رواية فقدان في الذاكرة الفصل الخامس 5 بقلم وردة رضا
رواية فقدان في الذاكرة الجزء الخامس
رواية فقدان في الذاكرة البارت الخامس
رواية فقدان في الذاكرة الحلقة الخامسة
– كنت فين يامالك برن عليك مش بترد ليه
= فى ايه يازينه أنا راجع تعبان ومش فاضى لكلامك دا
– انت حالك متشقلب كده ليه واتغيرت ومبقتش زى ألاول أنا متأكده ان فيه حاجه انت مخبيها عليا
= نبقى نتكلم بكره لكن دلوقتى أنا عايز أنام
– أستنى هنا أنا مخلصتش كلامى
= صوتك ميعلاش انتى نسيتى نفسك ولا ايه
وبعدين انتى ايه اللى جابك يازينه
– من امتى الكلام دا يا مالك ….. ما احنا بقالنا كتير مع بعض وعمرك ما قولتلى كده
= من النهارده واه وانتى ماشيه ابقى حطى مفتاح الشقه على التربيره …..خلص الكلام أنا داخل أنام
– أفهم من كده انك بتنهى كل اللى بينا
= أفهمى اللى تفهميه أنا مش فاضى للرغى دا
– ماشى يامالك قريب أوى هعرف انت بتعمل ايه من
ورا ضهرى ولو طلع شكى فى محله وفيه واحده تانيه غيرى فى حياتك لهخليك تتحسر عليها …….مش زينه اللى يضحك عليها يامالك انت فاهم
رمت المفتاح على الأرض وقفلت الباب بكل عصبيه
يامجنونه هتكسرى الباب ….أنا اللى جبته لنفسى أستاهل
دخل أوضته وفتح النور شاف الاوضه متبهدله
– ايه المنظر المقرف دا……أكيد الحيوان طاهر مفيش غيره لما أشوف وشه بس
خد هدوم من الدولاب ودخل الحمام ياخد دش
خلص وطلع رتب ألاوضه وبعد كده مدد جسمه على السرير عشان ينام …..فتح تليفونه على صورتها
فضل يبص لملامحها لحد ما النوم غلبه
يوم جديد صحيت على صوت التليفون اللى مش مبطل رن …..قعدت أدور على التليفون جمبى لحد ما لقيته
كان رقم مش متسجل سيبت التليفون من أيدى بس الرقم رجع يرن تانى
– مين الغتت دا اللى بيرن عليا هو فيه حد بيعبرنى اساسآ …… بصيت على الساعه لقيتها ١ الضهر
مسكت تليفونى بكسل
– الو
= معقوله لسه نايمه
– مين
= نسيتى صوتى بالسرعه دى
– اتعدلت بسرعه أول ما عرفت صاحب الصوت
انت جبت رقمى ازاى
= هو رقمك سر ولا ايه وبعدين دى حاجه مش صعبه عليا
– طبعآ ما انت حرامى
= هنرجع للكلام الأهبل دا تانى
– اومال جبت رقمى منين
= انتى شغاله فين …..
