رواية أصابك عشق الفصل الأول 1 بقلم أسما السيد

رواية أصابك عشق الفصل الأول 1 بقلم أسما السيد

رواية أصابك عشق الجزء الأول

رواية أصابك عشق البارت الأول

رواية أصابك عشق الحلقة الأولى

(بدايات..)
١
ـــــــــــــــــــــــــــــــــ
بعذبه بدرالدين الرشيد..
علي جسر بحيره صغيره تجلس جوان
وابنه عمها وصديقتها
نيره….
كل منهم تحمل علي عاتقها هموما لا حصر لها.. في حياتها..
فقد ابتلاهم الله بابوين الاثنان يفكرون فقط بانفسهم وبالاموال فقط…
وكيفيه جلب عريس غني لبناتهن..
لا وقت للمشاعر ولا الحب في قاموسهم..

(جوان في الصف الثاني الثانوي
وصلت لهذه المرحله بصعوبه..
نيره..في الصف الثالث، بمدرسه التمريض للفتيات
والد جوان.. راجل بسيط يمتلك قطعه ارض يزرع بها ووالدتها تعمل كخياطه للملابس
ولديها شقيقه اكبر منها ضغطو عليها واخرجوها من المدرسه بعدما وصلت للمرحله الثانويه..
وتزوجت صغيره بعد ضغط من والدها عليها تدعي جميله..
كانت والدتها امرأه بسيطه وتحب مشاهده المسلسلات كثيرا لذلك أسمتهم علي اسامي بطلات المسلسلات التي تشاهدهم

جميله… كاسمها جميله تكبر جوان بسنه واحده فقط..
ولديها طفلان توأم زوجوها عرفيا لانها لم تتم السن القانون.. زوجوها ابنه الخامسه عشر

اتي لجميله شاب يعمل بالخارج.. فطمع والدها به.. فزوجها قائلا..
(زواج البنت ستره..واهي تنزاح همها..)

يعيشون في عزبه صغيره تشبه القريه ولكن الميزه بها ان معظم اراضي العذبه ملكا لعائله بدرالدين الرشيد وولده عمران واحفاده..
عائله تمتلك اموال الكون، وتعمل في كل المجالات..
بدرالدين حفيدهم بطلا في الفروسيه وهذا يفسر الكم الهائل الذي يستحوذ عليه اسطبل الخيول..ومزرعه المواشي التي تصدر لشركاتهم
وللاسف لا يرحمو..
وهذا يفسر خوف الناس منهم وترحيبهم الحار بهم..

جوان بزهق دلدلت قدميها لمياه البحيره الصغيره..
فلكذتها نيره لتستفيق من شرودها..

بت يازفت ياجوان روحتي فين خليكي هنا..؟
بلمعه مجنونه في عيون جوان استدارت لنيره..

ـ عارفه يابت يانيره نفسي ابقي مدربه دلافين اوي ..خلاص انا قررت.. وأنا عند خالتو سهر
في مطروح هخليها تشتركلي في النادي ادرب مع عروض الدلافين…
نظرت نيره لها وهزت راسها لتستفيق..
من صدمه كلامها..

نعم يختي..انتي يابت مش رسيالك علي بر ليه مره هطلع غواصه.. ومره مدربه دلافين..
بلامبالاه اشاحت جوان يدها
.وهي تستقيم من مكانها تنفض ثيابها..
ـ ياشيخه اهو اي حاجه ليها علاقه بالبحر وخلاص..المهم اني راشقه فيه..
نظرت لها نيره بقله حيله وقالت..
طيب ياختي ماانتي عشان خالتك ماشاء الله غنيه وبتروحي وتيجي عليها وعلمتك السباحه زيها ومعاها فلوس متلتله ورثاها من العجوز جوزها..
ليكي حق تتبطري علينا..الله يسهله ياعم..
جوان بضحك..قري ياقراره..وبعدين ماعملي الرضي ابويا..وقفلي بقالي ست شهور حالف علينا منكلمهاش..معرفش ليه..
ال ايه خالتكو دي اللي خيبتكو..حتي جميله الغلبانه وسوس لجوزها لحد ماحلف عليها هي كمان متكلمهاش
نيره..اخيييه..طب هتعملي ايه يافالحه..؟
جوان بلمعه مجنونه في عيونها..
للاسف مفيش غير حل واحد..يابت يانيره..
نيره بصدمه..لا متقوليش هتعمليها تاني..ابوس رجلك ياشيخه
دا علقه السنه اللي فاتت لسه معلمه..هو يعني عشان انا بت عمك انضرب بسببك يعني..
انتي تهربي من هنا وانضرب انا من هنا..
بالله عليكي ياجوان ابويا اسخم من ابوكي ودماغه زفت ويقولي هتعملي زيها..
جوان بضحك..لا متخافيش المره دي هكتبلهم في الجواب..انك ملكيش ذنب..
واني اتخذت قراري بكامل قواي العقليه..
يالا يختي.
ادارو ظهورهم للعوده متأبطين ببعضهم
فهم يسكنون بيتا واحدا جميعا من ثلاث ادوار هم وعائلتهم
بيت العائله كما يسمونه..
سمعو صوت صريخ النساء آتيا من قريب..
جوان بخوف من الصوت
ايه اللي حصل تعالي نشوف بسرعه.
نيره..وهي بتجري وراها..يالا..
كعادتهم تأخذهم قدماهم لمشاكلهم فضولا..
ــــــــــــــــــ
بسياره بدر الدين..

