رواية العشق الأبدي الفصل الثالث 3 بقلم إسراء خليل
رواية العشق الأبدي الجزء الثالث
رواية العشق الأبدي البارت الثالث
رواية العشق الأبدي الحلقة الثالثة
عند ساره خلصت شغلها
سارة بارهاق: آوف أخيرا خلصت آه يا ضهري
طارق دخل عليها :ها خلصتي ولا لسة
سارة :لسه مخلصه أهو
طارق :طب يلا بينا بقى
ساره بأبتسامه :يلا وخرجو هما الاتنين وماشين سوا شافهم سامر جه قدامها و هو مربع أيده
سامر :الهانم رايحه فين بقى ولا علشان سبتيني هدوري علي حل شعرك
سارة بغضب :احترم نفسك والزم حدودك وعرف إنت بتكلم مين إنت فاكر كل الناس شبهك ولا اية زباله زيك لا يا بابا انا متربيه أحسن منك ومن عشره زيك وابعد عن طريقي بقى يا سامر متخلنيش زي ما شوفت حبي تشوفي كرهي ليك وانا كرهي وحش
سامر بتريقه :خفت أنا بقى كده صح طب اسمعي بقى يا حلوه انتي بتاعتي ومهما حصل مش هسيبك ولا حد هيقدر ياخدك مني ومش علشان غلطه تافهه بينا تفسخي الخطوبه
سارة :غلطه تافهه إنت بتسمي الخيانه غلطه تافهه والله ما فى اتفهه منك يعني لو كنت أنا إللي خنتك كنت هتعمل إيه أقل حاجه كنت قتلتني فيها هي الخيانه بالنسبالك شئ تافهه
سامر :طب ياتري الست الوالده تعرف إنك فسختي الخطوبه ولما تعرفي هتقولي ليها ايه
ساره بثقه وهي مربعه أيدها :هقولها الحقيقه هقولها يا امي البيه إللي كنت بدخلو بيتنا وياكل من أكلنا مصنش العيش والملح ولا صان بنتك هقولها إنه شخص زباله ميستهلش حتة انى ابكي عليه هقولها انه واحد خاين ومحبش بينتك هقولها متقلقش أنا مبخبيش حاجه علي أمي
ويلا مع السلامه بقى علشان أنا جعانه وانت معطلني يلا يا طارق
ومشيت هي وطارق وسامر باصص عليهم بغل وبيتوعد ليها
في قصر سراج
كلهم رجعو من بره ومنه فرحت آوي بالديكوريشن بتاع عيد الميلاد
منه انبهار :واو ده تحفه احلي من بتاع كل سنه غريبه ماعن الناس إللي بتعملو كل سنه هما هنا إيه اللي اتغير.
عزيز قرب منها :إيه اللي اتغير ان المرادي بنت إللي عملاه جديده لسه شغاله عندهم وعندها خبره كمان
منه بعدم تصديق :واو بنت جديده ويطلع منها كل الجمال ده هي فين البنت دي
عزيز شاور عليها :أهي إللي واقفه هناك دي
منه لفت مكان ما شاور عزيز لقت مسك وقفه بتبستم ليها
مسك بصتلها واتصدمت لما عرفت إن هي صاحبه العيد ميلاد من الصوره اللي محطوطة وبصت ليها وابتسمت بحنين أخت
مسك بأبتسامه :عسوله علي الحقيقه يا حبيبتي شبه ماما آوى ياتري هتعملى إيه لما تعرفي إنك أختي احلي من الصور يا قلبي
منه :هاي.
مسك فاقت من سراحنها وقالت : ايوه يا هانم
منه :هانم هانم اية حرام عليكي بقى الصغننه دي يتقال عليها هانم قوليلي منه بس
مسك بضحك :حاضر يا منه عجبك الديكور
منه :عجبني بس ده تحفه إستني ابيه عزيز
عزيز جه :إيه يا حبيبتي
منه :ادلها يلا
مسك :يديني إيه
عزيز ضحك :عملت كده من غير ما تقولي انتي عارفه اخوكي
مسك بصدمه : اخوها احيه يعنى ده أخويا برضو
أنا مبقتش فاهمه حاجه ولا ده ابن الراجل اللي ماما اتجوزته ياربي علي الحوسه
منه :بجد ادتلها أمته
عزيز :من وانتى مالك انتي يا لمضه يلا تطلعي اجهزى
مسك :ممكن بس قبل ما تطلع اعرف انو كنتو بتتكلمو في إيه
منه :أصل ابيه كل سنه في حفله عيد ميلادي يعجبو ديكور حد بيروح بيديه مكافأة وبيدي كله برضو بس إللي بيعجبو شغله بيديه آكتر
عزيز بص برفع حاجب وابتسامه ثقه لمسك بمعني شوفتي قولت أنا حاجه كده علشان تصدقيني.
مسك بصتله وابتسمت
منه : طيب انا هطلع انا بقى اجهز باي يا انتي اسمك ايه
عزيز ومسك في نفس الوقت :مسك
مسك بصت لعزيز بكسوف ونزلت دماغها.
