رواية جبروت أنثى وسطوة رجل الفصل الثامن 8 بقلم آلاء الرحمن
رواية جبروت أنثى وسطوة رجل الجزء الثامن
رواية جبروت أنثى وسطوة رجل البارت الثامن
رواية جبروت أنثى وسطوة رجل الحلقة الثامنة
داني مسك ايد نور وبص لادهم :عقبال عندك انا ونور هنتخطب وبص لنور اخيرا نور عيني هتبقى ملكي انا
طبعا صدمة الجمت الجميع وشلت لساانهم
ادهم قرب من داني ببرود تام :قولت ايه سمعني كده تاني
داني ببرود :انا ونور هنتخطب
ادهم حك دقنه وبص لنور ولايديهم المتشابكة
مازن :ربنا يستر حك دقنه يبقى هيعمل مصيبه
ادم قرب منه بقلق :اهدا يا ادهم
لكن في لحظة كان داني على الارض وادهم بيضرب فيه بغضب جامد وداني بيحاول يردله الضرب لكن قوتهم لا تقارن
نور بغضب :سيبه يا ادهم ادهم سيبه انت بتعمل ايه
ادهم بغضب :اقسم بالله لو قربت منها لامحيك عن وش الارض يا وسخ
وبالعافية ادم ومازن بعدوه عنه وهو بيتنفس جامد
نور بغضب :ايه الي عملته ده انت مجنون
داني وقف وايده على بوقه بيمسح الدم الي نزل منه وبيبص على ادهم بغضب جامد
ادهم بعد عن ادم وقرب منها بتحذير :اوعي تفتكري انك هتكوني لغيري مهما عملتي وبص على داني والي هيبصلك هقلع عينيه لاتنين فاهمة مهما عملتي يا نور انا قدرك احفظي الكلام ده احسن ليكي
نور بغضب :وانا قولتلك لو انت اخر راجل في العالم ده كله انا مش هبصلك فاهم واتجوز مين دي حريتي انا ومالكيش اي دعوة فيها والي حصل من شوية مش عايزة يتكرر فهمت ولا اعيد
ادهم مسك دراعها بغضب
لكن داني نزع ايده منها بنفس اللحظة :اوعى تقرب منها او تكلمها بالاسلوب ده تاني فاهم
ادهم بغضب :انت ما حرمتش من الي حصلك من شوية ولا ايه
نور وقفت بينهم :سيبه يا داني وامشي ده مجنون
وسابتهم ومشيت وداني وراها
ادهم خبط الكرسي برجله وغضب الدنيا بين عينيه
ادم بخوف على اخوه :انساها يا ادهم انساها انت وهي ما تنفعوش مع بعض
ادهم بغضب : اطلعوا برره بره مش عايز اشوف حد
مازن لادم :تعال خليه لوحده
ادم خرج وهو قلقان عليه
مازن :الي اسمها نور مستفزة قووي وادهم هيتعب جدا لو فضل حاططها في دماغه لانها مش شايلاه من ارضه
ادم :ده عشق سنين يا مازن مش يوم واتنين ده عاش عمره كله وهو ما بيعملش حاجة غير انه بيدور عليها
عاش عمره كله على صورها واسمها محفور بقلبه
عشقه كان بيكبر مع كل يوم كبر فيه
مازن :ربنا يعينه الحب ده لعنه
عند ادهم كان بيتنفس بغضب جاامد وضرب على ساامي
الوو
سامي :اهلا يا ادهم
ادهم بغضب :حفيدتك بعد كل السنين دي جاية وبايدها راجل غيري وبتقولي هتتخطب وموتها قصاد الي هتعمله
سامي :اهدا كده وفهمني في ايه
ادهم بصراخ :افهمك ايه بقولك نور هتتخطب للزفت الي اسمه داني
سامي بغضب :ايه الي بتقوله ده وازاي
ادهم بغضب :انا هعمل الي قولتلي عليه
سامي اتنهد وتكلم بسخرية :مهو ما كانش عجبك وقلتي حبيبتي وبحبها وهتحبني ايه الي حصل بقى
ادهم بنفاذ صبر :جدي انا بوقت مش طايق نفسي فيه فهمتني لكن يا جدي لو بعد الي هعمله ما كسبتهاش وخسرتها هنتقم منكم كلكم سلام
سامي قفل معاه وبص للفون بسخرية :هتقبل وحياتك هتقبل زي ما قبلت خالتها دي كانت جبروت اكتر منها وحطيتها بأيدي دي وشد على ايده بتملك
…………………………………………..