اف..الطريق اللي مايعلم بيه الا ربنا دا..؟
بتافف وزهق قالت هذا … نيرمين اخت بدرالدين..
التي تجلس خلفه بالمقعد الخلفي هي ووالدتها نسرين
ويجلس بجانب بدر الدين شقيقه باسم..
بدرالدين ٣٠سنه،الابن التاني لعمران بدرالدين الرشيد..
بطل العالم للفروسيه شاب بلحيه وبشره سمرا وعيون بلون العسل وشعر سايح اسمر..رجل اعمال وله هيبه بس مش زي فراس اخوه.. لان فراس اقوي واشرس منه وللاسف ولا مره زار هنا..
من صغره بيكره العذبه لان والدته انقتلت هنا.. والكل بيخاف منه
بدر الدين زيه بس علي صغير خليفته زي مابيقولو
عصبي وخلقه ديق ومبيرحمش..للاسف ورثوا طباع جدهم الاكبر..
يختلف عنهم اخوهم باسم ..مرح و خفيف الدم واتم عامه ٢٦ يعمل مع اخويه….
ولا يروق لهم طباعهم ولا تصرفاتهم ابدا..
استدار بدرالدين لاخته
يحدثها بعنف.. والله ياست هانم محدش قالك تعالي..
والزفت الطريق دا ياما سفلتناه وعلي حسابنا بس للاسف الفلاحين بيهدوه كل مايسدو بلاعات الصرف الصحي..
لازم الواحد يديهم فوق دماغهم عشان يمشو..
باسم بهدوء..يابني مابراحه في ايه؟
الناس هنا غلابه ملهومش في حاجه..ومش ذنبهم يعني..دي حاجه فوق ارادتهم وياسيدي نصلحه تاني مفيش مشكله..
نسرين الام بتأفف..خلصونا بقي..فاضل اد ايه يابدر…؟
بدر بزهق..خلاص دقايق ونوصل..
نسرين..اف الواحد يخلص من مرات اخوك وقرفها نيجي لقرف الطريق..حاجه تزهق..
بدر الدين بحده..ماما..متزهقنيش وتفكرينا بست زفته..
نسرين بغيظ..ماهو ابوك السبب اللي بلانا بيها..انا مش عارفه مستشفي ايه اللي متمسك بيها دي..هو احنا مستنينها..
اخوك اتبدل وحالته ساءت اكتر ومبقاش فراس..بقي مسخ..معرفوش..اللي بيطوله بيشوطه
بدرالدين بهدوء..بقولك ياماما ياريت تهدي كدا..
ملوش لازمه كلامك دا..انتي عارفه فراس بيعمل في الاخر اللي هو عاوزه..
نسرين بحزن..ربنا يهديك يافراس
نيرمين..بلهفه..علي فكره هو وعدني انه هيجي هنا..
نسرين بصدمه..بجد..؟
قالك هيجي؟
نيرمين..ااه والله قال كدا..
قاطعهم باسم..
باسم..استني ايه دا؟
صوت الصراخ صدم بدر وباسم
فاوقف بدر سيارته بسرعه وباسم الذي انطلق مسرعا
ليري ماذا يحدث..

بدر بحده لوالدته واخته…اوعو حد يخرج من العربيه ليكون فخ لينا..
جوان بصدمه من هول المنظر
الجميع يقف مصطفا ليرو مايحدث ولم يكلف احدا خاطره للنزول لنجده الطفل الصغير الذي يكافح لاخذ انفاسه..
طفل صغير تعلم هويته سقط في وسط البحيره العميقه التي تبتلع كل بعض الوقت طفلا او شابا ولا احد هنا..
تلك البحيره تدعي ترعه الموت..
من قوه تيارها وغوطها غداره..الكل يخاف النزول لها..
ولكن..
هل سيتركون الطفل ليموت..

