رواية حارسي الخاص الفصل السادس 6 بقلم رنا تامر
رواية حارسي الخاص الجزء السادس
رواية حارسي الخاص البارت السادس
رواية حارسي الخاص الحلقة السادسة
رشدي بعد تفكير طويل ونفس عميق/ تتجوز فرحه.
تميم بصدمه/ ايييييه.
رشدي بارتباك/ بص يا تميم انا عارف انه صعب عليك وصعب عليا انا كمان والله.. و بعدين مش لازم تحبها انا بس عايزك تتجوزها عشان تبقي ليها سند من بعدي.. اوعي تفتكر انه اللي انا بعمله ده سهل عليا بالعكس انا لو عليا مش عايز اسيبها تبعد عني بس انا لازم احميها ولو عايز تطلقها ممكن تطلقها لما تحس انه الخطر اتشال من عليها.. هاا ايه رايك.
تميم بعد تفكير كتير وتأثر وإستسلام/ خلاص يا رشدي بيه انا موافق ومتخفش عليها مش هزعلها ابدا وهحميها.
رشدي بإبتسامة/ ربنا يخليك يابني انا كده اقدر اطمن عليها واموت وانا مرتاح.
تميم في سرعه/ متقولش كده يا رشدي بيه ربنا يديك الصحه وطولة العمر.
رشدي بإبتسامة خافته/ كلنا هنموت يابني مفيش حد بعيد عن الموت والموت علينا حق.
تميم بجديه/ طب تحب اطلب الماذون امتي.
رشدي بهدوء/ خليها بكره يكون اتكلمت مع فرحه.
تميم بجديه/ تمام يا رشدي بيه.. استاذن انا بقي.
رشدي بإبتسامة/ اذنك معاك يابني.
ذهب تميم ورشدي اتجه الي ابنته ليطمأن عليها.
ــــــــــــــــــــــــــــــــــــــــــــ✦
في حديقه المنزل..
كانت فرحه تتحدث مع فاطمه وقصت لها كل شئ.
فاطمه بحده وحزن/ انتي هبله يا بت..انتي ازاي يعني يحصل كل ده معاكي وانا اخر من يعلم يا هاااانم.
فرحه باسف/ خلاص بقي يا فاطوم المهم انها عدت علي خير وربنا ستر.. ثم اكملت بحب.. بس انتي مشوفتيهوش عمل ايه معايا.. كان جمبي في كل ثانيه وكان واضح اوي انه هو خايف اوي وزعلان عليا.
فاطمه بغمزه/ ايوه يا عم..وبعدين مش ده اللي مستحيل يا فاطمه يحصل اللي في دماغك..اهو حصل يختي.
رشدي كان واقف ورأها وسمعها عندما كانت تتحدث عن تميم.. ظل واقف يستمع الي حديثها بإرتياح وشعر انه اختار لها الشخص الصحيح والذي هي كمان تحبه وتشعر معه بالاطمأنان.
صعد رشدي الي غرفته وقرر ان يتركها تتحدث علي راحتها و انه سيتحدث معها غدا.
فرحه بحيره/ عارفه يختي بس اعمل ايه حبيته بقي معرفش بقي ده حب من اول نظره ده ولا ايه..ثم اكملت بإبتسامة خبيثه.. وبعدين مش اناا لوحدي انتي كمان.. بأمارة حماده بيه اللي جيه يوصلك انهارده.
فاطمه بكسوف/ بس بقي متكسفنيش.. وبعدين ده لسه راجع امبارح وطلب ايدي من ماما وانا الصراحه وافقت مقدرتش بصراحه.
فرحه بضحك/ طول عمرك واقعه كده.. قولتلك مليون مره اتقلي مفيش فايده فيكي.
فاطمه بلا مبالاه/ يشيخه اسكتي بلا اتقل بلا متقلش مبقاش ياكل الكلام ده مع الرجاله دلوقتي.. وبعدين لما انا اتقل عليه هيشوف غيري.. طب وعلي ايه.. انا اكسبه ل صفي بدل ما تيجي واحده ملهاش لازمه تخدوا مني.
فرحه بممل/ طب يلا بقي اقفلي عشان انا زهقت منك ومن سي احمد بتاعك ده.
فاطمه بضحك/ ماشي يختي سلااام.
اغلقت فرحه الهاتف وذهبت للاطمانان علي والدها وبعدما اطمأنت عليه.. ذهبت الي غرفتها وغفوت وهي تفكر فيه.
ــــــــــــــــــــــــــــــــــــــــــــ✦
في فيلا تميم..