عند نور
اتجننت من ادهم
داني :اهدي يا نور ده مجنون انا صراحة ما توقعتش يكون بالجرأة دي
نور بغضب :هو فاكر نفسه مين على شان يعمل كده ان ما وريتك يا ادهم ما ابقاش نور
داني :لكن تصدقي زعلت عليه ده باين بيعشقك يا بنتي لكن ااه وحط ايده على وشه المتشلفط
ايده جامدة قوي بينشن صح ابن اللذينة
نور 😏:ما تجمد يله
داني :ههههه لكن انتي ليه بتعملي كده
نور :عايزة يفقد الامل انه انا ممكن اكون ليه في يوم من الايام لانه ده عمره ما هيحصل
حتى لو حصلت اني اتخطب بجد لاي انسان على شان اخلص من قرفه
داني :طيب ما تديه فرصة
نور بغضب :انت مجنون ده ابن فريدة يا داني دمها بيمشي فيه دي الي دمرت حياتنا كلها
داني بصلها بهزار :نور طيب ما تدينا فرصة
نور بنفاذ صبر :داني انسى العبط الي في دماغك انا وانت اخوات
داني 😏:وش فقر انا مش عارف بحبك على ايه
نور وقفت العربية العربية ومسكت ايده بحب اخوي :داني صدقني انا بحبك زي اخويا ومش هقدر احبك اكتر من كده واشوفك غير كده
داني بابتسامة :وانا هفضل اخوكي طول العمر يا نور
………………………………………
عند نبيل راح القصر
واول ما دخل سامي قله يحصله على المكتب
نبيل :في ايه يا والدي
سامي بغضب:في انك من يوم ضهرت اخت مروى وانت مش شايف غيرها وناسي مراتك الي شالتك الايام الي فاتت دي كلها ده انت يا اخي ما بقتش تنام في البيت كمان
نبيل ببرود :منال مراتي زيها بالضبط واتحرمت منها ومن بناتي سنين حقها اعوضها ولو شوية عن الظلم الي عاشته هنا
سامي :بص يله انت لازم تجيب مراتك وبناتك هنا في اي طريقة مش لازم يفضلوا بعاد عننا
نبيل بسخرية :انت مش عايز مراتي وبناتي لانك طول العمر بتحاربهم انت عايز حبيبة قلبك ترجع من تاني
سامي بسخرية ممزوجة بحدة :غبي
انا لو عايز مروى هه هجيبها تاني لتحت رجلي زي ما رميتها وهي تحت رجلي فاهم
نبيل :بص يا والدي انا مش هضغط على منال ولا على البنات هما حرين بلي هيعملوه لكن انا بحذركم ابعدوا ادهم عن طريق نور والحاجات الي بتفكر فيها مش هتحصل ما تفتكرش اني غبي
لا ادهم في عمره هيكون سامي
ولا نور بنتي هتكون مروى
وساب والده ومشي
سامي بغضب :هيكونوا صدقني هيكونوا وحفيدي هيعمل الي ما اتعمل بنسختها
عند نبيل دخل عند سناء الي بصتله بسخرية
نبيل رفع حاجبه :بتبصيلي كده ليه
سناء طنشته
نبيل بغضب :سناء انا بكلمك
سناء بصتله بدموع متحجرة :عايز ايه يا نبيل عايز ايه انا كل اما بشوفك بشوفها بعينيك اكيد كنت نايم في حضنها وبتبثلها حبك الكبير ليها مش كده
نبيل بسخرية :كده يا سناء كده وما اضنش انك ما تعرفيش اني بحب منال وما تحسسنيش اني ضحكت عليكي
نبيل قرب منها ومسك ايدها :سناء ما تخربيش بيتنا على شان تفهات في دماغك
انتي مراتي زيها بالزبط لا ويمكن اكتر
انتي الي عشت حياتي معااها وخلفت منك اجمل شيء في حياتي نادر وسيرين
نبيل حس بتوهانها قرب منها وشدها عليه
سناء بصت لعينيه بدموع
نبيل مسح دموعها بحنية وقرب منها وخد شفايفها برحلة شغوفة
سناء بعدت عنه بخجل :نبيل ما يصحش كده
نبيل غمزها :ايه الي ما يصحش بس تعاالي هنا وحشتيني
……………………………………….
