رواية قدري الحلو الفصل الثاني 2 بقلم هاجر
رواية قدري الحلو الجزء الثاني
رواية قدري الحلو البارت الثاني
رواية قدري الحلو الحلقة الثانية
تاني يوم
دره: جدتي ممكن انزل شويه عندي شوية شغل عايزه اخلصهم
عائشه: تنزلي ازاي يعني بقى تسيبي الهدوء والجمال والزرع اللي في البلكونه وتنزلي قال ايه عشان شغل
دره: معلش يا جدتي يا قمر بس مش عارفه مش قادره اعمل حاجه و دماغي مشوشه قلت انزل عشان اغير جو
محمد: سيبيها على راحتها متضغطيش عليها
عائشه: هو ده ضغط ده هنا أهدى واحسن من بره
دره: خلاص بقى يا عائش مش هتاخر يلا السلام عليكم
عائشه بقلة حيله: وعليكم السلام يا حبيبتي خلي بالك من نفسك
دره: عيوني
نزلت وانا بحاول اكون ايجابيه واعرف اخلص الشغل قبل ما اجازتي تخلص مينفعش افضل مكسله وفاقده الشغف على طول كده وصلت كافيه في وسط البلد المكان حلو مؤهل للشغل طلعت اللاب على الترابيزه والايربودز بتاعتي وشغلت حلقة الحب الحلال
الجرسون: تطلبي حاجه يا فندم
دره: اه لو سمحت عايزه قهوه وعصير برتقال بس ممكن العصير بعد القهوه بنص ساعه
الجرسون: تمام يا فندم تحبي تطلبي حاجه تانيه
دره: لا شكرا تسلم
الجرسون: العفو
برفع عيني من اللاب لقيت حد يشبهله جدا كنت عايزه اتأكد فقمت من مكاني تجاهه لقيته هو بالفعل طلبت منه اني اقعد رفع راسه وبصلي ثواني وقالي اتفضلي
دره: كنت متأكده اني هشوفك لسه كلامنا مخلصش
عبيده: بالنسبالي خلصان انا قلت اشوف حياتي زي ما أنتِ شفتيها
دره: مين قال اني شفت حياتي انت بتعاقبني على حاجه مش بإيدي
عبيده: هو الجواز دلوقتي بقى بالاجبار
دره: موصلش لجواز كان ضغط عليا صدقني مقدرتش اكمل ومشيت، مشيت عشان محستش أن الطريق ده ممكن يكمل غير معاك
عبيده: وانا مش حاسس ان الطريق ده حلو معاكي يمكن كان مجرد اعجاب أو لفتي نظري لوقت صغير وخلاص فقت
دره: لو كنت صادق مكانتش عينك لمعت من تاني وعمال تداري فيهم انك تركز في كتبك
عبيده: ده أمر مايخصكيش ثم إن ده شغلي لازم اركز فيه ولمعة عيوني طبيعيه اصلا انا على طول عيوني كده
دره: مش مصدقاك
عبيده: دي حاجه متخصنيش اخر اهتماماتي انك تصدقيني
دره: الإنسان له طاقه يا عبيده
عبيده: ايوه يعني عايزه ايه
دره بفقدان امل: ولا اي حاجه شكرا انك وافقت نتكلم
عبيده كنت غبي انت بتحارب قلبك طب ما هي قالتلك هربت وبعدت محستش بالأمان وانت اللي متعاملتش معاك خالص حست بالأمان طول ما هي حاسه بحبك هي مرتاحه وانت كمان بتحبها ومتطمن في وجودها غبي
وصلت عند الترابيزه بتاعتي مسكت عصير البرتقال وشربته يبرد قلبي من النار اللي اتحرق بيها ما هو السبب بيعمل في نفسه كده ليه ما يعزز نفسه شويه الله قربت اخلص شغلي بس حزينه اوي تيته لو شافت شكلي هتفهم إن فيه حاجه يووووه ممكن تبطلي تفكري في غيرك انا عايزه حد احكيله اللي في قلبي قلبي بيوجعني اوي من رفضه ليا
الجرسون: لو سمحتي يا فندم في شخص سابلك الورقه دي
دره: مين ده
الجرسون: الاستاذ اللي كان قاعد هنا
دره: تمام شكرا
فتحت الورقه وهي متحمسه وبنت احلام للسما واول ما شافت المكتوب أحلامها نزلت بيها لسابع ارض
“انا خطوبتي قربت لما بعدتي فضلت اتخبط هنا وهنا وبقيت مهزوم في كل حاجه مكنتش قادر اقوم من على السرير من الاكتئاب ضيعت حبه حلوين من حياتي في حبك وعشان افوق خدت حبه حلوين بردو انا اتعافيت اتمنى انتِ كمان تتعافي ”
عيطت جامد الدنيا كلها اسودت في وشي جايه عند جدي على أمل اقابلك ويوم ما اقابلك يحصل فيا كده لميت حاجتي بسرعه حاسبت ومشيت من المكان قلبي منهار رجلي مش شايلاني طلبت اوبر وروحت اول ما دخلت البيت جريت على تيته واترميت في حضنها وانا بعيط بهستيريا
