رواية وداد الفصل السادس 6 بقلم هند عبد الله
رواية وداد الجزء السادس
رواية وداد البارت السادس
رواية وداد الحلقة السادسة
جلست جدة وداد على الكرسي الخشبي في ركن المقهى الذي أخذها اليه المحامي الشاب
: تشربي ايه يا حاجة
: كتر خيرك يابني شوية مية باردين بس
رفع الشاب صوته
: هات مية هنا واتنين شاي يابني
ثم اقترب منها
: هاه يا امي اتفضلي سامعك
: انت اسمك ايه يا حبيبي
: اسمي عبد الرحمن
: شوف يل عبرحمان يابني وداد دي اغلب من الغلب يتيمة والدنيا جات عليها بالقوي وانا وعمتها ياما كسرنا نفسها عشان تفضل طوع
: طوع!!؟؟
: ايوة عمتها كانت دايما تخوفني وتقولي البت عيارها هيفلت هيقولوا تربية مرة
ابتسم عبد الرحمن ساخرا
: اهو مفلتش يا حجة وطلعت من آداب على قتل اهو
: ماهو يابني يكفيك شر عمى القلب
وداد ابوها مات وفات وراه قرشين كده غير البيت اللي احنا فيه ده يبقى بإسمه خوفنا امها تتهنن بفلوسه كرشناها وخدنا منها البنت عشان ميبقاش لها الحق في ورث
: بس شرعا لها تمن ميراثه
: ماهو احنا معرفنهاش كان فايت ايه وهى ماصدقت هجت من البيت لو كانت اصيلة كانت رجعت تدور
غمغم عبد الرحمن
: ولو رجعت كنتو هتقولو جعانة وجاية تورث دنتو عاوزين الشيخ مبروك يطبلكو بقى
: بتقول حاجة يابني ؟
: بقول كملي يا حجة بس عاوزين موضوع القضية الاول الله يكرمك
: ماهو كله موصل على بعضه يا بني
: طب اتفضلي
: امها هجت من البيت وشويتين سمعنا انها اتجوزت يلا منها لله
من بعد ما سمعنا انها اتجوزت وبنتي بقى مسكت في وداد كات عيلة يادوب ٥ سنين
شوية تقولها هتفجري زي امك وشوية تقولي شدي عليها لتفلت وانا يابني ست كبيرة خفت تفلت مني
: اه قمتي كسرتي نفسها وهى طفلة يتيمة دنتو هتروحو الفرح انتي وعمتها
: فرح مين يابني
: بقولك هعمل فرح لما اعرف اول القضية دي فين يا حجة
: مانا جايالك اهه يابني
البت بتكبر واحنا كاتمين نفسها بس مقصرناش معاها علمناها احسن علام وهى كات نبيهة وشاطرة طلعت الاولانية عالمدرسة
اما خلصت ثانوية جات قالت يا نينة ادخل الجامعة
عمتها صوتت وقالت على جثتي تدخل الجامعة بنت سميرة
من هنا لهنا قولنالها الجامعة مصاريفها غالية علينا
قالت هشتغل
عمتها جابتلها شغلانة قولنا دي هترفضها
مسكت فيها بايديها وسنانها وبقت تشتغل ليل نهار
:شغلانة ايه
تنحنحت المرأة خجلا
: اهو شغلانة يابني هو حد لاقي شغل
: شغلتوها ايه يا حجة
: اه يعني اهو كل الشغل حلو ادام حلال
: ايوة يعني شغلتها ايه
: خدامة يابني
: لاحول ولا قوة الا بالله كملي يا حاجة
: فضلت في شغلها ده وبتحوش فلوس للجامعة
بقيت شايفاها وهى بتتغير قدام مني بس مانيش قادرة اتكلم
: تتغير ازاي يعني
: اهو بقت تجيب لنفسها هدوم كل شوية وعرفت طريق الكوافير وكل شوية تعمل شعرها وحاجة زي ولاد الزوات خالص
: وماله ايه المشكلة في كده ؟
: هو المدعوق الكوافير ده اللي جابلها الكفية اتصاحبت هناك على كام بنت كده وبقو ياخدوها معاهم ايشي عيد ميلاد وايشي حفلة لحد ما جرى اللي جرى
البت جابتلنا العار يابني كنا قصرنا معاها في ايه بس ربنا شاهد
: ده ربنا هيو…… ولا اقولك هى فين دلوقت
: في قسم ايه هى دلوقتي وممسوكة بقالها قد ايه
: في قسم العجوزة وبقالها يومين
رفع الشاب حاجبيه في دهشة
:هى دي قضية الراجل الكردي !!!!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية وداد)