جوان بصدمه وصراخ….ايه دا انتو واقفين ليه كدا،ماحد ينقذه..بسرعه..انزلو انقذوه..
صرخت بهم وكالعاده لا رد فعل
النساء تصيح.. والام تولول..
الام..الحقيني ياجوان خليهم يتحركو..ابوس ايدك..
صرخت فيهم جوان بحده..يابلد جبانه
يارجاله بالاسم..اوعو كدا..
وفي ثواني..
خلعت طرحتها وانفلت شعرها الذي يشبه الليل الاسود وساعدها لبسها..
كانت ترتي بنطالا من الجينس
وجاكت يحميها من برد الشتاء
جميع ملابسها خالتها من تأتي به..
لذا كل من يراها لا يصدق انها ابنه حمدان الناظر..
وبكل جرأه نزلت هي…
في اللحظه التي قذفت نفسها فيها كان وصل
بدر الدين… وانصدم من منظر الحوريه التي قذفت نفسها لتنقذ الطفل
الذي يكافح ليبقي حيا ويبكي..ولا رحمه بقلوب اشباه الرجال هذه..
باسم بصدمه..اوعو يابهايم..اوعو كلكو..انتو واقفين تتفرجو..
وقتها صرخت نيره..جوان حاسبي ياجوان..
وبكل مهاره سحبت الطفل وخرجت به
من عمق المياه..
االبحيره غويطه جدا، لدرجه انها كانت تسحبها هي..
مدت يدها بالولد فهبط باسم وحمله منها..
وبعدها فقدت السيطره علي جسدها وشهقت مستسلمه للمياه تسحبها..
لمح عدم تحكمها بنفسها..ولقربه من مكانها
هبط بجسده وامسك يدها..
نظرت لمن يمسك بها..وشهقت..
بدرالدين بهدوء..متخافيش مش هسيبك..امسكي فيا كويس..
شدها من يدها..الي ان اقتربت من الشط وتمسكت به..
وقفت تأخذ انفاسها فباغتها هو بحملها بخفه من تحت ابطيها كطفله صغيره..
جواان..عاااا ياماما…
لم تكمل رماها علي الجسر..
ونظر لملابسها الملتصقه بجسدها وعيون الشباب تأكلها..
جوان..اااه
بدر بهدوء. وهو يمد يده لها بجاكيتها
البسي الجاكت ولا عجبك عيون الشباب اللي بتبصله
جوان بشهقه.. هيييه انت..
لم تكمل.. جز علي اسنانه ونظر لها نظره ارعبتها فلبست الجاكت بسرعه
واستدار هو لباسم الذي يصرخ..
بدرالدين..في ايه ياباسم..؟
باسم..الولد هيموت قطع النفس..
والدته..يامري..يامري..ياااني..دا هو اللي حلتي..
الحقوني ياناس..
تمالكت نفسها وارتدت ثيابها.. واستقامت تبحث عن نيره..
وجدتها منكمشه بعيدا..
نيره رقيقه وتخشي اللمه والصراخ..
جوان بصياح…نيره..
نظرت لها نيره بخوف..ولكنها باغتتها بجذبها والصياح بالجمع..
اوعو…كدا..
ووجهت كلامها لنيره..اعمليله تنفس يانيره بسرعه..
هزت نيره رأسها بهدوء وبرقه..جلست ارضا
مره..اثنتان..وقذف الطفل المياه من فمه وفتح عيونه يبكي بخوف..
هلل الجميع وهم يشكرون بجوان ونيره..
لاحظت جوان تدافع الرجال
ووقعت عيونها علي عيونه التي تنظر لها كالشيطان..لا تعلم من هذا؟
ولكنه يخيفها….فسحبت ابنه عمها بسرعه ورحلو..تحت انظار بدرالدين وباسم المذهوله من ان يطلع من هذه العذبه، حوريات مثلهم..
نيره بخوف..يانهار ازرق ابوكي وابويا جااين ياجوان..
جوان بتماسك..لمحت طريقا فرعيا امامهم..
سحبتها وهي تضحك..اجري يانيره قبل مايشوفونا..
نيره وهي تهرول خلفها..
ولو مشفوناش مهو هيسمعو من الناس..ياخيبتنا التقيله..
جوان..المهم نوصل قبل مانتفضح في الشارع..
اجري يازفت الطين..
بسياره بدرالدين..
بدر بشرود بعدما سلم القياده لباسم ..مين البنتين دول ياباسم.؟
باسم هو يدير السياره ليدخلا قصرهم..مش عارف..اول مره اشوفهم بس سمعت حد من اللي واقفين..بيقولو بنت حمدان الناظر وبنت اخوه..
بدرالدين بصدمه..الراجل الجشع ده اللي مرضيش يبعلنا الارض
باسم..اه هو للاسف..راجل طماع..
نسرين بتأفف..اقفلو سيره الفلاحين اللي تموع النفس دي معدش الا هما كمان يشغلونا وياخدو من وقتنا..
باسم بتأفف من كلامها.. ربنا يهدي..
ــــــــــــــــــــــــــــــــ
بمنزل عبدالعزيز المحمدي..

كلموني ثاني عنك فكروني
صحوا نار الشوق، الشوق في قلبي، وف عيوني .

رجعولي الماضي بنعيمه وغلاوته، و بحلاوته وبعذابه وبأساوته.

وافتكرت فرحت وياك قد ايه، وافتكرت كمان يا روحي بعدنا ليه

بعد ما صدقت إني قدرت انسى بعد ما قلبي قدر يسلاك ويأسى
جم بهمسة وغيروني، كانوا ليه بيفكروني..