دخل الفيلا والقي المفاتيح جانبا وصعد الي جناحه ل يستريح.
طول الوقت كان يفكر في فرحه وفي ابتسامتها وضحكتها ومرحها وعندما كانت تبكي علي ابيها.. وكان يفكر في زواجه منها وهل هي هتقبل تتزوجه ام لا.
جلس علي السرير وكان يوجد حديث بين عقله وقلبه.. عقله بحده/ هو انت رجعت تحب تاني ولا ايه وبعدين مش دول هما اللي خدعوك راجع تأمنلهم من تاااني انت اييه مبتحرمش.
قلبه بحنان/ مش كلهم زي بعض واكيد فرحه احسن بكتير.
عقله بحده/ مفيش حد احسن من حد كلهم زي بعض.. كلهم زي بعض افهم بقي.
قلبه بحده/ لا مش هفهم وفرحه من حقها نديها فرصه.
عقله بسخريه/ اديها فرصه.. بس لو اتجرحت منها مترجعش تعيط وتقول انت كان عندك حق.
تميم اتخنق من هذا الحديث و تحدث هو بتماسك/ انا اكيد مش هحبها انا بس هحميها عشان دي وصيه باباها غير كده لأ.
ــــــــــــــــــــــــــــــــــــــــــــ✦
صبااااحاااا..
استيقظت ب نشاطها المعتاد وجهزت نفسها وهبطت الي الاسفل وجدت ابيها جالس و وضع الفطار.
فرحه بمرح/ الله الله يا رشدي بيه عايز تفطر من غير بنتك.
رشدي بإبتسامة/ مقدرش اعملها يا فروحتي.
جلست فرحه وكانت تفطر بإستمتاع.
رشدي بتردد/ فرحه انا عايزك في موضوع.
فرحه وهي تأكل/ قول يا بابا.
رشدي بهدوء/ انتي هتتجوزي تميم انهارده.
فرحه بصدمه/ ايييييييييييييييه.
رشدي بهدوء/ فرحه اهدي عشان خاطري.. كل ده عشان مصلحتك والله.
فرحه بسخريه/ مصلحتي.. مصلحتي في انك تجوزني الحارس بتاعي.. مصلحتي انك تسبني ابعد عنك..كل ده ومصلحتي.. انا بجد مش مصدقاك يا بابا.
رشدي بحزن/ يحبيبتي انا بحبك وخايف عليكي وهتعرفي فيما بعد انه ده من مصلحتك.. بس انتي لازم توافقي عشان اكون مرتاح.
فرحه بحده/ وفين راحتي اناا.. ليه عايز تجوزني لواحد لسه معرفوش بقالي يومين..ثم اكملت بحزم وجديه.. بس عارف انت معاك حق انا لازم اوفق عشان انا بقيت عبئ علي سيادتك يا رشدي بيه.
ذهبت فرحه ورشدي ظل ينده عليها حتي تعب و جلس علي الكرسي ل يستريح.
ــــــــــــــــــــــــــــــــــــــــــــ✦
في لندن..
في قصر كبير للغايه..
كان يجلس في غرفه التدريب ويتدرب بكل قوته.. حتي جاءه اتصال جعله يتوقف عن التدريب.
عادل/ خير.. انا بقلق من اتصالاتك المفاجأة دي.
مجهول/…………….
عادل بعصبيه/ انت بتقول ايه.. انا لازم اجي حالا.
اغلق المكالمه علي الفور واتجه الي قصره وتحدث الي الخدم بصوت عالي نسبيا.
/ جهزولي الشنط بتاعتي بسرعه واحجزولي علي اول طايره ل مصر انهارده.
صعد الي جناحه الخاص وقام باخذ شاور وجهز نفسه ونظر الي نفسه في المراءه وتحدث بإبتسامة تدل علي الشر/ جايلك يا فرحتي واوعدك انك مش هتكوني لغيري ابدا.
ــــــــــــــــــــــــــــــــــــــــــــ✦
مر اليوم علي خير دون ان يحدث اي شئ جديد.
ــــــــــــــــــــــــــــــــــــــــــــ✦
مسااااااءاااااا..
في قصر رشدي..
كانوا جميعا يجلسون وكانوا غير سعادين بالمره.
المأذون كان يجهز اورواق الزواج و اخذ بطاقات الشهود وهما عمار وباسل.. وكان سيبدا في عقد الزواج.. ولكن جاء من سيوقف هذا الزواج نهائيا.
عادل بسخريه/ بقي كده يا عمي متعزمنيش علي فرح مراتي حبيبتي.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حارسي الخاص)
