رواية وداد الفصل الرابع 4 بقلم هند عبد الله
رواية وداد الجزء الرابع
رواية وداد البارت الرابع
رواية وداد الحلقة الرابعة
خرج المحامي من القسم
لتتلقفه نظرات جدة وداد وعمتها
: طمني يابني هتطلع ان شاءالله؟
عدل المحامي ياقته في حرج
: شوفولها محامي يا حجة
رفعت عمتها حاجبيها مندهشة
: امال انت ايه ياخويا
: انا محامي جنح يا مدام مش جنايات
دقت جدتها على صدرها شاهقة
: جناياات !! جنايات ايه يابني
أجاب المحامي بنفاد صبر
: بنتكم متهمة في جريمة قتل يا ستي وموقفها وحش جدا
شهقت عمتها رعبا
: هى وصلت للقتل انا كنت عارفة انها مش هتجيبها البر من نهار ما شفت معاها السلسلة الدهب قولت وراها مصيبة كل ده يطلع منك يابنت سميرة صحيح العرق دساس
لكزتها امها في كتفها
: بزياداكي بقى انتي ايه فضلتي زالاها وكاسرة نفسها لحد ما طفشت من البيت ومين عارف وقعوها في المصيبة دي ازاي
ردت بارتباك
: لا انتي اللي دايما مدلعاها ياما قولتلك هتطلع زي امها
صرخت الجدة
: امها عملت ايه واحدة جوزها مات واحنا خدنا منها ضناها وكرشناها في نص الليل كنتي عاوزة نعمل فيها ايه تاني خافي ربنا يابنتي
: دي قصفت عمر اخويا بدري وجابتله بت عشان تعره حي وميت والنبي مانا جارية وراها معاكي ياكش يعدموها ونخلص
قالتها وانصرفت بينما ارتمت الجدة على الرصيف تنعي حظ حفيدتها البائسة
في مكتب النيابة توالت التحقيقات مع كل من تواجد في بيت خسرو قبيل وفاته
إبراهيم خسرو
رجل خمسيني لأب كردي وام فرنسية قضى معظم سنوات عمره في العراق وتزوج وانجب ثلاثة أبناء
اعتاد قضاء اوقات إجازاته في مصر
حيث تعرف على سيدة تحوم حولها الشبهات
كانت تختار الفتيات الفقيرات وتغريهم بالملابس والطعام لاقامة حفلات لتسلية خسرو وأمثاله
ولكن لم يكن هذا هو السبب الحقيقي لتواجده في مصر
كان سلوكه المشين وسمعته الفاسدة مجرد ستار لنشاطه
فقد اعتاد استغلال جواز سفره الفرنسي في النصب على أبناء الجنسيات الأفريقية الراغبين في الهجرة الى فرنسا
وجمع منهم مبالغ طائلة قام بتهريبها بطرق غير شرعية خارج البلاد
واعتاد في السهرات التي كانت تعدها له الحاجة نبيلة
ان يسمي نفسه اسماء مختلفة خشية ان يقابل احد ضحاياه ويشتبك معه
بسؤال إحدى الفتيات عن وداد اجابت
: معرفهاش دي اول مرة نشوفها عند مازن
: مازن مين ؟
: صاحب البيت يابيه اسمه مازن
: اه هو اللي قالك ان اسمه مازن؟
: لا الحاجة نبيلة كانت قايلالنا ده عيد ميلاد مازن
: يعني كل البنات اللي كانو في الحفلة متعرفيهمش
: معرفش حد فيهم
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وداد)
