رواية نبضات في السحاب الفصل الثاني عشر 12 بقلم حنين الماضي
رواية نبضات في السحاب الجزء الثاني عشر
رواية نبضات في السحاب البارت الثاني عشر
رواية نبضات في السحاب الحلقة الثانية عشر
عبير : ماما مالك ساكتة ليه
ام فريد : شكلها كدا ناويه تدبحلنا كلنا القطه .
عبير بزهق: تددبح لمين ان شاء الله ، بس على رأيك اهو كان واقف ومنطقش بكلمة واحدة ولا حاول حتى يقولها ميصحش تتكلمى كدا !!
ام فريد : ادينا هنشوف الايام الجاية
عبير : لا ايام اي بقه م خلاص يا ماما بانت والست صريحة ماشاءالله محاولتش تلف وتدور وجابتها على بلاطة ومن الاخر ، والهانم عاوزانى اطبخلها يعنى لقت جوازة كويسة وشقة مكلفتهاش حتى ملايه تجيبها وكمان طباخة ومش بعيد تجيب بنتها وتقولك خلى بالك منها
ام فريد : وانا مش هسكت على الكلام دا وساعتها هصمم يروحوا يعيشوا ف شقه لوحدهم ،انا ست كبيرة وعندى الضغط ومستحملش أنا حرقة الدم دى
عبير : بعد الشر عنك يا ماما ومين قالك أن أنا كمان هسكت حتى لو معجبش فريد بس استحالة اقبل بكدا ابدااا
ام فريد : محدش عارف يمكن بيعقلها دلوقتى والدنيا تتظبط
عبير بسخرية : انتى غلبانة وطيبة اوى يا ماما والكتاب بان من عنوانة خلاص
ام فريد : خلينا نصبر شوية
عبير بتنهيدة : مااااشى
______
فريد : حبيبتى أنا عاوزك تكسبى امى واختى مش عاوزك تخسريهم وصدقينى هما طيبين جدا ولو قدرتى تكسبيهم هتلاقى كل ال عاوزاة بيتعملك بس بحب من غير مشاكل
ياسمين : واخسرهم ليه ، بس بلاش احس انى فى بيت عيلة والجو دة وهو أنا غلطانة لما قولت انى بحب اكل من ايد عبير وماما الحجة ، أنا مكنتش بقبل اى حاجة من أهل طليقى ، يبقه دى اخرتها بردو!!
فريد : لا انتى عندك حق خلاص واتعاملى انتى يا ستى وانتوا بنات مع بعض مش هدخل خلاص
ياسمين : صحيح فى مانع عندك اجيب بنتى بكرة وتعيش معانا
فريد : لا طبعا اهلا بيها هتنور
ياسمين : على فكرة بنتى دمها شربات وأوقات كتير كدة ماما هتبقى لوحدها ، ف بفكر اخليها معاها تسليها
فريد : مافيش مشكلة وعندك حق بدل ما تقعد لوحدها
ياسمين : بحبك اوى يا فريد
فريد : مش اكتر منى يا قلب فريد ، بصى تعالى اقولك حاجة سر ههههه
ياسمين : ههههه بس يا فريد هيسمعونا
__________
سامح : صباح الخير يا عروسة
منى : صباح الخير يا حبيبى ، هى الساعة كام ؟
سامح : ٨
منى : ٨ !!؟ طيب اى صحاك بدرى كدا ، احنا اصلا نايمين متأخر
سامح : مش أنا قولتلك عاوزك تطبعى بطباعى
منى باستغراب : يعنى ايه
سامح: أنا محبش اصحى ومراتى تكون لسه نايمة ، احب هى تسبقنى تاخد الشاور بتاعها وتلبس لبس حلو وتظبط نفسها وتدخل المطبخ على طول وقبل ما تخلص تيجى تصحينى نفطر
منى : ايوه بس احنا لسه اول يوم وفرحنا كان من كام ساعة وطبيعى ننام لحد العصر كمان وبعدين مطبخ ايه يا سامح دلوقتى وانا لسه عروسة
سامح : ممم وبعدين بقه هنخسع من اولها ولا ايه
منى : ههههه لا خلاص هقوم
سامح : ماشى هستناكى بره
_________
ام فريد : بسم الله الرحمن الرحيم رايحين فين بالليل كدا
فريد : احنا خارجين يا امى شوية،، هنسهر بره
ياسمين : تحبى يا ماما تيجى معانا
