت نظراته المعتادة لها
مركزتش همس مع اللي حصل وقربت من سرير يحيي وفي ايدها الماية وفتحتها له
همس : خد اشرب
يحيي : اي دا انتي عرفتي ازاي اني عطشان
شريف : اصلها بتفهمك اوي
يحيي : انت تقصد اي
شريف : مفيش انا خارج
خرج شريف من الاوضة وساب يحيي اللي متعصب من كلامه لانه فاهم اخوه يقصد اي بص لهمس اللي كانت حزينة
يحيي : متزعليش نفسك عشانه
همس : انا مش زعلانة
يحيي : متخبيش عليا ي همس اقعدي جمبي
سمعت همس كلامه وقعدت علي السرير جمبه متستغربوش انها قريبة منه لانه هو كان صاحبها من قبل ما تكون مرات اخوه وهو السبب في انها اتعرفت علي شريف
يحيي : انا حاسس بالذنب اوي
همس : ليه انت عملت اي
يحيي : لاني السبب في اللي انتي عايشاه وحساه وهكون السبب في ان حور متعش حياتها زي اي طفلة طبيعية
همس : انت بتقول كدة ليه ي يحيي
يحيي : انا مش هنسي اني كنت السبب في انك اتعرفتي علي شريف لو مكنتش عرفتك عليه مكنش زمانك في حالتك دي
همس : انت ملكش ذنب في حاجة وبطل كلامك دا عشان مزعلش كل اللي بيحصل للواحد هو قدره يعني انت مش السبب وبعدين مالها حالتي ما انا كويسة اهو
يحيي : كويسة ازاي ي همس دا انتي مكنتيش بتبطلي ضحك كانت الابتسامة منورة وشك دايما والكل كان بيحسدك علي كدة
همس : انا خلاص ي يحيي اتاقلمت علي حياتي دي انا بقالي سنين علي نفس الحالة وصابرة لاني مليش غيركم
يحيي : اقولك حاجة ي همس بس متفهمنيش غلط
همس : قول ي يحيي
يحيي : اطلبي الطلاق
همس : انت ايه اللي بتقوله دا
يحيي : ايوة انا بقولك تتطلقي منه وبعدها تشتغلي وتحققي كيانك زي ما كنتي تتمني انتي طول ما انتي معاه مش هتتقدمي بالعكس بترجعي لورا
همس : انا مقدرش ي يحيي وخصوصا ان في ما بينا بنت وهي اللي هتتمرمط وانا مش هقدر اربيها لوحدي
يحيي : انا موجود هفضل معاكي لحد ما تستقري وامورك تبقي تمام انتي اختي ي همس متنسيش
همس : اللي فيه الخير ربنا يقدمه
******************************
عند اسر كان قاعد في مكتبه وكل تفكيره في همس ومش مصدق انه لقاها وانها طلعت حقيقية لانه كان مفكر انها من خياله وانصدم لما عرف انها تبقي مرات صاحبه
اسر : طب هي بتظهرلي ليه وهي كانت بتطلب المساعدة ليه انا حاسس ان في حاجة غلط في الموضوع ولازم اعرفها حتي لو دا هيكلفني كتير اوي
سمع صوت خبط علي الباب ودخلت السكرتيرة تعرفه بوجود بنت برة عاوزة تقابله سمح لها بالدخول دخلت البنت واول ما شافته حضنته
البنت : وحشتني اوي ي حبيبي
بعد اسر عنها بسرعة وبصلها بغضب شديد
اسر : انتي جاية تعملي اي هنا
البنت : لقيتك مبتسالش قولت اجي انا اسال
اسر : مش انا قولتلك رجلك متعتبش باب الشركة دي قبل كدة
البنت : انت شكلك زعلان من وجودي
اسر : جاوبي علي سؤالي
البنت : ايوة
اسر : يبقي اي اللي خلاكي تيجي هنا
البنت : وحشتني ومشوفتكش من زمان
اسر : بقولك اي انا فاضيلك خدي بعضك واطلعي برة الشركة دي
البنت : اسر انا مش هسمحلك تعاملني كدة انا سكتت كتير بس مش هقدر اكتر من كدة
اسر : وانا مش هاممني كل اللي بتقوليه دا
البنت : علي فكرة دا مش اسلوب تعامل بيه خطيبتك واللي هتبقي بعد شهور قليلة مراتك واسمها من اسمك
******************************
عند شريف كان قاعد وعلي اعصابه ومكنش طايق حد ودودو قاعدة جمبه ومش فاهمة في اي
دودو : هو انت مش ناوي تقول انت اي اللي مزعلك واللا هتفضل كدة
شريف : دودو ابعدي عني دلوقتي انا مفيش فيا دماغ تتحمل اي كلمة من حد
دودو : هو انت دايما تجيلي متعصب ومش طايق مني كلمة وانا بحاول اني اخفف عنك
شريف : انا ماشي
دودو : لا خلاص انا اسفة انا بس كنت عاوزة اعرف ايه اللي مزعلك
شريف : هحكيلك وتسكتي بعدها
بدأ شريف يحكيلها وهي انصدمت من اللي بيقوله ومقدرتش تسكت
دودو : هو انت خلاص اتجننت ازاي تفكر كدة في مراتك واخوك حتي لو مبتحبهاش
شريف : انا متاكد ان في حاجة انتي لو شوفتي معاملتهم لبعض
دودو : انت الكلام معاك حرام
بصلها شريف بغضب ومردش عليها وهي لسة لحد دلوقتي مش مصدقة انه بيتهم اخوه بحاجة زي دي
*******************************
كانت لينا قاعدة في مكتبها الجماعي مع الموظفين لحد ما سمعت حد بينادي باسمها بصت بسرعة لقت صاحبتها اللي شغالة معاها
لينا : زينب في اي بتنهجي كدة ليه
زينب : المدير عاوزك بسرعة
لينا : ليه
زينب : معرفش بس هو متعصب اوي
لينا : طب ماشي هروحله
مشيت لينا من المكتب وهي متوترة من طلبه ليها خبطت ودخلت له
لينا : طلبتني ي فندم
المدير : اقعدي ي لين
قعدت لينا علي كرسي وهي خايفة من هدؤه اما هو بصلها بغضب
المدير : تقدري تقوليلي كنتي واقفة مع الشاب اللي هناك دا ليه
لينا : شاب اي ي فندم
المدير بعصبية : لين متتغابيش عليا وانطقي
لينا : دا زميل ليا في الشغل وعادي اتكلم معاه وبعدين انا كنت بتكلم معاه قدام الكل
المدير : هو كان زميلك من دلوقتي لا
لينا : وليه كدة
المدير : اظن دا قراري انا لوحدي
لينا : لا مش قرارك انت لوحدك ي سيف انت مش من حقك تدخل في حياتي
سيف : لا حقي ونص انتي ملكي واقدر اعمل اللي عاوزه
لينا : انا مش ملك حد انت فاهم وانا حرة في كل تصرفاتي بدال انا مبعملش حاجة غلط انت فاهم واللا لا
سيف : صوتك ميعلاش والا قسما بالله لهقطعلك لسانك دا
لينا : انا مش هسكت ابدا وبقولهالك ابعد عن حياتي وخليك في حياتك
سيف : ………..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية همس الآسر)