كانت تقف تغني بصوتها العذب خلف ام كلثوم..لطالما كان صوتها الجميل محط انظار من يستمع له..
الكل اشاد به..الا هو..
زوجها الفذ كما تخبرها صديقاتها..
اغمضت عيونها وتركت كل شئ خلف ظهرها كعادتها..تستمتع بصوت ام كلثوم..ترددها خلفها
الحسنه الوحيده..انه اهداها هاتفا غالي الثمن..
في كل مره يأتي ويكسره قطعا..
وبعدها يأتي ليلا ليرضيها لينهل من شبابها وجسدها..
فيهديها غيره..فترضي..بلا حيله لها..
ترضي لانها تعلم انه يلهيها به..عن عبثه وقرفه
مع النساء علي شبكات التواصل
الا يكفيه ما يصلها من كلام عنه وهو بالخارج..
اااه ياليت لها ابا صارما كحماها ليدافع عنها..
لا تنكر ان لولا والده ووالدته لما استطاعت العيش معه دقيقه واحده..
لولاهم لما نزل لها ابدا ولما حكاها..يخبرونها ان تصبر من اجل ابنائها..
وان لا احد سيطيقها بعد الطلاق بأبنائها..
هم محقون..
من سيطيقها بابنائها والدها الذي رماها لذلك الغني الفاسد ولم يسأله عن علمه وادبه..
اااه حارقه خرجت منها..
وتبعها صوته..الحاد..
ارتجفت ونظرت بصدمه لوقفته..
ـ انتي ياهانم بنادي عليكي بقالي ساعه..
قولتلك مش عاوز اسمع صوتك اللي زي النشاذ ده..

و بحده اخذ الهاتف من يدها والقاه ارضا
اصبح فتاتا..
كما قلبها المرهق من اهاناته المتكرره وكسرتها وضياع حلمها..لم تبكي لم تصرخ..اعتادت..
يأتي ليلا ليراضيها فترضي خوفا من شماتت الناس بها كما تخبرها حماتها ووالدتها..
وصباحا يمارس عليها رجولته المزعومه..
أمن الرجوله ما يفعله معها..ان يهينها فقط ليرضي غروره وقرفه
ان يثبت انه رجلا..
الم يكفي انها قتلت شبابها وطفولتها معه..
تزوجته ابنه الخامسه عشر وانجبت توامين منه ..اقتلعوها من جذورها ومدرستها وحياتها..لقد انهت الاعداديه بتفوق ودخلت الصف الاول الثانوي ولم يدعها والدها تكمل تعليمها..
هي الابنه الكبري وتاتي خلفها جوان تصغرها بعام واحد فقط..
من اجل ان يزوجوها له..
قال لها والدها..افرحي ستعيشي سعيده زوجا يعمل بالخارج..فاجابته لا اريد..
ضربها فبكت..اخبرته اريد الدراسه..
فأجبرها..زوجوها عرفيا..من اجل طمعه بالمال
اخبرتها اختها ان تهرب ولكنها ليست قويه مثلها..
هي جميله..اسمها جميله..وهي جميله..مشكلتها هدوءها وضعفها وخوفها..
خافت والدها فهربت من جحيمه لجحيمه زوجها….
اصبحت الان علي وشك اتمامال١٨ ومعها طفلان توامان
رواء وروان..هم هديه القدر لها..
وببعض الاموال والرشاوي استطاعو استخراج شهادات ميلاد لهم..
ستتم الثامنه عشر بعد شهر. ومن المفترض ان يعقد عليها رسميا..
فاقت علي صوته الحاد..وهو يشير بيده لفتات الهاتف..
نزلت دمعه من عينها خانتها..كان وسيلتها الوحيده للتسليه وسط هذا الكم الهائل من المرار..وهي تلملم باجزاءه..
ـ عيشه تقرف..كان يوم اسود يوم مابلوني بيكي..
مسحت دمعتها الشارده وابتسمت بحزن..
قائله لنفسها كالعاده..
ـ هتتعدل..مسيرها هتتعدل مش هتفضل كدا
يااارب..
استقامت تضعه بحقيبه اعتادت علي ان تحتفظ بها علي مقتنياتها المحطمه..
هذه هي حياتها..
جميله الناظر..منذ تزوجت هذا الذي بالداخل
زوجها حسام ذو ال٤٠عاما.. وهي ابنه الخامسه عشر
يعمل بالخارج لديه اموال وبلا اخلاق..فاسد
تكرهه وتكره حياتها..
بعد نصف ساعه..
كان عاود النوم مره اخري..
استمعت لبكاء طفلها تبعه صوت بكاء اخته..
فهرولت لهم قبل ان يسمعه مره اخري..
ولكن هيهات..
حسام بحده..
ـ هو يوم مش معدي انا عارف..انتي يازفت ياجميله..
يا دكتوره جميله..
اومال انتي قاعده تعملي ايه لسه مكانك..انتي هتمثلي..
ماتقومي..ينعل..
استمعت لصراخ والدته..فهبت صاعده
ـ جميله..افتحي يابنتي..افتحي..
هرولت لتفتح لحماتها..وعلي يدها طفليها..
فتحت لها..
ام حسام…
في ايه بس ياجميله..ايه اللي حصل؟
حسام بزهق..هو في ايه انتي يامه؟
هو انا مبلحقش ازعق للسنيوره تجرو تدافعو عنها..
هو مش من حقي ارتاح ولا ايه…؟
همت والدته بالرد عليه لتوبخه..ولكن صوتا حادا من رد عليه..
والده عبدالعزيز….اخرس قطع لسانك..قلتلك ميت مره اوعي حسك عينك تعلي صوتك علي مراتك وعيالك..
انت ايه مبتحسش..جبله. مش كفايه قرفك وماشيك مع النسوان..لا وجاي تكمل علي مراتك الغلبانه اللي مكنتش ليك ابدا..
انا هفضل شايل ذنبها العمر كله..بسببك..
حسام بخوف..ياابه بس..انا عملت ايه.؟
عبدالعزيز بحده..ولا عملت ولا معملتش اعمل حسابك فاضل شهر وجميله تتم ال١٨وتكتب عليها رسمي فاهم ولا لا..وبعدها عاوز تغور من هناا..غور مطرح ماجيت..جميله مسئوله مني هي وعيالها..
حسام بتوتر..هااا.بس..
مراد..مبسش..يالا ياجميله هاتي الولاد وتعالي يابنتي نفطر تحت..وانت ربنا يهديك..
ابتسمت جميله لحماها الحنون..ولملمت ثياب ابنائها وهبطت خلفهم..
(قد يبتليك الله باهل هم نكبه حياتك ويعوضك باناس أخري يطبطبون علي قلبك وروحك
ويجعل الله الشر علي يديهم خيرا كثيرا..)