– فى المستشفى …..مالها بقى
= والمستشفى دى تبع مين ياغبيه مش بتاعت بابا
يعنى سهله ….. بياناتك كلها موجوده عندى
فقومى اجهزى عشان تلحقى ميعاد الشيفت بتاعك أنا خلاص رجعتك الشغل ولا عاوزة دكتور عاصم يخصملك
اتصدمت انه عارف موضوع دكتور عاصم بس الصدمه مستمرتش كتير عشان أفتكرت ان دا العادى مش ابوه صاحب المستشفى طبيعى يعرف كل صغيره وكبيره
– بص بقى أنا مش راجعه الشغل دا تانى خلاص أشبع بالمستشفى بتاعتك واقولك على حاجه كمان
انسى الرقم دا خالص وإياك ترن عليا تانى
قفلت فى وشه من غير ما اسمع رده ورميت التليفون جمبى على السرير ورجعت أكمل نومى تانى
يابنت المجنونه بقى بتقفلى فى وشى أنا…..أن ما وريتك مبقاش سفيان لما أشوف أخرتها ايه معاكى ياملك
– سفيان باشا بنفسه موجود فى المستشفى
= خير ياسى زفت
– مكونتش مصدق لما عمى قالى انك هنا
= عاوز ايه ياعمر
– دا مين دا اللى أقنعك تنزل الشغل دا احنا ياما اتحايلنا عليك دا أكيد حد غالى عليك أوى
= لم نفسك يلا وخد الباب وأمشى من هنا بدل ما اقوملك وانت عارف الباقى بقى
– وحياه ابوك متنساش تقولى مين دا أنا حتى صاحبك
غمزله بعينيه
= أمشى يازفت ….مسك الطفايه اللى على المكتب ورماها عليه
– اخس عليك يا سفيان عايز تفتح دماغى
مكانش العشم ياصاحبي
= انت بقيت غتت كده ليه يلا
– نتكلم بجد بقى أبوك قلقان عليك بيقولى أن فيك حاجه ومش داخل عليه موضوع انك كنت مسافر
ولا أنا كمان بصراحه سفر ايه دا اللى يجيلك فجأه يخليك تطفى تليفونك ومتقولش لحد
= عادى ياعمر كنت مخنوق وحبيت أريح دماغى شويه
مش موضوع يعنى
– وبالنسبه للجرح دا جه فجأه برضو …..ما تقولى مالك ياصاحبي يمكن لو فيه حاجه أعرف احلها معاك
= مفيش حاجه صدقنى لو فيه كنت هقولك انتوا بس اللى قلقانين على الفاضى
– ماشى ياسفيان ….هسيبك بقى عشان ورايا شغل كتير
وابوك لو جه ولقانى قاعد معاك هيعلقنى
أشوفك بقى بعد الشغل يلا سلام
= سلام
بعد ما خرج عمر مسكت التليفون تانى أرن عليها
لقيت مفيش اى جرس ……. دى قفلت التليفون او عملتلك بلوك ياسفيان ما هى مجنونه وتعملها أنا عارفها
أحسن حاجه أركز دلوقتى فى شغلى وبعد كده نبقى نشوف موضوع ست ملك …….
فى بيت ملك
أول ما صحيت بصيت على الساعه كانت ١١ بليل
معقوله نمت كل دا …..منك لله ياسفيان خليت أيامى كلها شبه بعض مبقتش عارفه النهار من الليل ……اما أقوم اشوف اى أكل يتأكل فى البيت
فتحت التلاجه لقيت فيها بانيه ومكرونه عملتهم وبعد ما خلصت دخلت المطبخ عشان أغسل الأطباق
بس سمعت صوت الجرس أستغربت مين اللى ممكن ييجى فى نص الليل فى وقت زى دا مهمتمتش كتير قولت يمكن البواب مسحت أيدى وروحت أفتح الباب
وياريتنى ما فتحت أنا معرفش اخترعوا العين السحريه دى ليه وايه لازمتها عندى طالما مش بستخدمها
– مش تسألى مين على الباب الأول ….. بس طبعآ انت مش زى باقى الناس
= انت موركش غيرى بقى
ربنا يتوب عليا كده كتير والله
