رواية حارسي الخاص الفصل الثامن 8 بقلم رنا تامر
رواية حارسي الخاص الجزء الثامن
رواية حارسي الخاص البارت الثامن
رواية حارسي الخاص الحلقة الثامنة
اللواء منير بإبتسامة خبيثه/ ما هو فرحه هي اللي هتساعدنا في اننا نمسك عادل الحريري.
عمار بتساؤل/ ازاي يا فندم.
اللواء منير بجديه/ ركزوا معايا.
ــــــــــــــــــــــــــــــــــــــــــــ✦
عند فرحه..
هبطت الي الاسفل بعدما جهزت نفسها وكانت في كامل اناقتها.
عادل بسخريه/ طول عمرك توقعي وتقومي اقوي من الاول.
فرحه بثقه/ ما انت عارف يعني مش جديد عليك.
عادل بسخريه/ ويا تري بقي متشيكه كده وناويه تروحي فين.
فرحه بجديه/ رايحه الجامعه ولا ناوي تمنعني ان شاءلله.
عادل ببرود/ وانتي مين قالك انك هتخرجي من هنا اصلا.
فرحه بهدوء ما قبل العاصفه/ انا اللي قولت وياريت بقي تخليني اروح عشان انت شكلك كده لسه متعرفنيش يا ابن عمي.
عادل بتحدي/ طب انتي مش هتخرجي من هنا وعايز اتفرج هتعملي ايه.
فرحه في نفسها بإبتسامة شر/ كنت متاكده انك هتقول كده ومش هتسبني اخرج بسهوله.. قابل بقي يا عم الشهم.
فرحه بإبتسامة شر/ من عينيا الاتنين.. تعالي بس نفطر الاول وبعد كده هقولك انا هعمل ايه.
عادل بإستغراب/ نعم.
فرحه ذهبت الي مائدة الطعام وجلست ببرود وهو ذهب وجلس بإستغراب.
فرحه كانت تاكل بهدوء وتنتظره حتي ياكل وبالفعل اكل وبعدما اكل هي ابتسمت بإنتصار وظلت تعد علي يديها حتي نظرت اليه و وجدته يتوجع.
عادل بوجع/ ااااااه.
فرحه بخضه مصتنعه/ مالك يا عادوله بتتوجع من ايه.
عادل بوجع/ بطني بتتقطع مش قادر.
فرحه بخضه مصتنعه/ يحرااام انا كده لازم اجبلك الدكتور.. خليك مكانك وانا هروح اجبلك الدكتور واجي.
عادل لم يهمه امر خروج فرحه من القصر وكل ما كان يهمه هو نفسه وان يصبح بخير.
خرجت فرحه وكان يوجد حراس وقاموا بمنعها من الخروج ولكن علي من.
فرحه في سرعه/ اوعي يا بني انت وهو انا لازم اجيب دكتور ل عادل بيه.. لانه تعبان جدا.
الحراس تركوها وفرحه اخذت سيارة عادل وذهبت بإنتصار وكانت تحدث حالها بإبتسامة سخريه/ بجد كنت شايله همهم طلعوا شويه بهايم بيصدقوا اي حاجه بسرعه.
ــــــــــــــــــــــــــــــــــــــــــــ✦
في الجامعه..
وصلت فاطمه هي واحمد.
فاطمه بإبتسامة خافته/ مع السلامه يا حماده.
احمد بإبتسامة/ مع السلامه يا روح حماده.
فاطمه كانت ستذهب ولكن احمد امسكها من يديها وتحدث بإبتسامة/ متخفيش انا هدور عليها واقولك علي مكانها.. مش عايزك تقلقي.
فاطمه بحب/ طول ما انت جمبي انا مطمنه.. وانا واثقه انك هتلاقيها.
ذهبت فاطمه الي الجامعه وانطلق احمد ب سيارته بعدما اطمان عليها.
بعد دقائق كانت وصلت فرحه وكانت تركن السياره جانبا.. ومن ثم دخلت الي الجامعه.
ــــــــــــــــــــــــــــــــــــــــــــ✦
في الكافيه..
كان يجلس كلا من باسل وتميم ويتحدثون.
باسل بتساؤل/ كلمتك صح.
تميم بإستغراب/ هي مين دي.
باسل بسخريه/ اللي شاغله بالك.. ثم اكمل بجديه.. بص يا صاحبي انا اكتر واحد عارفك وبعرفك لما بتحب ساعت ما كنت بتحب قبل فرحه كنت بتبقي كده برضوا.
تميم بنفس عميق/ بص انا مش هنكر اني حبيتها فعلا.. بس خايف.. خايف انها تروح مني و اخسرها او تخدعني زي اللي قبلها.. مش عارف اعمل ايه.