في المساء
عند نور
مروى حست انه نور فيها حاجة
نور كانت بترسم لكن عقلها في حتة تانية خالص
مروى :نور في ايه
نور :مفيش يا خالتوا
منال كانت عينها على الباب واستغربت تجاهل نبيل ليها النهاردة حتى لما رنتله ما ردش
ندى بهزار :نور يا عسل يا مربى
نور 😏: عايزه كام اخلصي
ندى وهي بتتنطط :احبك وانت فاهمتي يا عسل يا قشطة يا مربى انت
عايزة الفين جنية ووالله هردهملك
نوور بسخرية :لا يا راجل
ندى :جربي وانتي تشوفي
نور بجدية:عايزاهم ليه
ندى :والله يا نور عندنا فعالية في الجامعة والاشتراك فيها الف جنية وارباح الفعالية هتروح للفقراء
نور رفعت حاجبها :طيب اهو قلتي الف
ندى بأحراج :مهو اصل صاحبتي حالتها على القد
نور قبل ما تكمل :طيب يا ندى خدي من شنطتي
ندى باستها وجريت للاوضة
دخلت منال
وفضلت مروى مع نور
مروى :قوليلي بقى في ايه
نور اتنهدت وقصت على خالتها كل الي حصل
مروى بغضب :نور ده نسخه كوبي من جده اوعي يا نور اوعي تقربي منه لتتكوي بناره
نور بأحراج :خالتوا انا نفسي اعرف قصتك
مروى دموعها اتحجرت في عينيها :مقدرش اقولك غير اني كنت اقوى ست ممكن تشوفيها وما ضعفتش غير لما قربت من عيلة العمري
نور :هو انتي وجدي
مروى بغضب :ما تجيبيليش سيرته فااهمه
وسابتها ودخلت
نور باستغراب :يا ترى حكايتكم ايه
…………………………………………..
عند نبيل
دخلت سناء الحمام
واول ما دخلت نبيل شاف مكالمات من منال ابتسم
مسك فونه وبعتلها رسالة
وحشتيني يا منال اسف مقدرتش اكلمك النهاردة كان عندي شغل جامد اشوفك بكره تصبحي على كل خير
بحبك جدا
منال شافت المسج وابتسمت
وانا كمان بحبك قوي يا نبيل
…………………………………………….
عدا اسبوع
ادهم ما شافش فيه نور نهائي لحد ما اتحدد معاد المؤتمر
بعتلها ايميل بالمعاد وبعتلها انه هيكون عندها كمان ساعة على شان التصاميم المشتركة
نور بصت للايميل وركزت فيه
داني :في ايه
نور :المؤتمر بكرة الساعة اتنين الظهر
داني :حلو والتصاميم
نور ببرود :اهو جاي كمان ساعة على شان التصاميم
داني :حاولي تتحكمي بانفعالاتك يا نور مهما عمل ادهم لازم التصاميم الي هتنزل تكسر السوق
نور :ان شاء الله
…………………………………….