– نفسى مره أشوف الطرحه على رأسك أمنيه حياتى والله
= ما هو بيتى أقعد فيه بطرحه ليه وبعدين أنا فكرتك البواب ودا قد بابا الله يرحمه وكمان كنت هكلمه من ورا الباب يعنى مكانش هيشوف شعرى يا استاذ
انت بقى جاى ليه ……ولابس الماسك دا تانى ليه
أوعى تقولى عملت مصيبه تانى بالله متقولش
أكيد هببت حاجه بما انك جاى فى نص الليل أكيد مصيبه جديده من مصايبك
– الجرح
= مالو الجرح
خدت السكينه المرادى فين …… ما انا خلاص مواريش غيرك
– لا نفس الجرح بس رجع أتفتح تانى
= يابنى اعتقنى بقى لوجه الله
انت متعرفش حاجه اسمها مستشفيات
– ولازمه المستشفيات ايه وانتى موجوده وبعدين أنا مينفعش أظهر قدام اى حد
= عفريت يعنى وخايف حد يشوفك غيرى
يعنى ايه مينفعش تظهر انت هتجننى …..أومال بتظهرلى أنا ليه
قولى مين اللى مسلطك عليا دا انت بقيت مرازينى
– أوعى بقى خلينى أدخل مش قادر أقف …..عمال اقولك الجرح اتفتح وانتى ولا هنا موقفينى كل دا على الباب
= انت جبت الجراءه دى منين عشان تزقنى وتدخل كده
خد يلا هنا انت رايح فين هو البيت خلاص بقى بيتك
يابنى أفهم بقى أنا عايشه لوحدى يعنى مينفعش تبقى موجود هنا …..أفرض حد شافك وانت نازل من عندى يقولوا عليا ايه
****************************************
بقى حته بت معرفتوش تاخدوا بالكم منها كام ساعه بس …… ايه مشغل عندى بهايم مش عارفين يعملوا شغلهم صح أقول ايه دلوقتى أنا للباشا لما يسأل عليها
– ياباشا احنا نعرف منين ان مالك هيساعدها تهرب
– فين بيت الزفت اللى أسمه مالك
حد منكم يعرف عايش فين
لا ياباشا منعرفش
ازاى يعنى متعرفوش يا اغبيا
ما هو مكانش بيتكلم مع حد عن حياته الشخصيه
لا طلع ناصح وأنا اللى مشغل شويه اغبيا مش عارفين يعملوا حاجه اومال انا بديكم ياروح أمك انت وهو فلوس ليه …….. تقبوا وتتصرفوا وتعرفوا عايش فين يأما موتكم هيبقى على أيدى ومش هخلى حد يعرف لجتتكم طريق انتوا فاهمين والبت دى تعرفولى ايه حكايتها …… يلا غوروا من قدامى شوفوا هتعملوا ايه
تمام ياباشا
ماشى يامالك شكل اللعب هيحلو انت اللى بدأت اللعبه وأنا اللى هنهيها …..نهايتك هتكون على أيدى
**********************************
– دا أكيد فخ صح
= هو ايه دا اللى فخ
– مين اللى مسلطك عليا قول متخافش وهدفعلك قد الفلوس مرتين
= انتى عامله فيها مهمه مين دا اللى يدفع فيكى فلوس
دا انا مدفعش فيكى ولا جنيه
– ضربته فى كتفه ….بطل برود وقول الحقيقه
= أيدك بدأت تطول ودا مش كويس ليكى خلى بالك
– اتنيل ارفع التيشيرت خلينى أشوف الجرح بتاعك
= انت اللى فتحت الجرح مش كده …..الخياطه مفكوكه
– رمش بعينيه ببراءه …. أنا خالص اللى يخليني أعمل كده ليه اتجننت عشان أاذى نفسى
= بصلى هنا متعمليش فيها المسكين الغلبان ومن ناحيه انك مجنون فأنت مجنون اساسآ بعد كل اللى عملته ولسه مش شايف أنك مجنون
لسه كان هيرد ……أخرس بقى خلينى أتنيل اخيط الجرح