باسل بإبتسامة/ اسمع كلام قلبك واكيد قلبك مش هيخذلك المرادي.
تميم بنفس عميق/ اتمني يكون كلامك صح يا صاحبي.
باسل بإبتسامة/ ان شاءلله هيطلع صح بكره تقول باسل قال.. المهم هي قالتلك ايه بقي لما كلمتك.
تميم قص له كل ما قالته له فرحه في المكالمه.
باسل في سرعه/ طب مستني ايه.. روحلها دلوقتي.
تميم وهو ينظر في الوقت.. ويتحدث بهدوء/ طيب انا هقوم اروحلها يارب بس تكون جت.
باسل بهدوء/ ان شاءلله هتكون جت.. خلي بالك من نفسك.
تميم بجديه/ اوك.. سلاااام.
باسل بهدوء/ سلااام.
ــــــــــــــــــــــــــــــــــــــــــــ✦
في القصر عند عادل..
كان مازال يتوجع والوجع يزداد اكثر ف اكثر وهو كان قلق انه يصير له شئ.
عادل بوجع/ انتو يا بهايم حد ينقذني.. مش قااادر.. اااه.
ظل عادل يتوجع ولم ياتي احد لانقاذه لانه كان معطي اجازه لكل الخدم الذين يعملون عنده.
ــــــــــــــــــــــــــــــــــــــــــــ✦
في الجامعه..
وصل تميم و وجد سيارة عادل موجوده.. دخل الجامعه و ظل يبحث عن فرحه.
عند فرحه وفاطمه..
فاطمه بدموع/ كده يا فرحه من امبارح معرفش عنك حاجه وتلفونك مغلق.
فرحه بإبتسامة حب/ معلش يا حبيبتي حقك عليا بس اما احكيلك هتقدرى.
فرحه قصت كل شئ ل فاطمه وفاطمه كانت مصدومه لما سمعته.
فاطمه بصدمه وضحك/ علي راي المثل هم يبكي وهم يضحك.. ثم اكملت بإبتسامة.. بس والله جدعه طلع ميتخفش عليكي صحيح.
فرحه بغرور/ اوومال يابنتي انتي فاكره انك مصاحبه اي حد ولا ايه.
فاطمه بإبتسامة/ لا طبعا..ثم اكملت بحزن.. طب وتميم تلاقيه قلقان عليكي.
فرحه بحزن/ انا بجد كل اللي مضايقني هو تميم.. انا علي قد ما كنت زعلانه انه انا هتجوزه غصب بس في نفس الوقت كنت فرحانه.. اهو ربنا خلصني منه وروحت للي بكرهوا وبكره سيرته.
فاطمه بحزن علي صديقتها/ معلش يروحي.. استحملي عشان تجيبي حقك وكلنا هنبقي جمبك متخفيش.
فرحه بنفس عميق/ ياريت يا فاطوم.. ياريت اقدر اكمل واستحمل.
فاطمه بثقه/ انا واثقه انك قدها وهتقدري.
فرحه بإبتسامة/ ربنا يخليكي ليا وميحرمنيش منك ابدا.
فاطمه بإبتسامة/ ويخليكي ليا يا فروحتي.
عند تميم..
وجدها تجلس مع فاطمه فقام بالذهاب اليهم.
تميم بإرتياح/ فرحه.
فرحه بإبتسامة/ تميم انت جيت امتي.
تميم بإبتسامة/ لسه جاي.. بس انتي جيتي ازاي.
فرحه بغرور/ الاسئله دي مينفعش تتسألي يا تميم بيه.
فاطمه بضحك/ انت شكلك متعرفش بتكلم مين.. دي لو شغاله ظابط سري هتكون افضل ظابط.. دي عندها شويه خطط انما ايه عنب.
فرحه بضحك/ بغض النظر عن الحسد اللي بتحسدهولي بس هي عندها حق.
تميم كان يضحك وغمزاته بانت وكان اول مره يضحك من قلبه.
فرحه رات ضحكته وكانت اول مره تري ضحكته وغمزاته.. ظلت فتره شارده في ضحكته وانتبهت عليها فاطمه وقامت بخبطها بخفه ل تفوق من شاردها.
فرحه بإنتباه/ احم طب انا بقول نقعد بدل ما احنا واقفين كده.
قاموا بالجلوس بالفعل وتحدثت فاطمه بهدوء/ طب انا هروح اطمن علي احمد.
فرحه بإبتسامة/ تمام يا حبيبتي.
ذهبت فاطمه ونظر تميم ل فرحه وتحدث بتساؤل/ بجد بقي جيتي ازاي ده حتي مفيش حرس بره انتي قتلتيه ولا ايه.
