رواية يمنى والياس الفصل الرابع عشر 14 بقلم زهرة الربيع
رواية يمنى والياس الجزء الرابع عشر
رواية يمنى والياس البارت الرابع عشر
رواية يمنى والياس الحلقة الرابعة عشر
الياس برق بدهشه شديده..ويمنى ضربت على المكتب بغضب وقالت بطريقه اشبه بالردح…نعممممم
لميس وقفت بعصبيه وخوف من نظرات يمنى الي كانت بتحرقها وقالت…ايه ده..ايه ده..فيه ايه انتي ازاي بتكلميني كده انتي متعرفيش انا مين
يمنى بصت لها بخنقه ولاول مره عايزه تضرب حد قالت بضيق..لا عارفه انتي مين انتي الي شكلك متعرفيش انا مين انتي هنا في شركة الصياد الكلمه الاولي في السوق كلو يعني اتكلمي باحترام احسنلك واحسن لشغلك
لميس بلعت ريقها بخوف وقالت …هو انا قولت ايه لكل ده هو انتي زعلتلي ليه انا بقولك عايزه الموظف ده وهديكي النسبه الي كنتي عيزاها واترفضت واكتر كمان وانتي تقدري توظفي اي حد غيره
يمنى قالت بضيق وهيه بتقلدها …طب متوظفي انتي حد غيره
لميس قالت …لا مهو انا مش عيزاه موظف..انا زي ماانتي عارفه عندي شركة ازياء وهنعمل عرض قريب ومحتاجين عارض جديد لموديلات الصيف والياس هينفعني موت لانو فوتوجنيك خالص وجسمو جميل
يمنى عنيها طلعت شرار وكانت هتتكلم الياس مسك ايدها من عند المكتب وضغط عليها وشاور لها براسو بمعنى هيتكلم هو
يمنى قعدت تاني بضيق والياس قال بابتسامه تسحر..اتفضلي ارتاحي يا هانم اطلبلك ليمون
لميس كانت بتبصلو قوي قالت…يا ريت الجو حر موت
يمنى تمتمت بضيق وقالت ..اللهم طولك يا روح..
الياس سمعها وكان عايز يضحك قال… طبعا يا لميس هانم عرضك جميل جدا وانا اتشرف اوي طبعا بس يعني انا مدير المكتب هنا والشغل كلو عليا وانتي عارفه ان اليومين دول فيه شغل كتير ولسه بقى يمنى هانم هتدور على حد تاني يتعلم من جديد ..وبص ليمنى قاصد يوصلها رساله وكمل..بس انا اوعدك ازا حبيت امشي من هنا هكون عند حضرتك اكيد وبصلها بنظره جميله وقال…ممكن كارت بقى
لميس انبهرت بيه وبكلامو وقالت بسرعه…اه طبعا وادتو كارت وقالت…فكر تاني يا الياس صدقني هنقلك نقله تانيه وهتبقى العارض الاساسي
الياس بص ليمنى الي كانت هتتشل حرفيا وقال..اكيد هفكر عن اذنكم انا بقى معايا شويه شغل هبعتلك اليمون واسبكم تخلصو شغلكم الياس خرج وسابهم يكملو واول ما طلع قعد على الكرسي بسعاده وكان مبسوط جدا بغيرتها عليه
عند منير راح يشوف معتز واول ما فتحلو قال..اهلا بأخويا الصغير الي ديما منكد عليا اتفضل ادخل
منير دخل وابتسم باستهزاء وقال…كويس انك فاكر اني اخوك يا معتز
معتز حط ايده على وشو لان منير ضربو جامد اخر مره وقال..فاكرطبعا مش شايف وشي ولا ايه كل يوم بيفكرني بيك
منير اتنهد وقعد وقال…سيبك من الي فات يا معتز خلينا في الي جاي
معتز قال بسخريه….وايه بقى الي جاي
منير قال …انا هتجوز تسنيم ويمكن الاسبوع ده وعايزك تبقى موجود في الفرح عايز اخويا الكبير يقف جمبي في جوازي قلت ايه
معتز كان مصدوم من الي بيسمعو سكت شويه وبقى يضحك بقوه وقال ..لا والله اجي اققف معاك اممم والعروسه هتحب تشوفني واقف معاك ولا ايه النظام وكمل كلامو بغضب مرعب وقال …انت مجنون ملقتش غير دي تتجوزها فوق يا منير البنت دي واخوها لازم نحاول نخرجهم من حياتنا مش نربطها بيهم اكتر وبعدين انت الف مين تتمناك تاخد واحده زي دي ليه