حسام بخوف..شهر..ازاي..انا لازم اتصرف.
واسعي في الورق عشان اخلص
مهو انا لو منفذتش، ومشيت كل حاجه هضيع مني..
انا لازم اتصرف مش معقول الفلاحه دي تربي ولادي..انا اتجوزتها مخصوص عشان الخلفه..وعشان اعوض نازلي عن الخلفه وانا وهي نربيهم سوا..
لازم اتصرف…
ابتسم بشر..هوريكي ياجميله..لازم احرق قلبك وارجعك للخدمه ورا الجاموسه تاني..
ـــــــــــــــــــــــــــــــــــــ
بمستشفي الرشيد لجراحات التجميل.
علي طاوله مستديره..
تجلس تسنيم ووالدها مختار عارف..
مختار بحده..انا زهقت منك ومن عمايلك وقرفك لحد امتا هتفضلي كدا..
هتفضلي تغلطي وتضيعيني وتضيعي اللي ورايا
مش كفايه اني مستحمل عمايلك..انتي عارفه انا عملت ايه عشان يرضي يتجوزك مع انه كان ممكن يرفض..ويقول تولع المستشفي باللي فيها

انتي ايه حافظي علي عيشتك بقي ياشيخه وهاتيلك حته عيل..يقرب مابينكو..
تسنيم بحده..نو واي ابدا ابوظ جسمي عشان واحد زي دا..وهو مش الملاك البرئ ماهو كل يوم مع واحده شكل..يعني الحال من بعضه..
وانت اللي جبرتني أتجوز فراس انا قلتلك انا مبسوطه كدا..
قبل ان تكمل كلامها كانت صفعه مدويه ترن علي وجهها من والدها..
ـ بتضربني يابابي..
ـ واقطم رقابتك.. للاسف معرفتش اربيكي.. انا كنت فاكر اني بجوازك من فراس هتنعدلي
وفراس هيربيكي
لكن لا لسه زي ماانتي حتي الشرب والمخدرات رجعتلهم..
تسنيم بصدمه.. بابا انا..
ـ مختار بتهكم.. انتي ايه؟
مفكره ان فراس اصلا عاوز منك عيال..وانو ميعرفش اللي بتعمليه
بالعكس ياهانم..
دا ممشي وراكي حرس ليل مع نهار وللاسف بيوصلو اللي بتعمليه صوت وصوره
يعني لو بيحبك بس ١٪ كان اهتم للقرف اللي بتعمليه
كفايه وانضفي بقي لنفسك..ولسمعتي اللي بهدلتيها..انا بنكسف اقول انك بنتي..
وبعدين عوزاه يعمل ايه وهو كرهك واتجوزك علي رغبه مني، عشان ميخسرش تعب ابوه في المستشفي، بعد مالويت دراعه اني هاخد المستشفي كلها..
تسنيم بتهكم.. علي اساس مكنش ابوه متفق معاك علي كدا.. وانك تقوله كدا
فراس دا مش بتاع جواز..بتاع عك بس..يعني مفيش حد احسن من حد..واحد معقد ومقرف
مختار بحده.. انتي قليله..
قبل ان يتم كلامه.. جاءه صوت والد فراس الحاد..
استني انت يا مختار..
تسنيم بصدمه.. اونكل عمران..
عمران بتهكم.. ااه اللي للاسف اتفقت مع ابوكي علي ابني..
ابني اللي مش عاوزه تخلفي منه.. لا وبتقولي عليه معقد ومقرف
المقرف اللي لمك وأويكي في بيته وبتصرفي من فلوسه علي المخدرات اللي بتتنيلي تشربيها وعالوسخ اللي ماشي وراكي زي ديله..
ابتلعت ريقها ونكست راسها وهو يجلدها بحقيقتها…