فرحه بضحك/ لا لا انا بإختصار حطتله سم في الفطار.
تميم بصدمه وصوت عالي نسبيا/ عملتي اييييه.
فرحه في سرعه/ اهدي هتفضحنا.. ايه في ايه انت دماغك راحت ل فين انا اكيد مش هودي نفسي في داهيه عشان واحد زي ده ميستهلش.. انا حطلته شبيه للسم هيقعدله كام ساعه يتوجع وبعد كده يبقي كويس.. مش حكايه يعني.
تميم بدهشه/ يخربيت دماغك انا ابتديت اخاف منك.
فرحه بإبتسامة/ احم والله انا مش عارفه انت بتشكر فيا ولا بتهزئني.
تميم بضحك/ لا متخفيش بشكر فيكي.
فرحه وضعت يديها علي خدها وشردت فيها مره اخري وكانت تقول في نفسها/ يخربيت جمال ضحكتك يا شيخ.. كان فين ضحكتك دي من زمان.
تميم بإستغراب/ فرررحه انتي معايا.
فرحه بإنتباه/ ااه معاك طبعا كنت بتقول ايه بقي.
تميم بسخريه/ لا واضح انك كنتي معايا.. ما علينا احكيلي عملتي ايه مع الزفت ده.
فرحه بهدوء/ حاضر هحكيلك بس قولي الاول.. بابا عامل ايه.. قلبي مش مطمن وحاسه انه مش كويس.
ــــــــــــــــــــــــــــــــــــــــــــ✦
عند فاطمه..
كانت جالسه علي طاوله ما في الكافيه تبع الجامعه وتشرب القهوه تبعها وتتصل ب احمد.
فاطمه بإبتسامة/ ايوه يا حماده.
احمد بإبتسامة/ ايوه يا فاطوم شكلك مزاجك رايق.
فاطمه بفرحه/ الصراحه ااه عشان شوفت فرحه جت الجامعه.
احمد بإبتسامة/ طب كويس.. كانت فين؟؟.
فاطمه بهدوء/ هبقي احكيلك بعدين.. المهم انت عامل ايه دلوقتي.
احمد بإبتسامة/ الحمدلله يحبيبتي وانتي عامله ايه.
فاطمه بإبتسامة/ بخير طول ما انت بخير.
احمد بحب/ يارب دايما يا فاطومي.
فاطمه بإبتسامة/ طيب اسيبك بقي تكمل شغلك واروح انا علي محضراتي.
احمد بإبتسامة/ طيب يا روحي.. سلااام
فاطمه بحب/ مع السلامه.
ــــــــــــــــــــــــــــــــــــــــــــ✦
تميم بإرتباك وكذب/ باباكي!! باباكي كويس جدا.. هو بس زعلان انه انتي مشيتي وعادل اخدك بالطريقه دي.
فرحه بارتياح/ طيب كويس طمنتني وانا بردوا هحاول اروحله او اكلمه.
تميم بإبتسامة مصتنعه/ ان شاءلله.
فرحه بإبتسامة/ بص بقي يا سيدي اللي حصل كالاتي….
فرحه قصت له كل شيء.
تميم بغضب/ والحيوان ده ازاي يمد ايده عليكي.
فرحه وهي تنظر حوليها ونظرت له وتحدثت بغيظ/ انت ناوي تفضحني صح قول انك ناوي تفضحني ما هو مش معقول كل حاجه تعلي صوتك كده يا تميم.
تميم بحده/ اومال عايزاني اسمع الكلام ده واروح اشكره مثلا.
فرحه بهدوء/ لا يا تميم متشكروش بس انا اخدت حقي ولسه هاخده اكتر واكتر.
تميم بزفر/ طيب والمفروض هتعملي ايه الخطوه اللي بعد كده.
فرحه بتفكير/ معرفش.. بس اكيد هلاقي عليه حاجه تكون هي نقطه ضعفه وتخليه يطلقني ما هو انا اكيد مش هفضل عايشه مع البنادم ده كتير.
تميم بتساؤل/ هو مش ابن عمك.. يعني اكيد عارفه عنه اي حاجه كده ولا كده.
فرحه بهدوء/ للاسف لا معرفش لانه مكنش بيجي عندنا كتير ولما دخلت الجامعه هو كان سافر و ل سبب انا معرفوش ومكنش همماني اعرفه انا ارتحت اصلا.. اساسا من صغري وانا مبطقهوش معرفش ليه بس هو سبحان الله مكنش بينزلي من زور.. بس دلوقتي عرفت ليه انا مبطقهوش.