ام فريد : لا اجى فين هو أنا حمل هدت الحيل دى
فريد : طيب لو اتأخرنا متقلقيش علينا يا امى ، سلام
ام فريد : مع السلامة
ياسمين : نفسى اعمل شوبينج كتير وادخل سينما ونتعشا بره ومرجعش البيت غير ع النوم
فريد : ههههه عرفتى بقه أنا حبيتك ليه
ياسمين : ليه
فريد : حتى أمنياتك بسيطة جدا مفيهاش اى طمع أو استغلال ، يعنى ايه سينما ولا عشان ولا حتى شوبينج ال اصلا كلنا بنعملة ، يعنى مطلبتيش تسافرى بره أو تقضى شهر العسل فى اى فندق فايف ستارز
ياسمين : أنا يا فريد كفايه عليا اوى انك جوزى وانك بتحبنى من قلبك بجد
فريد : بحبك وبعشقك كمان
ياسمين : الله يا فريد بص الطقم ده تحفففه
فريد : عجبك
ياسمين : اوى اوى ، أنا عاوزة ارجع الشغل كل يوم ألبس طقم مختلف ، ماهو أنا مش متجوزة واحد اى كلام بردو ولا ايه ههههه
فريد : هههه هاتى كل ال عاوزاة يالا بينا ندخل نتفرج
________
منى : ايه دة انت نازل
سامح : اة مشوار ع السريع كدة هخلصة واجى
منى : مشوار النهاردة يا سامح
سامح : مش فاهم
منى : هتسيبنى وتنزل وانا لسه عروسة وبدل ما نقرب من بعض اكتر ، هتنزل !!؟
سامح : اممم طيب فاكرة لما قولتلك مبحبش مراتى تحاسبنى ولا تسألنى نازل ليه ولا اتأخرت ليه لان أنا الراجل ومينفعش مراتى توقفنى زى التلميذ قدامها تحاسبها
منى : لالا أنا مش بحاسبك أنا بس اتخضيت واستغربت انك هتنزل
سامح : يالا سلام مش هتأخر
منى : سلام
___________
ياسمين : ايه دة مين بيتصل بيك
فريد : دة ايمن بقالى يومين مبردش عليه
ياسمين : طب رد عليه
فريد : ماشى … الو يا باشا
ايمن : لا يا راجل انت لسه فاكر ترد
فريد : معلش يا باشا كنت مشغول شوية غصب عنى
ايمن : مشغول ف ايه بقه ان شاء الله
فريد : فى جوزاى
ياسمين بصوت عالى : هههههههه
ايمن باستغراب : ايه دة انت فى حد معاك
فريد: هههه مراتى طبعا
ايمن : مرااااتك !! بتتكلم بجد !!؟
فريد : انا عمرى هرجت ف حاجة كدا بذمتك
ايمن : انت اتجوزت يا فريد
فريد : اة الحمدلله امبارح
ايمن : من غير ما تعزمنى
فريد : كانت على الضيق علشان دى رغبه العروسة
ايمن : طيب عرفنى يا سيدى برسالة أو تليفون
فريد : معلش كل حاجة جت بسرعة
ايمن : ومين بقى سعيدة الحظ
فريد : دا سؤال ونبى اكيد طبعا ياسمين
ايمن : ياسمين 😳 هو محمود عرف بالخبر دة
ياسمين خدت الموبايل من ايد فريد : الو استاذ ايمن ايه رأيك ف المفاجأة دى ههههه
ايمن :
ياسمين: الو انت سامعنى
ايمن : الف مبروك
ياسمين : هنسيبك انت بقه تبلغ باقى الزملاء وهنيجى بكرة شغلنا ان شاء الله
ايمن : ممكن فريد بعد اذنك
فريد : معاك يا باشا
ايمن : مبروك يا فريد
فريد : الله يبارك فيك ، معلش هقفل عشان احنا حوالينا زحمة شوية
ايمن : لا ولا يهمك مع السلامة
____________
ايمن قفل مع فريد واتصل بمحمود يبلغة
محمود : ايوة يا ايمن
ايمن : انت نايم ولا ايه
محمود : لا مريح كدا
ايمن : طيب عندى خبر ليك
محمود : خير
ايمن : فريد اتجوز ياسمين امبارح
محمود : 😳😳😳😡 انت بتقول ايه
ايمن : زى ما بقولك كدا ، أنا لسه قافل مع فريد وهى كانت جنبة وسامع ضحكتها وقالولى ابلغ زمايلنا فالشغل
محمود : يا بنت ال …..