ـ انا اتفقت مع ابوكي علي ابني
كنت فاكر ان جواكي نضيف هتقدري تتغيري وتغيري ابني اللي كاره للدنيا بحالها بسبب اللي حصل في امه قدام عنيه.. بس انتي طلعت اسوأ ماكنت متخيل..
وانا فعلا اسف.. مش ليكي.. لابني..
مختار بحزن.. حقك عليا ياعمران.. انت عارف اللي انا فيه.. معرفتش اربيها وامها السبب
ارجوك متخليش فراس يطلقها.. هي هتتغير
عمران بتعب.. فراس بقي اسوا من الاول والسبب بنتك وللاسف كنت شريك معاك.
معنتش قادر اسيطر علي قسوته ولا تصرفاته..
صحيح بيتجوزهم عرفي بس عذر اقبح من ذنب
وياريت تعرف بنتك ان دا مكان شغل..
اكل عيشنا مش مكان لضرب المخدرات
ولو فضلت علي كدا.. انا هسلم الاداره لفراس وهو هيتصرف بنفسه..
شغل الدكتوره دا مينفعش معاها…لانها اساسا فاشله..
مختار بخوف.. فراس..لا.. قلبك ابيض ياعمران دي اخر مره هتيجي هنا اوعدك..
قومي فزي روحي ياتسنيم لبيت جوزك..
عمران بتهكم..جوزها..يارب سامحني..