تميم بحيره/ والله مش عارف اقولك ايه بس كده مش هينفع.. احنا لازم نلاقي حل.
فرحه بهدوء/ انا اكيد مش هفضل قاعده كده انا اكيد لازم هلاقي حل.. بص انا هخلص بقيت محضراتي واروح واقعد افكر هعمل مع الحيوان ده ايه.. وانت لو لقيت حل ابعتلي ماسج عشان هو ميعرفش اني معايا موبايل اصلا.
تميم بنفس عميق/ تمام انا همشي انا بقي.. خلي بالك من نفسك.
فرحه بإبتسامة/ حاضر.. وانت كمان خلي بالك من نفسك.
تميم بإبتسامة/ حاضر.
ذهب تميم وفرحه ظلت شارده فيه حتي اختفي ومن ثم ذهبت هي ايضا الي محضاراتها.
ــــــــــــــــــــــــــــــــــــــــــــ✦
في قصر عادل..
كان صعد الي غرفته ل يستريح.. وكان يتوجع ولكن فجاءه لم يشعر باي وجع.
عادل باستغراب/اده انا بقيت كويس ازاي واللي حصلي ده.
ظل يفكر ل دقائق وبعد ذلك تحدث بغضب جحيمي/ هي فرحه الكلب.. والله لوريكي يا فرحه مين هو عادل الحريري.
ــــــــــــــــــــــــــــــــــــــــــــ✦
في الجامعه..
انتهت فرحه من محضراتها و اتجهت هي وفاطمه عند باب الجامعه.
فاطمه بحزن/ انتي هتروحيلوا وانتي معاكي فرصه انك تهربي.
فرحه بسخريه/ اهرب من ايه يا فاطمه لو هربت منه هستفاد ايه.. هل هو هيطلقني بالعكس هفضل علي ذمته يبقي مستفدتش حاجه.. انا لازم ادوقه من العذاب الوان لازم اكره في اليوم اللي فكر فيه انه يهدد بابا عشان يتجوزني.. يا انا يا هو.
فاطمه بأمل/ وانا هفضل وافقه جمبك يا قلبي.. وقت ما تحتاجيني هتلاقيني جمبك.. ولو بردوا عايزه احمد يساعدك في حاجه هو موجود.
فرحه بتفكير/ صح انتي كنتي قايلالي انه احمد بيشتغل ظابط يعني هيفدني كتير في اللي انا عايزه اعمله.
فاطمه بإبتسامة/ اكيد طبعا وقت ما تحتجينا هنكون جمبك علي طول.
فرحه بإبتسامة/ ربنا يخليكي ليا وميحرمنيش منگ ابدا يا اغلي حد في حياتي.
فاطمه بضحك/ الكلام ده قبل ما تعرفي تميم ولا بعديه.
فرحه وهي تضربها علي كتفها بخفه/ ظريفه خفي شويه.
فاطمه بضحك/ حاضر.
فرحه بإبتسامة/ يلا انا ماشيه.. سلااام.
فاطمه بإبتسامة/ خلي بالك من نفسك.. سلااام.
ذهبت فاطمه وكانت ستذهب فرحه لكن وقف بطريقها شخص تكره كثيرا.
فرحه بنفاذ صبر/ اللهم طولك يا روح.. بص يا كارم انا علي اخري وعفاريت الدنيا بتتنطط قدامي ف اتقي شري انا بقولك اهو.
كارم بضحكه سخريه/ احلي حاجه بتعجبني فيكي تهديتاتك الجميله.
فرحه بضحكه ثقه/ بس للاسف انا مبهددش انا بنفذ.. لو تحب ممكن اوريك معنديش مشكله.
كارم بهدوء غريب/ بصي يا فرحه اللي عمله فيا الواد بتاعك اللي انتي فرحنالي بيه ده ساعتها كان واخدني علي غدر و وعد مني لهندمكوا علي اللي عملتوا ده.. انتي فاااهمه.
فرحه بسخريه/ لا مش فاااهمه ومستنيه اشوف انت هتعمل ايه.. شاووو يا بيبي.
ذهبت فرحه وتركت كارم في قمه غضبه.
ــــــــــــــــــــــــــــــــــــــــــــ✦
مساااااااءااااااا..
في قصر عادل..
وصلت فرحه وركنت السياره ودخلت القصر بعد ان اخدت نفس عميق وتوعدت ل عادل بإنه سيتلقي اشد العذاب لما فعله بيها.
دخلت القصر وجدته مظلم وكانت ستصعد لاعلي ولكن فجاءه الضوء انفتح وتحدث عادل بسخريه وهو جالس علي الاريكه ويضع قدم فوق الاخري/ اهلا اهلا بالسنيوره.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حارسي الخاص)