منير قال …ومالها تسنيم احسن من اي بنت من الاف الي يتمنوني
معتز قال بغضب…دي بنت وسخه كانت ديما توقعني وبتمثل انها بتحبني وجاتلي شقتي وانا لوحدي و
هنا بقى منير ضربو قلم قوي وقال بغضب…فوق لنفسك يا معتز ومتكدبش الكدبه وتصدقها انا اكتر واحد عارف ايه الي حصل وليه انت متخبي هنا زي الفار من يوم الي عملتو بس متقلقش انا مش واطي زيك الياس ميعرفش حاجه عن الي كنت هتعملو انا كدبت عليه وقلتلو انك قابلتها بصدفه هيه وطالعه عند زميلتها وكنت بتهزر معاها بس على فكره انا كدبت عليه علشانو هو علشان ميضيعش مستقبلو بدم واحد زيك اما انت حلال فيك الحرق يا ابن ابويا انا مش عارف انت ازاي اخويا كنت شايفني بحبها قولتلك ابعد عنها بس كملت ولا كأنك تعرفني وكنت هتضيعها لولا وصولي.. ونزلت دموعو وقال… ليه يا معتز ليه دانا اخوك
معتز قرب منو وقال بهدوء…يا منير..يا منير يا حبيبي انا عايز مصلحتك قبل مصلحتي افهم يا حبيبي انت عارف يمنى ورثت قد ايه من عمك عارف جدك كاتب لها قد ايه يا منير يمنى بتملك مليارات وانت شفت بعينك انا مخلتش طريقه علشان اتجوزها طلبتها في الاول قالتلي انت اخويا وراحت حبت الاهبل الي اسمو يوسف ويا ريتو حبها وبعد كل الي حصل معاها وبعد سمعتها الي بقت نيله برضو طلبتها ورفضت وراحت اتجوزت الهلفوت الي اسمو الياس ده ولو متصرفناش هيلهفها هيه وفلوسها كلها افهم بقى
منير قال باستغراب..انت مش طبيعي بجد انت مستكتر عليها فلوسها طب كنت حط نفسك مكانها بنت فتحت عنيها لقت نفسها يتيمه الاب والام وفكر في كل الي حصل معاها من خمس سنين بلاش كل ده فكر في انها بنت عمك يعني انت ترضى ان حد يعمل كده مع شرين بس انا بتكلم مع مين انت مش بتفكر غير في نفسك زي امك وابوك الي سيبنا كاننا ملناش اهل علشان يسافرو من مكان لمكان ويعملو فلوس ومشاريع سايبين اولادهم واحد بقى مريض نفسي والتانيه دايره على حل شعرها وانا خلاص مبقتش حابب اعيش اصلا دلوقتي معنديش هدف الا تسنيم وهتجوزها يامعتز ولو عايزني مقولش لجدك ولالياس على الي حصل تحضر الفرح بادبك علشان محدش يشك في حاجه والاهم من كده لما اتجوزها وتبقى معايا ملكش دعوه بيها قسما عظما اققتلك انا من غير ما احسب اي حاجه فاهم
منير كان بيتكلم بغضب وطريقه ترعب خلت معتز هز راسو بسرعه وقال فاهم…فاهم
منير مشي ومعتز كان هيتجنن بقى يكسر كل حاجه حواليه واتصل على صاحبو وقال…الو ايوه يا زفت اسمعني كويس منير هيتجوز اخت الياس يعني تسنيم مبقتش تفيدنا هنتجه للخطه البديل
صاحبو…يعني هنعمل ايه يعني
معتز قال بخبث …اول حاجه انا هعمل ولو فشلت هستعين بصديق
صاحبو …والله انا بقلق من دماغك يعني هتعوزني معاك في خطتك مش كده هعمل ايه بقى
منير قال بابتسامة ومكر…انت كل خطتي اصلا بس زي ما قولتلك هعمل محاوله الاول لان الطيب احسن بس لو باظت هيجي دورك وهتعمل كالاتي …………………
عند يمنى كانت خلصت الصفقه وقاعده في المكتب هتتجنن من كل الي حصل فضلت رايحه جايه وحاسه بغيره رهيبه الياس خبط ودخل وقال…طلبتيني يا هانم
يمنى قربت عليه وقالت بغضب ..ايه عجبتك الهانم قوي كده مشلتش عينك من عليها وقدامي كمان
الياس قال…اولا هيه الي كانت بتبصلي ثانيا ايه قدامي دي احنا مش متفقين ان مفيش بنا حاجه وانتي قولتيلي شوف حياتك
يمنى قالت بغضب…وتشوف حياتك مع دي..