(عمران بدرالدين الرشيد..دكتور تجميل شهير تزوج من والده فراس زواجا تقليديا
كانت طبيبه وانشئا معا هذه المشفي.. وانجب منها فراس وتوفيت اثر جريمه قتل علي الطريق المؤدي للعذبه….امام ابنها..الصغير ذو الخامسه سنوات.. وتزوج من اختها نسرين لتربي طفلها وانجب منها بدر الدين ونيرمين
لم يجمعه مع الاختين الا المصلحه..وكلتاهما علي درايه بذلك..ولكن الاحترام أساس العلاقه بينهم..)
اما القلب….
تنهد عمران وهو يستقبل مكالمه من نيرمين..
ابتلع غصته واجابها..
ـ الو…وصلتو..
ـ اه وصلنا مش ناوي تغير رايك بردو وتيجي..
ـ بغصه..لا..
ـ بتهكم..اللي اعرفه انك مكنتش بتبطل تيجي هنا وانت شاب…ايه اللي كرهك في هنا..
ـ بوجع..بقلبه..مفيش يانسرين هو بالعافيه ياستي..المهم وصلتو بالسلامه..
ـ نسرين بغيظ..ولا عشان بتفكرك بحبيبه القلب الفلاحه..
ـ عمران بغضب..انتي عاوزه ايه؟في ايه يانسرين بدوري عالنكد ليه..ايه لزمته تنبشي في الماضي..
ـ نسرين بغل..عشان لا عرفت تحب اختي اللي ماتت بسبب عداوه ابوك، ولا عرفت تحبني وانا جيبالك ٣عيال لسه ست الحسن والجمال في قلبك..
ـ عمران بحده..اظن مضحكتش عليكي ولا علي اختك..اختك كانت عارفه كل حاجه ووافقت بيا..وانتي كنتي عارفه وبردو وافقتي..بلاش تمثلي دور المظلومه يانسرين.. عن اذنك..
واغلق الخط..
مختار بقلق…اهدي ياعمران مش كدا..في ايه؟
ـ عمران بتعب وتهكم…موال كل يوم. ماانت عارف..
مختار بفهم..روق ياعمران اخر مره انفعلت كنت هتروح فيها..كبر دماغك..
ـــــــــــــــــــــــــــــــ
بمنزل حمدي واخوه..
ااه يابنت الكلب فضحتيني افتحي..
كانت سمر والدتها وسعاد والده نيره يقفون حاجز امام الباب التي يختبأون به بحجره جدها بالدور الارضي..
سمر..خلاص ياحمدي مش هتعمل كدا تاني..سيبها المره دي..
حمدي بحده..اوعي انتي وهي بنتك فضحتنا ياسمر هي و المحروسه التانيه..
والله يمين بعظيم لكون مجوزها لاي واحد يتقدملها واخلص من قرفها وبردو هضربك ياجوان..
جوان من خلف الباب..انا مش جميله عشان تجوزني غصب عني لواحد قد ابويا..وعليا وعلي اعداءي..ههرب منك وافضحك..
سمر بلطم علي خدها..اخرسي ياجوان..اخرسي
منك لله جيبالي الكلام..
نيره من الخوف..كانت تختبئ بحضن جدها العجوز..
ـ والله ياجدو ماعملت حاجه ابويا هيضربني
وانا بخاف من الضرب..متخليهوش يضربني ياجدو..دا جسمي كله بقي معلم من الضرب..
الجد سعد..محدش هيضربك ياقلب جدك..
جوان..بغيظ..طب وانا بنت البطه السوده..
الجد بضحك..لا انتي بت كلب ومش هيقدرو يضربوكي
اما الغلبانه دي زي الغلبانه اللي جبروها..
وانا لو كنت بصحتي يابت ياجوان مكنتش اديتها للواد اللي عامل زي الليله السوده الاقرع دا..
انفجرت جوان ونيره بالضحك علي جدهم العجوز..
ونسيا ماكان فيه..وجلسا يتسامرا معه..
ـــــــــــــــــــــــــــــــــــ
جميله..ياجميله..
ـ نعم يابابا الحاج..
تعالي ياحبيبتي.. خدي كتبك واقعدي زاكريلك شويه الامتحانات قربت..
جميله بامتنان لذلك الرجل الذي اصر ان تكمل تعليمها سرا
حيث قام بتقديم اوراقها بالمركز
بالثانوي المنزلي حتي والديها لا يعلما انها تكمل تعليمها ويأخذها سر لتؤدي امتحاناتها..
جميله بحزن..مش هينفع يابابا خايفه ينزل ويشوفني وبعدين شكله قاعد ومش هعرف اروح الامتحانات..
عبدالعزيز بحب..ولا قاعد ولا نيله هو بس يكتب الكتاب ونمشيه..
انا حاسس اني ظلمتك يابنتي ومش عاوز اقابل رب كريم وانا ظالمك ياجميله..ابني مكنش له جواز وهو بالمنظر دا..
انا كتبت كل حاجه تخصني باسم روان ورواء وسجلتها ليهم انا وامه وبعد عمر طويل كل حاجه ليكو..
وامسكي دي يابنتي فيزا عملتهالك وحطتلك فيها فلوس الارض اللي بعتها، محدش ضامن الظروف..يمكن تحتاجيلها وتدعيلي.. انا هسافر ياجميله انا وامك نعمل عمره حاجز شهر وهرجعلك عشان نكتب كتابك عليه..
خلي بالك علي نفسك وعالولاد..ولو عارف ان ابوكي يؤتمن كنت قلتلك روحي اقعدي عنده..
لو جرالنا حاجه يابنتي خلي بالك من نفسك ومن الولاد ومتخافيش من حد..كل حاجه هنا ليكي ولولادك..
حققي حلمك وربي ولادك ومتخبيش خبيتنا وتغربي ولادك ياجميله..
نظرت له ونزلت دموعها..
وقالت.. هتسبوني لوحدي معاه يابابا..
فطبطبت عليها والدته..واخذتها بآحضانها..متخفيش احنا مش هنتاخر عليكي..
لسه فاضل شهرين علي امتحاناتك..نفسي اشوفك مغنيه كبيره بتطلعي في التلافزيون..مش انتي بتقولي نفسك تدخلي المعهد اللي اسمه ايه ده..
جميله بابتسامه..معهد الموسيقي..
ـ ايوه المدعوق ده..متسمعيش كلامه ياجميله صوتك زي الكروان يابنتي ربنا يحرسك..
جومي بقي ادخلي الاوضه واقفلي علي نفسك وابوكي الحاج هيخرج يشتريلك تلافون جديد بدل اللي انكسر ده..عندا فيه..
جميله وهو تقبل يد حماها..ربنا يخليك ليا يابابا..
ـ ويخليكي يا حبيبتي..
ــــــــــــــــــــــ
بعد اسبوع..
بمنزل عبدالعزيز
حسام بخباثه..محضرلك مفاجأة
جميله بصدمه..مفاجأه
حسام بهمس..ابويا وامي يمشوا واعملك شهر عسل جديد ياجميلتي..
جميله بقلق منه وبتهكم..شهر عسل لاوالله..
حسام..طبعا هو انا ليا اللي انتي وولادي..
يالا عشان نوصلهم بقي..
عاوزك تلبسي اشيك حاجه عشان هنطلع شرم الشيخ احنا كمان..
جميله بصدمه..نعم؟
شرم..؟
حسام وهو يخرج تذاكر السفر… ااه واهي تذاكر الطياره قومي بس..عاوزك فرسه..
وغمز لها..
يالا..