عائشه بخضه: مالك حصلك حاجه حد كلمك
دره بعياط: يا ريتني سمعت كلامك ومنزلتش ياريتني فضلت هنا كان اكرملي واهونلي
عائشه: احكيلي طيب ايه اللي حصل
دره: طلعت غبيه مغفله يا تيته دورت على الحب الغلط ملقتش الحب اللي بتمناه مع ان قلبي رافض يصدق
عائشه: ده مين المغفل اللي يرفضك ده هو الخسران
دره: محدش خسران غيري يا تيته محدش خسران غيري ده انا دخلته قلبي وقفلت عليه من غير ما ينطق حرف يوم ما ينطق يدب سكينه في قلبي
عائشه: استهدي بالله بس لو كان بيحبك صحيح مكنش كلمك ولا جرحك لو مش بيحبك كان سابك من غير ما ينطق ولو كان بيحبك كان صبر ودخل البيت وطلبك بما يرضي الله
دره: انا السبب وانا اللي خليته يتكلم انا بكرهه بكرهه
عائشه: على اد الحب الكره بيبقى زيه واكتر بس أنتِ مش هتكرهيه في يوم وليله
دره: لازم أنساه مش عايزه احس بأي شعور تجاهه كإنه مظهرش في حياتي ابدا ابدا
عائشه: قومي روقي على نفسك وصلي ونامي الأمر مش بالسهوله دي صدقيني
دره: بدفع تمن وحدته وانا اصلا كنت وحيده زيه واكتر
عائشه: متقدريش تقيسي وجع غيرك طالما معشتيش وجعه
دره: اهو يا تيته هعيش نفس وجعه اهو
عائشه: ربنا يهدي سرك ويريح قلبك التعلق ده ابشع حاجه في الدنيا انك تتعلقي بحد أنتِ مش متأكده نصيبك ولا لأ وعلى وجعك ده ربنا هيعوضك بالعوض الاحسن والانقى واللي يحبك كإنك اغلى حاجه امتلكها
دره وهي بتمسح دموعها: تفتكري
عائشه بإبتسامه: قومي اغسلي وشك واهدي كده وانا هعملنا عصير ليمون بالنعناع ونتكلم في البلكونه
دره: موافقه
عائشه وهي بتحضر العصير: ياااه الزمن بيعيد نفسه طب هي هتاخد فعلا حد يحبها زي عينيه واكتر طب هتاخد وقت اد ايه في التعافي حاسه بحرقة قلبك يا حبيبتي ،دره العصير جهز يا حبيبتي
دره: وانا جاهزه تسلم ايدك اشطر واحده تعمل عصير ليمون بالنعناع
عائشه: يا بكاشه امال نزلتي تخلصي شغلك بره ليه مش عشان زهقتي مننا
دره: انا مبزهقش منكم ابدا انا بس كنت عايزه اصفي ذهني وياريتني ما نزلت
عائشه: غبيه ده الحمد لله انك نزلتي ده قلم عشان تفوقي ابتلاء عشان ترجعي اقوى واحسن
دره: قلبي واجعني اوي اوي
عائشه: طبيعي عشان كان مصدق حاجه مش له ومتعلق بيها لسه نصيبه الحلو مجاش أنتِ فاكره ان محمد اول حب في حياتي
دره: ده باين من تصرفاتهم
عائشه: تبقي غلطانه كلنا حبينا واتحبينا وانجرحنا وجرحنا كمان لحد ما يجي الشخص الحقيقي وحبك الابدي اللي الناس لما تشوفكم مع بعض يقولوا حبهم الاول والأبدي ويحسدوهم على بعض خدوا اللي بيحبوهم وفي الحقيقه لا خالص ده قدرنا الجميل
دره: انتِ حبيتي قبل جدو
عائشه: مقدرش اقول عليه حب لإني مدقتش طعم الحب غير مع زوجي وحبيبي وعمري كله
دره: بتريحيني بكلامك بحس أن فيه امل
عائشة: طب ما دي الحقيقه
دره: اتعافيتي امتى وازاي
عائشه: بسرعه بسرعه اوي اصل شغلت نفسي بمليون حاجه كنت اول ما اسند راسي على المخده انام لحد يوم ما قابلت حلو ايامي وحلو العمر
دره: بتتكلمي عليه كإنه جنتك على الأرض
عائشه: أنتِ اللي بإيدك تخلي زواجك جنه وبردو بإيدك تخلي زواجك نار
دره: كل المتزوجين حولينا زواجهم مش مستقر
عائشه: مش كل النسخ زي بعض ومش كلهم بيقولوا الحقيقه عشان ميتحسدوش واوعي تفكري أن الدنيا ورديه طول الوقت خالص ده الخناق والمشاكل دي بهارات الجواز
دره: انا عايزه اروح اسوان يمكن تغيير المكان يريحني
عائشه من عيني هكلم محمد وأولادنا ونروح نقعد في بيت بابا هناك هيعجبك اوي
دره: اتمنى كلهم يوافقوا
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قدري الحلو)
