رواية العشق الأبدي الفصل السادس 6 بقلم إسراء خليل
رواية العشق الأبدي الجزء السادس
رواية العشق الأبدي البارت السادس
رواية العشق الأبدي الحلقة السادسة
مسك خلصت شغل وروحت البيت اتفاجأت
بشبشب بيطير قدام وشها وللأسف ضرب فيها
مسك بوجع :آه عيني
عفاف بغضب :بقى يا بنت الجزمه مقعداني كل
ده وأقول البت بقت شاطره بتعرف تطبخ
تقومي تحرقي الاكل يا بنت العبيطه
ادعي عليكي بااااااااايه
سارة بخوف :ياماما إنتي السبب انا مش قولتلك
تخلي بالك من النار لحد ما اخش أخد دش انتي
السبب مش انا
عفاف بعصبيه : بترميها عليا يا بنت الهبله
الناس تخلص الاكل تاخد بالها منه ولما يخلص
تشوف إللي وراها بس انتي بنت عبيطه انتي
عارفه والله بركه ان سامر خلص منك
ساره بردح :دانا اللي خلصت منه الخاين النتن ده
ده يا اختي دانا اللي اترحمت منه ثم تعالي هنا
مش وجبك كام إنك تساعدي بنتك ولا اية هاااا
عفاف :وطي صوتك يا بت بدل ما ارميكي نن
البلكونه
ساره بلعب حواجب وابتسامه : متقدريش
عفاف حدفتها بالشبشب تأنى وهي وطت وهي
بتضحك
مسك :في إيه يا خالتي عفاف
عفاف :تعالي يا بنتي شوفتي بنت الهبله دي
حرقه الاكل ومش مكفيها لا دي بجحه كمان
أنا مشوفتش كده
مسك :وانتي حرقتي اية يا سارة
سارة بلا مبالاه :عادي يعني تلاته كيلو بتنجان
على نص كيلو فلفل وكرنبتين ومعاهم فرختين
بسيطه مش كده
مسك فتحت بوقها بصدمه وبصت لعفاف أللى
.
ابتسمت كده 😊 زي ما يكون بتقولها دوقي
من إللي دوقتو
مسك :يا نهارك إزرق حرام عليكي يا شيخه حرام..
ده أكل بالشي الفلاني هناكل إيه إحنا دلوقتي
عفاف هتتجلط:هو آنتى همك ناكل إيه ومش
همك النعمه إللي راحت في أبو بلاش دي
مسك :هي منها لله طبعا وربنا هيحاسبها بس أنا
جعانه دلوقتي اقولكو هعزمكو على كباب
وكفته
عفاف بسخريه :منين يا دلعدي
مسك بفخر :من المكافأه إللي خدتها إمبارح في
عيد الميلاد و وبعدين فتحت عينها بصدمه :عيد
الميلاد فستان منه.
عفاف :منه منه مين
مسك حكتلها
عفاف بخضه :يخربيتك مش تخلي بالك يا بنتي
افرض كان حصلك حاجه الحمدلله ربنا سترها
مسك :الحمدلله المهم دلوقتي انا هنزل أجيب
الاكل وبكره بقى ان شاء الله هبقي أروح اودي الفستان لمنه
عفاف :بس يا بنتي دي فلوسك
مسك :إيه يا حاجه إحنا بينا الكلام ده أسكتي
أسكتي سلام
عفاف ضحكت :سلام وبعدين بصت لساره بشهر
: تعالي بقي
ساره صرخت وجريت وعفاف جريت وراها
مسك نزلت تآني
شافها عطية :إللي نزلك تآني يا ست البنات
مسك نفخت ومسكته من التيشرت بتاعه
بعصبيه :ولا هو إنت مراقبني في اية دانا ولا
المرشد انا مش عارفه اشم نفسي ارحمني شويه
سبني أشم نفسسسسسسسي إنت عايز اية
قولتلك جواز مش هتجوز ولو إنت آخر راجل في
العالم مش هتجوزك فاهم وغور من وشي بقى
بدل ما اطبقلك قرعتك دي
عطيه جاب أخره :انتي سايقه العوج علينا ليه عايز
يا اختي في إيه اومال لو كنتي حلوه شويتين
كنت عاملتي إيه بتتني و تتفردي علينا ليه ده انا
عايز
اتجوزك علشان اشيلك من الفقر إللي آنتي فيه
واحمدي ربنا إني راضي اتجوزك وإنتي ولا ليكي
اب ولا ام يعني مقطوعه يا اختي والله واعلم
امك سابتك ليه زمان يمكن قرفت منك ومن
طريقتك دي
مسك بغضب ووطت مسكت الشبشب:بتكلم
مين كده يا عره الرجاله يا أبو حفيظة إنت يا إبن
الدجاله دانتو كلو بيخاف منكو يا عيله يا دجاله
يا نصابه يا بتوع العفريت والله لانا مورياك
كلاكيت تآني مره ومسكت الشبشب وفضلت
تضرب فيه
سماح طلعه على زعيق : في إيه في اية يا نهارك
اسود اوعي يا بت سيبي الواد نهار ابوكي اسود
مسك :لا لحد أبويا واستوى تعالي انتي كمان
ومسكت سماح حطتها حنب ابنها وفضلت
تتضرب فيهم هما الاتنين وهما الاتنين بيصرخوا
تحت أيدها
عفاف فوق :بسم الله الرحمن الرحيم إيه الزعيق
. ده
ساره :دي خناقه يا ماما
عفاف حدفت عليها المعلقه :مانا عارفه انها خناقه
