رواية فقيد قلبي الفصل السابع 7 بقلم رويدا القاضي
رواية فقيد قلبي الجزء السابع
رواية فقيد قلبي البارت السابع
رواية فقيد قلبي الحلقة السابعة
يقين:طلعنا وانا ألف حاجة تلف في راسي لين وقف بيا قدام مقبرة ؟
عماد:شن خايفة شكلك ماتخافيش قبل شهر جاني اتصال من شخص مجهول قالي تعالى ل….ضروري جيت وانا مش عارف شن يستنى فيا..
يقين:باهي شن دخل هذا كله بالمقبرة…
عماد:اصبري توا تفهمي انا وقت وصلت طلعلي الشيخ هذا صورة ليا قديمة من وقت انا شاب …
ومتفكر انه صورتها مع رندا زمان ….جميع الطلاسم للي تخطر في بالك قتل زنا مووت كله فيها…
يقين:انا نسمع ومصدومة فتح كيسة طلعلي منها الصورة للي قال عليها…
عماد:الصورة هاذي طلعوها في حملة تنظيف للمقبرة هاذي ….شفتي الحوش البيج هذاك…
يقين:ايه خيره…
عماد:هذا حوش اهل رندا ….وفهمك كفاية يعلم الله للي درته انا مايديره حتى مجرم …راني كنت مسير غير مخير…توا عرفتي سبب للي صارلي كله …
يقين:اسكتت وقعدت نرتب في افكاري ولكن في
نفس الوقت في حاجة في قلبي انكسرت …عقلي
يقولي يستاهل فرصة ثانية …وقلبي يقولي راك تسامحيه…
مهاب:بابا ترفعنا للبحر خاطري نمشي للبحر …
عماد:حاضر من عيوني…
يقين:الطريق كلها وانا ساكتة وهو مولع القرآن قالي حتى لو تبي نعرفك للجنة للي طلعت السحر وعالجت عندهم نرفعك باش تتأكدي اني مش كذاب وانا نستمع لتلاوة كانت بصوت ماهر المعيقلي لعند وصل في الآية {قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ (53)} سورة الزمر
يقين:كأنه ربي بعثهالي رسالة نشوف لعماد اول مرة في حياتي نشوف دموعه ينزلوا وهو يداري فيهم …
عماد:وصلنا خلي ناخدوا حاجات وننزلوا …
مهاب:ماما في شئ نحس فيك مضايقة متعاركة انتي وبابا صح …
يقين:لالا.من قالك الكلام هذا..
مهاب:انا نعرف بروحي …مش بيبي انا..
عماد:هيا مهاب حبيبي هات يدك وانزل …
مهاب:هات يدك بابا وشد في يد ماما …
يقين:مهاب عيب شن الكلام هذا…
عماد:مش عيب هاتي يدك الولد يفهم…
يقين:عاد انت ضروري تستغل الموقف لصالحك …تموت لو تتصرف بلا خبث..
عماد:هذا خبث مسموح بيه وبعدين ها نوصيك الله الله في مهاب …
يقين:شن تحساب ديما بيقعد في رقبتي ربي ولدك واهتم بيه انا خلاص تعبت…
عماد:ماهو ماتعرفيش مرات توا معاك وبعدين مش معاك…
يقين:😏 ناوي تتزوج الثلاثة …اكيد.
عماد: هالموال للي معاش كل تاجر في الدنيا رابح الا تاجر النساء خاسر ….وبعدين وينهم الثلاثة قتلك للي ماتتسمى طلقتها…
يقين:بصوت مليان حزن ومعتصم ومعتز شن مصيرهم…
عماد:خليها للوقت صعب ننسبهم ليا توا …كانوا غلطة في فترة انا مغيب فيها ع عقلي…
تقوى:شن قررتي تسامحيه ولا .لا
يقين:مش عارفة تفكيري مشوش ومش قادرة ناخد قرار…
تقوى:رغم اني نكرهه ومانحباش لكن اعطيه فرصة ع خاطر مهاب لو للي قاله حق…
يقين:هو ماعنداش في الكذب راهو…مش عارفة سكري شوية صوته وصل….
عماد:يقين بنمشي نرفع فلوس للي ماتتسمى تمشي معاي ولا نرفع معاي ناهد..
يقين:فلوس شن بالزبط …
عماد:شريت حوش طارق واعطتيتها الفلوس متعه لانه من حقها…
يقين:لا تمشي اختك تعطيها الفلوس مش لازم انت …
عماد:نفهم من كلامك هذا انك تغاري عليا ولا كيف..
