رواية لا تتحرك اتجاه الكذب الفصل الأول 1 بقلم بسبوسة
رواية لا تتحرك اتجاه الكذب الجزء الأول
رواية لا تتحرك اتجاه الكذب البارت الأول
رواية لا تتحرك اتجاه الكذب الحلقة الأولى
ادا:اللحقوناااا ابنى بيمو’ت منى ارجوكم حد يلحقنى
طلع هو وشاله منها وهو متجهه ل غرفه الفحص
جرت ورا وهى هتموت من الخوف على ابنها الوحيد
ادا:بلع جنيه يادكتور اتخنق تقريبا وبعدها مش بينطق طمنى ارجوك ؛قالت كده وهى بتعيط
رن الدكتور الجرس اللى جنبه ف دخلت الممرضه بسرعه
الدكتور ويدعى فارس:جهزى الاوضه بسرعه هنعمله غسيل معده
طلعت الممرضه ودخل اتنين ممرضين ولاد بدالها حطوا تميم الطفل على السرير وخدوه ل الاوضه التانيه
فارس بص ل ادا :متخافيش هيبقى كويس
هزت ادا راسها بحزن وهى بتمسح دموعها
بعد اقل من ساعه طلع فارس من جوه ومعاه تميم اللى بقا كويس والدم رجع ل وشه تانى
فارس:البطل بتاعنا قام اهو وبقا زى الفل
شالت ادا تميم وحضنته بحب:كده ياتميم تخضنى عليك مش قولتلك مليون مره متحطش حاجه فى بوقك
تميم:مكنش قصدى ياماما
ادا:حمدالله على سلامتك ياحبيبى
فارس:طيب تعالو معايا عشان فى شويه اجراءات لازم نعملها
فى المكتب:؛
فارس:اسمك تميم اى؟
تميم:تميم محمد؛ماما هو هيكتب اسم بابا ازاى وهو ميت
ادا: عادى ياحبيبى
تميم:بجد!
فارس كان متابع كلامهم بإنصات
فارس:تقدروا تخرجوا دلوقت والحساب تحت
ادا بإحراج:هو الحساب كم؟
فارس:300 جنيه
ادا:ايوه بس انا مش معايا فلوس حاليا ممكن اروح البيت اجيب الفلوس واجى؟
فارس:ممكن طبعا بس بشرط تسيبى تميم معايا
تميم بابتسامة:وانا موافق
بصت ادا نحيه تميم وقالت:تميم اقعد مؤدب على اما اجى وانا مش هتأخر
تميم:حاضر ياماما
مشت ادا راحت البيت وفضل تميم مع فارس..
فارس:قولى بقا انت قولت ان بباك ميت؟
تميم بطفوله:ايوه بابا ميت وانا عايش مع ماما
فارس:اممم وانت بقا بتحب ماما ؟
تميم:طبعا عشان هى بتجيبلى حاجات حلوة معاها وهى جايه من الشغل
فارس:وهى ماما بتشتغل اى
تميم:ماما شغاله فى…اممم مش عارف اسمه لكن هو دكان كبير بيبيع فساتين للعروسه وكده
فارس بضحك:تقصد اتيليه
تميم بإماء:ايوهه هو ده
فارس فتح الدرج وطلع بسكوت:خد كل البسكوت ده على اما ماما تيجى
مد تميم ايده اخد البسكوت فى حين ان ادا خبطت على الباب ودخلت بعد ما فارس سمحلها
ادا:يلا ياتميم
تميم:يلا
مسك تميم فى ايد ادا وابتسم ل فارس اللى بادله الابتسامه
“فى البيت”
دخلت ادا غيرت ل تميم هدومه ونيمته جنبها على السرير باسته بوسه طويله ونامت هى كمان
_تانى يوم المغرب
كان باب الشقه بيخبط لبست ادا الايسدال بسرعه وفتحت الباب
ادا بإستغراب: دكتور فارس؟
فارس:احم ممكن ادخل
ادا:الحقيقه مش هينفع لان انا لوحدى و..