ايمن : فى ايه يا محمود هو حر انت ليه مضايق من البنت دى كدا
محمود : الصنف دا أنا عارفة وفريد مش وش الاشكال دى اسمع منى
ايمن : هو مش صغير ومدام مرتاح خلاص هو حر وربنا يوفقة
محمود : بكرة اثبتلك ان كلامى صح وكان معايا حق
ايمن : ربنا يخيب ظنك عشان فريد يستاهل حاجة كويسة
______
محمود قفل مع ايمن وحاسس أنه خد اكبر مقلب فى حياتة وأنه بدخول ياسمين ووجودها فالشركة هيخسر اعز أصحابه وهيخسر كل ال عملة طول السنين ال فاتت وقعد طول الليل يفكر ازاى يتصرف ويمشى ياسمين من الشركة خالص وتبقى بعيد عنه لأن اكيد لو كان هدفها جوزها من فريد بس ، مكنتش هتكمل شغل لكن أنها لسه مكملة فالشغل يبقى اكيد لسه ليها هدف تانى
________
تانى يوم فى الشركة
_______
ايمن : الف مبروك وحمد الله على السلامه
فريد : الله يبارك فيك يا ايمن
ياسمين : بالله يومين بس حاسه كأنى بعيده عن الشركة بقالى زمن
فريد : تعالى نروح لمحمود نسلم عليه
ايمن : استنى بس هو اكيد هيجيلك
فريد : يا عم هو فى بينا الكلام دة بردو ، تعالى يا ياسمين
ياسمين : طبعا نروح يالا يا فريد
فريد : ازيك يا برنس هههه ايه رأيك فى المفاجأة دى
محمود بغضب : داخل عليا وهى فى ايدك ولا كأنك عملت حاجة ولا حاسس بحاجة
فريد : فى ايه يا محمود
محمود : الشركة لو كانت مال سايب مكنتش هتغيب من دماغك كدا ومن غير ما تعرف حد ، حتى الاستاذة ال حضرتك اتوسطلها علشان تقبلها معانا فالشركة ، من ساعة لما جت وكل حاجة فى النازل ومكملتش اسبوع حضور على بعضة وبالرغم من كدا بتاخد مرتبها كامل
فريد : انت عاوز ايه
محمود : هى بقت مراتك خلاص ، مش كدا ؟
فريد : تمام
محمود : معلش أنا مقدرش اعمل استثناءات لحد لأنها قدامى زى باقى الموظفين ومع احترامى ليك يا فريد انت عارف أننا بتعامل كل موظفين الشركة بالمساواة فى كل حاجة وانا الحقيقة كدا مش محتاج الأستاذة فالشركة لعدم التزامها بالضوابط ومن ناحيه تانية وجودها مفارقش معانا فى حاجة ولا عرفت تضيف حاجة للشركة بل بالعكس
فريد : ارتحت كدا يعنى
ياسمين بغيظ : ضوابط ايه دى ال بتتكلم عليها وكل دا عمال تعملة علشان رفضت اسلوبك معايا فالكلام من اسبوع مش كدا
محمود بصدمة : انتى بتقولى ايه
فريد : قصدك ايه يا ياسمين
ياسمين : البيه ال عامل فيها صاحبك جالى المكتب من اسبوع وقعد يتكلم كلام مايع وف الاخر لما مقبلتش كلامه طردته من مكتبى ومن ساعتها وهو مستحلفلى وعلشان كدا خوفت منه وصممت اتجوزك يا فريد لان صاحبك بأن على حقيقته
محمود بغضب : 😡😡 أنا عملت كدا ، اااه يا كدابه يا ملعوونه
فريد : 😡😡😡 اخرس انت نسيت هى مين ولا ايه ، دى مرااااتى فاهم واهو دلوقتى فهمت كلامك معايا عليها كان ايه سببه
ايمن : فى ايه فى اييييه حصل ايييه يا جماعة الصوت عااالى جدااا
فريد : تعالى شوف حل اللغز اهو وكل حاجة بانت
محمود : انت اتجننت انت هتصدق واحده زى دى
فريد : للمرة الأخيرة بقولك اخرس واياك تغلط فيها والا هنشوف منى ال عمرك ما شوفته وعلشان تكمل تغور بالشركة وانا كمان مش هقعدلك فيها
ايمن : فريد فريد اهداااا بلاش تهور
ياسمين : طبعا كلة هيقولك انا السبب 😭😭 خلاص يا فريد خليك انت وانا همشى ، هو صاحبك بردو
فريد : ممكن مسمعش صوت وليا كلام معاكى تانى لانك خبيتى عليا تصرفات الاستاذ معاكى
محمود : تمام جدا برافوا عليكى عرفتى توقعى بينا ، تمام بس افتكر انى حذرتك