يقين:لا غيره ولاشئ…
طلع عماد وهو اخته شوية جتني اسماء واحلام….
احلام:تسلم البطن للي جاباتك ….تعجبيني..
يقين:خشوا داخل ع شن …بالزبط..
اسماء:سمعنا انه عماد سجل كل شئ بإسمك وطلق هذيكا للي ماتتسمى …العقرب …
احلام:اصلا مايصح الا الصحيح …
يقين:نيتي ….مع ربي صافية ..
بعدها روح عماد وهو فرحان …قالي خلاص هم رندا ارتحت منه اعطيتها اكثر من حق الحوش باش تصرف منه ودير مشروع …يقعد دخل ليهم..
فاتوا يومين ماتغير فيهم شئ ثالث يوم خش عليا لاقاني نرسم…
عماد:رسمك حلو ….لازم يكون عندك بوتيك بروحك ..
يقين:رسم قصدك تخربيش مش هكي كان وصفك ليه زمان…
عماد:اسمعي عندي صفقة طالع بنتمها وبعدها ليك مني نفتحلك احلى بوتيك …اه نسيت واحلى الوان نعرفك تحبي تخربيش الراقي….
مهاب:بابا بابا اعطيني حضن باش اتجئ نلعبوا كورة…
كان خاطري نلحقه ماعرفتش علاش ولكن كبريائي منعني ….طلع من جنبنا الساعة 1جت الساعة 6 وحسيت انه طول شديت الهاتف وقررت نتصل بيه …المرة الاولى خارج التغطية
المرة الثانية رد عليا واحد …غريب
الشخص:من معاي
يقين:انت من هذا هاتف راجلي.
الشخص:اه انا لقيته مضروب برصاص …في سيارته جبته للعيادة…
يقين:حسيت الدنيا وقفت فجأة …كلمت حاتم اتصلنا وعرفنا مكان العيادة …مشيت نجري انا ومهاب …
وصلنا قدام باب العناية كان معبئ أجهزة …الدكتور قال انه نزف هلبا قعدت نترجا فيه ايخليني نشوفه …خشيت لقيته في شبه اغماء
قربت شديت يده …نوض انا سامحتك ياعماد
من مازال بيعلق ع تخربيشي ….
سمعت صوته وهو ثقيل …الشهادة نبي نقول الشهادة…يقين دموعي نزلوا وانا نسمع في صوته
متقطع …لقنته الشهادة …مهاب ..سامحيني
وانا نبكي ونقول سامحتك …انا ومهاب مالينا حد غيرك …لين نسمع في صوت عياط امه وخوته برا
هذيكا اللحظة سمعته شخر …ويده …سيبت يدي …جمعت قوتي وغمضت عيونه …طلعت
وقلتلهم انه مات …ندمت ياريتني سامحته ياريتني اعطيته فرصة ثانية ….لما الانسان يكون نادم ويبرر سبب الغلط زي ماصار مع عماد حرام وظلم
انه مانعطوشي فرصة…ماكنتش انه عماد ممكن يكون في يوم #فقيد_قلبي
روحت لحوشي وقتلهم مستحيل ننطلع منه هذا مكاني …حاتم خوي جاء ايعيش معاي بديت نسوق تصاميمي شرتهم شركة ملابس في تركيا ووقعت عقد معاهم….بعد شهور من موت عماد وانا مقعمزة مع احلام واسماء سمعت صوت فاطمة جاي تجري تزغرت وتبكي …
احلام:ربي يكون في عونها موت عماد دمرها…
شوية وسمعنا صوتها تخبط ع الباب …
اسماء:شن فيك علاش تزغرتي …
فاطمة:رندا ماتت هيا وصغارها في سيارتها …صفوها …
احلام:لاحول ولاقوة الا بالله…مافيش شماته في الموت..
فاطمة:انهارت ونزلت ع اركابها …للي قتلها اعترف بقتل عماد وبهجومه ع حوشك يايقين قال انها هيا للي قتله واختلفوا ع فلوس صفاها…
بعد مرور سنتين …..
تقوى:الراجل شاريك وراضي بيك …حرام انتي صغيرة تكملي حياتك بروحك…
يقين:من قال بروحي مازال عماد في قلبي ….
مزلت نشوف فيه في ملامح مهاب كل يوم….
قررت نسكر باب الحب والزواج ….ياريت نفكرو قبل ماناخدو …قرار نندمو عليه عمر …
تمت…
لقراءة الرواية كاملة اضغط على : (رواية فقيد قلبي)