الياس قال قاصد يغيظها…اشوف حياتي مع الي يدخل مزاجي انتي مالك بكده بقى هتدخلي في دي كمان وبعدين ينقصها ايه دي..دي حتى معجبه بيا
يمنى قالت بغيظ… من ناحية معجبه فهيه معجبه وهتاكلك بعنيها المبرقه دي انا مشوفتش بجاحه بالشكل ده ابدا
الياس ضحك وقال…لا وهيه وطالعه قالتلي انها حبتني قوي وادتني رقمها الخاص غير الي في الكارت وعيزانا نتقابل باليل لوحدنا يعني الشيطان تالتنا
يمنى برقت وقالت بقلق…و..وانت مش هتروح مش كده
الياس كان مبسوط وطاير من شكلها وغيرتها قال…مش عارف..اروح..مروحشي..محتار اديني رأيك
يمنى بعدت وقالت بعصبيه وانا مالي براحتك
الياس قال…يعني اروح طيب عن اذنك بقى… وكان هيمشي بس اتفاجأ بيمنى جريت وحضنتو من ورا وقالت ..متروحش يا الياس متروحش انت ملكي يا الياس ملكي انا لوحدي انت ليا واحد من املاكي مش هسيبك لحد تاني
الياس ابتسم بسعاده وبصلها وقال… ولوان مفاهيمك كلها غلط لاكن اتقدمتي خطوه وده كويس
يمني قالت باستغراب… مفاهيمي غلط يعني ايه
الياس قال بابتسامه جميله..يعني انا مش واحد من املاكك يا يمنى انا معنديش مانع اكون ملكك بس ممكن تقولي انت كل املاكي يا الياس او اغلى املاكي مثلا لاكن واحد من املاكك..تؤ قليل قوي ميرضنيش
يمنى قالت ..اولا انك تكون كل املاكي دي بعيده قوي وانك تكون اغلاها ابعد ثانيا انا مش عيزاك تروح علشان غروري مش اكتر مينفعش تكون متجوزني انا وتعجبك البتاعه دي فبلاش عقلك يصورلك حاجه تانيه
الياس ضحك قوي وقال…تمام..انا على العموم مش هروح لاني طالع مع واحده تانيه باليل
يمنى بصتلو بدهشه وقالت..واحده تانيه مين دي كمان
الياس ضحك وقال..لا متقلقيش واحده اموره قوي وبموت فيها اوي اوي
يمنى ابتسمت بكسوف وقالت…ومين قلك هخرج معاك اصلا
الياس قرب وقال..قلبي قلي.. وكمل بمرح..وجيبي كمان اصلي قبضت انهارده وقلت لازم اطلع انا وانتي نشوف فيلم سوا وممنوع ترفضي اصلا لاني ممكن اخطفك لو مروحتيش بالذوق
يمنى ضحكت وقالت موافقه..بس يعني..الفلوس الي معاك مش شويه يعني انا كنت متغاظه منك وكنت بخصملك كتير
الياس قال…لا من النحيادي متقلقيش الفلوس دي شويه بالنسبالك لاكن بالنسبالي كتيره قوي قوي وضحك وقال اصلك متعرفيش كنا عايشين بكام على العموم سيبك من كل ده انا رايح لتسنيم لانها اخيرا وافقت على ابن عمك هتكلم معاها وهفضل مع بابا شويه وهعدي على العياده اشوف العمال اصل النهارده اجمل يوم في حياتي البنك وافق على القرض كده هكمل كل الي ناقص وهفتح العياده قريب قوي هتبقى مرات الدكتور الياس غانم انبسطي بقى