فريد : انصح نفسك يا دنجوان وقول لنفسك عيب .. ومحبش اشوفك فى طريقة تانى سلام
محمود : الباب ال يودى
ايمن : يا جماعة مش كدا ، فريد فريد طب استنى نتفاهم اكيد فى سوء تفاهم
محمود : رمى كل حاجة كانت قدامه بغيظ وفضل يشتم بأقذر الألفاظ فى ياسمين ودخل ايمن تانى عليه
ايمن : محمود انت فيك ايه وليه بتعمل كدا
محمود : عاوز اقعد لوحدى
ايمن : لو هى كدابة طيب ليه مدافعتش عن نفسك
محمود : بنت ال .. فاجئتنى حسيت انى اتلجمت
ايمن : انت خسرت فريد
محمود : هو ال خسرنى لانه صدق
ايمن : ماهو طبيعى يصدق لان رد فعلك كان ضعيف وهى كانت واثقة من نفسها جدا
محمود: بكره هيندم ندم عمره وهتشوف
ايمن : انت شاغل نفسك ليه بجوازهم يا محمود ، بصراحة فريد معاه حق عن اذنك
محمود : مع السلامة انت كمان وصدق براحتك
ايمن :
______
ياسمين : 😭😭
فريد : بتعيط ليه دلوقتى ما أنا خدتلك حقك اهو
ياسمين : خايفة تيجى فى يوم تقولى بسببك خسرت صاحبى
فريد : لا بالعكس انتى عرفتينى عليه من جديد وهفضل اشكرك طول عمرى
ياسمين : بجد يا فريد
فريد : بجد يا حبيبى
ياسمين : طيب شغلك كدا هتعمل ايه
فريد : متخافيش ،من بكره هنزل ادور على شغل وان شاء الله الاقى حاجة مناسبه
ياسمين : تفتكر ممكن يكلمك علشان ترجع تانى
فريد : أنا خلاص طردتة من حياتى ومش هرد عليه لو اتصل مهما عمل
ياسمين : يا حبيبى وانا فى ضهرك على طول
_________
بعد ٤ شهور
_______
منى : سامح انا تعبت من الشغل ونفسى اقعد
سامح : تقعدى ليه وبعدين تعتبر من ايه ماهو دا شغلك بتاع قبل الجواز ولا زى ما بيقولوا البنت تنزل شغل لحد ما تلاقى عريس وكأن الشغل خاطبه ههههه
منى بزعل : قصدك انى كنت بشتغل علشان ادور على عريس
سامح : هههه عندك تفسير تانى
منى : كل دا عشان قولتلك عاوزة اقعد من الشغل
سامح : تقدرى تقوليلي هتقعدى تعملى ايه
منى : عاوزة طفل منك يا سامح
سامح : اااااه قولتيلى ،بقه هى الحكايه كدا
منى : قصدك ايه
سامح : قصدى انى متفق معاكى من قبل جوازنا على كل صغيرة وكبيرة وانتى وافقت حصل ؟
منى : حصل بس حاسة زى اى زوجة انى نفسى اكون أم ويكون عندى طفل ويجى يضيف لينا جو حلو وبهجة و
سامح : وعياط وصريخ وقلة نوم وكل يومين عند الدكتور ومصاريف بامبرز ولبن وهدوم كل شوية عشان بيكبر وسنة ورا التانية مدرسة ودروس والتزامات والاقى نفسى حلوه ساقيه مش بتخلص وعايش مبعملش حاجة غير اوفر طلبات وعيل يجر عيل وابقى مديون لطوب الأرض ، يا شيخة هو فى حد عاقل يفكر كدة
منى : انت بتقول ايه
سامح : بصى احنا متفقين نأجل موضوع الخلفية دا على الأقل سنه والا هتخلينى أفقد الثقة فيكى ومقربش منك خالص لانك ممكن تنتهزى فرصة وتحملى وتحطينى قدام الأمر الواقع ولا تكونى فعلا حملتى وبتمهدى ليا ، لالاااا مش انا العبيط ال يضحك عليه أنا هنزل اجيبلك اختبار حمل حالا وهتأكد بنفسى
منى : أنا مش عارفة انت مستوعب الكلام
سامح : الزنى حدودك ف كلامك واياك تعملى حاجة احنا مش متفقين عليها والا هتندمى
منى : لا متخافش انت الحمدلله وصلتنى انى بترعب حتى اشرب من غير ما استأذن
سامح : دا الصح يا مدام تصبحى على خير وعقلك فى راسك وهنام فالاوضه التانية وهقفل الباب وحذارى تيجى ورايا
منى : طيب ليه يا سامح ما تنام هنا معايا
سامح : عارف أنا الخطة دى بس لا خلاص فهمتك