– هو فى ايه كل كام يوم تجيلى متشلفط هو مفيش غيرى ولا ايه انت اكتر بنى أدم غريب قابلته فى حياتى انت ايه حكايتك
= ما قولتلك الجرح اتفك هى حكايه عاوزه تصدقى صدقى مش عاوزة ف أنتى حره
– اه أعملى بقى المغلوب على أمرك ويعينى غلبان ومش معاك حق المستشفى مش كده
= أخرسى بقى ادينى فرصه أتكلم مش عارفه ارد
ايه مش بتبطلى كلام خالص
– يعنى جاى فى نص الليل وكمان بتزعقلى
بيبص لقاها قعدت على الكنبه وبتعيط حط ايده على خده وقعد يبصلها بشئ من الغرابه
= طيب انتى بتعيطى ليه دلوقتى أنا مش فاهم
– عشان مبحبش حد يزعقلى وانت كل ما تشوف وشى تقعد تزعق
= طيب أهدى والله ما زعقت مكانش قصدى ازعق أنا أسف مش هزعق تانى بطلى عياط بقى وترتينى
– اها شوفت بتزعق ازاى ….اديك بتزعق تانى
= ينفع تسكتى بقى
– أنا عاوزة أعرف انت ايه حكايتك …… و بتعمل اى كل يوم فى نص الليل اشمعنا الوقت دا بالذات
= شغل
– شغل ايه دا اللى نص الليل اللى يخليك مخبى وشك ولابس ماسك وبعدين لابسه ليه قدامى ما أنا خلاص شوفت وشك
= أمتى شوفتى وشى
– يابنى انت بتيجى عندى تفقد الذاكره
= بلاش تلعبي معايا انتى مش قدى ياملاك
– بس أنا مسميش ملاك
= عارف ياملك بس أنتى بالنسبالى خلاص بقى أسمك ملاك ……أسمك كده أحلى
– اتوترت أول ما قال كده …… لا بقولك ايه متبصليش بعينك دى مش وقت تسبيل ……لا أظبط كده معايا أحسن تزعل
= ببص لقيته بيضحك …..تعرفى أنك قادره تنسيني كل حاجه لما ببقى معاكى ودا اللى عاجبنى فيكى
– وعشان كده سايب المستشفيات دى كلها وبتجيلى أنا
= لا دا عشان مزاجى كده
– دا أنت بنى أدم غريب اه والله
دا انا من ساعه معرفتك متهنتش على يوم راحه
بكلمك بأمانه مفيش يوم يمر مرور السلام
– ششششششش بس كفايه ايه كل دا …… بقى أنا عملت كل دا
= ايوه انت هو فيه حد غيرك هنا
أنا قايمه رايحه المطبخ أعملى حاجه اشربها ع الله أرجع الاقى مصيبه جديده ما أنا خلاص اتعودت
واقفه فى المطبخ بفكر وكل تفكير مختلف عن التانى ازاى قادر يبقى شخصيتين فى وقت واحد طيب هو بيعمل كده ليه وهيستفاد ايه …..أكيد وراه سر
ببص ورايا عشان أجيب السكر أتفزعت
– يلهوى خضتنى
انت جاى المطبخ تعمل ايه هنا
= بتعملى ايه
– انت جاى المطبخ عشان تسألني بعمل ايه …..بعمل نسكافيه ياسيدى ارتحت كده
= اتلفت على المطبخ كله وبعدين بصلى …..ذوقك حلو
– شكرآ يا استاذ مالك والله
= ثانيه انتى عرفتى أسمى منين
– نعم يا أخويا انت اتخبطت على دماغك ولا ايه
= عرفتى أسمى منين أنطقى أنا لحد دلوقتى مقولتلكيش أسمى ف ازاى عرفتيه
– يابنى اعتقنى بقى لوجه الله أفتكر اى حاجه يخربيتك
أنا مش عاوزة اتجنن على أيدك
= يعنى مش هتقولى الحقيقه
– انت بتقرب كده ليه ……. أثبت يلا ومتقربش
ياشيخ ياريتنى ما فتحت بوقى كنت اتشك فى لسانى اللى جايبلي المصايب دا
-قرب وحاصرنى عند الحيطه وعينه كانت مركزه على عينى وعلى كل خطوه او حركه بعملها
