رواية العشق الأبدي الفصل الرابع 4 بقلم إسراء خليل
رواية العشق الأبدي الجزء الرابع
رواية العشق الأبدي البارت الرابع
رواية العشق الأبدي الحلقة الرابعة
عزيز بصدمه : مسك وجري عليها هو وسمير
وهي كانت بتصرخ وعزيز قدر يطفي النار بسرعه قبل ما تمسك في بقيت فستان مسك
عزيز وهو بينهج :انتي كويسه
مسك بخوف وجسم بيترعش :ا ا آه الحمدلله
منه قربت منها : انتي كويسه
مسك هزت دماغها
مديحه قربت منها : مش تخلي بالك يا بنتي افرد لقدر لله حصلك حاجه
مسك ضحكت من جواها بسخريه :خايفه عليا آوي انتي
وبعدين قالت :الحمدلله حصل خير
سراج قرب بصرامه :اتفضلي روحي لو مش قادره تكملي شغلك وخدي بالك من نفسك مره تانيه
مسك بصتله بكره : لا يا فندم أنا كويسه وهكمل شغلي عادي مفيش حاجه مجرد حادثه صغيره
سراج بعدم اهتمام :براحتك سبها وراح وقف مع ضيوفه
منه :تعالي اديكي فستان تآني تلبسيه بدل إللي أتحرق ده
مسك :لا يا منه شكرا أنا خلاص قربت أخلص عادي
منه :لا عادي اية يلا تعالي معايا
عزيز :روحي معاها يا مسك يلا
مسك :بس
مديحه :روحي يا حبيبتي متقلقيش منه نفس مقاسك وهتلاقي حاجه مناسبه ليكي
مسك بصتلها بهدوء :تمام وطلعت مع منه
عزيز بص عليهم وهما ماشين وحط أيده على صدره :اوف الحمدلله
خلص اليوم وكله روح وكانت مسك بتلم الحاجات هي وبقيت الناس إللي معاها خلصو وراحت لمنه
: إن شاء الله بكره هجبلك الفستان
منه :ياستي برحتك إحنا أخوات خليه معاكي آنتي خلاص بقيتي أختي لأني معنديش أخوات بنات تقبلي تبقي أختي
مسك بصتلها شويه وبعدين ابتسمت :طبعا
منه ضحكت بفرحه وباستها من خدها :تعرفي أنا مش متعوده أتكلم مع حد غير صحابي المقربين بس بس مش عارفه أنا حبيتك من أول ما شوفتك كأنك مني
مسك رفعت عينها ليها وبصتلها وبعدين قالت :القلوب عند بعضها يا حبيبتي انا كمان حبيتك كانك كانك اختي
منه ابتسمت ليها بحب
سمير :يلا يا مسك
مسك هزت راسها :أشوفك بكره إن شاء الله يا منه
منه :برضو مصممه
مسك ضحكت :معلش بقي انا عنيده سلام
منه :سلام
مسك مشيت
روحت البيت
لقت ساره قاعده بتاكل فشار
مسك :يخربيت الروقان
ساره :روقان إيه ياختي دانا مفسوخه
مسك :آه اذا كان كده ماشي وبعدين انتبهت بصدمه وقالت :نعم يا اختي م اية
ساره ضحكت بسماجه زي الضحكه دي 😁: آه فسخت خطوبتي من سامر
مسك بصدمه :ليه يا هبله
ساره بزعل حكيتلها
مسك بزعل عليها :معلش يا حبيبتي ربنا يعوضك خير ويجيلك أحسن منه الف مره
سارة : ان شاء الله وبعدين صرخت: قوليلي بقي عاملتي ايه في الشغل النهارده
مسك بخضه :يخرابي حرام عليكي إيه ده
ساره ضحكت :معلش احكيلى بقى
مسك بهدوء :مفيش كنت هولع
ساره فتحت بقها :ها
مسك ضحكت :اقفلي بوقك ده ياختي آه والله اليوم كان ماشي زي الفل وانا بطلع التورته شمعه من الشمعات وقعت عليا الفستان من تحت ولع طفو وبعدين انتي حوله مش شايفه اني بفستان غير اللي نزلت بيه
ساره خدت بالها من لبس مسك: تصدقي مخدتش بإللي المهم انتي كويسه حصلك حاجه
مسك ضربتها على دماغها :يعني لو كان حصلي حاجه كان زماني قاعده مع جنابك دلوقتي ما كان زماني تحت التراب دلوقتي
ساره :بعد الشر عليكي يا قلبي انشالله سامر وعطيه وأمه يارب
مسك بصتلها وضحكت :يارب وبعدين قالت بوجع :شوفت امي النهارده يا ساره
ساره بصدمه :بجد شوفتيها فين
مسك :في القصر إللي كنت فيه ماهي إللي كانت عيد ميلادها النهاردة بنتها إللي هي أختي تخيلي اني كنت في عيد ميلاد اختي وهي متعرفش حتي ماما لما شافتني معرفتنيش وقالت إن ده عيد ميلاد بنتها الوحيده كأنها مش حطاني في حسبتها
ساره بزعل عليها : معلش يا حبيبتي ان شاء الله كل حاجه هتبقي كويسه
مسك :مش باين اومال خالتي عفاف فين
ساره :ماما دخلت نامت تعالي احضر أكل أنا وانتى علشان أنا مكلتش وكنت مستنياكي
مسك :اشطا هخش أغير واجي
دخلت مسك غيرت وراحة قاعدت مع ساره فضلو يضحكو ويهزروا لحد ما غلبهم النوم ونامو مكانهم
تاني يوم الصبح