منه :مسك حلو اسم مسك طيب يا مسك أكيد مش هتمشي بقى لحد عيد الميلاد ما يخلص صح
مسك :آيوه
منه :اوك هشوف في عيد الميلاد بقى باي
مسك :مع السلامه
منه مشيت وعزيز قرب من مسك
عزيز :شوفتي مش انا بس ياللي كنت فهمانى غلط
مسك ضحكت بكسوف :معلش يا فندم بقى
عزيز ضحك وهو عادته مش بيضحك مع أي بنت خالص بس هي بالذات هو ميعرفش ليه وقف يتكلم معاها
جه الليل
طارق روح ساره لحد البيت ووقفو تحت
ساره بأبتسامه :شكرا يا طارق علي الغدا إن شاء الله ألعزومه الجايه عليا ههه
طارق ضحك :وانا موافق هههه
ساره ضحكت :اشطا أنا طلعه بقى
طارق وقفها:هتقولي لمامتك
ساره خدت نفس :آه يا طارق لازم أقولها علشان متقولش إني سبته من فراغ أو هو يروح ويستعبط عليها بكلمتين وهو أصل حيه وهي هتبقى معايا مش معاه
طارق :تمام انا همشي أنا بقى
ساره :مع السلامه
طارق مشي و ساره طلعت فتحت الباب اتصدمت من سامر انه قاعد مع عفاف وعفاف غضبانه
ساره بغضب :إنت أللى جابك هنا
عفاف قامت وقفت قدامها وفجاه أديتها بالقلم
سارة اتصدمت وحطيت أيدها علي خدها
وسامر ابتسم بخبث
في القصر
الحفله بدأت والناس ابتدت تيجي
وكان في استقبلهم عزيز و سراج وأحمد و مديحه كانت واقفه مع ستات من المجتمع بتاعهم
ومنه كانت مع صحابها وبتضحك
ومسك واقفه بصه على امها وهي واقفه مع
الناس وبتبص ليها بزعل و بتبص علي أختها وهي واقفه فرحانه بالديكور وعماله تشاور عليها مع صحابها وتقول إن هي اللي عملاه واقفه مبتسمة ليهم
جه من وراها زميلها :إيه يا مسك مش يلا علشان نشوف التورته
مسك :تمام ومشيت معاه عزيز كان واقف بيدور
عليها لقها ماشيه مع الشاب ده ميعرفش ليه ادايق ومشي وراهم لافهم داخلين المطبخ على التورته مسك وقفت بدأت تظبط الاطباق والحاجات والتورتة والشمع وزميلها كان بيساعدها
زميلها مصطفي : ساعه و هنتطلت التورته والحاجات تمام يا مسك
مسك :تمام
مصطفي :أنا هطلع أشوف ألدي جى وأقوله أمته يشغل الاغنيه بالظبط
مسك هزت دماغها وطارق خرج وهي بقت تكمل الحبه أللى ناقصين
عزيز دخل عليها :ها في حاجه تاني محتاجها
مسك بصتله :لا حضرتك كل حاجه تمام
عزيز :تمام وخرج
ساره بصدمه :بتضربيني يا ماما
عفاف بغضب :واكسر دماغك كمان إنت ليكي عين تتكلمي بعد العمله السودا إللي هببتيها
ساره :عمله ايه ان شاء الله
عفاف : بقى سامر يخش عليكي المكتب يلاقيكي قاعده تضحكي مع زميلك و تتميصي معاه ولما جه وجهك ضربتيه بالقلم و رميتي الدبله في وشه انتي طالعه بجحه كده لمين
ساره بصدمه :إيه اية مين أللى كان قاعد مع مين ده كداب أنا اللي دخلت عليه المكتب لقيت حاضن بنت شغاله معانا في الشركه ووجهته ورميت الدبله بس مضربتوش بالقلم ده كداب
سامر بخبث:شايفه يا طنط شايفه بتتبلي عليا إزاي عجبك كده
ساره بعصبيه راحت عليه :إنت إيه يا اخي منك لله كمان ليك عين تيجي هنا وتكدب صدقيني يا ماما انا عمري ما كدبت عليكي وبعدين قالت بدموع :انتي عارفه انا كنت بحبه إزاى بي إللي عملو ده كسرني يا أمي أنا مش عايزاه بالله عليكي يا أمي ده خاني وبعدين راحت جابت المصحف : وحياه كتاب ربنا ده أنا ما بكدب هو أللى خاني يا أمي وانا مقدرش اكمل مع واحد خاين وانتي عارفه ان بنتك عمرها ما بتكدب يا أمي
عفاف بصتلها وشافت في عيونها الصدق وبصت لسامر لقيت عنه كلها خبث
وشها اتغير بغضب :اطلع بره يا بجح بقى انتي المصيبه منك وجاي تلبسها في بنتي يا زبآله بنتي أشرف من مليون واحد من عينتك غور برة
سامر :يا طنط
عفاف:بلا طنط بلا زفت إطلع برة و حاجتك هنبعتهالك يلا
سامر بص بغضب لساره :ماشي يا ساره برضو مش هسيبك
عفاف بعصبيه :وكمان بتهددها قدامي يا حيوان قلعت الشبشب واديته بيه :يا زبآله بتعدد بنتي قدامي يا زبآله يا عره الرجاله نهار أمك الحوله اسود يا بن إسعاد الحوله غور ياض بره بره
سامر بوجع :ماشي ماشى وراح خرجة علي طول
عفاف :كتك القرف عليك وعلى امك وبعدين بصت لساره لقيتها واقفه بتعيط خدتها فى حضنها
عفاف :حقك عليا يا بنتي تتقطع أيدي أللى اتمدت عليكي بس هو سطان فضل يوسوس ليا ولبس كل حاجه فيكي حسبي الله ونعم الوكيل فيه منه لله
سارة :ولا يهمك يا ماما الحمدلله اني خلصت منه ال بنادم الكداب الخاين ده
عفاف باست راسها :الحمدلله بكره يجيلك سيد سيده
ساره بسرحان :ان شاء الله
في الحفله كانو خلاص هيطفو الشمع
مسك كانت ماشيه بتربيزه التورته وعليها الشمع مولع طفل هز التربيزه شمعه من السمعات وقعت على فستان مسك النار مسكت فيه
عزيز بصدمه :مسك
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية العشق الأبدي)