عند ادهم
ادم جهزت التصاميم
مازن :اهي كل حاجة جاهزة يا ادهم لكن ارجوك
ادهم اتنهد:ما تخافش يا مازن هحاول اضبط انفعالاتي على شان كل حاجة تعدي كويس ونخرج السوق بحاجة كويسة
ادم :حلو اوي يالله بينا
وفعلا راحوا لنور
عند نور السكرتيرة بلغتها بوجودهم بره
نور ببرود :دخليهم
دخل ادهم ببرود طاغي على شوقه ليها :مساء الخير
نور وظاني :مساء النور
ادم بهزار :كل يوم بتحلوي يا بنت عمي
نور بابتسامة مجاملة :شكرا يا ادم
داني : حبيبتي انا هاخدهم مكتب الاجتماعاات اوك
نور بصت لادهم الي صدر البرود لكن عينه من داني الي بينده حبيبته وبياء الملكية
مازن حس بالتوتر :اوك يالله يا جماعة
نور وقفت وادهم فصل لبسها الي مفصل جسمها بوضوح وغمض عينيه يتحكم بنفسه :اتفضلوا
نور مشيت قدامهم وهما حصلوها
وضمن المؤتمر اتفقوا على التصاميم
ادم :وبالنسبة للتصميم المدمج
مازن :المفروض انه من ادهم ونور لازم تطلعولنا النهاردة تصميم يكسر الدنيا
نور بتردد :انا رائيي كل واحد فينا يرسم تصميم ونختار الافضل
ادهم بصلها واتكلم ببرود :التصميم مدمج وهيكون واضح لو كل حد فينا اشتغل لوحده انا هجيلك البيت المسا ونعمل التصميم في بيتك
نور :احم اهلا وسهلا
ادم :يبقى كده تمام نستأذن احنا
لسه هيخرجوا
نور ندهت على ادهم :ادهم
ادم ومازن خرجوا وداني حصلهم
ادهم بصلها ببرود :اتفضلي
نور بتردد :هو ينفع اطلب منك طلب
ادهم اتصدم :نور ومحتجاله ربنا يستر
ادهم بجدية :فيه ايه يا نور قولي الي عايزاه ولو اقدر اخدمك مش هتأخر
نور بابتسامة :في مسابقة للخيل وعايز اشترك فيها
ادهم رفع حاجبه :لكن انتي ما بتعرفيش تركبي الخيل
نور :انا باخد دلوقت دورة لركوب الخيل
ادهم :المطلوب مني ايه
نور بتردد :عايزة نور
ادهم :نور مين
نور :حصانك يا ادهم بلييز صدقني هحافظ عليه لكن انا حبيته قوي وحاسة اني هقدر افوز معاه
ادهم بص في عينيها بعشق مقدرش يخفيه :انا قولتلك قبل كده ده هدية مني ليكي يعني مكنش ليه داعي تستأذني مني انتي تدخلي تاخدية وتطلعي انا اصلا قولت لجدي اني بقى ليكي
نور بامتنان :شكرا يا ادهم شكرا انت ما تعرفش فرحتني ازاي
ادهم اتنهد وحاول يكتم مشاعره وخرج من غير كلام
ادم :في ايه
ادهم وايديه بجيبه :مفيش
نور بصت لداني فرحة :ادهم وافق يديني الحصان
ادم باستغراب :حصان ايه
نور بفرحة :حصانه
ادم بصدمة :الحصان نور مستحيل ده ما بيخليش حد يقربله
ادهم ببرود :الحصان بقى بتاعها ما بقاش ملكي اصلا
وسابهم وخرج بكل برود لكن نار شاعلة جوا قلبه
مازن :غريبة
نور :في ايه
ادم بص لنور : ممكن اتكلم معاكي يا نور
نور :اتفضل يا ادم
ادم بص لداني :لوحدنا
مازن :انا سابقك على الشركة
ادم دهل ورا نور
نور باستغراب :في ايه
ادم بص لنور :نور عارفة يعني ايه ادهم يتنازل عن الحصان نور
نور :مش فاهمة يعني ايه
ادم :يعني انه بيديكي عشقه يا نور
ده ما كانش بيسمح لحد يقرب من الحصان ده لانه بيحمل اسمك ده لو عنده ولد مش هيحافظ عليه زي كده
نور ادهم بيحبك مش من يوم واتنين من سنين
ادهم كبر على لحظاتكم وانتوا صغيرين
ودور عليكي جامد ولما يلاقيكي يلاقي عشقه مع راجل تاني
امانة عليكي يا نور تديه فرصة يثبتلك هو بيحبك ازاي
نور بجدية :ادم انا بحترم جدا مشاعره لكن قلبي مش في ايدي ادهم عمره ما هيكون الراجل الي هتجوزه لاسباب كتيرة جواية
كبر على الحب ده دي حاجه ترجعله انا بعشق انسان تاني ومش مستعدة اتخلى عنه على شان راجل انا ما بحبوش
ادم :ده اخر كلام عندك
نور :ادم ارجوك ما تفتحش معايا الموضوع ده تاني واقفله
ادم بغضب مكتوم وقلب مجروح على اخوه :عن اذنك يا نور
نور شردت وهي بتفكر بكلام ادم وحب ادهم الكبير
الي مش مقتنعه فيه
……………………………………………..