فارس بمقاطعه:سيبى الباب مفتوح انا كده كده هقول كلمتين وهمشى على طول
فتحت ادا الباب على اخره وسابتله مساحه أنه يدخل
ادا:خير فى حاجه حضرتك مقولتهاش بالنسبة ل تميم؟
فارس:الحقيقه الموضوع ملهوش علاقه ب تميم خالص انا جاى اطلب ايد حضرتك
بلعت ادا ريقها بصعوبه:هاا!
فارس: ها اى انا قولت حاجه غريبه
ادا:انا انا مش عارفه اقول اى الصراحه انا مبفكرش اتجوز تانى ابدا
فارس:ايوه بس انتى لسه صغيره فى السن واظن انك تتجوزى تانى ولا عيب ولا حرام
سكتت ادا بتفكير ف مد فارس ايده ب كارت
فارس:ده كارت فيه رقمى اتمنى تفكرى وتردى عليا عن اذنك
قام فارس يمشى ف خرج تميم من الاوضه وهو بيجرى عليه دكتوووور
حضنه فارس بحب:عامل اى دلوقت يابطل
تميم:كويس الحمد لله مامى هتودينى نااادى اللعب كوره
فارس:بجد؟
تميم:ايوه انت جيت هنا عشانى؟
فارس بصوت عالى نسبيآ:جيت هنا عشان قلبى قالى اجى هنا
تميم: يعنى اى
فارس:يعنى تسكت وتروح تقعد مع ماما ياشقى
ضحك تميم وهو بيجرى يقعد عند مامته اما فارس نزل وهو بيفكر ياترى هتوافق ولا هترفض!
ادا:تميم يلا ادخل اكتب الواجب وبعدها اللعب
تميم:بس ياماما انا مش عارف اكتب الواجب ده
ادا:واجب اى؟
تميم:الحساب
ادا وهى ماسكه أيده وماشيه بيه تدخل اوضته:مسمهوش حساب اسمها رياضه
تميم بتكشيره:رياضه!!
ادا بتنهيده:يلا ياحبيبى هات الواجب عشان اقولك تحله ازاى وتبقى شاطر
تميم:ماما هو انا لو شاطر هطلع زى دكتور فارس؟
ادا بابتسامة وهى بتحط ايدها على شعره:ايوه ياحبيبى بس لازم تذاكر كتير اوى
تميم: خلاص هذاكر وابقى شاطر عشان ابقى زيه
ادا:تميم ياحبيبى هو انت بتحب دكتور فارس؟
تميم:امممم عشان ادانى بسكوت وكان بيكلمنى حلو وانا بحبه بقا
ادا بابتسامة:طب يلا بقا نحل الواجب ده …
بعد ساعه ونص كان تميم خلص واجباته بعد ما ادا فهمته ازاى يحلهم
تميم:هلعب بقا
ادا باسته من خده:اللعب ياحبيبى وانا هعملك سندوتش واجيبهولك ومعاه شيكولاته عشان انت شاطر
وقف تميم جنبها وهى قاعده على الكرسى وحضنها بحب
تميم:انا بحبك اوى ياماما اوعى تسيبينى
ادا بتأثُر:عمرى ما اسيبك ياحبيبى
كانت قاعده بتفكر توافق ولا خلاص كده وتقفل حياتها على تجربتها الأولى!!قررت تتصل على مامتها
ادا:الو اذيك ياماما
والدتها: الحمد لله ياحبيبتى وانتى عامله اى
ادا: الحمد لله بخير ماما كنت عايزه استشيرك فى حاجه مهمه
والدتها:قولى فى اى
ادا حكتلها عن دكتور فارس وازاى كانت مقابلتهم وسمعت الرد من والدتها وقفلت معاها
تغيرت معالم وجهها وهى مش عارفه اللى بتعمله ده صح ولا غلط مسكت الكارت واتصلت على دكتور فارس اللى رد فى ثوانى
فارس:كنت متأكد انك هتتصلى و
ادا بجمود:مش لما تسمع رأيي الاول ..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية لا تتحرك اتجاه الكذب)