جميله..تذاكر ازاي وانا من غير باسبور..
حسام بضحك..ماانا خليت واحد حبيبي يعملك واحد كله بيمشي بالفلوس ياجميله…واحنا الحمدلله
جميله بخوف نظرت لوالدته التي ابتسمت لها..
ـ قومي ياجميله حضري نفسك عشان نوصل
جميله وهي تنظر للخارج..كانت تتمني ان يحضر والدها او اختها ووالدتها للسلام علي حماها وحماتها كما فعل الجميع.. ولكن
كالعاده..لم يأتي أحد..
حماتها بحب..يالا ياجميله البسي ويالا..
جميله..بابتسامه.. حاضر..ياماما
ـــــــــــــــــــــــــ
بقصر الرشيد..
يجلس شاردا يستمع لحديث والدته بلا انتباه..
وبجانبه شقيقه..ووالدته..
اندفعت نيرمين تبكي
الحقيني ياماما..الحقيني
ـ في ايه يانيمو ياقلبي..
ـ الفستان اللي كنت هحضر بيه فرح نهاد بنت العمده انقطع..هحضر ازاي دلوقت..؟
واحنا في منطقه شبه مقطوعه واتصلت بابيه فراس قال مش جاي انا في شرم اعمل ايه؟
باسم بتهكم..وهو يعني لازم فستان ماركه متلبسي اي حاجه.
نيرمين بحده..وانت مالك انت..
بدرالدين بحده..اخرسي واتكلمي بأدب مع اخوكي الكبير اول واخر مره اسمعك بتغلطي فيه قدامي وامشي انجري اطلعي علي اوضتك
نيرمين ببكاء ضربت الارض بقدميها وصعدت..
عااااا..
نسرين..لبدر..قولتلك متشخطش في اختك كده تاني..
بدر بقوه..ااه محاضره الام الفاضله عاوزانا نسيبها تبطح عشان تبقي تسنيم تانيه مش كدا..
لا ياست هانم احنا رجاله ويوم ماتعمل كدا هقطم رقبتها..
عن اذنك..
بعد ساعه..
متقلقيش ياست هانم..دي سمر ايدها تتلف في حرير وهتجيبهولك احسن من الاول هي ساعه زمن وهتجيبه..انا مأكده عليها..
نيرمين بتافف..ربنا يستر مش كفايه ان فلاحه اللي هتعمله..اكيد هتجيبه ريحته بهايم..
ـــــــــــــــــــــــ
ياجوان الله يهديكي قومي ودي الفستان..
جوان بغيظ..لا مش راحه هناك..وكمان انتي ناسيه ان ابويا حالف مااخرج..
سمر بقله حيلها..اعمل ايه ياربي حتي نيره مش هنا..انتي هتروحي وترجعي قبل مايجي.
ـ قومي الله يهديكي يابنتي ابوكي حالف عليا بالطلاق..
جوان بغيظ..هاتي ياماما بس اقسم بالله لو حد دايقني لجيب عاليها واطيها وانتي عارفه..
ـ سمر ببسمه..المهم روحي وخلصينا الفستان اهو..
جوان..هاتي..ادعي ابويا ميقبلنيش..
ــــــــــــــــــــ
يامخيمر..
ـ ايوا يابدر بيه..بقولك كنت عاوز اسالك عن البنت اللي انقذت الولد اللي وقع في الترعه
مخيمر كعادته يعشق الحديث والكلام..تقصد جوان الناظر..دي بنت بميت راجل يابيه صحيح ابوها راجل منتن وايحه..بس بناته الشهاده لله جمال وعلم..
بنته دي في تانيه ثانوي..بس مش تربيه اهنه
تربيه خالتها..عشان كده عينها قويه..واديك شوفت بنفسك
بدر..ااه..
مخيمر..بس سمعت ان ابوها حابسها من ساعه منطت في الترعه وسط الخلق وحلف يجوزها لاول واحد يجلها..
اصلها بعيد عنك جيباله المشاكل..
بدر بغيظ لا يعلم مصدره ممزوج بغيره..طيب..
روح انت وخد سراج(الحصان)دخله..
مخيمر..حاضر يابيه..
ــــــــــــــــــــــــــــــ
جوان انتي خرجتي ياالف بركه..
جوان بغيظ..ااه خرجت من ورا ابويه خدي الفستان اهو..عشان الحق اروح قبل مايجي..
نيرمين بقرف..لا استني يابتاعه انتي اما اشوفه الاول..ليكون بوظتوه..
دا تمنه بتمن بيتكو كله..دا ماركه..
جوان..بحده..ايه العك اللي بتقوليه دا..متتكلمي كويس..
نيرمين بصدمه..انتي ازاي تردي عليا يا بيئه انتي نسيتي نفسك..
نسرين..في ايه..يانيرمين..؟
نيرمين بغيظ..الزباله دي ياماما بترد عليا..
جوان بحده..الزباله دي يازباله
طب الزباله دي هتوريكي هتعمل ايه..؟
وبغيظ اخرجت الفستان وشقته نصفين امام وجهها..
نسرين..بصدمه رفعت يدها لتصفع جوان..
انتي اتجننتي..يااغبيه..
دوي صوت الصفعه المكان….رج صوته القصر..
جحظت عيونها وهي تري علي من حطت يدها..
ـ انت

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية أصابك عشق)