عطيه كان واقف على أول الشارع مستني مسك تنزل
عطيه :اوف اتأخرت ليه دي المفروض تنزل دلوقتي الساعه ١٢
سماح :برضو يا سبع البرمبه واقف مستني ست الحسن تتطل بطلتها ياخويا شوفلك حد شريك بدل إللي مدايقك علي دماغك كده
عطيه بغضب :اما انزلي من علي وداني انتي اللي مصحيكي أصلا
سماح بلويه بوق :صاحيه علشان أشوف خيبه الموكوس يا موكوس أفضل إنت كده اجري وراها وهي تركبك و تدلل رجليها ياض ياض اسمع كلام امك امشي ورايا هتكسب
عطية بزهق:يووه يا إما قولتلك لا مش هيحصل ويلا إطلعي بقي
سماح :برحتك وطلعت سماح وعظيم فضل واقف مستني مسك
فوق عند مسك كانت لسه هي و ساره نايمين
عفاف :يا نهارك اسود إنتي وهي قومو يا حيوانات اتأخرتو علي شغلكم
كان أول من فاقت مسك
مسك بخضه :احية الساعه كام
عفاف بسخريه :الساعه واحده يا اختي
مسك بفزع :إيه كام يانهار اسود وقامت جريت على إلاوضه
عفاف :وإنتي ياختي مش هتقومي
ساره :لا ياماما انا واخده أجازه
عفاف :ليه أن شاء الله يا عين أمك
سارة :عادي بريح
عفاف :بتريحي ولا علشان مش عايزه تشوفي سامر
ساره :يووه وليه السيره المعفنه دي يا ماما بس
عفاف :خلاث بدل ما انتي مش طايقاه روحي شغلك بقي
ساره :والله بجد واخده اجازه مش علشان الزفت بالعكس محتاجه ارتاح شويه أنا بقالي أسبوعين مخدتش أجازه
عفاف :طيب يا أختي هتتغدوا اية
ساره :سبيني انا اعمل الاكل النهاردة
عفاف :ماشى يا اختي هتعملى إيه
ساره :بيتزا
عفاف :ماشى قومي طيب نضفي معايا البيت
ساره :حاضر
عفاف بأستغراب :مزعقتيش المرادي يعني
سارة بضحك :لا المرادي مزاجي رايق و هساعدك واقولك أنا هعمل كل حاجه النهارده
عفاف بصدمه :ها
سارة ضحكت :معلش يا ماما الصدمه وحشه
عفاف :طب يلا قدامي بقى
ساره ضحكت ومشيت مع امها
مسك خلصت لبس ونزلت جري علشان تلحق تركب تاكسي عطية كان لسة واقف أول ما شافها جري عليها بلهفه
عطيه :ست البنات اتأخرتي ليه
مسك وهي بتجري :بقولك ايه مش ناقصه أمك هي دلوقتي سيبني في حالي تااااكس
التاكسي واقف ومسك ركبت بسرعه بعد ما قآلتله علي العنوان
عطية بص ليها وهي ماشيه بالتاكسي ونفخ بعد كده مشي وسماح وقفه في البلكونه بتضحك بسخريه :أخيه علي الرجاله
عطية بصلها بغضب ومشي
في القصر
كانت مديحه قاعده بتفكر في مسك ومش عارفه ليه حاسه ناحيتها بحاجه غريبه
جه عليها سراج :برضو بتفكري فيها
مديحه بخضه :لالا مبفكرش فيها ولا حاجه
سراج :مش عايز كدب يا مديحه أنا قولتلك تنسي بنتك دي نهائي
مديحه بدموع :حرام عليك يا سراج مش كفاية حرمتها مني السنين إللي فاتت أنا مش فاكره شكلها دلوقتي مش عارفه هي كمان فكرانى ولا لا أنا وقف اتجوزك علشان أخو جوزي اللب كان مبهدلني هو ومراته وكان نفسي أتجوز علشان أبعد أنا وبنتي عنهم لكن انت جيت غيرت كل ده مانا وقفت اني اتجوزك وإنت عندك ولدين كان ممكن اقولك ارميهم زي ما خلتني رميت بنتي ولولا إنك هددتني بيها مكنتش سابتها نفسى أعرف إنت مكنتش عاوزها ليه
سراج بعصبيه :علشان مكنتش عايز حاجه من ريحه صلاح صلاح أبويا كان دايما مفضلو عني
كان بياخدو معاه في كل مكان معان انا اللي ابنه كان كل ما عيني تبقى على حاجه ياخدها هو حتى انتي لما شوفتك وحبيتك هو نفس الوقت شافك وحبك بس هو أتقدم مني بخطوه راح اتقدملك رسمي واتجوزتيه ساعتها أنا انهرت
وفضلت حابس نفسي في أوضتي ٣ شهور علشان مكنتش عايز أشوف خلقته وقدر بقى انو مات علشان تبقى ملكي وبتاعتي علشان كده خدتك لوحدك بطولك مكنتش عايز حاجه منه تشاركني فيكي عرفتي ليه
مديحه :ياه للدرجادي طب انت مشكلتك مع صلاح الله يرحمه بنتي ذنبها اية تحرمها من امها ليه حرام عليك دانا بموت كل يوم وانا مش عارفه بنتي فين أبوس أيدك يا سراج عايز بنتي نفسي اشوفها
سراج بقسوه قرب منها :انسي ومش عايز اسمع كلام في الموضوع ده تآني فاهمه وبعد عنها جاي يلف قدامه شاف
سراج بصدمه :عزيز
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية العشق الأبدي)
