رواية قدري انت الفصل الخامس 5 بقلم سهيلة سعيد
رواية قدري انت الجزء الخامس
رواية قدري انت البارت الخامس
رواية قدري انت الحلقة الخامسة
درة : ههههههه 😆
( يعدي الوقت ، ف الكلية ، واقف عبدالرحمن مع صحابه ، يلمح ماس ماشية ، يقرب عليها )
عبدالرحمن : ايه مروحة ؟
ماس : اة
عبدالرحمن وهو بيمشي جنبها : معاكي العربية ولا اوصلك ؟
ماس : لا معايا ، تسلملي 😊
( تشوفهم دالا ، تفضل بصالهم )
عبدالرحمن : م تيجي تتغدي معانا انهاردة
ماس : ي بني م انا لسة سيباكم من كام ساعة ، مزهقتش مني !
عبدالرحمن : بتهزري انا ازهق منك ، اكيد لأ طبعاً ، لو عليا عاوزك عندنا كل يوم ♥️
ماس ب احراج : بكاش اوي انت 😅
عبدالرحمن : والله بجد مش كلام
( يطلعه من بوابة الكلية وناس داخلة ، يحط عبدالرحمن ايده ف ضهر ماس يبعدها عن الناس ، تتحرج ماس من لمسته وتمد شوية ف يشيل ايده ، تقرب ع عربيتها )
ماس وهي بتقف جنب عربيتها : عاوز حاجة ؟
عبدالرحمن : سلامتك ، مش جاية يعني ؟
ماس : لا معلش مش هقدر والله
عبدالرحمن : امممم
ماس وهي بتفتح باب العربية : باي
عبدالرحمن : باي
( تركب ماس وتشغل العربية )
عبدالرحمن وهو بيقرب ع شباكها : خلي بالك
ماس : اوك
( تمشي ماس ، يلف عبدالرحمن يلاقي دالا ف وشه )
دالا وهي بتربع ايدها : كرفتلك 🙂
عبدالرحمن : نعم !
( تبتسم ب سخرية وتمشي ، يبصلها ب استغراب )
عبدالرحمن : ايه بنت الهبلة دي !
( عند رغد ، ف مكتبها )
درة : عيد الحب قرب ، قرب قرب قرب 🥺
رغد : م خلاص ي اليسا ، قصدك عيد المحن 🙄
درة : اة عيد المحن ، مش ناوية تفرحينا بيكي ؟
رغد : هبهرك قريب
درة ب حماس : وربنا لو حصل ل اشرب الشركة كلها شرباااات 😃
رغد : ينهار ابيض ، للدرجة دي فاقدة فيا الأمل !
درة : نفسي اسمعلك عن قصة حب ، بقالي هنا ذيادة عن اربع سنين مشفتكيش بتتشاتي مع مندوب شحن حتى 🤷🏻♀️
رغد : ههههههه 😄
درة : انتي ومستر عمر برضو !
رغد : بس متفتحيش عيون الواد ، انا هتجوزه 🙄
درة : ههههههه 😆
رغد : بتضحكي !
درة : طبعاً ، دة انتي لو اخر بنت ف الدنيا مش هيقربلك ، انسي 🙅🏻♀️
رغد : ليه إن شاء الله ؟!
درة : ليه ايه دة انتي هتجلطيه قريب ، انا معرفش مستحملك ازاي !
رغد : مهو عشان بيحبني وهيتجوزني 😎
درة : ههههههه برضو 😂
رغد : ايوة ، ازاي اعيش حياتي وهو امه مش حماتي 🤷🏻♀️
درة : هههههه 😆
( تعدي الأيام )
*( نص شهر 1 ، سنة 2024 )*
( ف الشركة ، عمر ف مكتبه شغال ، يخبط باب المكتب وتدخل رغد وف ايدها كيسين )
رغد : صباحوووو 🚶🏻♀️
عمر : صباحو ايه احنا داخلين ع العصر !
رغد : جبتلك اكل معايا
عمر : امممم رشوة يعني عشان متكلمش ع التأخير 💁🏻♂️
رغد : بالظبط 😊
عمر وهو بيقوم : جايبة ايه ؟
رغد : شاورمااااا 😃
عمر ب زهق : ي بنتي ارحمي امي بقا ، اقسم بالله قربت اتكلم سوري من كتر الشاورما الي بتطفحهالي 🤷🏻♂️
رغد : هههههه ، اي خدمة 😂
( يقعده ياكله ويخلصوا )
رغد وهي بتقوم : هجيب بيبسي واجي
عمر : قلنا اييييه ❌
رغد : مسبيرو بطاطس 🙄
عمر : هههههه 😄
( تطلع رغد م المكتب وتقفله وراها ، تلف ولسة هتمشي تتجمد مكانها ، بالصورة البطيئة تقرب عليها بنت ، تتنحلها رغد من جمالها ، لابسة فستان بيچ سادة فوق الركبة بنص كم وهيلز بيچ وشعرها القصير مفرود عند كتافها والميكب المظبوط بالملي والوش المنحوت ، تبلع رغد ريقها بالعافية ، تقرب عليها البنت )
شمس : دة مكتب مستر عمر ، صح ؟
*( ملحوظة .. شمس بنت جميلة ، بشرتها خمرية ، عيونها عسلي ، شعرها اسود قصير عند كتافها ، طويلة وجسمها مظبوط ، عندها ٢٤ سنة ، من عيلة كبيرة اسم ومادة )*
شمس ب استغراب : ي انسة !