في المساء
كانت نور بترسم مع دخول ادهم ونبيل
منال ابتسمت اول ما شافته
على عكس مروى الي اتجننت من هبل اختها
نبيل :مساء الخير
نور خدت بالها من ادهم الي ما بيبصش غير ليها وبس واتحرجت من نظراته دي كان بيفصل جسمها بعينيه
نور :احم اهلا يا ادهم انا هطلع ابدل هدومي وانزل نعمل التصميم
فعلا نور طلعت بدلت هدومها بفستان بيتي ناعم طويل
ونزلت
سألت عن ادهم
مروى :خد الورق ودخل الصالون يبتدي رسم
نور دخلتله :داخل حامي اووي يا ادهم
ادهم فضل بااص للورق :ما بحبش اضيع وقت لكن لو سمحتي قهوة يا نور
نور :بتشربها ايه
ادهم بص في عنيها :كنت بحبها حلوة لكن من اليوم شربتها من ايدك ساده بقيت بشربها ساده
نور :احم اوك
وفعلا عملت اتنين ساده ورجعتله
نور قعدت جنبه وادهم دقات قلبه هتخرج من صدره
نور :بص بقى انا عايزة حاجة بين الغموض والليونة حاجة بين القوة والضعف
ادهم :طقم رسمي لكن مختلف
نور بلمعة :هو ده طقم يكون كاجوال عاكس على الرسمية فهمتني
ادهم :فهمت
نور جت تاخد الورق الي مع ادهم وجت ايدها على ايده
ادهم بص في عنيها
نور بعدت ايدها بسرعة :انا اسفة
ادهم اتنهد وابتدا يرسم ونور معاه وكل حد بيحط لمساته الجميلة لحد ما طلع معاهم تصميم يخوف من جمالة
نور بأعجاب :الله يجنن ده هيكسر السوق وبكره تقول نور قالت
ادهم :ان شاء الله هو فعلا طلع تحفة لكن بهنيكي على ابداعك فعلا موهبة
نور بابتسامة وهي بتبص للتصميم :شكرا
ادهم :طيب استأذن انا واشوفك بكره ما تنسيش المؤتمر على اليخت
نور باستغراب :لكن انت قلت في الهرم
ادهم :طيب مهو في منطقة الهرم لكن على اليخت عندك اي مانع
نور بقلق :اصلي عندي فوبيا من البحر
ادهم :ما تخافيش انا معاكي
نور :مين هيحضر
ادهم :انا من شركتي وانتي من شركتك يعني مندوب واحد بس من كل شركة
نور :لكن داني
ادهم قام ببرود :دي قوانين مفيهاش لعب مندوب من كل شركة
وسابها وخرج
……………………………………………
في الصباح
لبست نور طقم رسمي اسود على قميص ابيض وجزمة بكعب وربطت شعرها ذيل حصان وراحت المؤتمر
نور استغربت انه مفيش غير ادهم :فين ادم ومازن
ادهم :قولتلك مبارح هيكون مندوب واحد من كل شركة لما تتعرض التصاميم
نور :اهااا
اتعمل المؤتمر وكل شركة طرحت التصاميم بتاعتها
كل ما يتحرك المركب نور كامت بتخاف جاامد وصابها دوار
كان ادهم جنبها مسكت ايده بخوف
ادهم بقلق :انتي كويسة
نور :دايخة شوية
ادهم :خلصنا اهو
جه النادل وقدم عصير للكل
ادهم بصله
النادل غمزه ومشي
ادهم مسك العصير واداه لنور :اشربي هترتاحي
نور شربت شوية وخلص المؤتمر
ونزلوا المشاركين وما فضلش غير نور وادهم
نور وهي دايخة :ادهم المركب بيتحرك
ادهم حط ايديه في جيبه وهو بيبصلها بغموض ومفيش شوية سند نور الي غابت عن الوعي
وووووووو
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية جبروت أنثى وسطوة رجل)