اتوترت ونزلت عينى بسرعه كنت ببص فى كل الاتجاهات معادا عينه معرفش لما ببص لعينه ايه اللى بيحصلى
– ملاك بصيلى
= مسميش زفت ملاك
انا مبقتش عارفه انت أسمك سفيان ولا مالك
– لقيت عينه أحمرت بغضب …..مكونتش فاهمه سبب
الغضب اللى شيفاه فى عينيه لدرجه أنى خوفت منه
– مسك ايدى بحده …..مين سفيان دا أنطقى
= انت قد مسكه الايد دى
– مش وقت هزارك مين سفيان دا
بلاش تستفزيني ياملاك
= طيب سيب أيدى وأنا هقولك
– مش هسيبها قبل ما تقوليلى مين سفيان دا
بصيت فى عينيه بتركيز حاولت اشوف اى حاجه مختلفه بينهم بس مفيش اى اختلاف نفس العيون معقول فيه حد ينكر نفسه طيب لو بيكدب عليا هيستفاد ايه ولو بيلعب عليا …..ايه السبب برضو
أنا معملتش اى حاجه تخليه يكدب عليا
– مش هقدر أقول اى حاجه غير لما أشوف وشك
= مش هشيل الماسك
– وأنا كمان معنديش اى كلام أقوله غير بعد ما اشوف وشك
= أنا صبرى خلاص ابتدى ينفذ أنا لحد دلوقتى بتكلم معاكى بهدوء مش عارف بعد كده ممكن أعمل ايه قوليلى ياملاك مين سفيان دا
– انت أبوك اسمه ايه
= يهمك فى ايه
– على العموم أنا معنديش اب عشان أعرف أسمه
= يعنى ايه معندكش اب ازاى يعنى
– اللى فهمتيه اتولدت لقيت نفسى من غير اب …..ايه الغريب فى كلامى
= استوب يابنى اللى بتقوله دا مين دا اللى من غير اب
دا انت يومك مش مش فايت دا أنا لسه شايفه الراجل من كام يوم …..
انت قتلته ولا ايه عشان تورث المستشفى حتى ابوك مسلمش منك
– انتى عبيطه صح ومعندكيش عقل مش معقوله تكونى بنى أدمه طبيعيه بعد الهبل اللى قولتيه دا
= هو انت خليت فيا عقل أنا خلاص حاسه أنى قربت اتجنن مش قادره أفكر فى اى حاجه كل حاجه بقيت داخله فى بعض حتى انت كل شويه بتبقى غامض عن اليوم اللى قبله حاسه انك مليان أسرار ومخيف لدرجه كبيره
– أنا لو الكل الناس خافت منى…..مستحيل اخليكى تخافى منى لا يمكن أفكر أنى أذيكى
= اشمعنا أنا اللى مش هتأذينى
– عشان انتى حاجه تانيه ياملاك
= اتوترت أول ما قال كده ونبضات قلبى عليت لدرجه حسيت أنه سامعنى …..انت قصدك ايه ولسه مكملتش كلامى سمعنا خبط على الباب
لقيته حط ايده بسرعه على بوقى عشان متكملش
– مين دا اللى جايلك فى نص الليل انتى كنتى مستنيه حد
= انت بتبرقلى كده ليه …..نزل أيدك دى بقى من على بوقى هموت بسببك فى مره
– أنا هدخل أستخبى فى ألاوضه وانتى أفتحي بس لو لقيت سى زفت سفيان اللى بتقولى عليه مش هرحمه
روحى أفتحى الباب
= وأفرض حد من العصابه بتاعتك وعرف مكانى وجاى يخطفني …..مردش عليا وسابنى ودخل ألاوضه
بارد ومستفز ….أهدى ياملك هتعملى عقلك بعقله
روحت فتحت الباب وأول ما شوفت مين اللى على الباب جريت على حضنه
– عاصم حبيبى وحشتنى ايه الغيبه الطويله دى
أول ما شاف ملك بتحضن شاب كان هيطلع بس وقف بسرعه أول ما عرف مين ……..دا عاصم
كان مستغرب ايه اللى جاب عاصم عند ملك يعرفها منين ……….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية فقدان في الذاكرة)