منى: خطة ايه انت فاهم غلط أنا جالى احساس معين فقولت افضفض معاك عادى
سامح : تفضفضى على حاجة واخدين قرار ومتفقين فيها .. أنا كلامى قولتة تصبحى على خير
_________
ام فريد : وبعدين يا فريد الحال كدا صعب يا ابنى ومعاش ابوك مش مكفى وبنت مراتك مصاريفها بردو مش قليلة
فريد : بدور على شغل تانى ، هحاول يا امى بس مافيش شغل بيجى بمرتب كويس والدنيا واقفة على الكل
عبير : طيب قول لمراتك تخلى ابو بنتها يبعت مصاريفها على الأقل
فريد بغضب : انتى مالك انتى بالموضوع دا هو حد طلب منك حاجة
عبير : أنا بكلمك فى الصح
ياسمين : صباح الخير.. أنا جعانه اوى اوعوا تكونوا فطرتوا
فريد : لا لسه
ياسمين : طيب يالا يا عبير لحسن جعانه والله
عبير باستغراب : اعمل ايه يعنى
ياسمين : الفطار
عبير : نعممم ليه هو انتى نازلة شغل بعد الشرر ولا حاجة
ياسمين : أنا ضيفه وبعدين عيب تكلمينى كدا أنا قولتلك عيب كذا مرة على الأقل احترمى انى مرات اخوكى الكبير
فريد : قومى يا عبير حضرى لينا كلنا الفطار
ام فريد : قومى يا حبيبتى عشان ليا كلمتين مع اخوكى ومراته
عبير بغيظ : حاضر
ام فريد : بص يا ابنى ، اى ام تحب تشوف ولادها مبسوطين فى حياتهم وهى كمان تعيش مرتاحة وبراحتها وانا يا ابنى عاوزة اعيش فى بيتى فى هدوء اكل جبنة النهاردة أو اصوم أو انام أو اصلى ابقى براحتى مش شايله هم حد وعقلى وبالى رايق ، وانت شقتك ينفع تعيشوا فيها والجزء ال فاضل مش هيأثر عليكوا فى حاجة وابقوا براحتوا بردو تدخلوا وأخرجوا زى ما انتوا عاوزين
ياسمين : انتى مش عاوزانا نعيش هنا ونمشى
ام فريد : عيشى مع جوزك وبنتك فى بيته يا بنتى ودى الأصول
فريد : انتى خلاص زهقتى مننا
ام فريد : أنا شايفة كل حاجة وساكته يمكن لما تبقوا مع بعض فى شقتكم الحال يتصلح علينا كلنا
ياسمين : والمصاريف
ام فريد : جوزك موجود
فريد : قومى يا ياسمين لمى هدومك
ياسمين : انت وافقت بالسهولة دى
ام فريد : انتى عايزاه يقوم يزعقلى فى بيتى
فريد : قولتلك قومى لمى حاجتك
ياسمين : ماشى لما نفطر لان حضرتك مش معاك فلوس تفطرنا وانا زهقت ومعايا بنت ليها متطلبات وال انت وعدتنى انك هتكفيها وزيادة وطبعا لما نمشى من هنا مش هنلاقى ناكل
فريد بضيق : حقك عليا أنا هحاول
ام فريد : لا اله الا الله
________
فريد : ايمن بيتصل
ياسمين : طيب شوف بسرعة يمكن يرجعوك الشغل
فريد : الو
ايمن : عامل ايه يا فريد
فريد : زفت
ايمن : سبحان الله
فريد : فى ايه
ايمن : تخيل ابن المحظوظة محمود لعب فى البورصة وكسب مبلغ كبير جدا ، دة غير أرباح الشركة وجاب حتت فيلا فالساحل وووهم يا فريد ، خدتى رحت شوفتها مكنتش عاوز امشى من جمال المكان
فريد : معلش هقفل معاك عشان نازل مشوار
ايمن : ماشى سلام
______
ياسمين : قالك ايه
فريد : بيقولى على الافندى محمود كسب فلوس كتير واشترى فيلا فالساحل وعجباه اوى
ياسمين بتركيز : فيلا مرة واحدة ، معنى كدة أنه معاة مش اقل من ٣ او٤ مليون 🤔
فريد : هو ناصح من زمان فالحته دى
ياسمين : كنت اتعلمت منه
فريد بضيق : ياسمين متخلنيش اندم انى بتكلم معاكى وتقولى كلام مستفز
ياسمين : انا هقوم احضر الشنط أنا خلاص اقتنعت أننا لازم نمشى فعلا 👌
فريد : سبحان الله.. ماشى
____________
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية نبضات في السحاب)