يمنى بقى مكانتش متفاجأه خالص ليه بقى..اانها هيه الي كلمت مدير البنك علشان يوافق على قرض الياس لانو مكانش موافق لعدم وجود ضمنات كفايه بس يمنى اقنعتو بس مرضيتش تقول لالياس لانو مش بيقبل مساعده منها
بصتلو و ضحكت وقالت..تمام يا دكتور الف مبروك بس هنزعل انك مش هتكون معانا في الشركه
الياس قال…انا كمان هزعل لاني هقضي نص اليوم بعيد عنك بس هعوضك ديما متقلقيش
يمنى كانت بتحب كلامو والاعجاب الي في عنيه بس دايما في حاجه بتمنعها تقربلو قالت…انت خلاص يعني بقيت جوزي رسمي يلا بطل تحلم وروح شوف الي وراك
الياس قال تمام..انا ماشي دلوقتي بس ولا يكون عندك فكره قريب قوي هبقى جوزك رسمي وغمز لها
يمنى حدفتو بالملف وقالت بغضب مصتنع..امشي يا الياس
الياس ضحك وقال خارج اهو بس على الساعه تسعه تكوني جاهزه اكون خلصت كل الي معايا وجتلك جري
الياس خرج ويمنى قعدت على الكرسي وابتسامتها مش مفرقاها حاسه بسعادة الدنيا كلها طلعت هيه كمان وراحت القصر بتتمنى الليل يجي بسرعه ويطلعو سوا
بس اول ما وصلت كان معتز قاعد مع جدو ويمنى دخلت وزي العاده متجهلاه تماما قالت…اذيك يا جدو عامل ايه
حامد قال…كويس يا بنتي فين الياس مرجعش معاكي
يمنى قالت..لا يا جدو راح عند اهلو بس هيجي باليل علشان هنخرج انا وهو هنحضر فيلم ونيجي
حامد ابتسم بسعاده وقال..ربنا يهنيكم يا قلب جدو
يمنى قالت امين…عن اذنك هطلع فوق اريح وابقى انزل بعد التنضيف اصل المكان مغبر شويه تقصد معتز …ولسه هتطلع معتز قال بصوت عالي…فعلا المكان مغبر ومليان كدب ولعب بمشاعر الناس البسيطه واستغلالهم
يمنى وقفت وبصتلو بصدمه مش عارفه تتكلم كلامو بيقول انو عرف بحكايتها مع الياس قالت بتوتر تقصد ايه
حامد قال..ايوه يا معتز ايه قصدك بالكلام ده
معتز قال …اسأل حفيدتك الغاليه يا جدي الي ضحكت عليك وعلينا ومخلياك تعيش احلام وهميه
يمنى كده اتأكدت انو عرف قالت بقلق وغضب… معتز خلينا نتكلم بره لو سمحت
حامد قال بقلق…لا مش هتروحو مكان فيه ايه يا معتز اتكلم بسرعه ومن غير الغاز تقصد ايه
معتز اتنهد وقال..حاضر يا جدي الي اققصدو ان يمنى ضحكت عليك ولما قالتلك انها متجوزه مكانتش لسه اتجوزت الياس وكمان اتجوزتو غصب عنو وهددتو واخدت منو بيتو ورمتلو ابوه العيان في الشارع وكل ده ليه علشان تخلص مني ومنتجوزش بس ملقتش وسيله انضف وبص ليمنى وقال..كرامتك سمحتلك يا بنت الصياد انك تتجوزي واحد غصب عنو لمجرد انو موظف غلبان تعملي فيه كده
يمنى كانت واقفه والدموع في عنيها من نظرات جدها قالت بتهته ..جدي هفهمك انا والله
حامد وقف قصادها بغضب مرعب وقال ..الي قالو معتز صحيح و ووووووووو
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية يمنى والياس)