رغد ب ارتباك : اااا ايوة نعم أأمري ؟!
شمس : دة مكتب مستر عمر ؟
رغد : ايوة ، مين حضرتك ؟!
شمس : ممكن ادخله ، انا واخدة ميعاد
رغد ب ارتباك : تدخليله اة ، ااا هو مشغول حالاً 😬
شمس : ازاي وهما قالولي اطلع !
رغد : مين الجاموسة الي قالك كدة ؟!
شمس : نعم !
رغد : ااا اقصد مبيفهمش يعني ، مش يبلغني الأول اعمل حسابييي 🤷🏻♀️
شمس ب استغراب : تعملي حسابك ع ايه ؟!
رغد وهي بتبصلها من فوق لتحت : ع حاجات كتير اوي 🥹
شمس ب نفاذ صبر : طيب لو سمحتي قوليله شمس بنت اونكل طاهر برة !
رغد : لا سوري ، احنا مبندخلش ب الوسايط لأ 😊
شمس : وسايط ايه هو انا جاية اقدم ع وظيفة 🤷🏻♀️
رغد ب صوت واطي وهي بتضير وشها : لا يعني قمر وكمان دمها خفيف 🤦🏻♀️
شمس ب عدم فهم : ايه !
رغد : حضرتك دخلاله ب خصوص ايه ي بنت اونكل طاهر ؟
شمس : هو عارف ، لو سمحتي قوليله
رغد ب تنهيدة : طيب مفيش مفر ، هقوله حاضر 🙄
( ترجع رغد تدخل المكتب وتقفل وراها )
عمر وهو بيبصلها : لحقتي !
رغد : في عارضة ازياء برة عاوزة تقابل سيادتك 💁🏻♀️
عمر ب استغراب : عارضة ازياء !!
رغد : انا عوزاك تمسك نفسك ماشي ، انت اقوى م الي هتشوفه دة ☝🏻
عمر ب قلق : في ايه ي بنتي !!
شمس وهي داخلة : ايه ي عمر كل دة 🤷🏻♀️
عمر : شمس !
شمس : ليه التزنيبة دي !
عمر ب صوت واطي ل رغد : انتي هببتي ايه ، نورتيني والله 😊
( يقرب يسلم عليها )
شمس وهي بتسلم عليه : تسلم 👋🏻
عمر : اتفضلي
( تقعد شمس )
عمر ل رغد : شوفي الأنسة شمس تشرب ايه ي رغد
رغد ب غيظ وصوت واطي : وانا مالي انااا 🤷🏻♀️
عمر ب غيظ : اخلصييي 😬
رغد ب ابتسامة عريضة : تشربي ايه ي قمرنااا 😊
شمس ب استغراب : اي عصير فريش !
رغد ب صوت واطي : دة اكيد 🙄
( تقرب رغد ع الفون ترفع السماعة )
رغد : عم جميل ، هات واحد برتقال ع مكتب مستر عمر
( تقفل رغد وتقف قريبة منهم وتربع ايدها ، يبصولها )
عمر : طيب روحي انتي ي رغد !
رغد : لا لتعوز حاجة 🤷🏻♀️
عمر : لا مش هعوز ، لو عوزت هقولك 😐
رغد : اوك ، اوك اوك 😐
( تخرج رغد وتقفل الباب وراها )
شمس : عامل ايه ي عمر ؟
عمر : تمام والله الحمدلله ، انتي اخبارك ايه ؟
شمس : كله تمام
عمر : مكلماني من فترة وقلتي هتجيلي ف يوم ، طولتي اوي !
شمس : والله كنت مشغولة جداً الأيام الي فاتت ب افتتاح الشركة وكدة
عمر : صحيح ايه الأخبار ، خلصتي ؟
شمس : اة من كام يوم ، وبابا اقترح عليا إن اجيلك بقا عشان تفهمني الشغل ماشي ازاي 💁🏻♀️
عمر : بس كدة ، انتي تؤمري
شمس : تسلملي 🙂
( بعد شوية ، برة ، رغد واقفة عند المكتب بتتصنت ، تقرب عليها درة )
درة : بت !
( تتخض رغد وتبصلها )
درة : بتعملي ايه ؟!
رغد وهي بتتصنت تاني : اصبري بس 👂🏻
( وفجأة ، يتفتح الباب )
رغد ب ارتباك واحراج : شوفلنا ي بنتي النجار فين ، الأيد بايظة خالص 🤷🏻♀️
درة ب خضة : ااا حاضر هشوفه 😬
( يبص عمر ل رغد ب يأس )
عمر : نورتيني ي شمس
شمس : ميرسي ي عمر ، باي 👋🏻
عمر : باي 👋🏻
( تمشي شمس )
عمر : انتي مش هتبطلي حركاتك القارعة دي ، بتتصنتي ع الباب !!
رغد : انا ، انا ي بنتي كنت بتصنت ؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قدري انت)