يام العوراف تعالي نشوف في اية
بصو من البلكونه شافه إللي مسك بتعملو
ساره من البلكونه بتصفر :اوووه برافو عليكي
يا بت يا مسك اديهم بتوع العفريت دول جدعه
يا بت مسك مسك مسك مسك هيييه مسك
عفاف :يانهار اسود يابت اخرصي يخربيتك
يا مسك يا بنتي سبيهم مينفعش كده
مسك :ولو ولو يا خالتي عفاف لازم اربيهم
عفاف :يابنتي خلاص كفايه كده مبقوش نافعين
مسك بعدت عنهم و بصت ليهم برضا نوعا ما
من شكلهم :بقولك اية يلا انا وامك الحربوقه
دي لو فكرت تيجي جمبي تآني و تمسني بكلمه
اقسم بالله هبلغ عنكم آنتو الجوز فاهمين
يلا غور اطلعو علب بيتكو ومشوفش وشكو
ولو شوفتونى معدية تغورو في أي داهيه
فاهمين يلا يلاااااااااااااا
عطيه وسماح قامو بسرعه وهما بيسندو على
بعض
سماح بغل :ماشي يا مسك والله لاوريكي
مسك :اعلي ما فخيلك اركبيه يا بتاعه الأعمال
سماح بصتلها بغل وخدت ابنها وطلعت
وبعدين مسك راحت علشان تجيب الاكل
في قصر عزيز
مديحه قاعده فى الاوضه
سراج: مبسوطة كده يا هانم إنك عصيتي إبني عليا
مديحه :أنا معصيتوش يا سراج عزيز بيعمل أللى
إنت مردتش تعملو ابنك عندو رحمه غيرك يا
سراج اية اللى مزعلك
سراج بعصبيه :إيه اللي مزعلني إيه اللي مزعلني
يا هانم إنك خليتي ابني يعرف حاجات مكنتش
عايزو يعرفها بس إزاى لازم تخلي أبوه قدامه
هو شرير القصه مبسوطه كده انتي صح
عزيز دخل : أكيد يا بابا انا مقدرش اعصاك
بس يا بابا حط نفسك مكانها لو مراتك غير
ماما مديحه وقالتلك مش عايزه ولادك هيبقي
ايه إحساسك ساعتها
سراج كان ساكت
عزيز ابتسم :شوفت متخيلتش حتي الموقف
اومال إللي عاشته. بابا ياريت زي ما إنت حنين
معانا كده هتفرق كتير معاها لأنها يتيمه الاب
شوفت من مجرد ما امنا ماتت جبت واحده.
مش حسستنا بعدم وجود الام على فكره
أنا كنت بحب حنيتها عليا و بحب طريقتها
معايا وببقي مبسوط بس برضو كنت بعند إني
لسة مش متقبل إن حد يجي ياخد مكان أمي
بس كنت غلطان لأنها طلعت أحسن ام علشان
خاطري يا بابا لو بتحبنا حب بنت ماما مديحه
زينا أعملها حتي جزء من المعروف ده وبص على
مديحه لاقها بتعيط
عزيز وشوش سراج : طب بزمتك مش صعبان
عليك دموعها دي
سراج بص لمديحه وحن عليها ابتسم وراح عليها
سراج بيمسح دموعها : دموعك غاليه عليا
مش عايزه اشوفها تآني وحقك عليا يا عمري
كله بنتك هتبقى فى حضنك وأنا بنفسي هدور
عليها ومش هيعدي الاسبوع ده غير وهي في
حضنك
مديحه بصتلو واتفتحت في العياط سراج حضنها
جامد وهي زادت فى العياط زي ما يكون
صعبان عليها نفسها من إللي عملو فيها.
عزيز باصص عليهم بأبتسامه وبعدين قال فى
سرة :ياتري انتي فين يا مسك
عند مسك خلصو أكل ودخلو نامو
تأنى يوم الصبح مسك قامت بدري وراحت
على القصر وكانو هما قاعدين بيفطرو
مسك باحراج :سلام عليكم
كلهم :وعليكم السلام
مديحه :تعالي يا حبيبتي عامله اية اقعدي افطرى
معانا
مسك :شكرا انا لسه واكله منه خدي الفستان
بتاعك أهو وأسفه إني مجبتهوش إمبارح كنت
مشغوله والله
منه :برضو يا مسك نفذتي إللي في دماغك.
مسك بضحك :معلش بقى عنيده قولتلك يلا عن
اذنكم
عزيز :تعالي يا مسك اشربي معانا حاجه ومش
عايز أعذار يلا
مسك :بس
عزيز :يلا يا مسك
مسك : حاضر
مديحه :تعالي يا حبيبتي اقعدي جمبي.
مسك اتوترت وراحة قاعدة جمبها وكانت مرتاحه
جدا إنها قاعده جمب أمها والغريبة إن مديحه
برضو حاسه براحه غريبة و حاسه انها قريبه
منها اوى
عزيز كان باصص لمسك بطريقه غريبه
بعد ما مسك شربت العصير سابت الكوباية
وقامت :أنا هستاذن أنا علشان عندي شغل
عزيز :ماشي يا مسك اتفضلي
مسك :مع سلام
كله :سلام ومسك مشيت
عزيز دخل المطبخ ولحسن حظه مكنش في
أي خدامه في المطبخ راح مسك الكوبايه أللى
مسك شربت منها وحطاها فى كيس وحطاها
فى جيبه ومشى
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية العشق الأبدي)
